Matiu 12
12
Ona Tɔpere wepɛɛre
(Mak 2:23-28; Luk 6:1-5)
1Ona Tɔpere bɛl wee, Yeesu ne o habɔteŋra kaa kpɔ mea koo bɛl ta, dɛ lɔr dɛ kpo o habɔteŋra la, asɛ ba ɛ mea la ane dɛɛ chwe.#Mma 23:25 2Farisii tena la aa na ɡɛ la, ba ŋɔ Yeesu be ŋɔ, “Nyiŋi na! He habɔteŋra la dɛ ɛ toma dɛɛ koni ya Ona Tɔpere Mmara la.”
3Anee Yeesu chaŋ ba ŋɔ, “He ta kure na ɡɛ ya naa Devid aa ɛa ɡɛ saŋ lɔr aa dɛ kpo o ne o nɛra la kɛɛ?#1Sa 21:1-6 4O jo Korowii Dea dɛ kpɔ paanoo aa ɛ Korowii kwa, o ne o nɛra di. Mmara fe aa ŋwɛnɛ tɛ kɛ bá fee di ɡɛ paanoo la, sɔfore ɡboo fe dɔ ŋwɛnɛ kɛ bá dia. 5Kɛɛ he ta kure na ɡɛ Mosis Mmara la aa baɡla kɛ, sɔfore baa dɛ ɛ toma Korowii Dea Ona Tɔpere la ta la, dɛ koni Ona Tɔpere Mmara la, kɛ ba ɡe aa bolchɔɡe di aa?#Kur 28:9-10 6Korowii Dea toma ɛɛ waa baa wola bolchɔɡe di la, kɛ kasinteŋ, nomɛl lɔ bonɔ dɛ ɡwaa Korowii Dea. 7Korowii Tɔn dɛ baɡle kɛ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ.’#Hos 6:6 Dɛ he fe jemɛ waa nɔ mun aa, he fe aa nɛra nɛɛ nya ŋɔ ba di bolchɔɡe, 8dɛkalkɛ Men Nɛn Bie laanee dɔ Ona Tɔpere kpeɡri.”
Baa bɛl o nɔn aa sewa wa
(Mak 3:1-6; Luk 6:6-11)
9Yeesu le bela dɛ kaa cheremi dea bɛl ta, 10dɛ baa bɛl o nɔn aa sewa lɔ bela. Dɛ nɛra bane lɔ bela dɛɛ nyin dɛ́ kpɔ waa dawɛ Yeesu nɛ. Anomanta, ba pɛɛro ŋɔ, “Ya Mmara la dɛ tɛ yaa ŋwɛnɛ kɛ ya won chah weela Ona Tɔpere aa?”
11Anee Yeesu chaŋe ŋɔ, “Amɔ dɛ he bini bɛl pee le bɔluŋ bɛl bini Ona Tɔpere aa, ɛrɛɛ wɛɛ ba ɛɛ yɔ? Waa pee laanee ka lawɛ le bɔɔ la bini naa? 12Nɛn ta pee ɡwaalaa? Anomanta, ya Mmara dɛ tɛ yaa ŋwɛnɛ ŋɔ yá ɛ nɛn wedɛɛɡa Ona Tɔpere.”
13Anee o ŋɔ baa la o nɔn aa sewa la be ŋɔ, “Tɛr he nɔn.” Asɛ baa la tɛr o nɔnsewe la, dɛ o berɔ do kpeɡri ɡɛ o fa aa doa wubwa la, dɛ do kɛ o nɔn la waa wola sewɛ la. 14Belaa Farisii tena la le bela dɛɛ vɔrɔwe kɛ bá kpo Yeesu.
Bonɔɔ Korowii aa leo tɛ o te wa
15Yeesu aa naa kɛ nɛra la dɛ nyinu dɛ́ kpo la, o le bela kaa bofale, dɛ nɛnlaa tenten teŋɛ o nɛ, asɛ o chah ba bini banɔ la ba bwara aa dɛ wee ba la bwa, 16dɛ ŋɔ ba bɛ o waa taa baɡle nomɛlbwa. 17Gɛ Yeesu aa ɛa nɔɔ ɡela ba jemɛ kɛ waa Korowii keame Aesaya fa aa bola la ɛ kasinteŋ.
