Felepae 4
4
1Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.
Jae wa
2N dɛ soŋe Yoodia ne Sentiki kɛŋɔ bá kwaa ba baah dɛ́ ɛ beŋkpoŋ pɛɛ ya ne ya Dɔɔ aa pɛa la ta. 3N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.#Luk 10:20
4Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ. 5Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ. 6He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.#Mat 6:25-32 7Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.#Aes 26:3
8Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta. 9Wobɛlbwa haa hwela dɛ dɔ le n be, kɛɛ dɛ no dɛ na mɛɛ ɛ la, hé ɡee ɛ ɡɛ ásɛ Korowii waa dɛ tɛ nɛra bambisɔn la ja he nɛ.
Koŋkɛɛla ane jaama wa
10N sie lɛo kohona pɛɛ ya ne ya Dɔɔ aa pɛa nɔ ta, dɛkalkɛŋɔ he berɔ kwaa dɛɛ do n liire dɛ́ cha mɛ taraken. He fa cha mɛ ka. A ta ɛɛ kɛŋɔ haa berɛ dɛɛ lii n waa kpa. Kɛ bɔree he fa aa wola dɔe dɛ́ nyiŋ mɛ. 11N ta ŋɔe ŋɔ n nyao. Akai. N wono hweli wobɛlbwa maa lɔ a ta n soɡa bini a man mɛ, n sie lɛ a ta. 12Dɛ n nyao waa, n jemɛ ɡɛ maa so. N berɔ dɔ ɡe aa, n jemɛ a ɡe ɡba soɡa. N hweli wobɛlbwa a man mɛ. Kondikwaa lole n di dɛ vaɡoo, kondikwaa toole n chɔ lɔr oo, n dɔɔ kohona kɛɛ nyae n nya oo, n won a bɛlbwa kpoŋa. 13N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.
14Kɛ haa kpɔ n waa berɛ he bwa wa, dɛ cha mɛ n wahala ta la, he ɛ kɛrɛdɛ. 15He ɡba jemɔ kɛŋɔ ɡɛ saŋ maa ba he be Makidoonia harɛ loɡle la dɛ bol Amanesoma la dɛɛ tɛ heyaa asɛ dɛ kpɔ bela dɛɛ kaa la, asɔre tena baa lɔ bwɛɛre la ta la bɛlbwa ta men chae. He Felepae tena ɡboo koh toma maa ɛa he bini la waa dɛ cha mɛ suuɡa ne.#2Kɔ 11:9 16Hale n fa aa lɔ Tesalonika la, he fa wono ha mɛ kwaa aa hiah mɛ. Kerabeŋkpoŋ kwara laa. 17Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi. 18N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs#Fel 2:25 be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi. 19N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.#Yel 23:1 20Hɛ́ɛ tɛ N Naa Korowii jirima saŋ bɛlbwa. Aamen.
Kala aa ka mun
21Too, he banɔ la bwa he ne Yeesu Kristo aa pɛa he ɛ Korowii nɛra he waa toɡre la, n dɛ na heya. He bala baa lɔ n be bonɔ la dɛ na heya. 22Korowii nɛra ba wa aa toɡra la bwa dɛ na heya. Banɔ la baa lɔ Rom koodem laanee dena dɛɛ na heyaa kohona.
23Yá Dɔɔ Yeesu Kristo waa dɛ na nɛra sum la cha he bwa sekwaraa. Aamen.
Currently Selected:
Felepae 4: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Felepae 4
4
1Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.
Jae wa
2N dɛ soŋe Yoodia ne Sentiki kɛŋɔ bá kwaa ba baah dɛ́ ɛ beŋkpoŋ pɛɛ ya ne ya Dɔɔ aa pɛa la ta. 3N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.#Luk 10:20
4Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ. 5Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ. 6He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.#Mat 6:25-32 7Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.#Aes 26:3
8Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta. 9Wobɛlbwa haa hwela dɛ dɔ le n be, kɛɛ dɛ no dɛ na mɛɛ ɛ la, hé ɡee ɛ ɡɛ ásɛ Korowii waa dɛ tɛ nɛra bambisɔn la ja he nɛ.
Koŋkɛɛla ane jaama wa
10N sie lɛo kohona pɛɛ ya ne ya Dɔɔ aa pɛa nɔ ta, dɛkalkɛŋɔ he berɔ kwaa dɛɛ do n liire dɛ́ cha mɛ taraken. He fa cha mɛ ka. A ta ɛɛ kɛŋɔ haa berɛ dɛɛ lii n waa kpa. Kɛ bɔree he fa aa wola dɔe dɛ́ nyiŋ mɛ. 11N ta ŋɔe ŋɔ n nyao. Akai. N wono hweli wobɛlbwa maa lɔ a ta n soɡa bini a man mɛ, n sie lɛ a ta. 12Dɛ n nyao waa, n jemɛ ɡɛ maa so. N berɔ dɔ ɡe aa, n jemɛ a ɡe ɡba soɡa. N hweli wobɛlbwa a man mɛ. Kondikwaa lole n di dɛ vaɡoo, kondikwaa toole n chɔ lɔr oo, n dɔɔ kohona kɛɛ nyae n nya oo, n won a bɛlbwa kpoŋa. 13N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.
14Kɛ haa kpɔ n waa berɛ he bwa wa, dɛ cha mɛ n wahala ta la, he ɛ kɛrɛdɛ. 15He ɡba jemɔ kɛŋɔ ɡɛ saŋ maa ba he be Makidoonia harɛ loɡle la dɛ bol Amanesoma la dɛɛ tɛ heyaa asɛ dɛ kpɔ bela dɛɛ kaa la, asɔre tena baa lɔ bwɛɛre la ta la bɛlbwa ta men chae. He Felepae tena ɡboo koh toma maa ɛa he bini la waa dɛ cha mɛ suuɡa ne.#2Kɔ 11:9 16Hale n fa aa lɔ Tesalonika la, he fa wono ha mɛ kwaa aa hiah mɛ. Kerabeŋkpoŋ kwara laa. 17Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi. 18N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs#Fel 2:25 be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi. 19N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.#Yel 23:1 20Hɛ́ɛ tɛ N Naa Korowii jirima saŋ bɛlbwa. Aamen.
Kala aa ka mun
21Too, he banɔ la bwa he ne Yeesu Kristo aa pɛa he ɛ Korowii nɛra he waa toɡre la, n dɛ na heya. He bala baa lɔ n be bonɔ la dɛ na heya. 22Korowii nɛra ba wa aa toɡra la bwa dɛ na heya. Banɔ la baa lɔ Rom koodem laanee dena dɛɛ na heyaa kohona.
23Yá Dɔɔ Yeesu Kristo waa dɛ na nɛra sum la cha he bwa sekwaraa. Aamen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.