Yela 103
103
Korowii nyina wa
Kooro Devid yel
1N dɛ kpɛɛ Korowii
n bambile bwa ne!
N kpɔ n bwadabii bwa
dɛɛ kpɛɛ o sɔn
waa do ɡoroŋ la!
2N dɛ kpɛɛ Korowii
n bambile bwa ne,
maa o wedɛɛɡa la waa soh.
3O kpɔ n wechɔɡa bwa
dɛɛ kɛ mɛ,
dɛɛ chah n weela ɡe bwa.#Mak 2:5-12
4O lɛɛ mɛ dɛɛ le seo nyoa,
dɛɛ swee mɛ andɛɛɡa
o nyina ne tedoma
waa dɔa tɛ mɛ ne.
5O dɛ tɛ mɛ n konnyina
n soɡa bini bwa,
a ɡel n berɛ bonɔɔ dɛ do
kpeɡri kɛŋɔ kee ken.
6Korowii bol nɛra baa
dɛ fiɡ ba waa dɛɛ tɛɛ ba,
dɛ ɡel baa dɔ waa
aa chɛ kɛŋɔ bá dɔ.
7O kpɔ o waa baɡle Mosis,
dɛ ɡel Israel tena na
o wejena waa dɛ ɛ.
8Nɛra waa dɛ domɛ
Korowii tea
wɛɛ sune ba nɛ,
o baah aa di warawara,
o nyina ɡe ta jaɡa dɔe bwa.
9Waa teŋɛ dɛɛ pwah yaa,
o baah diu waa,
o dɛ sɔɔh warane.
10Waa ya deŋne tɛr
ɡɛ aa chɛa, kɛɛ dɛɛ bɔ
yaa ya wechɔɡa kem.
11Gɛ harɛ ne nyundua baah
aa do jaŋa la,
ɡɛɛ o nyina do kan
nɛra baa dɛ ɔmɔ la nɛ.
12Gɛ wee leebɔr
ne wee cholibɔr
baah aa jaŋa la,
ɡɛɛ ya ne wechɔɡa waa laa
kpɔ ya nɛɛ la baah
do jaŋne.
13Gɛ mɛɛ yon dɔ tedoma
o bii nɛɛ la,
ɡɛɛ Korowii tea ɛɛ domɔ
nɛra baa dɛ ɔmɔ nɛ,#Mal 3:17
14dɛkalkɛ o jemɛ ɡɛ yaa doa,
o dɛ lii kɛŋɔ teera nee
o ma yaa.
15Kɛ nɛwɛnyina bwa
do kɛ kpɔɡa,
ba mkpa ɡe do kɛŋɔ
kpɔɡa fee,
kpɔɡa dɛ sewɛ
a fee ɡe ɛɛ lee,
16kɛ dɛ peu tao waa,
a bwa dɛ hol o kaa a ne,
bɛlbwa aa an na kpa.
17Nɛra baa dɛ ɔmɛ Korowii
la te,
o nyina lɔ ba nɛɛ
saŋ bɛlbwa dɛɛ la,
asɛ dɛɛ ɛ ba bii
ne ba naanar andɛɛɡa
saŋ bɛlbwa dɛɛ la.
18Banee nɛra baa dɛ teŋɛ fɔo
o ne baa fɔwa ta,
dɛ lii dɛɛ teŋɛ o
Mmarare ta kasinteŋ ne la.
19Korowii kpɔ o
kookara cheɡ nyundua,
dɛɛ di kora
harɛ nɔ nɛra bwa nɛ.
20Nyundua toroma haa
kana dɛ do kpeɡri,
heyaa dɛɛ teŋɛ
o Mmarare ta,
hé kpɛɛ Korowii.
21Korowii dɔm haa wara
dɛ do o be nyundua,
hé kpɛɛro.
22Korowii kontaala bwa,
hé kpɛɛro bela bwa
waa dɛ di kora.
N dɛ kpɛɛ Korowii
n bambile bwa ne.
Currently Selected:
Yela 103: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