18O bolɔ ŋɔ,
“N bonɔɔ maa leo laanee la.
O waa mɛɛ nyin, asɛ n sie ɡee lɛ o nɛɛ ɡa.
Mɛɛ ɡeloo n Doma ba so o nɛ,
ásɛ o baɡle nɛra baa lɔ harɛ ta bwa ɡe
ɡɛ n kasinteŋ ŋwɛnɛre aa doa.#Aes 42:1
19Waa waa tɔŋle dɛɛ nyɛɡ,
waa takpeɡ ɡee kpɔ bol waa fɔɡbaahna.
20Nɛn do kɛŋɔ daa waa ɡwɛɛna
dɛɛ ba kui yaa, waa ɡel o ku.
Dɛ o do kɛŋɔ kandea waa dɛ lawɛ
kɛlll la ɡe aa, waa ɡel ó dime.
Wɛɛ lawɛ bambile nɛra nɛɛ dɛ́ yo ka tel ɡɛ saŋ
nɛra bwa aa ba jemɛ Korowii kasinteŋ ŋwɛnɛre la,
21ásɛ nɛra baa lɔ harɛ ta bwa kpɔ ba hwɛɡa dawɛ o nɛ.”
Yeesu ne Bɛlsebul
(Mak 3:20-30; Luk 11:14-23)
22Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola. 23Waa Yeesu aa ɛa la ɡelɔ nɛnlaa la bwa nyoa kpo, baa pɛɛ dɔŋa ŋɔ, “Amɔ Devid Naa nɔɔ naa?”
24Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”
25Yeesu aa jemɛ waa baa dɛ bol la, anee o ŋɔ, “Dɛ harɛ bɛl ta tena bini pere anɛ ba ɡbo ɛɛ yo aa, harɛ la dɛ paɡre. Asɛ bwɛjen bɛlbwa ɡe o bini aa pere anɛ bampera ne bampera ɛɛ yo la, bwɛɛ la dɛ paɡre. Gɛɛ dɛ waane ba lolanar bane bini asɛ ba pere anɛ ba ɡbo ɛɛ yo aa, lola la aa won ɛ lola. 26Anomanta, dɛ Bɔnsam kora bini peɡro baa yo aa, amɔ te kora la aa won ɛ kora. 27Dɛ he ŋɔ Bɛlsebulee tɛ mɛ kpeɡri n won kwaa doŋa nɛra nɛɛ aa, a wer. Aah, dɛ he ɡe, umee tɛ he habɔteŋra nɔ kpeɡri ba won a doŋa ɔ? He ɡbaɡba habɔteŋra la we-ɛɛlaa dɛɛ baɡle kɛŋɔ he kono kwara! 28Korowii Domadɛɛɡe kpeɡri nee mɛɛ doŋi kwaa aa dɛ ir nɛra nɛɛ la. Anomanta, hé jemɛ kɛŋɔ Korowii Kora dii la telo tonɛ.
29Nomɛlbwa aa won jo bokpeɡa te dea dɛ́ ŋwɛ o laala, nemenɛ o tɔ sie won vɔrɔwo mɔɔ, dɛ́ won jo o dea dɛ́ pa o laala.
30Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre. 31Anomanta, n dɛ ŋɔ he be kɛ Korowii ɛɛ wonoo kpɔ wechɔɡa bɛlbwa ne wobochɔɡa bɛlbwa kɛ nɛn. Kɛ nomɛlbwa waa bol Korowii Domadɛɛɡe la te nɛnhɛlwobol la, waa kpɔ kɛo bwa. 32Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”
Daa ne o nɔna
(Luk 6:43-45)
33Yeesu berɔ ŋɔ, “Dɛ daa nɔn wer aa, dɛ daa la ɡbabirii wera. Kɛ dɛ he ŋɔ daa nɔn aa weraa, dɛ daa la ɡbabir ɡee wola were. Daa nɔn taa ba che dɛɛ jemɛ o dasoo. 34Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol. 35Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini. 36N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.#Sɛɡ 10:19 37He ɡbaɡba wobol taa Korowii ɛɛ ba cheɡa pa heyaa bole. He wobol ɛ wobodɛɛɡa aa, wɛɛ pae boldɛɛɡee, dɛ he wobol ɛ wobochɔɡa aa, wɛɛ pae bolchɔɡee.”
