Faelemɔn 1
1
1Men Pɔɔl baa koh Yeesu Kristo waa dɛ do mɛ dea la, ne ya dɔŋ Timotii chwerɛ tɔn nɔ dɛɛ tɛ ya dandɛɛɡe Faelemɔn waa bera ɛ ya dɔŋ tom-ɛɛ ɡe la, 2ne ya nimambie Afia, ne ya dɔŋ Akipus#Kol 4:17 ya ne waa cheɡa dɛ yo dɛɛ tɛ Korowii o toma nɔ ta la, ne asɔre tena baa dɛ cheme he dem la bwa.
3Ń Naa Korowii ne ya Dɔɔ Yeesu Kristo cha heya, dɛ tɛ heyaa bosɔɔhna.
Jaama ne wesoŋa
4N Korowii soŋa bini te bɛlbwa, n dɛ yerɛ he Faelemɔn sɔn dɛ kpɔ jam dɛɛ tɛ Korowii, 5dɛkalkɛŋɔ n no he nyina haa dɛ nyin Korowii nɛra ba wa aa toɡra bwa, ne ɡɛ haa dɛ yarada ya Dɔɔ Yeesu la wa. 6Waa maa dɛ soŋe Korowii laanee kɛŋɔ nyopɛo la he ne o nɛra aa dɔa hɛɛ yaradao la chae kɛrɛdɛ, ásɛ he won jemɛ wedɛɛɡa te bɛlbwa Korowii aa dɛ nyin o cha yaa ya won dɔ, pɛɛ ya ne Yeesu Kristo aa pɛa la nomanta. 7N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.
Pɔɔl soŋɔ tɛ Onisemɔs
8He nɛnnyin nomanta, n dɛ nyin kɛ n soŋe waane. N fe dɔ ŋwɛnɛ Yeesu Kristo be pera kɛŋɔ ń di kpeɡri he nɛɛ dɛ́ ŋɔ hé ɛ ɡɛ aa wera kɛŋɔ he ɛ, kɛ maa ɡɛɛ ɛ. 9Nyina haa dɛ nyin nɛra la taa n che dɛɛ soŋe, nyiŋi ɡɛ men Pɔɔl aa ɛ banjena, ne dea baa koh Yeesu Kristo waa dɛ do mɛ nɔ ta dɛ no n waa nɔ. 10He nɛndɔɔle Onisemɔs waa ɛ n bie Yeesu Kristo be pera la naa taa n che dɛɛ soŋe waa nɔ. Gɛ saŋ baa do mɛ dea la taa n bol Yeesu waa baɡlo o kpɔ o te tɛo.#Kol 4:9 11Wubwa la dɛ o ta tɔnɔ dɔe tɛɛ, kɛ taraken te o dɔ tɔnɔ tɛ ya bwa.
12N ɡelɔ wɛɛ ba he be kɛŋɔ n ɡbaɡba bie maa dɛ nyinu n bambile bwa ne la. 13N fe dɛ nyin kɛ o do n be bonɔ, dɛ́ che he naa ta dɛɛ cha mɛ n dea doe nɔ baa koh Amanesoma la waa dɛ do mɛ nɔ ta. 14Kɛ maa nyin n ɛ wobɛlbwa dɛ́ le he habɔɔ dɛ n ta he be ŋɔe, ásɛ a ba ɛ kɛŋɔ n dɛ di kpeɡri he nɛ. N dɛ nyin kɛŋɔ wedɛɛɡe haa ɛ la le he ɡbabir bambile bini. 15Bɛl lole naa, Korowiirii ŋɔa o ken le he nɔn ta tama mɔɔ dɛ berɛ ba he ne ó so ka tonɛ. 16O ta he yom ɡbo ɛɛ kpa. O ɛ he nimedɛɛɡe ya Dɔɔ Yeesu be pera. Gɛ n kwara aa dɛ nyin o waa nɔ, n jemɔ kɛ he te ɛɛ nyin o waa ɡwaa ɡɛ, dɛkalkɛŋɔ o ɛ he yom ne he nime tenten ya Dɔɔ Yeesu be pera.
