Yela 139
139
Korowii wejema ne nɔn kpɔe dɛ́ tɔ nɛra nɛ
Kooro Devid yel
1N Naa Korowii,
he pese mɛ kɛrɛdɛ,
dɛ jemɛ n wobɛlbwa.
2He jemɛ n harɛ soɡa
ne n ira dɛ che bwa bini,
n ne he baah jaŋne
kwaraa naa,
he jemɛ n nyu bini liire
bwa.
3Dɛ n chɔɔ kɛɛ n iro
dɛ valɛ dɛɛ kaa laa,
he te jemɛ anɔ la
maa dɛ ɛ bwa.
4Mɔɔ n pili nyoa dɛ́ bol waa la,
dɛ he jemɛ waa
maa bol bwa.
5He lɔ n sie dɛ do n habɔɔ,
dɛ kpɔ nɔn dɛɛ tɔ n nɛɛ
he kpeɡri ne.
6Gɛ haa jemɛ n waa la
kpo n nyoa kohona,
maa wone dɛɛ no a mun.#Rom 11:33
7Leperaa n kpɔ
haa wola men na nɔ?
Ɛrɛɛ mɛɛ ba wona chwa
le he sie nɔ?
8N la nyundua aa,
he lɔ bela, n kaa
chɔ lalabwɛɛ kwaraa naa,
he lɔ bela.
9N iro kaa bojaŋ
wee leebɔr,
kɛɛ dɛ ka so bojaŋ
wee cholibɔr kwaraa naa,
10he lɔ bela dɛ tɔ n sie
he kpeɡri ne dɛɛ cha mɛ.
11N ŋɔ ń ka sɔh
biro ta ó tɔ n nɛ,
kɛɛ bɔr waa chaahna
bar mɛ la bir tɔ n nɛ,
kɛŋɔ jwaana aa,
12biro ta komɛl waa
won tɔ waa ta he be,
jwaana do kɛŋɔ
webaŋa he be,
dɛkalkɛ biro ne bochaah
bwa beŋkpoŋ.
13Henee ta n bwa,
dɛ ta mɛ pɛ n nya tea bini.
14N dɛ kpɛɛre,
he we-ɛɛla haa cheɡɛ a ta
dɛ ta mɛ la bwa ɔma,
dɛ dɔ nyokpoa kohona.
N jemɛ a bwa kɛrɛdɛ ken.
15Haa ta n hoɡa
dɛɛ pɛ kɛrɛdɛ ken
n nya tea bini n sɔh bela
dɛɛ kpeɡ la,
dɛ he jemɛ n wa.
16He na ɡɛ maa doa
mɔɔ ba lol mɛ.
He chwerɛ tɔpera maa
di harɛ ta do he
tɔn bini mɔɔ
a bɛlbwa pa mun.#Yel 56:8
17N Naa Korowii,
he liire kan
maa wola won jemɛ!
A kan, a ɡwaa n liire!
18N ŋɔ n kura aa,
a ɡwaa mpo nyoa hɛŋle.
N chɔɔ dɛ har kwaraa naa,
n ne henee ta.
19N Naa Korowii,
n dɛ nyin kɛ he fe aa
kpoo nyubinikpeɡ tena!
N dɛ nyin nɛra baa dɛ
kpoo nɛra fee ɡel mɛ,
ásɛ n bwara sɔɔh mɛ.
20Ba dɛ bol he bwara wechɔɡe,
dɛ bol waa dɛɛ chɔɡ
he sɔn.
21N Naa Korowii,
n hah nɛra baa haeh!
N kii nɛra ba deŋne
aa kpeɡa baa jo he nɛ!
22N hah ba kɛrɛdɛ,
dɛ kpɔ ba ɛ n dɔma.
23N Naa Korowii,
pese mɛ kɛrɛdɛ,
dɛ́ jemɛ n liire,
daah mɛ na,
dɛ́ jemɛ n nyu bini.
24Nyiŋi dɛ na
kɛ wechɔɡa ane lɔ n bini,
dɛɛ tɔ n sie ŋwɛnɛdɛɛɡe ta,
saŋ bɛlbwa.
