Maeka 3
3
Maeka kaeh waa kah Israel nomonome
1Asɛ men Maeka berɛ ŋɔ,
“Israel nomonome,
ne sitɔɔla haa lɔ Israel,
hé no.
Heyaa chɛ kɛ hé jemɛ
waa aa toɡra dɛ do wer,
2he hah waa aa wera
dɛɛ nyin wechɔɡa,
he dɛ pee n nɛra ola
ne ba bɔtɔne kɛŋɔ
kpɔɡ bini olchɔɡa.
3He dɛ chwe ba ola
dɛɛ swe ba bɔtɔne,
dɛ chɛwɛ ba hoɡa
jeɡrejeɡre,
kɛŋɔ ba yon chɛwɛ ola
do vii bini la ken.”
4Saŋ bɛl ɛɛ bao nomonome nɔ
wi yerɛ Korowii
kɛ waa ban chaŋe,
waa ba wesoŋaa no
wechɔɡa baa ɛa la wa.#Aes 1:15
5Waa Korowii aa dɛ bol laanee
nɔ.
“Keame nyosonteŋna ɡelɔ
n nɛra nyoɡre,
ba dɔ komɛl dɛ́ le nɛra be
dɛ di aa,
ba soŋe deŋnesɔɔhna
dɛɛ tɛɛ ba.
Ba ta komɛlbwa dɔe
le ba be tenaa,
ba dɛ kpɔ ba te
dɛ́ ka yoo ba laa.
6Anomanta, keame
nyosonteŋna, a dɛ ba doe
kɛŋɔ bɔr aa joa ta he nɛ,
haa won dɛɛ na chaahna
kɛɛ dɛɛ voɡɛ ɡe kpa.
7Nɛra baa dɛ na waa
chaahna ta,
ne voɡra bwa
dɛ ba sihiih dii.
Ba bwa ɛɛ kpɔ nɔɔraa tɔ sie,
dɛkalkɛ Korowii
aa ban chaŋe.”
8Kɛ n te, Korowii ɡelɔ
o Doma ba so n nɛ,
asɛ n dɔ kasinteŋ ne kpeɡri
dɛ́ bol Israel tena
wechɔɡa wa.
9Hé no, Israel sitɔɔla,
he hah waa aa toɡra,
dɛɛ berɛ waa aa ɛ
kasinteŋ sie.
10Nɛŋkpoa ne kasinteŋ bɛ dɔe
taa he che dɛɛ ma
Korowii bwɛjen Jerusalam.
11Jerusalam sitɔɔla sɛoh
baa yaɡ ba sen,
sɔfore bol Korowii
waa dɛɛ lɛ suuɡa,
keamere ɡe baɡle
waa baa naa chaahna ta
dɛɛ lɛ suuɡa.
Kɛ dɛ ŋɔ, “Korowii nɛɛ
ya kpɔ ya te dawɛ,
yaa wenaale bɛlbwaa na.”
12He nomanta, Saayɔn
ɛɛ doo kɛŋɔ koo baa parɔ
dɛ du kwaa o ta ken,
Jerusalam bwa ɛɛ kuuɡuu
dɛ́ chɔ pɛɛ,
ásɛ Korowii Bwejen Dea
aa chɔŋɛ o ta la berɛ kɔr.#Jer 26:18
Currently Selected:
Maeka 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
