Wepila 5
5
Pebie bɛl ne tɔn baa marɛ o nyoa pila wa
1Asɛ n nyiŋi dɛ na kɛŋɔ naate waa soɡe kookara la ta la kpoŋe tɔn bɛl o nɔndiɡ ta. Tɔn la sie ne habɔɔ bwa taa ba chwerɛ, dɛ ɡuɡru, dɛ marɔ kera anuanɛ.#Aes 29:11 2N na nyundua torome bokpeɡa te bɛl wɛɛ bol waa takpeɡ ne ŋɔ, “Umee ń dɔ ó laa kwaa baa kpɔa marɛ tɔn la kera anuanɛ la swe, dɛ́ pilu wɔ?” 3Dɛ nomɛlbwa toole nyundua ne harɛ nɔ ta, ne nɛra baa serewa kwaraa bini dɛ́ won pili tɔn la, á ba ɛ kɛŋɔ wɛɛ nyiŋi o binii. 4Anomanta, n wio kohona, dɛkalkɛŋɔ ba ta nomɛlbwa nae o chɛ kɛŋɔ ó pili tɔn la dɛ́ nyiŋi o bini. 5Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le.#Wep 22:16 Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”
6Belaa n nyiŋi dɛ na pebie bɛl waa cheɡɛ baah ta, kookara la bɔr, hweera kwaa la ne nomonome la baro. O le pee baa kpoo. O le nyeɡlare anuanɛ dɛ dɔ sibie ɡe anuanɛ. Sibie la cheɡɔ tɛ Korowii Domare anuanɛ la waa toma a la harɛ nɔ bwa ta la.#Aes 53:7; Jɔn 1:29 7Pebie la kaa laa tɔn la lɛ naate waa soɡe kookara la ta la nɔndiɡ ta. 8Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa. 9Ba ɡo yelfale bɛl ŋɔ,
“He chɛ tɔn la kpɔe
dɛ́ swe o nyoa kwaa la,
dɛkalkɛŋɔ ba fa kpoe, asɛ he kpɔ he chal
yawɛ nɛra tɛ Korowii dɛ le wobol te bɛlbwa nɛra
baa lɔ harɛ nɔ ta bobɛlbwa,
10dɛ ɡel ba ɛ N Naa Korowii Kora nɛra,
ne o sɔfore dɛɛ tomɔ,
dɛ́ ba di kora harɛ nɔ bwa ta.”
11N nyiŋo dɛ no kɛ bobɛlbwa dɛ ɡbɔɡre, dɛkalkɛŋɔ dɛ nyundua toroma warɔ taeh, dɛ ba bar kookara la ne hweera kwaa ne nomonome la bwa dɛ cheme. Ba lɔ kaɡboŋa kaɡboŋa maa wola ba nyoa jemɛ,#Dan 7:9-10 12dɛ bwa pɛ bol takpeɡ ne ŋɔ,
“Pebie la ba fa aa kpoo la, onee dɔ kpeɡri
ne kondɔɔh ne wejema dɛ bokpeɡa,
onee chɛ duure ne jirima ne kpɛɛra.”
13Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ,
“Naate waa soɡe kookara la ta la ne Pebie la
chɛ kpɛɛra ne duure ne jirima,
dɛ dɔ kpeɡri bwa saŋ bɛlbwa dɛɛ la.”
14Hweera kwaa anaarɛ la sio ŋɔ, “Aamen,” asɛ nomonome la ɡe ɡuŋi harɛ dɛ duuru.
Currently Selected:
Wepila 5: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Wepila 5
5
Pebie bɛl ne tɔn baa marɛ o nyoa pila wa
1Asɛ n nyiŋi dɛ na kɛŋɔ naate waa soɡe kookara la ta la kpoŋe tɔn bɛl o nɔndiɡ ta. Tɔn la sie ne habɔɔ bwa taa ba chwerɛ, dɛ ɡuɡru, dɛ marɔ kera anuanɛ.#Aes 29:11 2N na nyundua torome bokpeɡa te bɛl wɛɛ bol waa takpeɡ ne ŋɔ, “Umee ń dɔ ó laa kwaa baa kpɔa marɛ tɔn la kera anuanɛ la swe, dɛ́ pilu wɔ?” 3Dɛ nomɛlbwa toole nyundua ne harɛ nɔ ta, ne nɛra baa serewa kwaraa bini dɛ́ won pili tɔn la, á ba ɛ kɛŋɔ wɛɛ nyiŋi o binii. 4Anomanta, n wio kohona, dɛkalkɛŋɔ ba ta nomɛlbwa nae o chɛ kɛŋɔ ó pili tɔn la dɛ́ nyiŋi o bini. 5Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le.#Wep 22:16 Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”
6Belaa n nyiŋi dɛ na pebie bɛl waa cheɡɛ baah ta, kookara la bɔr, hweera kwaa la ne nomonome la baro. O le pee baa kpoo. O le nyeɡlare anuanɛ dɛ dɔ sibie ɡe anuanɛ. Sibie la cheɡɔ tɛ Korowii Domare anuanɛ la waa toma a la harɛ nɔ bwa ta la.#Aes 53:7; Jɔn 1:29 7Pebie la kaa laa tɔn la lɛ naate waa soɡe kookara la ta la nɔndiɡ ta. 8Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa. 9Ba ɡo yelfale bɛl ŋɔ,
“He chɛ tɔn la kpɔe
dɛ́ swe o nyoa kwaa la,
dɛkalkɛŋɔ ba fa kpoe, asɛ he kpɔ he chal
yawɛ nɛra tɛ Korowii dɛ le wobol te bɛlbwa nɛra
baa lɔ harɛ nɔ ta bobɛlbwa,
10dɛ ɡel ba ɛ N Naa Korowii Kora nɛra,
ne o sɔfore dɛɛ tomɔ,
dɛ́ ba di kora harɛ nɔ bwa ta.”
11N nyiŋo dɛ no kɛ bobɛlbwa dɛ ɡbɔɡre, dɛkalkɛŋɔ dɛ nyundua toroma warɔ taeh, dɛ ba bar kookara la ne hweera kwaa ne nomonome la bwa dɛ cheme. Ba lɔ kaɡboŋa kaɡboŋa maa wola ba nyoa jemɛ,#Dan 7:9-10 12dɛ bwa pɛ bol takpeɡ ne ŋɔ,
“Pebie la ba fa aa kpoo la, onee dɔ kpeɡri
ne kondɔɔh ne wejema dɛ bokpeɡa,
onee chɛ duure ne jirima ne kpɛɛra.”
13Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ,
“Naate waa soɡe kookara la ta la ne Pebie la
chɛ kpɛɛra ne duure ne jirima,
dɛ dɔ kpeɡri bwa saŋ bɛlbwa dɛɛ la.”
14Hweera kwaa anaarɛ la sio ŋɔ, “Aamen,” asɛ nomonome la ɡe ɡuŋi harɛ dɛ duuru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.