Maeka 2
2
Gɛ nɛra baa dɛ fiiɡi nyaara wa aa dɛ ba doe
1Nɛra baa dɛ vɔrɔwe wechɔɡa, dɛ chɔ ba
chɔɔbɔra dɛɛ vɔrɔwe
wedoŋa la, bá bwɛɛlɛ.
Tɔɔ perɔ chɔɔ aa, dɛ ba ɛ
ba wechɔɡa la,
dɛkalkɛ kpeɡri baa dɔa
nomanta, bɛlbwa aa won
tɔ ba ŋwɛnɛ.
2Ba dɛ nyin nɛra kooni
kɛɛ deene aa,
ba dɛ lɛa kpeɡri ne.
Ba won nɛra deremi,
kɛɛ ba kapɛrɛ kwaa ɡe
lɛɛ neɡra ŋwɛnɛ ta.
3Anomanta, Korowii ŋɔ,
“N dɛ vɔrɔwe kɛ ń kpɔ
wahala ba ta he nɛ,
haa wola won chwa
dɛ le a nyoa.
Wenaale la dɛ ba he nɛɛ
ɡwaala kohona,
haa wola won valɛ
dɛɛ ɡu kpa.
4Awola tɔpere la, ɡɛ wiile
aa teŋa nɔɔ,
baa ba kpɔe muɡli
he baah ŋɔ,
‘Ya na waa kɛrɛdɛ.
Korowii ɡelɔ ba lɛ ya harɛ,
dɛ kpɔ yaa tɛ nɛnchɔɡa.’ ”
5Anomanta, bɛlbwa toole
Korowii nɛra bini
dɛ́ dɔ harɛ la le bie tae bini.
Keame nyosonteŋna
6Ba keamere ŋɔ, “He bɛ
Korowii waa aa dɛ ba
bala kerekere la bol.
Hɛ́ɛ berɛ a ɡɛ waa nɔ bola,
sihiih bɛlbwa aa won
di yaa.”#2We 25:14-18; Jer 20:1-2
7Israel tena, a chɛ kɛ ya ŋɔ,
“Korowii Doma baah di
ya nɛɛ kɛɛ?
Wɛɛ ɛ ɡɛ waa nɔɔ yaa?”
Nomɛlbwa o wa aa toɡra la
Korowii swee andɛɛɡa
dɛɛ tɛo.
8Korowii ŋɔ, “A ta biɡre
n nɛra ɛ deŋnekpeɡ
n nɛɛ kɛŋɔ n dɔma.
Hé lɛ laaladɛɛɡa le nɛra
baa teŋa baa kaa,
wobɛlbwa aa wola
ban hiaih be,
ba do kɛ baala baa le laa ta
dɛɛ ba ken.
9He dɛ doŋi n nɛra haahna
dɛɛ le ba deremi
aa wera ta.
He laa wedɛɛɡa maa sweera
tɛ ba bii saŋ bɛlbwa la
dɛɛ kpɔ.
10Hé ir dɛ kaa,
bonɔ ta bɔr haa so onɛ ɛɛ,
dɛkalkɛŋɔ he ɡelɔ harɛ la
kah doŋa.
O chɔɡɔ baa wola
won kwaaro kpa.
11Nɛra nɔ dɛ nyin keame
waa teŋe nyosone ŋɔ,
‘Mɛɛ ɡeloo sene
bwa soo siwi bu
he nyɔ dɛ́ dɛɛ.’
Lɛɛ nyobaɡa
12Israel tena, mɛɛ boa
he bwa nyoa,
kasinteŋ, mɛɛ boa he nɛra
haa kaa la bwa nyoaa.
Mɛɛ boa he nyoa
kɛŋɔ peera yon pɛ do leɡ ta,
kɛɛ kondɛɛra yon warɛ
do dibɔr la.
Gɛ tentenee mɛɛ ba ɡela
nɛra su harɛ la ta kohona.”
13Korowiirii dɛ́ pili ŋwɛnɛ tɛɛ ba
dɛ́ le bojaŋ harɛfale
baa kaa bane la ta.
Baa kuuɡi bwɛjen la
doonyojena laanee
dɛ́ le kaa.
Korowii waa ɛ ba kooro
laanee dɛ́ tɔ ba sie.
