Yela 61
61
Nɔn kpɔe dɛ́ tɔ nɛn nɛɛ wesoŋa
Kooro Devid yel
1N Naa Korowii, no n wii,
no n wesoŋa!
2N lɔ bojaŋ harɛ jaɡa,
dɛ di suna wi dɛɛ noe!
Laɡ mɛ kaa bela
maa ka dɔ n nyu,
3dɛkalkɛ henee kpɔ nɔn
dɛɛ tɔ n nɛ,
dɛ do kɛ danjwɛkpeɡ
n dɔma sie.
4Gel n so he Dea bela
saŋ bɛlbwa dɛɛ la,
laɡ mɛ sɔh he lɔɡa,
kɛŋɔ jal yon lawɛ o bii
do o kena lɔɡre la.
5N Naa Korowii, he no
nyoa maa baɡɛ la,
dɛ tɛ mɛ kwaa haa kpɔa
dɛɛ tɛ nɛra baa dɛ tomɛ.
6Kpɔ tɔpera ja kooro mkpa ta,
dɛ́ ɡel o wobɛlbwa do wer
dɛɛ tɛo, ka tel o naanar
baa ka ba bwa bini.
7N Naa Korowii, ɡel ó so
he sie di kora dɛɛ la,
dɛ́ kpɔ he nyina aa wola
jaɡa dɔe,
ne he kasinteŋ haa dɔa
tɔ o nɛ.
8Anee dɛ́ ɡel n ɡo yela
kpɛɛ he sɔn saŋ bɛlbwa,
dɛɛ chuɡri n nyobaɡa
tɔpere bɛlbwa.
Currently Selected:
Yela 61: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