Ba soŋe Yeesu ŋɔ ó ɛ nyokpowa ba na
(Mak 8:11-12; Luk 11:29-32)
38Tɔnjerema la bane ne Farisii tena bane ba Yeesu be dɛ ba ŋɔ, “Nomoa, ya dɛ nyin kɛ he ɛ nyokpowaane yá na dɛ́ jemɛ kɛ kpelaa Korowii bee he le.”
39Anee Yeesu chaŋ ba ŋɔ, “Ɛrɛɛ fini nɛra ɛ wechɔɡ-ɛɛra ɡbo baa wola Korowii ɔmɛ ɡɛ nɔɔ? Maa wobɛlbwaa ɛ hé na, nemenɛ waa aa pu Korowii keame Jona la dɔŋ ɡboo dɛɛ ba n ɡe pui, ásɛ he che a ta jemɛ n nɛnsoo. 40Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.#Jon 1:17 41Awola nɛra bwa aa ir seo ta dɛ ba che Korowii sie, ásɛ o bol ba waa dɛ́ pa bole la, Niniwe tena ɛɛ bol waa bɔ fini nɔ tena, dɛkalkɛ ba te no Korowii waa Jona aa bola la mun dɛ charɛ ba liire le ba wechɔɡa ta.#Jon 3:5 Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no. 42Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”#1Ko 10:1-10
Bɔnsam torome bera dɛ́ ba nɛn be ja
(Luk 11:24-26)
43Yeesu berɔ ŋɔ, “Fini nɔ nɛra do kɛŋɔ nɛn Bɔnsam aa ɡela o torome bɛl do o nɛɛ dɛ chɔɡ o da. A habɔɔ la, naate charɛ o liire, asɛ Bɔnsam torome la le o nɛɛ dɛ kaa ka nyin bofale dɛ so. O ɡaaɡaa, o ta wone dɔ bɔr dɛ́ so onɛ, 44dɛ berɛ ŋɔ, ‘Mɛɛ kaa n buɡ ta bela maa lea ba laanee,’ 45dɛ berɛ ka na kɛ baa la liire chaahnɔ kɛŋɔ dea baa chaaro dɛ kwaaro kɛrɛdɛ, kɛ dɛ ɡel o chɔ pɛɛ. Gɛɛ o yon la ka kpɔ o bala banuanɛ aa ɡwaalo kwara. A bwa yon ba so naate la nɛ, dɛ́ chɔɡ o da ɡwaa ɡɛ o fa aa doa wubwa la. Gɛɛ aa ba doe fini nɔ nɛra baa ɛ nɛnchɔɡa nɔ nɛ.”
Yeesu nya ne Yeesu nimanar
(Mak 3:31-35; Luk 8:19-21)
46Yeesu nyoa ta aa lɔ waa ta o bol dɛɛ baɡle nɛra la la, o nya ne o nimanar ba bela dɛ ba che buse dɛɛ nyinu dɛ́ bol waa o be.#Weɛ 1:14 47Anomanta, nɛra la bɛl ŋɔ o be ŋɔ, “Nyiŋi na, he nya ne he nimanar cheɡɛ buse dɛɛ nyin he bɔr dɛ́ bol waa he be.”
