Yela 66
66
Korowii kpɛɛra ne o jaama
Yelɡoɡoo bɛl yel
1Nɛra haa lɔ harɛ nɔ ta,
hé ɡo silɛɛ yela kpɛɛ
Korowii!
2Hé ɡo yela kpɛɛ o sɔn
waa dɔ jirima la,
hé duuru dɛ́ kpɔ jirima tɛo.
3Hé ŋɔ Korowii be ŋɔ,
“He we-ɛɛla dɔ nyokpoa,
he kpeɡri haa dɔa ɡe
do kan kohona a ɡel he
dɔma kpɔ ɔmee
baa ɡuŋi he sie.
4Harɛre nɛra bwa dɛ tomɛ,
dɛ ɡo yela dɛɛ kpɛɛre,
ba ɡo yela
dɛɛ kpɛɛ he sɔn.”
5Hé ba, dɛ́ ba na
waa Korowii aa ɛa,
nyokpowe-ɛɛla waa koh
nɛwɛnyina waa dɛ ɛ.
6Onee ɡela mpo hweeh,
harɛpɛɛ hol chɔ,
ya naawa valɛ kpɔ o ta le.#Kaa 14:21; Jos 3:14-16
Belaa ya sie lɛ,
waa Korowii aa ɛa wa.
7O cheɡɛ o kpeɡri ta
dɛɛ di kora saŋ bɛlbwa.
O sie lɔ harɛ nɔ ta nɛra
bwa nɛ,
deŋnekpeɡ tena bɛ habɔɔ
berɛ kpoo.
8Harɛ nɔ ta nɛra bwa,
hé kpɛɛ Korowii
yaa dɛ tomɔ,
hé ɡel baa no kpɛɛra
haa dɛ kpɛɛro la bobɛlbwa.
9O nyiŋi ya nɛɛ ya ta so le,
o ta ɡelɛ ya lɔ naa
dɛ chole.
10N Naa Korowii,
he daah yaa na
kɛŋɔ ba yon kpɔ suuɡapoŋ
do nii ta,
dɛ laa o doŋa bɛlbwa
kpɔ o ta la ken.
11He ɡelɔ ya le bel
haa harɛ yaa ta,
dɛ kpɔ bontɔɡa dawɛ ya nɛ.
12He ɡelɔ ya dɔma pɔ ya nɛ,
ya na wahala kɛŋɔ nii ne
nee aa chɔɡ
nɛra kwaa ken, kɛ taraken,
he berɔ kpɔ yaa
ba harɛ o taa soma ta.
13Mɛɛ kpɔ saraha kwaa
baa fuah ba tɛɛ he Dea,
dɛ́ chuɡri n nyobaɡa
maa baɡɛ la.
14Mɛɛ kpɔ kwaa maa
baɡɛ nyoa n wenaale
saŋ laanee ba tɛɛ.
15Mɛɛ kpoo peeraa
bá fuh ɛ saraha
he saraha kon la ta,
dɛ́ lawɛ pebala ne nabala
dɛ boohna ba tɛɛ,
ásɛ a ninchuu la tɛr dɛɛ
kaa nyundua.
16Hé ba, dɛ́ ba no, he nɛra
haa dɛ tomɛ Korowii,
ásɛ n baɡle waa waa ɛa tɛ
mɛ.
17N wio noo ŋɔ ó cha mɛ,
asɛ dɛ ɡo kpɛɛra yela tɛo.
18Dɛ n vɛh n wechɔɡa bola aa,
Korowii fe ta n be noɛ.
19Kasinteŋ, Korowii no n
wesoŋa,
o no n wii maa wia noo la.
20Korowiirii dɔ jam,
dɛkalkɛ o ta n wesoŋa
vɛɛh,
kɛɛ dɛ berɛ habɔɔ kpo mɛ,
o nyina aa wola jaɡa dɔe
ne.