Currently Selected:
Maeka 2: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Maeka 2
2
Gɛ nɛra baa dɛ fiiɡi nyaara wa aa dɛ ba doe
1Nɛra baa dɛ vɔrɔwe wechɔɡa, dɛ chɔ ba
chɔɔbɔra dɛɛ vɔrɔwe
wedoŋa la, bá bwɛɛlɛ.
Tɔɔ perɔ chɔɔ aa, dɛ ba ɛ
ba wechɔɡa la,
dɛkalkɛ kpeɡri baa dɔa
nomanta, bɛlbwa aa won
tɔ ba ŋwɛnɛ.
2Ba dɛ nyin nɛra kooni
kɛɛ deene aa,
ba dɛ lɛa kpeɡri ne.
Ba won nɛra deremi,
kɛɛ ba kapɛrɛ kwaa ɡe
lɛɛ neɡra ŋwɛnɛ ta.
3Anomanta, Korowii ŋɔ,
“N dɛ vɔrɔwe kɛ ń kpɔ
wahala ba ta he nɛ,
haa wola won chwa
dɛ le a nyoa.
Wenaale la dɛ ba he nɛɛ
ɡwaala kohona,
haa wola won valɛ
dɛɛ ɡu kpa.
4Awola tɔpere la, ɡɛ wiile
aa teŋa nɔɔ,
baa ba kpɔe muɡli
he baah ŋɔ,
‘Ya na waa kɛrɛdɛ.
Korowii ɡelɔ ba lɛ ya harɛ,
dɛ kpɔ yaa tɛ nɛnchɔɡa.’ ”
5Anomanta, bɛlbwa toole
Korowii nɛra bini
dɛ́ dɔ harɛ la le bie tae bini.
Keame nyosonteŋna
6Ba keamere ŋɔ, “He bɛ
Korowii waa aa dɛ ba
bala kerekere la bol.
Hɛ́ɛ berɛ a ɡɛ waa nɔ bola,
sihiih bɛlbwa aa won
di yaa.”#2We 25:14-18; Jer 20:1-2
7Israel tena, a chɛ kɛ ya ŋɔ,
“Korowii Doma baah di
ya nɛɛ kɛɛ?
Wɛɛ ɛ ɡɛ waa nɔɔ yaa?”
Nomɛlbwa o wa aa toɡra la
Korowii swee andɛɛɡa
dɛɛ tɛo.
8Korowii ŋɔ, “A ta biɡre
n nɛra ɛ deŋnekpeɡ
n nɛɛ kɛŋɔ n dɔma.
Hé lɛ laaladɛɛɡa le nɛra
baa teŋa baa kaa,
wobɛlbwa aa wola
ban hiaih be,
ba do kɛ baala baa le laa ta
dɛɛ ba ken.
9He dɛ doŋi n nɛra haahna
dɛɛ le ba deremi
aa wera ta.
He laa wedɛɛɡa maa sweera
tɛ ba bii saŋ bɛlbwa la
dɛɛ kpɔ.
10Hé ir dɛ kaa,
bonɔ ta bɔr haa so onɛ ɛɛ,
dɛkalkɛŋɔ he ɡelɔ harɛ la
kah doŋa.
O chɔɡɔ baa wola
won kwaaro kpa.
11Nɛra nɔ dɛ nyin keame
waa teŋe nyosone ŋɔ,
‘Mɛɛ ɡeloo sene
bwa soo siwi bu
he nyɔ dɛ́ dɛɛ.’
Lɛɛ nyobaɡa
12Israel tena, mɛɛ boa
he bwa nyoa,
kasinteŋ, mɛɛ boa he nɛra
haa kaa la bwa nyoaa.
Mɛɛ boa he nyoa
kɛŋɔ peera yon pɛ do leɡ ta,
kɛɛ kondɛɛra yon warɛ
do dibɔr la.
Gɛ tentenee mɛɛ ba ɡela
nɛra su harɛ la ta kohona.”
13Korowiirii dɛ́ pili ŋwɛnɛ tɛɛ ba
dɛ́ le bojaŋ harɛfale
baa kaa bane la ta.
Baa kuuɡi bwɛjen la
doonyojena laanee
dɛ́ le kaa.
Korowii waa ɛ ba kooro
laanee dɛ́ tɔ ba sie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.