Rom 3
3
Korowii ɛ kasinteŋ te
1Dɛ kenii a do aa, dɛ ɛrɛ ɡwaalaa ya Juu tena ɡwaa he nɛra haa wola Juu tena ɛɛ yɔ? Dɛ bɔkwa tɔnɔɔ lɔ ya penteŋa ta nɔ? 2Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.
3Amɔ dɛ ya bini bane ta Korowii yaradae yaa, wɛɛ koh a waa ásɛ o waa aa yaradaa dɔ aa? 4Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ,
“He wobol ɛɛ baɡloo kɛŋɔ he dɔ kasinteŋ,
hɛɛ dɛɛ di bole he waa taa.”
5Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ! 6Kɛ ɡɛ laa a do. Dɛ Korowii waa ta toɡraa, ɛrɛɛ wɛɛ ba ɛɛ dɛ te won bol nɛwɛnyini waa dɛ́ pa bole ɔ? 7Nomɛl ɡee pɛɛroo ŋɔ, “Aah dɛ a cheɡɛ n nyosone ta asɛ nɛra na kɛŋɔ Korowii dɔ kasinteŋ, o dɔ sɔn aa, dɛ n nyosone la ɛ wechɔɡa ja aa?” 8Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.
Nomɛlbwa toole o waa toɡre
9Taraken nɔ, ŋwɛnɛ besoo taa ya Juu tena ɡwaa he nɛra haa wola Juu tena ɛɛ yɔ? Ya ta heyaa ɡwaalɛ. N fa baɡlɔ kɛŋɔ ya Juu tena ne he nɛra haa wola Juu tena ɛɛ la, ya bwa ɛ wechɔɡ-ɛɛra. 10Anee Korowii Tɔn la ŋɔ la. O baɡlɔ ŋɔ,
“Nomɛlbwa toole dɛ ɛ nɛndɛɛɡe
o wa ɛɛ su Korowii siwi.
Nɛmbeŋkpoŋ kwaraa toole.#Yel 14:1-3
11Nomɛlbwa toole dɛ jemɛ wa,
nomɛlbwa toole dɛɛ nyin o Korowii bɔr dɛ́ tomɔ.
12Nomɛlbwa berɛ habɔɔ kpoo,
nɛndɛɛɡe bɛlbwa toole ba bini,
Bɛlbwa toole dɛɛ ɛ wedɛɛɡa,
nɛmbeŋkpoŋ kwaraa toole.
13Ba nyoa wobol doŋo, a sɔɔh
nyosone ɡboo ba bwa.
A do kɛ domkpuli aa choɡe nɛn,
dɛ berɛ do kɛ tɛɡchɔɡa aa dɛ kpo ken. #Yel 5:9; 140:3
14Wobochɔɡa ɡboo su ba nyoo.#Yel 10:7
15Ba ɡbaŋre nɛŋkpoa waa ta.#Sɛɡ 1:16#Aes 59:7-8
16Bobɛlbwa baa dɛ la la, waa ɡboo baa chɔɡ,
dɛɛ ɛ nɛra hɔhɔrɔwa.
17Waa aa ɡela nɛn bambile ɛɛ
sɔɔhno la te, baa an jemɛ.
18Baa Korowii ɡe ɔmɛ.”#Yel 36:1
19Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole. 20Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.#Job 9:2#Gal 2:16
Yarada taa a che nɛn waa won toɡre
21Korowii ɡelɔ ya jemɛ ŋwɛnɛ la ta aa cheɡa ya wa ɛɛ su o siwi. Mmara ta teŋa ta laa a che. Mosis Mmara la ne Korowii keamere tɔne di danseɛ ɡɛ ŋwɛnɛ nɔ ta. 22Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be. 23Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ. 24Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la. 25Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile. 26Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.
27Aa do ɡɛ nɔ, ya dɔ ŋwɛnɛ kɛŋɔ ya ta nyoa aa? Ya ta ŋwɛnɛ dɔe. Ɛrɛ taa a che yaa wola won ta nyoa nɔɔ? Mmara ta teŋa ta laa a che. Yeesu Kristo yaradae laanee tɔ ɡɛ waa nɔ bwa ŋwɛnɛ, 28dɛkalkɛŋɔ ya sɛoh kɛŋɔ Yeesu Kristo yaradae taa a che Korowii ɡel nɛn ɛ nɛndɛɛɡe o wa ɛɛ su o siwi. Mmara ta teŋa aa ɡelɛ nɛn ɛɛ ɛ nɛndɛɛɡe o wa ɛɛ su Korowii siwi bwa. 29Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le. 30Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi. 31Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.