Currently Selected:
Yela 139: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 139
139
Korowii wejema ne nɔn kpɔe dɛ́ tɔ nɛra nɛ
Kooro Devid yel
1N Naa Korowii,
he pese mɛ kɛrɛdɛ,
dɛ jemɛ n wobɛlbwa.
2He jemɛ n harɛ soɡa
ne n ira dɛ che bwa bini,
n ne he baah jaŋne
kwaraa naa,
he jemɛ n nyu bini liire
bwa.
3Dɛ n chɔɔ kɛɛ n iro
dɛ valɛ dɛɛ kaa laa,
he te jemɛ anɔ la
maa dɛ ɛ bwa.
4Mɔɔ n pili nyoa dɛ́ bol waa la,
dɛ he jemɛ waa
maa bol bwa.
5He lɔ n sie dɛ do n habɔɔ,
dɛ kpɔ nɔn dɛɛ tɔ n nɛɛ
he kpeɡri ne.
6Gɛ haa jemɛ n waa la
kpo n nyoa kohona,
maa wone dɛɛ no a mun.#Rom 11:33
7Leperaa n kpɔ
haa wola men na nɔ?
Ɛrɛɛ mɛɛ ba wona chwa
le he sie nɔ?
8N la nyundua aa,
he lɔ bela, n kaa
chɔ lalabwɛɛ kwaraa naa,
he lɔ bela.
9N iro kaa bojaŋ
wee leebɔr,
kɛɛ dɛ ka so bojaŋ
wee cholibɔr kwaraa naa,
10he lɔ bela dɛ tɔ n sie
he kpeɡri ne dɛɛ cha mɛ.
11N ŋɔ ń ka sɔh
biro ta ó tɔ n nɛ,
kɛɛ bɔr waa chaahna
bar mɛ la bir tɔ n nɛ,
kɛŋɔ jwaana aa,
12biro ta komɛl waa
won tɔ waa ta he be,
jwaana do kɛŋɔ
webaŋa he be,
dɛkalkɛ biro ne bochaah
bwa beŋkpoŋ.
13Henee ta n bwa,
dɛ ta mɛ pɛ n nya tea bini.
14N dɛ kpɛɛre,
he we-ɛɛla haa cheɡɛ a ta
dɛ ta mɛ la bwa ɔma,
dɛ dɔ nyokpoa kohona.
N jemɛ a bwa kɛrɛdɛ ken.
15Haa ta n hoɡa
dɛɛ pɛ kɛrɛdɛ ken
n nya tea bini n sɔh bela
dɛɛ kpeɡ la,
dɛ he jemɛ n wa.
16He na ɡɛ maa doa
mɔɔ ba lol mɛ.
He chwerɛ tɔpera maa
di harɛ ta do he
tɔn bini mɔɔ
a bɛlbwa pa mun.#Yel 56:8
17N Naa Korowii,
he liire kan
maa wola won jemɛ!
A kan, a ɡwaa n liire!
18N ŋɔ n kura aa,
a ɡwaa mpo nyoa hɛŋle.
N chɔɔ dɛ har kwaraa naa,
n ne henee ta.
19N Naa Korowii,
n dɛ nyin kɛ he fe aa
kpoo nyubinikpeɡ tena!
N dɛ nyin nɛra baa dɛ
kpoo nɛra fee ɡel mɛ,
ásɛ n bwara sɔɔh mɛ.
20Ba dɛ bol he bwara wechɔɡe,
dɛ bol waa dɛɛ chɔɡ
he sɔn.
21N Naa Korowii,
n hah nɛra baa haeh!
N kii nɛra ba deŋne
aa kpeɡa baa jo he nɛ!
22N hah ba kɛrɛdɛ,
dɛ kpɔ ba ɛ n dɔma.
23N Naa Korowii,
pese mɛ kɛrɛdɛ,
dɛ́ jemɛ n liire,
daah mɛ na,
dɛ́ jemɛ n nyu bini.
24Nyiŋi dɛ na
kɛ wechɔɡa ane lɔ n bini,
dɛɛ tɔ n sie ŋwɛnɛdɛɛɡe ta,
saŋ bɛlbwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.