48Yeesu pɛɛ ba ŋɔ, “Umee n nyaɔ? Umewaa n nimanar ɔ?” 49Asɛ o tɛr o nɔn pa o habɔteŋra la nɛɛ dɛ ŋɔ, “Hé na n nya ne n nimanar. 50Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”
Currently Selected:
Matiu 12: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Matiu 12
12
Ona Tɔpere wepɛɛre
(Mak 2:23-28; Luk 6:1-5)
1Ona Tɔpere bɛl wee, Yeesu ne o habɔteŋra kaa kpɔ mea koo bɛl ta, dɛ lɔr dɛ kpo o habɔteŋra la, asɛ ba ɛ mea la ane dɛɛ chwe.#Mma 23:25 2Farisii tena la aa na ɡɛ la, ba ŋɔ Yeesu be ŋɔ, “Nyiŋi na! He habɔteŋra la dɛ ɛ toma dɛɛ koni ya Ona Tɔpere Mmara la.”
3Anee Yeesu chaŋ ba ŋɔ, “He ta kure na ɡɛ ya naa Devid aa ɛa ɡɛ saŋ lɔr aa dɛ kpo o ne o nɛra la kɛɛ?#1Sa 21:1-6 4O jo Korowii Dea dɛ kpɔ paanoo aa ɛ Korowii kwa, o ne o nɛra di. Mmara fe aa ŋwɛnɛ tɛ kɛ bá fee di ɡɛ paanoo la, sɔfore ɡboo fe dɔ ŋwɛnɛ kɛ bá dia. 5Kɛɛ he ta kure na ɡɛ Mosis Mmara la aa baɡla kɛ, sɔfore baa dɛ ɛ toma Korowii Dea Ona Tɔpere la ta la, dɛ koni Ona Tɔpere Mmara la, kɛ ba ɡe aa bolchɔɡe di aa?#Kur 28:9-10 6Korowii Dea toma ɛɛ waa baa wola bolchɔɡe di la, kɛ kasinteŋ, nomɛl lɔ bonɔ dɛ ɡwaa Korowii Dea. 7Korowii Tɔn dɛ baɡle kɛ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ.’#Hos 6:6 Dɛ he fe jemɛ waa nɔ mun aa, he fe aa nɛra nɛɛ nya ŋɔ ba di bolchɔɡe, 8dɛkalkɛ Men Nɛn Bie laanee dɔ Ona Tɔpere kpeɡri.”
Baa bɛl o nɔn aa sewa wa
(Mak 3:1-6; Luk 6:6-11)
9Yeesu le bela dɛ kaa cheremi dea bɛl ta, 10dɛ baa bɛl o nɔn aa sewa lɔ bela. Dɛ nɛra bane lɔ bela dɛɛ nyin dɛ́ kpɔ waa dawɛ Yeesu nɛ. Anomanta, ba pɛɛro ŋɔ, “Ya Mmara la dɛ tɛ yaa ŋwɛnɛ kɛ ya won chah weela Ona Tɔpere aa?”
11Anee Yeesu chaŋe ŋɔ, “Amɔ dɛ he bini bɛl pee le bɔluŋ bɛl bini Ona Tɔpere aa, ɛrɛɛ wɛɛ ba ɛɛ yɔ? Waa pee laanee ka lawɛ le bɔɔ la bini naa? 12Nɛn ta pee ɡwaalaa? Anomanta, ya Mmara dɛ tɛ yaa ŋwɛnɛ ŋɔ yá ɛ nɛn wedɛɛɡa Ona Tɔpere.”
13Anee o ŋɔ baa la o nɔn aa sewa la be ŋɔ, “Tɛr he nɔn.” Asɛ baa la tɛr o nɔnsewe la, dɛ o berɔ do kpeɡri ɡɛ o fa aa doa wubwa la, dɛ do kɛ o nɔn la waa wola sewɛ la. 14Belaa Farisii tena la le bela dɛɛ vɔrɔwe kɛ bá kpo Yeesu.
Bonɔɔ Korowii aa leo tɛ o te wa
15Yeesu aa naa kɛ nɛra la dɛ nyinu dɛ́ kpo la, o le bela kaa bofale, dɛ nɛnlaa tenten teŋɛ o nɛ, asɛ o chah ba bini banɔ la ba bwara aa dɛ wee ba la bwa, 16dɛ ŋɔ ba bɛ o waa taa baɡle nomɛlbwa. 17Gɛ Yeesu aa ɛa nɔɔ ɡela ba jemɛ kɛ waa Korowii keame Aesaya fa aa bola la ɛ kasinteŋ.