Currently Selected:
Rom 3: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Rom 3
3
Korowii ɛ kasinteŋ te
1Dɛ kenii a do aa, dɛ ɛrɛ ɡwaalaa ya Juu tena ɡwaa he nɛra haa wola Juu tena ɛɛ yɔ? Dɛ bɔkwa tɔnɔɔ lɔ ya penteŋa ta nɔ? 2Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.
3Amɔ dɛ ya bini bane ta Korowii yaradae yaa, wɛɛ koh a waa ásɛ o waa aa yaradaa dɔ aa? 4Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ,
“He wobol ɛɛ baɡloo kɛŋɔ he dɔ kasinteŋ,
hɛɛ dɛɛ di bole he waa taa.”
5Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ! 6Kɛ ɡɛ laa a do. Dɛ Korowii waa ta toɡraa, ɛrɛɛ wɛɛ ba ɛɛ dɛ te won bol nɛwɛnyini waa dɛ́ pa bole ɔ? 7Nomɛl ɡee pɛɛroo ŋɔ, “Aah dɛ a cheɡɛ n nyosone ta asɛ nɛra na kɛŋɔ Korowii dɔ kasinteŋ, o dɔ sɔn aa, dɛ n nyosone la ɛ wechɔɡa ja aa?” 8Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.
Nomɛlbwa toole o waa toɡre
9Taraken nɔ, ŋwɛnɛ besoo taa ya Juu tena ɡwaa he nɛra haa wola Juu tena ɛɛ yɔ? Ya ta heyaa ɡwaalɛ. N fa baɡlɔ kɛŋɔ ya Juu tena ne he nɛra haa wola Juu tena ɛɛ la, ya bwa ɛ wechɔɡ-ɛɛra. 10Anee Korowii Tɔn la ŋɔ la. O baɡlɔ ŋɔ,
“Nomɛlbwa toole dɛ ɛ nɛndɛɛɡe
o wa ɛɛ su Korowii siwi.
Nɛmbeŋkpoŋ kwaraa toole.#Yel 14:1-3
11Nomɛlbwa toole dɛ jemɛ wa,
nomɛlbwa toole dɛɛ nyin o Korowii bɔr dɛ́ tomɔ.
12Nomɛlbwa berɛ habɔɔ kpoo,
nɛndɛɛɡe bɛlbwa toole ba bini,
Bɛlbwa toole dɛɛ ɛ wedɛɛɡa,
nɛmbeŋkpoŋ kwaraa toole.
13Ba nyoa wobol doŋo, a sɔɔh
nyosone ɡboo ba bwa.
A do kɛ domkpuli aa choɡe nɛn,
dɛ berɛ do kɛ tɛɡchɔɡa aa dɛ kpo ken. #Yel 5:9; 140:3
14Wobochɔɡa ɡboo su ba nyoo.#Yel 10:7
15Ba ɡbaŋre nɛŋkpoa waa ta.#Sɛɡ 1:16#Aes 59:7-8
16Bobɛlbwa baa dɛ la la, waa ɡboo baa chɔɡ,
dɛɛ ɛ nɛra hɔhɔrɔwa.
17Waa aa ɡela nɛn bambile ɛɛ
sɔɔhno la te, baa an jemɛ.
18Baa Korowii ɡe ɔmɛ.”#Yel 36:1
19Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole. 20Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.#Job 9:2#Gal 2:16
Yarada taa a che nɛn waa won toɡre
21Korowii ɡelɔ ya jemɛ ŋwɛnɛ la ta aa cheɡa ya wa ɛɛ su o siwi. Mmara ta teŋa ta laa a che. Mosis Mmara la ne Korowii keamere tɔne di danseɛ ɡɛ ŋwɛnɛ nɔ ta. 22Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be. 23Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ. 24Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la. 25Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile. 26Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.
27Aa do ɡɛ nɔ, ya dɔ ŋwɛnɛ kɛŋɔ ya ta nyoa aa? Ya ta ŋwɛnɛ dɔe. Ɛrɛ taa a che yaa wola won ta nyoa nɔɔ? Mmara ta teŋa ta laa a che. Yeesu Kristo yaradae laanee tɔ ɡɛ waa nɔ bwa ŋwɛnɛ, 28dɛkalkɛŋɔ ya sɛoh kɛŋɔ Yeesu Kristo yaradae taa a che Korowii ɡel nɛn ɛ nɛndɛɛɡe o wa ɛɛ su o siwi. Mmara ta teŋa aa ɡelɛ nɛn ɛɛ ɛ nɛndɛɛɡe o wa ɛɛ su Korowii siwi bwa. 29Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le. 30Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi. 31Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.