17Dɛ he jemɔ kɛŋɔ n ne he bwa ɛ beŋkpoŋ aa, lɛo kɛŋɔ haa dɛ ba n lɛɛ ken. 18Dɛ o fa ɛɛ wechɔɡa ane, kɛɛ dɛ he kem bɛlee o dio, kpɔ pɛɛ mɛ. 19N Pɔɔl ɡbaɡbaa chwerɛ ɡɛ waa nɔ bonɔ kɛŋɔ mɛɛ bɔe kemee la. Kɛ jemɛ kɛ he ɡba di n kem Korowii mkpa la haa cheɡɛ n nɛɛ dɛ dɔ la ta. 20Anomanta, n dam, ɡel n ɡe dɔ tɔnɔ dɛ́ le nyopɛo n ne haa cheɡɛ Yeesu Kristo nɛɛ dɛ dɔ la ta, ásɛ n baah sɔɔh mɛ. 21N jemɔ kɛŋɔ hɛɛ no n waa nɔɔ dɛ ɛ ɡwaa ɡɛ kwara. A waa n chwerɛ tɔn nɔ la.
22Anɔ la ɡe aa jaa laanee kɛŋɔ nyin dea dɛɛ cheɡ mɛ. N dɔ hwɛɡa kɛŋɔ Korowii ɛɛ no he wesoŋa haa dɛ soŋo dɛɛ tɛ mɛ laanee ásɛ dɛ berɛ kpɔ mɛ ba tɛ heyaa ja.
23Epafras#Kol 1:7 baa koh Yeesu Kristo waa dɛ do n ne on dea la dɛ nae. 24Gɛɛ Mak ne Aristakus ne Demas dɛ Luk baa ɛ n bala tom-ɛɛra la ɡe ɛɛ nae.
25Yá Dɔɔ Yeesu Kristo sune he nɛ, dɛ́ cha he bwa sekwaraa. Aamen.
Currently Selected:
Faelemɔn 1: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Faelemɔn 1
1
1Men Pɔɔl baa koh Yeesu Kristo waa dɛ do mɛ dea la, ne ya dɔŋ Timotii chwerɛ tɔn nɔ dɛɛ tɛ ya dandɛɛɡe Faelemɔn waa bera ɛ ya dɔŋ tom-ɛɛ ɡe la, 2ne ya nimambie Afia, ne ya dɔŋ Akipus#Kol 4:17 ya ne waa cheɡa dɛ yo dɛɛ tɛ Korowii o toma nɔ ta la, ne asɔre tena baa dɛ cheme he dem la bwa.
3Ń Naa Korowii ne ya Dɔɔ Yeesu Kristo cha heya, dɛ tɛ heyaa bosɔɔhna.
Jaama ne wesoŋa
4N Korowii soŋa bini te bɛlbwa, n dɛ yerɛ he Faelemɔn sɔn dɛ kpɔ jam dɛɛ tɛ Korowii, 5dɛkalkɛŋɔ n no he nyina haa dɛ nyin Korowii nɛra ba wa aa toɡra bwa, ne ɡɛ haa dɛ yarada ya Dɔɔ Yeesu la wa. 6Waa maa dɛ soŋe Korowii laanee kɛŋɔ nyopɛo la he ne o nɛra aa dɔa hɛɛ yaradao la chae kɛrɛdɛ, ásɛ he won jemɛ wedɛɛɡa te bɛlbwa Korowii aa dɛ nyin o cha yaa ya won dɔ, pɛɛ ya ne Yeesu Kristo aa pɛa la nomanta. 7N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.