18O bolɔ ŋɔ,
“N bonɔɔ maa leo laanee la.
O waa mɛɛ nyin, asɛ n sie ɡee lɛ o nɛɛ ɡa.
Mɛɛ ɡeloo n Doma ba so o nɛ,
ásɛ o baɡle nɛra baa lɔ harɛ ta bwa ɡe
ɡɛ n kasinteŋ ŋwɛnɛre aa doa.#Aes 42:1
19Waa waa tɔŋle dɛɛ nyɛɡ,
waa takpeɡ ɡee kpɔ bol waa fɔɡbaahna.
20Nɛn do kɛŋɔ daa waa ɡwɛɛna
dɛɛ ba kui yaa, waa ɡel o ku.
Dɛ o do kɛŋɔ kandea waa dɛ lawɛ
kɛlll la ɡe aa, waa ɡel ó dime.
Wɛɛ lawɛ bambile nɛra nɛɛ dɛ́ yo ka tel ɡɛ saŋ
nɛra bwa aa ba jemɛ Korowii kasinteŋ ŋwɛnɛre la,
21ásɛ nɛra baa lɔ harɛ ta bwa kpɔ ba hwɛɡa dawɛ o nɛ.”
Yeesu ne Bɛlsebul
(Mak 3:20-30; Luk 11:14-23)
22Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola. 23Waa Yeesu aa ɛa la ɡelɔ nɛnlaa la bwa nyoa kpo, baa pɛɛ dɔŋa ŋɔ, “Amɔ Devid Naa nɔɔ naa?”
24Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”
25Yeesu aa jemɛ waa baa dɛ bol la, anee o ŋɔ, “Dɛ harɛ bɛl ta tena bini pere anɛ ba ɡbo ɛɛ yo aa, harɛ la dɛ paɡre. Asɛ bwɛjen bɛlbwa ɡe o bini aa pere anɛ bampera ne bampera ɛɛ yo la, bwɛɛ la dɛ paɡre. Gɛɛ dɛ waane ba lolanar bane bini asɛ ba pere anɛ ba ɡbo ɛɛ yo aa, lola la aa won ɛ lola. 26Anomanta, dɛ Bɔnsam kora bini peɡro baa yo aa, amɔ te kora la aa won ɛ kora. 27Dɛ he ŋɔ Bɛlsebulee tɛ mɛ kpeɡri n won kwaa doŋa nɛra nɛɛ aa, a wer. Aah, dɛ he ɡe, umee tɛ he habɔteŋra nɔ kpeɡri ba won a doŋa ɔ? He ɡbaɡba habɔteŋra la we-ɛɛlaa dɛɛ baɡle kɛŋɔ he kono kwara! 28Korowii Domadɛɛɡe kpeɡri nee mɛɛ doŋi kwaa aa dɛ ir nɛra nɛɛ la. Anomanta, hé jemɛ kɛŋɔ Korowii Kora dii la telo tonɛ.
29Nomɛlbwa aa won jo bokpeɡa te dea dɛ́ ŋwɛ o laala, nemenɛ o tɔ sie won vɔrɔwo mɔɔ, dɛ́ won jo o dea dɛ́ pa o laala.
30Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre. 31Anomanta, n dɛ ŋɔ he be kɛ Korowii ɛɛ wonoo kpɔ wechɔɡa bɛlbwa ne wobochɔɡa bɛlbwa kɛ nɛn. Kɛ nomɛlbwa waa bol Korowii Domadɛɛɡe la te nɛnhɛlwobol la, waa kpɔ kɛo bwa. 32Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”
Daa ne o nɔna
(Luk 6:43-45)
33Yeesu berɔ ŋɔ, “Dɛ daa nɔn wer aa, dɛ daa la ɡbabirii wera. Kɛ dɛ he ŋɔ daa nɔn aa weraa, dɛ daa la ɡbabir ɡee wola were. Daa nɔn taa ba che dɛɛ jemɛ o dasoo. 34Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol. 35Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini. 36N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.#Sɛɡ 10:19 37He ɡbaɡba wobol taa Korowii ɛɛ ba cheɡa pa heyaa bole. He wobol ɛ wobodɛɛɡa aa, wɛɛ pae boldɛɛɡee, dɛ he wobol ɛ wobochɔɡa aa, wɛɛ pae bolchɔɡee.”
