Matiu 7
7
Dɔŋa pwaeh wa
(Luk 6:37-38, 41-42)
1Yeesu berɔ ŋɔ, “He bɛ he dɔŋa dɛɛ pwah, ásɛ Korowii ɡe bɛ heyaa pwah, 2dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.
3Ɛrɛɛ hɛɛ bol he dɔŋ wechɔɡa tama wa, haa wola he te wechɔɡdamanta dawɛ nɔɔ? 4A do kɛŋɔ dabor aa lɔ he siwi ta haa wola on kpɔe, dɛ ŋɔ he dɔŋ be ŋɔ ó ɡel he laa dapuɡri kpɔ o siwi ta. 5Nɛn haa dɛ nyiŋi nɛra sie mɔɔ dɛɛ ɛ wa! Tɔ sie laa dabor la kpɔ he siwi ta mɔɔ, dɛ́ won na kɛrɛdɛ dɛ́ laa dapuɡri waa lɔ he dɔŋ siwi ta la kpɔ.
6Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”
Konnyina soŋa Korowii be wa
(Luk 11:9-13)
7Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.#Jer 29:13 8Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.
9He bini umee o bie ɛɛ nyin paanoo, ásɛ o kpɔ bwe tɛo wɔ? 10Kɛɛ dɛ o dɛ nyin pɛŋe aa, ó ka lawɛ harɛkon ba tɛo wɔ? 11Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?#Yel 84:11 12Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.#Mat 22:40”
Ŋwɛnɛ waa feela wa
(Luk 13:24)
13Yeesu berɔ ŋɔ, “Ŋwɛnɛre anɛɛ lole, bɛl do feelɔɔ ken, bɛl ɡe paɡri. Hé kpɔ ŋwɛnɛfeelɔɔ la ta, dɛkalkɛ onɔ la waa paɡa la dɛ́ kaa he ne seo ta. O ta kpɔe pwɛre. Anomanta, nɛra baa dɛ kpɔ o ta warɔ. 14Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.
Daa ne o nɔna wa
(Luk 6:43-44)
15Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.#Jer 14:14; 1Jɔ 4:1-3 16Ba we-ɛɛla taa hɛɛ ba cheɡa dɛ́ jem ba. Kpeele aa won nɔnɛ kɛɛ, ɡɛɛ sɔɔh daa ɡe aa wola won nɔnɛ fiɡ nɔna. 17Dadɛɛɡe nɔna wer, dachɔɡe te nɔna aa were. 18Dadɛɛɡe aa won nɔnɛ nɔnchɔɡa, ɡɛɛ dachɔɡe ɡe aa wola won nɔnɛ nɔndɛɛɡa. 19Daa bɛlbwa waa wola nɔndɛɛɡa nɔnɛ la, baa teŋo ta dɛ́ fuuh. 20Anomanta, nyosonteŋna la we-ɛɛla taa hɛɛ ba cheɡa, dɛ́ jemɛ kɛ Korowii keamere laa ban.
21Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.#Luk 6:46#Luk 13:25-27#Jem 1:22 22Tɔpejen maa ba la baa tel aa, nɛra ɛɛ warɔɔ dɛ́ baa bol n be ŋɔ, ‘N Dɔɔ, he sɔn ne laa ya bol Korowii Waa la aa? He sɔn ne laa ya doŋi kwaa nɛra nɛɛ la aa, kɛɛ he sɔn ne laa ya ɛ nyokpowa damanta la bwa la aa?’ 23A taa mɛɛ ba ba be ŋɔe ŋɔ, ‘Maa heyaa jemɛ bwa. Hé le n sie bonɔ, wechɔɡ-ɛɛra bane!’
Demamaala banɛ bane wa
(Luk 6:47-49)
24Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta. 25Bwaala nɛo, nenapala suuɡi, asɛ peujena ta. Kɛ dea la ta chole, dɛkalkɛ dɛ o chɔŋɛ bwe ta. 26Nomɛlbwa waa no n waa nɔ, asɛ o ta ɡɛ aa dɛ baɡle la ɛɛ la do kɛ ɡɛne bɛl waa ma o dea hɛŋle harɛ ta. 27Bwaala nɛo, nenapala suuɡi, asɛ peujen ta, asɛ dea la chole biram!”
28Yeesu aa bol waa la tonɛ la, o webaɡla la ɛ nɛnlaa la nyokpoa, 29dɛkalkɛ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.
