Yela 59
59
Nɔn kpɔe dɛ́ tɔ nɛn nɛɛ wesoŋa
Kooro Devid yel
1N Naa Korowii,
lɛɛ mɛ le n dɔma nɔn ta,
kpɔ nɔn tɔ n nɛɛ le
nɛra baa cheɡɛ n nɛɛ
nɔn ta.
2Lɛɛ mɛ le wechɔɡ-ɛɛra
nɔn ta,
banɔ la baa dɛ kpoo nɛra
la.
3Na ɡɛ baa kaa sɔh dɛɛ kpaah
mɛ!
Nɛnchɔɡa dɛ vɔrɔwe
n vɔrɔwa, kɛ dɛ n ta
wechɔɡa bɛlbwa ɛɛ.
4N ta wechɔɡa bɛlbwa ɛɛ,
kɛ ba ɡe ɡarɛ dɛɛ nyin
dɛ́ yoo mɛ.
N Naa Korowii,
ir nyu ne,
dɛ́ cha mɛ n waa nɔ ta.
5Korowii waa ɛ Koronar Bwa
Kooro, Israel tena
aa dɛ tomɛ,
ir nyu ne, dɛ́ ba tɛr nɛra
baa wola hen tomɛ la
deŋne, bɛ dɔma
baa ɛ nyubinikpeɡ tena
la nɛɛ sune.
6Ba yon berɛ ba jɔmɔra,
dɛ nyee nyena kɛŋɔ
nyootena ken,
dɛɛ bɛɛ bwɛjen la
fɔɡbaahna.
7No chɛɡa ne waa aa dɛ le ba
nyoo,
ba nyondoŋa do kɛ keri
ken,
kɛ dɛ ɡee lii kɛŋɔ
nomɛlbwa aa ba be no.
8Kɛ hen n Naa Korowii te,
he dɛ mam ba,
he dɛ di nɛra
baa wola hen tomɛ la loro.
9N Naa Korowii haa ɛ n
Kpeɡnɛn,
he do kɛŋɔ danjwɛkpeɡ
n chwa baa marɛ.
10Korowii maa dɛ tomɛ,
he dɛ nyin n wa,
hɛɛ ba n bee dɛ́ ɡel n na
n dɔma chola.
11Korowii haa dɛ tɔ yaa
ɡbemɡbe,
bɛ ban kpoo,
ɡɛ laa aa, n nɛra ɛɛ ba
sooh.
Che he kpeɡri ta dɛ́ lɔ ba
peɡre, dɛ́ pɔ ba nɛ,
dɛ́ sɔɔh ba nyoa.
12Wechɔɡa su ba nyoo,
che ba nyoa wobol ta
dɛ́ ɡel ba laɡ ba ba
mbarafo baa dɛ ɛ ta.
Koh nyosone ne taahna
baa dɛ taah nɛra la wa,
13dɛ́ chɔɡ ba he bandia ne,
ka tel kɛŋɔ ba bwa aa tona.
Ásɛ nɛra baa lɔ harɛ jaɡa bwa
jemɛ kɛŋɔ hen Korowii,
he dɛ di kora Israel tena nɛ.
14Ba yon berɛ ba jɔmɔra,
dɛ nyee nyena kɛŋɔ
nyootena ken,
dɛɛ bɛɛ bwɛjen la
fɔɡbaahna.
15Ba dɛ ɡaaɡe dɛɛ nyin
kondikwa, ba ta vaɡrɛ aa,
ba yon dɛɛ
ŋoo kɛŋɔ nyootena ken.
16Mɛɛ ɡo yelaa kpɛɛre
he kpeɡri la wa,
ásɛ chɔɔ bɛlbwa ɡe n ɡo
yela kpɛɛre he nyina
aa wola jaɡa dɔe la wa,
dɛkalkɛ he do kɛŋɔ
danjwɛkpeɡ,
waa puu mɛ naa,
ń chwa baa marɛ.
17N Naa Korowii
haa ɛ n Kpeɡnɛn,
mɛɛ ɡo yelaa kpɛɛre,
he do kɛŋɔ danjwɛkpeɡ
n chwa baa marɛ,
N Naa Korowii, henee dɛɛ
nyin n wa.
