Yela 76
76
Korowii pɔ o dɔma nɛ
Asaf yel
1Nɛra baa lɔ Juda
harɛ ta jemɛ Korowii,
hale Israel harɛ ta tena
dɛ́ bol ŋɔ Korowii sɔn kan.
2Jerusalamee o bwɛ,
o so Saayɔn Bwejen doa.
3Belaa o kuuɡi o dɔma hɛma,
ne kwaa baa kpɔa
dɛɛ tɔ ɡbemɡbe ne keri,
dɛ dɔmkwaa bwa soo siwi.
4N Naa Korowii,
he jirima kan,
he kpɔ le bwejena
haa yo he dɔma,
dɛ pɔ ba nɛɛ a ta la dor.
5Ba lɛ dɔmkwaa bwa
aa lɔ ba banyoola be,
asɛ ba serewe chɔ.
Ba kpeɡri ne ba wejema
bwa ɛ wepuu.
6Korowii Jekɔb aa dɛ tomɛ,
haa aah ba la,
ba jaɡre ne nɛra baa soɡe
a ta bwa serewɔ.
7N Naa Korowii, he ɡbosoo
nɛra bwa ɛɛ ɔmɛ,
he baah diu waa,
nomɛlbwa aa won che
he sie.
8Nyundua he che bol
nɛra waa dɛɛ pa bole,
asɛ harɛ nɔ ta nɛra ɔmɛ
dɛ hel jeih ken,
9ɡɛ saŋ haa ira che
dɛ́ pa nɛra bole dɛ́ lɛ nɛra
baa dɛ fiɡ ba harɛ nɔ ta la.
10Kasinteŋ, he baah
di nɛra nɛ aa,
a ɡelɔ baa kpɛɛre.
Banɔ la baa le he bandia
nyoa la,
ba dɛ nyiŋi ba te kɛrɛdɛ.
11Hé kpɔ kwaa haa baɡɛ
Korowii haa dɛ tomɔ
nyoa la ba tɛo.
Harɛre nɛra haa bɛna bwa,
hé kpɔ koŋkɛɛla ba tɛo,
onee chɛ kɛ nɛra bwa ɛɛ
ɔmɛ.
12O dɛ sɔɔh
koranar bambikpeɡ nyoa,
koranar baa lɔ harɛ nɔ ta
bwa dɛ ɔmɔ.
Currently Selected:
Yela 76: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 76
76
Korowii pɔ o dɔma nɛ
Asaf yel
1Nɛra baa lɔ Juda
harɛ ta jemɛ Korowii,
hale Israel harɛ ta tena
dɛ́ bol ŋɔ Korowii sɔn kan.
2Jerusalamee o bwɛ,
o so Saayɔn Bwejen doa.
3Belaa o kuuɡi o dɔma hɛma,
ne kwaa baa kpɔa
dɛɛ tɔ ɡbemɡbe ne keri,
dɛ dɔmkwaa bwa soo siwi.
4N Naa Korowii,
he jirima kan,
he kpɔ le bwejena
haa yo he dɔma,
dɛ pɔ ba nɛɛ a ta la dor.
5Ba lɛ dɔmkwaa bwa
aa lɔ ba banyoola be,
asɛ ba serewe chɔ.
Ba kpeɡri ne ba wejema
bwa ɛ wepuu.
6Korowii Jekɔb aa dɛ tomɛ,
haa aah ba la,
ba jaɡre ne nɛra baa soɡe
a ta bwa serewɔ.
7N Naa Korowii, he ɡbosoo
nɛra bwa ɛɛ ɔmɛ,
he baah diu waa,
nomɛlbwa aa won che
he sie.
8Nyundua he che bol
nɛra waa dɛɛ pa bole,
asɛ harɛ nɔ ta nɛra ɔmɛ
dɛ hel jeih ken,
9ɡɛ saŋ haa ira che
dɛ́ pa nɛra bole dɛ́ lɛ nɛra
baa dɛ fiɡ ba harɛ nɔ ta la.
10Kasinteŋ, he baah
di nɛra nɛ aa,
a ɡelɔ baa kpɛɛre.
Banɔ la baa le he bandia
nyoa la,
ba dɛ nyiŋi ba te kɛrɛdɛ.
11Hé kpɔ kwaa haa baɡɛ
Korowii haa dɛ tomɔ
nyoa la ba tɛo.
Harɛre nɛra haa bɛna bwa,
hé kpɔ koŋkɛɛla ba tɛo,
onee chɛ kɛ nɛra bwa ɛɛ
ɔmɛ.
12O dɛ sɔɔh
koranar bambikpeɡ nyoa,
koranar baa lɔ harɛ nɔ ta
bwa dɛ ɔmɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.