Pɔɔl soŋɔ tɛ Onisemɔs
8He nɛnnyin nomanta, n dɛ nyin kɛ n soŋe waane. N fe dɔ ŋwɛnɛ Yeesu Kristo be pera kɛŋɔ ń di kpeɡri he nɛɛ dɛ́ ŋɔ hé ɛ ɡɛ aa wera kɛŋɔ he ɛ, kɛ maa ɡɛɛ ɛ. 9Nyina haa dɛ nyin nɛra la taa n che dɛɛ soŋe, nyiŋi ɡɛ men Pɔɔl aa ɛ banjena, ne dea baa koh Yeesu Kristo waa dɛ do mɛ nɔ ta dɛ no n waa nɔ. 10He nɛndɔɔle Onisemɔs waa ɛ n bie Yeesu Kristo be pera la naa taa n che dɛɛ soŋe waa nɔ. Gɛ saŋ baa do mɛ dea la taa n bol Yeesu waa baɡlo o kpɔ o te tɛo.#Kol 4:9 11Wubwa la dɛ o ta tɔnɔ dɔe tɛɛ, kɛ taraken te o dɔ tɔnɔ tɛ ya bwa.
12N ɡelɔ wɛɛ ba he be kɛŋɔ n ɡbaɡba bie maa dɛ nyinu n bambile bwa ne la. 13N fe dɛ nyin kɛ o do n be bonɔ, dɛ́ che he naa ta dɛɛ cha mɛ n dea doe nɔ baa koh Amanesoma la waa dɛ do mɛ nɔ ta. 14Kɛ maa nyin n ɛ wobɛlbwa dɛ́ le he habɔɔ dɛ n ta he be ŋɔe, ásɛ a ba ɛ kɛŋɔ n dɛ di kpeɡri he nɛ. N dɛ nyin kɛŋɔ wedɛɛɡe haa ɛ la le he ɡbabir bambile bini. 15Bɛl lole naa, Korowiirii ŋɔa o ken le he nɔn ta tama mɔɔ dɛ berɛ ba he ne ó so ka tonɛ. 16O ta he yom ɡbo ɛɛ kpa. O ɛ he nimedɛɛɡe ya Dɔɔ Yeesu be pera. Gɛ n kwara aa dɛ nyin o waa nɔ, n jemɔ kɛ he te ɛɛ nyin o waa ɡwaa ɡɛ, dɛkalkɛŋɔ o ɛ he yom ne he nime tenten ya Dɔɔ Yeesu be pera.
17Dɛ he jemɔ kɛŋɔ n ne he bwa ɛ beŋkpoŋ aa, lɛo kɛŋɔ haa dɛ ba n lɛɛ ken. 18Dɛ o fa ɛɛ wechɔɡa ane, kɛɛ dɛ he kem bɛlee o dio, kpɔ pɛɛ mɛ. 19N Pɔɔl ɡbaɡbaa chwerɛ ɡɛ waa nɔ bonɔ kɛŋɔ mɛɛ bɔe kemee la. Kɛ jemɛ kɛ he ɡba di n kem Korowii mkpa la haa cheɡɛ n nɛɛ dɛ dɔ la ta. 20Anomanta, n dam, ɡel n ɡe dɔ tɔnɔ dɛ́ le nyopɛo n ne haa cheɡɛ Yeesu Kristo nɛɛ dɛ dɔ la ta, ásɛ n baah sɔɔh mɛ. 21N jemɔ kɛŋɔ hɛɛ no n waa nɔɔ dɛ ɛ ɡwaa ɡɛ kwara. A waa n chwerɛ tɔn nɔ la.
22Anɔ la ɡe aa jaa laanee kɛŋɔ nyin dea dɛɛ cheɡ mɛ. N dɔ hwɛɡa kɛŋɔ Korowii ɛɛ no he wesoŋa haa dɛ soŋo dɛɛ tɛ mɛ laanee ásɛ dɛ berɛ kpɔ mɛ ba tɛ heyaa ja.
23Epafras#Kol 1:7 baa koh Yeesu Kristo waa dɛ do n ne on dea la dɛ nae. 24Gɛɛ Mak ne Aristakus ne Demas dɛ Luk baa ɛ n bala tom-ɛɛra la ɡe ɛɛ nae.
25Yá Dɔɔ Yeesu Kristo sune he nɛ, dɛ́ cha he bwa sekwaraa. Aamen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.