Wepila 10
10
Nyundua torome ne tɔnjeɡa bɛl wa
1Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.#Dan 10:6 2O dɔ tɔnjeɡa bɛl waa pila do o nɔn ta, dɛ kpɔ o nadiɡ do mpo ta, o naɡal ɡe che baŋ, 3dɛ si kpeɡri nɛɛ kɛŋɔ nyujente yon dɛɛ si la. Waa sia la, bwaala kɔra anuanɛ la ɡe sɛoh. 4Bwaala kɔra la aa dɛ bol waa la, n fe dɛ nyin n chwerɛ, dɛ berɛ no taa bɛl nyundua o ŋɔ, “Gel waa bwaala kɔra anuanɛ la aa bola la do he ɡbo nyu bini. Gel a chwera!”
5Asɛ n berɛ na nyundua torome la n fa aa nao o naa bɛl do mpo ta, bɛl ɡe che baŋ la aa tɛr o nɔndiɡ pa nyundua, 6dɛ ŋwɛɛ Korowii waa lole saŋ bɛlbwa dɛ ta nyundua ne harɛ ne kwa aa lɔ a ta bwa, dɛ ta mpo ne kwa aa lɔ o ɡe ta la, dɛ ŋɔ, “Aa biɡri kpa. 7Nyundua torome nuanɛte la bɛla la hoeh saŋee Korowii wesɔɔhla waa baɡle o bonɔɔna baa ɛ o keamere la bwa ɛɛ ba ɛɛ tonɛ.”
8N berɛ no taa la waa le nyundua dɛ bol waa n be la. O ŋɔ, “La ka lɛ tɔn la waa pila dɛ do nyundua torome la o naa bɛl aa lɔ mpo ta, bɛl che baŋ la nɔn ta.”#Ɛse 3:1-4
9N la o be dɛ ŋɔ ó kpɔ tɔnjeɡa la tɛ mɛ. O ŋɔ, “Lɛ dɛ́ chwe. Wɛɛ do somee kɛŋɔ tooh ken he nyoa bini, dɛ́ berɛ do kpeli he tea bini o ɛɛ haŋŋ ken.”#Jer 15:16 10Asɛ n lɛ tɔnjeɡa la le o nɔn ta, dɛ kpɔ chwe, o do som n nyoa bini kɛŋɔ tooh ken. Maa lilo la, o berɔ do kpeli n tea bini o ɛɛ mɛ haŋŋ ken. 11Anee ba ŋɔ n be ŋɔ, “A chɛ kɛŋɔ hé baɡle waa aa dɛ ba nɛndamanta baa lɔ harɛre bwa ta ne wobol bwa soo siwi dɛ koranar bwa ɛɛ kerekere la ja.”
Currently Selected:
Wepila 10: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Wepila 10
10
Nyundua torome ne tɔnjeɡa bɛl wa
1Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.#Dan 10:6 2O dɔ tɔnjeɡa bɛl waa pila do o nɔn ta, dɛ kpɔ o nadiɡ do mpo ta, o naɡal ɡe che baŋ, 3dɛ si kpeɡri nɛɛ kɛŋɔ nyujente yon dɛɛ si la. Waa sia la, bwaala kɔra anuanɛ la ɡe sɛoh. 4Bwaala kɔra la aa dɛ bol waa la, n fe dɛ nyin n chwerɛ, dɛ berɛ no taa bɛl nyundua o ŋɔ, “Gel waa bwaala kɔra anuanɛ la aa bola la do he ɡbo nyu bini. Gel a chwera!”
5Asɛ n berɛ na nyundua torome la n fa aa nao o naa bɛl do mpo ta, bɛl ɡe che baŋ la aa tɛr o nɔndiɡ pa nyundua, 6dɛ ŋwɛɛ Korowii waa lole saŋ bɛlbwa dɛ ta nyundua ne harɛ ne kwa aa lɔ a ta bwa, dɛ ta mpo ne kwa aa lɔ o ɡe ta la, dɛ ŋɔ, “Aa biɡri kpa. 7Nyundua torome nuanɛte la bɛla la hoeh saŋee Korowii wesɔɔhla waa baɡle o bonɔɔna baa ɛ o keamere la bwa ɛɛ ba ɛɛ tonɛ.”
8N berɛ no taa la waa le nyundua dɛ bol waa n be la. O ŋɔ, “La ka lɛ tɔn la waa pila dɛ do nyundua torome la o naa bɛl aa lɔ mpo ta, bɛl che baŋ la nɔn ta.”#Ɛse 3:1-4
9N la o be dɛ ŋɔ ó kpɔ tɔnjeɡa la tɛ mɛ. O ŋɔ, “Lɛ dɛ́ chwe. Wɛɛ do somee kɛŋɔ tooh ken he nyoa bini, dɛ́ berɛ do kpeli he tea bini o ɛɛ haŋŋ ken.”#Jer 15:16 10Asɛ n lɛ tɔnjeɡa la le o nɔn ta, dɛ kpɔ chwe, o do som n nyoa bini kɛŋɔ tooh ken. Maa lilo la, o berɔ do kpeli n tea bini o ɛɛ mɛ haŋŋ ken. 11Anee ba ŋɔ n be ŋɔ, “A chɛ kɛŋɔ hé baɡle waa aa dɛ ba nɛndamanta baa lɔ harɛre bwa ta ne wobol bwa soo siwi dɛ koranar bwa ɛɛ kerekere la ja.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.