Wepila 20
20
Bene kaɡboŋ wa
1Belaa n berɛ na nyundua torome bɛl o le nyundua dɛɛ tu. Waa dɛ tu la, dɛ o kpoŋe Bɔnsam Bɔluŋ la safoa ne jɔɡrɔjen bɛl. 2O kaa lawɛ kontuuɡi damanta o fa aa ɛ harɛkon ya jemɛ o waa le mumpar la, baa yerɔ Baradeɛre Te kɛɛ Bɔnsam la. O kpɔ jɔɡrɔre la vɔrɔwo bil bene kaɡboŋ,#Mum 3:1 3dɛ kpɔɔ ka ta Bɔnsam Bɔluŋ la bini, dɛ laa tɔ, dɛ karɔ kiŋkiŋ o bɛ nɛra baa lɔ harɛ ta neɡre ka tel kɛŋɔ bene kaɡboŋ la aa tela. Dɛ tɔpere la telaa, baa puruu o le tama.
4N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ. 5Lala seo ta ira loɡlee ɡɛ. Banɔ la baa kaa baa wola ire la te, nemenɛ bene kaɡboŋ la tel mɔɔ bá ir. 6Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.
Bɔnsam bwɛɛlɛ
7Dɛ bene kaɡboŋ la telaa, baa pur Bɔnsamee dɛ́ yao ta. 8O leɔ waa, wɛɛ ba neɡre nɛra baa lɔ harɛ nɔ ta bobɛlbwaa, Gɔɡ tena ne Maɡɔɡ tena, dɛ́ pona ba, bá warɛ kɛŋɔ mpo nyoa hɛŋle ken, dɛ́ kpɔ ba yo laa.#Ɛse 38:2 9N na ba ba wur ba tɔ harɛ bwa, dɛ bar bwɛjen Korowii aa dɛ nyinu o nɛra do o ta la. Asɛ nii le nyundua, dɛ ba le ba nɛɛ dɛ fuh ba bwa kwaraa. 10Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.
Nɛra baa serewa waa bola dɛ́ pa bole wa
11N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.#Dan 7:9-10 12Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole. 13Nɛra baa ka mpo ta la leɔ, asɛ nɛra baa sewɛ seo bwa soo siwi la ɡe le, asɛ Korowii che ɡɛ ba fa aa ɛa ta, dɛ bol ba waa dɛ pa bole. 14Belaa ba kpɔ seo ne Lalabwɛɛ bwa ta nidamanta aa yɛɛra chɔ kɛŋɔ moo la ta. Gɛ nii nɔɔ seo nɛɛte la. 15Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.#Wep 13:8
Currently Selected:
Wepila 20: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Wepila 20
20
Bene kaɡboŋ wa
1Belaa n berɛ na nyundua torome bɛl o le nyundua dɛɛ tu. Waa dɛ tu la, dɛ o kpoŋe Bɔnsam Bɔluŋ la safoa ne jɔɡrɔjen bɛl. 2O kaa lawɛ kontuuɡi damanta o fa aa ɛ harɛkon ya jemɛ o waa le mumpar la, baa yerɔ Baradeɛre Te kɛɛ Bɔnsam la. O kpɔ jɔɡrɔre la vɔrɔwo bil bene kaɡboŋ,#Mum 3:1 3dɛ kpɔɔ ka ta Bɔnsam Bɔluŋ la bini, dɛ laa tɔ, dɛ karɔ kiŋkiŋ o bɛ nɛra baa lɔ harɛ ta neɡre ka tel kɛŋɔ bene kaɡboŋ la aa tela. Dɛ tɔpere la telaa, baa puruu o le tama.
4N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ. 5Lala seo ta ira loɡlee ɡɛ. Banɔ la baa kaa baa wola ire la te, nemenɛ bene kaɡboŋ la tel mɔɔ bá ir. 6Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.
Bɔnsam bwɛɛlɛ
7Dɛ bene kaɡboŋ la telaa, baa pur Bɔnsamee dɛ́ yao ta. 8O leɔ waa, wɛɛ ba neɡre nɛra baa lɔ harɛ nɔ ta bobɛlbwaa, Gɔɡ tena ne Maɡɔɡ tena, dɛ́ pona ba, bá warɛ kɛŋɔ mpo nyoa hɛŋle ken, dɛ́ kpɔ ba yo laa.#Ɛse 38:2 9N na ba ba wur ba tɔ harɛ bwa, dɛ bar bwɛjen Korowii aa dɛ nyinu o nɛra do o ta la. Asɛ nii le nyundua, dɛ ba le ba nɛɛ dɛ fuh ba bwa kwaraa. 10Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.
Nɛra baa serewa waa bola dɛ́ pa bole wa
11N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.#Dan 7:9-10 12Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole. 13Nɛra baa ka mpo ta la leɔ, asɛ nɛra baa sewɛ seo bwa soo siwi la ɡe le, asɛ Korowii che ɡɛ ba fa aa ɛa ta, dɛ bol ba waa dɛ pa bole. 14Belaa ba kpɔ seo ne Lalabwɛɛ bwa ta nidamanta aa yɛɛra chɔ kɛŋɔ moo la ta. Gɛ nii nɔɔ seo nɛɛte la. 15Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.#Wep 13:8
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.