Wepila 22
22
Nee bɛl waa dɔ mkpa dɛ do ɡereŋ wa
1Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,#Yel 46:4#Ɛse 47:1-12 2dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela. 3Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ, 4dɛ́ɛ nao, ásɛ o sɔn ɡe dawɛ ba tili ta. 5Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.
Yeesu bala wa
6Belaa nyundua torome la ŋɔ n be ŋɔ, “Waa nɔ ɛ kpela, nyosone bɛlbwa toole a ta. N Naa Korowii o fa aa ir keamere nɛɛ la, onee tom mɛ ásɛ n ba baɡle waa aa dɛ ba ɛɛ taraken la, ásɛ o bonɔɔna ne toli jemɛ.”
7Yeesu ŋɔ, “Hɛ́ɛ no! N dɛ ba taraken. Nomɛlbwa waa lawɛ waa nɔ aa lɔ tɔn nɔ bini, dɛɛ baɡle waa aa dɛ ba bala kerekere la bini kpoŋe la na som.”
8Men Jɔn, menee no waa nɔ dɛ naa. Maa noa dɛ naa la, n ɡuŋi nyundua torome waa baɡ mɛ waa nɔ la sie, dɛ fee ŋɔ ń duuru, 9asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”
10O ŋɔ n be ŋɔ, “Bɛ waa aa dɛ ba bala kerekere dɛ do tɔn nɔ bini kpɔ sɔh. Ka baɡla, dɛkalkɛŋɔ tɔpere la telo tonɛ kɛŋɔ waa nɔ bwa ba ɛ. 11Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”
12Yeesu bolɔ ŋɔ, “Hɛ́ɛ no bonɔ! N dɛ ba taraken. N dɛ ba kembɔr maa dɛ ba nɛra tɛɛ la ne. Gɛ nomɛlbwa toma aa doa laanee mɛɛ ba on kem bɔe. 13Menee komɛlbwa Sitɔɔ, menee a Muŋkaa. Menee wobɛlbwa Mumpar ne a Jaɡa.
14Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta. 15Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.
16Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men.#Wep 5:5 Menee Chɔmbibi Wewee waa dɛ chaah kɛrɛdɛ la.”
17Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.
18N dɛ kah nomɛlbwa waa no waa nɔ aa lɔ tɔn nɔ bini dɛɛ baɡle waa aa dɛ ba bala kerekere la kɛŋɔ, dɛ nomɛlbwa kpɔ waane ja a ta naa, Korowii ɛɛ kpɔ wahala maa baɡle a waa tɔn nɔ bini laanee ta o nɛ. 19Dɛ nomɛlbwa laa waa aa dɛ ba bala kerekere nɔ bini ane tamaa bɛlbwa kpɔ a ta naa, Korowii aa on mkpa daa maa baɡle o waa tɔn nɔ bini la nɔnaa tɛ ó di. Waa on bɔree tɛ o bwɛjen waa do ɡoroŋ la maa baɡle o waa la ta.
20Naate waa ɛ waa nɔ bwa danseɛ la ŋɔ, “Kpelaa, n dɛ ba taraken!”
Aamen. N Dɔɔ Yeesu, ba warane!
21Yá Dɔɔ Yeesu cha he bwa sekwaraa haa ɛ Korowii nɛra la. Aamen.
Currently Selected:
Wepila 22: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Wepila 22
22
Nee bɛl waa dɔ mkpa dɛ do ɡereŋ wa
1Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,#Yel 46:4#Ɛse 47:1-12 2dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela. 3Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ, 4dɛ́ɛ nao, ásɛ o sɔn ɡe dawɛ ba tili ta. 5Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.
Yeesu bala wa
6Belaa nyundua torome la ŋɔ n be ŋɔ, “Waa nɔ ɛ kpela, nyosone bɛlbwa toole a ta. N Naa Korowii o fa aa ir keamere nɛɛ la, onee tom mɛ ásɛ n ba baɡle waa aa dɛ ba ɛɛ taraken la, ásɛ o bonɔɔna ne toli jemɛ.”
7Yeesu ŋɔ, “Hɛ́ɛ no! N dɛ ba taraken. Nomɛlbwa waa lawɛ waa nɔ aa lɔ tɔn nɔ bini, dɛɛ baɡle waa aa dɛ ba bala kerekere la bini kpoŋe la na som.”
8Men Jɔn, menee no waa nɔ dɛ naa. Maa noa dɛ naa la, n ɡuŋi nyundua torome waa baɡ mɛ waa nɔ la sie, dɛ fee ŋɔ ń duuru, 9asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”
10O ŋɔ n be ŋɔ, “Bɛ waa aa dɛ ba bala kerekere dɛ do tɔn nɔ bini kpɔ sɔh. Ka baɡla, dɛkalkɛŋɔ tɔpere la telo tonɛ kɛŋɔ waa nɔ bwa ba ɛ. 11Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”
12Yeesu bolɔ ŋɔ, “Hɛ́ɛ no bonɔ! N dɛ ba taraken. N dɛ ba kembɔr maa dɛ ba nɛra tɛɛ la ne. Gɛ nomɛlbwa toma aa doa laanee mɛɛ ba on kem bɔe. 13Menee komɛlbwa Sitɔɔ, menee a Muŋkaa. Menee wobɛlbwa Mumpar ne a Jaɡa.
14Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta. 15Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.
16Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men.#Wep 5:5 Menee Chɔmbibi Wewee waa dɛ chaah kɛrɛdɛ la.”
17Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.
18N dɛ kah nomɛlbwa waa no waa nɔ aa lɔ tɔn nɔ bini dɛɛ baɡle waa aa dɛ ba bala kerekere la kɛŋɔ, dɛ nomɛlbwa kpɔ waane ja a ta naa, Korowii ɛɛ kpɔ wahala maa baɡle a waa tɔn nɔ bini laanee ta o nɛ. 19Dɛ nomɛlbwa laa waa aa dɛ ba bala kerekere nɔ bini ane tamaa bɛlbwa kpɔ a ta naa, Korowii aa on mkpa daa maa baɡle o waa tɔn nɔ bini la nɔnaa tɛ ó di. Waa on bɔree tɛ o bwɛjen waa do ɡoroŋ la maa baɡle o waa la ta.
20Naate waa ɛ waa nɔ bwa danseɛ la ŋɔ, “Kpelaa, n dɛ ba taraken!”
Aamen. N Dɔɔ Yeesu, ba warane!
21Yá Dɔɔ Yeesu cha he bwa sekwaraa haa ɛ Korowii nɛra la. Aamen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.