Currently Selected:
Yela 66: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 66
66
Korowii kpɛɛra ne o jaama
Yelɡoɡoo bɛl yel
1Nɛra haa lɔ harɛ nɔ ta,
hé ɡo silɛɛ yela kpɛɛ
Korowii!
2Hé ɡo yela kpɛɛ o sɔn
waa dɔ jirima la,
hé duuru dɛ́ kpɔ jirima tɛo.
3Hé ŋɔ Korowii be ŋɔ,
“He we-ɛɛla dɔ nyokpoa,
he kpeɡri haa dɔa ɡe
do kan kohona a ɡel he
dɔma kpɔ ɔmee
baa ɡuŋi he sie.
4Harɛre nɛra bwa dɛ tomɛ,
dɛ ɡo yela dɛɛ kpɛɛre,
ba ɡo yela
dɛɛ kpɛɛ he sɔn.”
5Hé ba, dɛ́ ba na
waa Korowii aa ɛa,
nyokpowe-ɛɛla waa koh
nɛwɛnyina waa dɛ ɛ.
6Onee ɡela mpo hweeh,
harɛpɛɛ hol chɔ,
ya naawa valɛ kpɔ o ta le.#Kaa 14:21; Jos 3:14-16
Belaa ya sie lɛ,
waa Korowii aa ɛa wa.
7O cheɡɛ o kpeɡri ta
dɛɛ di kora saŋ bɛlbwa.
O sie lɔ harɛ nɔ ta nɛra
bwa nɛ,
deŋnekpeɡ tena bɛ habɔɔ
berɛ kpoo.
8Harɛ nɔ ta nɛra bwa,
hé kpɛɛ Korowii
yaa dɛ tomɔ,
hé ɡel baa no kpɛɛra
haa dɛ kpɛɛro la bobɛlbwa.
9O nyiŋi ya nɛɛ ya ta so le,
o ta ɡelɛ ya lɔ naa
dɛ chole.
10N Naa Korowii,
he daah yaa na
kɛŋɔ ba yon kpɔ suuɡapoŋ
do nii ta,
dɛ laa o doŋa bɛlbwa
kpɔ o ta la ken.
11He ɡelɔ ya le bel
haa harɛ yaa ta,
dɛ kpɔ bontɔɡa dawɛ ya nɛ.
12He ɡelɔ ya dɔma pɔ ya nɛ,
ya na wahala kɛŋɔ nii ne
nee aa chɔɡ
nɛra kwaa ken, kɛ taraken,
he berɔ kpɔ yaa
ba harɛ o taa soma ta.
13Mɛɛ kpɔ saraha kwaa
baa fuah ba tɛɛ he Dea,
dɛ́ chuɡri n nyobaɡa
maa baɡɛ la.
14Mɛɛ kpɔ kwaa maa
baɡɛ nyoa n wenaale
saŋ laanee ba tɛɛ.
15Mɛɛ kpoo peeraa
bá fuh ɛ saraha
he saraha kon la ta,
dɛ́ lawɛ pebala ne nabala
dɛ boohna ba tɛɛ,
ásɛ a ninchuu la tɛr dɛɛ
kaa nyundua.
16Hé ba, dɛ́ ba no, he nɛra
haa dɛ tomɛ Korowii,
ásɛ n baɡle waa waa ɛa tɛ
mɛ.
17N wio noo ŋɔ ó cha mɛ,
asɛ dɛ ɡo kpɛɛra yela tɛo.
18Dɛ n vɛh n wechɔɡa bola aa,
Korowii fe ta n be noɛ.
19Kasinteŋ, Korowii no n
wesoŋa,
o no n wii maa wia noo la.
20Korowiirii dɔ jam,
dɛkalkɛ o ta n wesoŋa
vɛɛh,
kɛɛ dɛ berɛ habɔɔ kpo mɛ,
o nyina aa wola jaɡa dɔe
ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.