Currently Selected:
Matiu 7: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Matiu 7
7
Dɔŋa pwaeh wa
(Luk 6:37-38, 41-42)
1Yeesu berɔ ŋɔ, “He bɛ he dɔŋa dɛɛ pwah, ásɛ Korowii ɡe bɛ heyaa pwah, 2dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.
3Ɛrɛɛ hɛɛ bol he dɔŋ wechɔɡa tama wa, haa wola he te wechɔɡdamanta dawɛ nɔɔ? 4A do kɛŋɔ dabor aa lɔ he siwi ta haa wola on kpɔe, dɛ ŋɔ he dɔŋ be ŋɔ ó ɡel he laa dapuɡri kpɔ o siwi ta. 5Nɛn haa dɛ nyiŋi nɛra sie mɔɔ dɛɛ ɛ wa! Tɔ sie laa dabor la kpɔ he siwi ta mɔɔ, dɛ́ won na kɛrɛdɛ dɛ́ laa dapuɡri waa lɔ he dɔŋ siwi ta la kpɔ.
6Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”
Konnyina soŋa Korowii be wa
(Luk 11:9-13)
7Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.#Jer 29:13 8Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.
9He bini umee o bie ɛɛ nyin paanoo, ásɛ o kpɔ bwe tɛo wɔ? 10Kɛɛ dɛ o dɛ nyin pɛŋe aa, ó ka lawɛ harɛkon ba tɛo wɔ? 11Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?#Yel 84:11 12Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.#Mat 22:40”
Ŋwɛnɛ waa feela wa
(Luk 13:24)
13Yeesu berɔ ŋɔ, “Ŋwɛnɛre anɛɛ lole, bɛl do feelɔɔ ken, bɛl ɡe paɡri. Hé kpɔ ŋwɛnɛfeelɔɔ la ta, dɛkalkɛ onɔ la waa paɡa la dɛ́ kaa he ne seo ta. O ta kpɔe pwɛre. Anomanta, nɛra baa dɛ kpɔ o ta warɔ. 14Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.
Daa ne o nɔna wa
(Luk 6:43-44)
15Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.#Jer 14:14; 1Jɔ 4:1-3 16Ba we-ɛɛla taa hɛɛ ba cheɡa dɛ́ jem ba. Kpeele aa won nɔnɛ kɛɛ, ɡɛɛ sɔɔh daa ɡe aa wola won nɔnɛ fiɡ nɔna. 17Dadɛɛɡe nɔna wer, dachɔɡe te nɔna aa were. 18Dadɛɛɡe aa won nɔnɛ nɔnchɔɡa, ɡɛɛ dachɔɡe ɡe aa wola won nɔnɛ nɔndɛɛɡa. 19Daa bɛlbwa waa wola nɔndɛɛɡa nɔnɛ la, baa teŋo ta dɛ́ fuuh. 20Anomanta, nyosonteŋna la we-ɛɛla taa hɛɛ ba cheɡa, dɛ́ jemɛ kɛ Korowii keamere laa ban.
21Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.#Luk 6:46#Luk 13:25-27#Jem 1:22 22Tɔpejen maa ba la baa tel aa, nɛra ɛɛ warɔɔ dɛ́ baa bol n be ŋɔ, ‘N Dɔɔ, he sɔn ne laa ya bol Korowii Waa la aa? He sɔn ne laa ya doŋi kwaa nɛra nɛɛ la aa, kɛɛ he sɔn ne laa ya ɛ nyokpowa damanta la bwa la aa?’ 23A taa mɛɛ ba ba be ŋɔe ŋɔ, ‘Maa heyaa jemɛ bwa. Hé le n sie bonɔ, wechɔɡ-ɛɛra bane!’
Demamaala banɛ bane wa
(Luk 6:47-49)
24Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta. 25Bwaala nɛo, nenapala suuɡi, asɛ peujena ta. Kɛ dea la ta chole, dɛkalkɛ dɛ o chɔŋɛ bwe ta. 26Nomɛlbwa waa no n waa nɔ, asɛ o ta ɡɛ aa dɛ baɡle la ɛɛ la do kɛ ɡɛne bɛl waa ma o dea hɛŋle harɛ ta. 27Bwaala nɛo, nenapala suuɡi, asɛ peujen ta, asɛ dea la chole biram!”
28Yeesu aa bol waa la tonɛ la, o webaɡla la ɛ nɛnlaa la nyokpoa, 29dɛkalkɛ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.