Ba soŋe Yeesu ŋɔ ó ɛ nyokpowa ba na
(Mak 8:11-12; Luk 11:29-32)
38Tɔnjerema la bane ne Farisii tena bane ba Yeesu be dɛ ba ŋɔ, “Nomoa, ya dɛ nyin kɛ he ɛ nyokpowaane yá na dɛ́ jemɛ kɛ kpelaa Korowii bee he le.”
39Anee Yeesu chaŋ ba ŋɔ, “Ɛrɛɛ fini nɛra ɛ wechɔɡ-ɛɛra ɡbo baa wola Korowii ɔmɛ ɡɛ nɔɔ? Maa wobɛlbwaa ɛ hé na, nemenɛ waa aa pu Korowii keame Jona la dɔŋ ɡboo dɛɛ ba n ɡe pui, ásɛ he che a ta jemɛ n nɛnsoo. 40Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.#Jon 1:17 41Awola nɛra bwa aa ir seo ta dɛ ba che Korowii sie, ásɛ o bol ba waa dɛ́ pa bole la, Niniwe tena ɛɛ bol waa bɔ fini nɔ tena, dɛkalkɛ ba te no Korowii waa Jona aa bola la mun dɛ charɛ ba liire le ba wechɔɡa ta.#Jon 3:5 Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no. 42Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”#1Ko 10:1-10
Bɔnsam torome bera dɛ́ ba nɛn be ja
(Luk 11:24-26)
43Yeesu berɔ ŋɔ, “Fini nɔ nɛra do kɛŋɔ nɛn Bɔnsam aa ɡela o torome bɛl do o nɛɛ dɛ chɔɡ o da. A habɔɔ la, naate charɛ o liire, asɛ Bɔnsam torome la le o nɛɛ dɛ kaa ka nyin bofale dɛ so. O ɡaaɡaa, o ta wone dɔ bɔr dɛ́ so onɛ, 44dɛ berɛ ŋɔ, ‘Mɛɛ kaa n buɡ ta bela maa lea ba laanee,’ 45dɛ berɛ ka na kɛ baa la liire chaahnɔ kɛŋɔ dea baa chaaro dɛ kwaaro kɛrɛdɛ, kɛ dɛ ɡel o chɔ pɛɛ. Gɛɛ o yon la ka kpɔ o bala banuanɛ aa ɡwaalo kwara. A bwa yon ba so naate la nɛ, dɛ́ chɔɡ o da ɡwaa ɡɛ o fa aa doa wubwa la. Gɛɛ aa ba doe fini nɔ nɛra baa ɛ nɛnchɔɡa nɔ nɛ.”
Yeesu nya ne Yeesu nimanar
(Mak 3:31-35; Luk 8:19-21)
46Yeesu nyoa ta aa lɔ waa ta o bol dɛɛ baɡle nɛra la la, o nya ne o nimanar ba bela dɛ ba che buse dɛɛ nyinu dɛ́ bol waa o be.#Weɛ 1:14 47Anomanta, nɛra la bɛl ŋɔ o be ŋɔ, “Nyiŋi na, he nya ne he nimanar cheɡɛ buse dɛɛ nyin he bɔr dɛ́ bol waa he be.”
48Yeesu pɛɛ ba ŋɔ, “Umee n nyaɔ? Umewaa n nimanar ɔ?” 49Asɛ o tɛr o nɔn pa o habɔteŋra la nɛɛ dɛ ŋɔ, “Hé na n nya ne n nimanar. 50Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.