Currently Selected:
Yela 59: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 59
59
Nɔn kpɔe dɛ́ tɔ nɛn nɛɛ wesoŋa
Kooro Devid yel
1N Naa Korowii,
lɛɛ mɛ le n dɔma nɔn ta,
kpɔ nɔn tɔ n nɛɛ le
nɛra baa cheɡɛ n nɛɛ
nɔn ta.
2Lɛɛ mɛ le wechɔɡ-ɛɛra
nɔn ta,
banɔ la baa dɛ kpoo nɛra
la.
3Na ɡɛ baa kaa sɔh dɛɛ kpaah
mɛ!
Nɛnchɔɡa dɛ vɔrɔwe
n vɔrɔwa, kɛ dɛ n ta
wechɔɡa bɛlbwa ɛɛ.
4N ta wechɔɡa bɛlbwa ɛɛ,
kɛ ba ɡe ɡarɛ dɛɛ nyin
dɛ́ yoo mɛ.
N Naa Korowii,
ir nyu ne,
dɛ́ cha mɛ n waa nɔ ta.
5Korowii waa ɛ Koronar Bwa
Kooro, Israel tena
aa dɛ tomɛ,
ir nyu ne, dɛ́ ba tɛr nɛra
baa wola hen tomɛ la
deŋne, bɛ dɔma
baa ɛ nyubinikpeɡ tena
la nɛɛ sune.
6Ba yon berɛ ba jɔmɔra,
dɛ nyee nyena kɛŋɔ
nyootena ken,
dɛɛ bɛɛ bwɛjen la
fɔɡbaahna.
7No chɛɡa ne waa aa dɛ le ba
nyoo,
ba nyondoŋa do kɛ keri
ken,
kɛ dɛ ɡee lii kɛŋɔ
nomɛlbwa aa ba be no.
8Kɛ hen n Naa Korowii te,
he dɛ mam ba,
he dɛ di nɛra
baa wola hen tomɛ la loro.
9N Naa Korowii haa ɛ n
Kpeɡnɛn,
he do kɛŋɔ danjwɛkpeɡ
n chwa baa marɛ.
10Korowii maa dɛ tomɛ,
he dɛ nyin n wa,
hɛɛ ba n bee dɛ́ ɡel n na
n dɔma chola.
11Korowii haa dɛ tɔ yaa
ɡbemɡbe,
bɛ ban kpoo,
ɡɛ laa aa, n nɛra ɛɛ ba
sooh.
Che he kpeɡri ta dɛ́ lɔ ba
peɡre, dɛ́ pɔ ba nɛ,
dɛ́ sɔɔh ba nyoa.
12Wechɔɡa su ba nyoo,
che ba nyoa wobol ta
dɛ́ ɡel ba laɡ ba ba
mbarafo baa dɛ ɛ ta.
Koh nyosone ne taahna
baa dɛ taah nɛra la wa,
13dɛ́ chɔɡ ba he bandia ne,
ka tel kɛŋɔ ba bwa aa tona.
Ásɛ nɛra baa lɔ harɛ jaɡa bwa
jemɛ kɛŋɔ hen Korowii,
he dɛ di kora Israel tena nɛ.
14Ba yon berɛ ba jɔmɔra,
dɛ nyee nyena kɛŋɔ
nyootena ken,
dɛɛ bɛɛ bwɛjen la
fɔɡbaahna.
15Ba dɛ ɡaaɡe dɛɛ nyin
kondikwa, ba ta vaɡrɛ aa,
ba yon dɛɛ
ŋoo kɛŋɔ nyootena ken.
16Mɛɛ ɡo yelaa kpɛɛre
he kpeɡri la wa,
ásɛ chɔɔ bɛlbwa ɡe n ɡo
yela kpɛɛre he nyina
aa wola jaɡa dɔe la wa,
dɛkalkɛ he do kɛŋɔ
danjwɛkpeɡ,
waa puu mɛ naa,
ń chwa baa marɛ.
17N Naa Korowii
haa ɛ n Kpeɡnɛn,
mɛɛ ɡo yelaa kpɛɛre,
he do kɛŋɔ danjwɛkpeɡ
n chwa baa marɛ,
N Naa Korowii, henee dɛɛ
nyin n wa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.