Lewi Dea Tena 26
26
Deŋnepwɛr Kembɔr
1Korowii berɔ ŋɔ, “He bɛ voɡa kɛɛ kon haa sɛoh kɛɛ bwe kpɔ pa dɛɛ tomɔ. Menee Korowii haa dɛ tom mɛ la.
2Hɛ́ɛ di n Ona Tɔpera la, ásɛ dɛ ɡel duure do n Dea bela. Men Korowiirii bola.
3Hé dɛ teŋɛ me Mmarare ne waa maa dɛ do heyaa a ta kɛrɛdɛ naa, 4mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ. 5Kondikwaa bala aa ba kohona nomanta, hɛɛ do mea lɔɔra taa dɛ daa nɔna chaara joɔ, ásɛ haa ba chaa daa nɔna ɡe la, dɛ mea ɡe dui saŋ telo. Hɛɛ dɔ kondikwaa bɛlbwa haa dɛ nyinii dɛ́ di, dɛ́ so deŋnesɔɔhna ta he harɛ ta.
6Mɛɛ ɡeloo hé dɔ deŋnesɔɔhna harɛ la ta, ásɛ dɛ he chɔɔɡɔ kwaraa naa, nomɛlbwa aa won ba aah heya. Mɛɛ le kpɔɡ bini ola aa lɔ harɛ la ta bwa nee. Haa laa ɡbɔɡa ɡee no kpa. 7Mɛɛ ɡeloo hé ti he dɔma dɛ́ pɔ ba nɛ, 8ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.
9Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che. 10Hɛɛ dɔ kondikwaa di a ka anfala baa pua, ásɛ he le ambena la ne ka ta, dɛ́ dɔ bɔr do anfala la. 11Mɛɛ so he be n Tɛnte Dea la binii. Maa habɔɔ berɛ kpo heyaa bwa.#Ɛse 37:27; Wep 21:3 12Mɛɛ ja he nɛɛ, dɛ́ ɛ Korowii haa dɛ tom mɛ, ásɛ he ɡe ɛ n nɛra. 13Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.
Deŋnekpeɡ ɛɛ deŋnetɛra
14Dɛ he ta deŋne cheɡɛ dɛɛ no waa maa dɛ do heyaa a ta nɔ, 15dɛ vɛh me Mmarare ne n waa ta teŋa, dɛ chɔɡ fɔo n ne haa fɔwa la aa, 16mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia. 17N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.
18Hale anɔ bwa habɔɔ dɛ haa n be no aa, mɛɛ berɔ ja he deŋnetɛra ta bele anuanɛ. 19Mɛɛ chɔɡ he deŋnekpeɡ mbarafo we-ɛɛla bwaa, maa ɡel bwaala nɛ, ásɛ harɛ bwa hol dɛ́ do kpeɡri kɛŋɔ buni ken. 20He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.
21He ta teŋɛ he deŋnekpeɡ la ta haa n waa ta teŋaa, mɛɛ berɔɔ ja he deŋnetɛra la ta bele anuanɛ. 22Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.
23Dɛ deŋnetɛra nɔ habɔɔ, haa n waa ta teŋɛ, dɛ taŋ deŋne haa men bu aa, 24n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja. 25Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba. 26Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.
27Anɔ bwa habɔɔ, he ta teŋɔ dɛɛ ɛ deŋnekpeɡ haa n waa ta teŋaa, 28ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la. 29Lɔr la nomanta, hɛɛ chwe he bibaala ne he bihaahna olaa. 30Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya. 31Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa. 32Gɛ maa chɔɡ harɛ la ɛɛ ɡeloo he dɔma baa ba so o ta la bambile chɔɡ kohona.#Dan 9:11 33Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.#2We 36:20-21 34Belaa he harɛre la ɛɛ ba ona dɛ le saŋ haa peɡra dɛ ka soŋni he dɔma harɛre ta la ta. 35Nomɛlbwa aa wola toole dɛ so harɛ la ta nomanta, wɛɛ chɔ pɛɛ ásɛ dɛ ɡe di Ona Tɔpera saŋ haa soɡe o ta he ta ɡelɛ o won onɛ la.
36Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi. 37Hɛɛ ka lɔ dɔŋaa, dɛ́ choɡli dɛ nomɛlbwa ta he nɛɛ teŋɛ. Haa won che he dɔma bɛlbwa sie he ne ba yo. 38Nɛra bane harɛre taa hɛɛ ba serewa, ásɛ ba huɡe heya. 39Hé banɔ la haa ba ka dɛ́ do he dɔma harɛre ta la, he ne he naawa wechɔɡa nomanta, aa hiah heyaa.
40Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,#Jer 3:13 41dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa, 42belaa mɛɛ ba ń lii n fɔo n ne Jekɔb ne Aesek dɛ Abraham aa fɔwa la wa, ásɛ dɛ kpɔ harɛ maa baɡ ba nyoa la tɛɛ ba. 43Kɛ ba bwa ɛɛ chwao le harɛ la ta, ásɛ o chɔ pɛɛ dɛ́ onɛ ɡɛ aa chɛa. Ásɛ dɛ bɔ ba wechɔɡa baa ɛa la bwa kem, dɛkalkɛ ba vɛh me Mmarare ta teŋa. 44Dɛ ba ta lɔ ba dɔma harɛre ta kwaraa naa, maa ban ɡel, mɛɛ chɔɡ baa kɛŋɔ baa chɔɡ n ne ba fɔo yaa fɔwa la. Menee Korowii haa dɛ tom mɛ la. 45Mɛɛ koh ba waa, dɛ́ lii n ne ba naawa fɔo yaa fɔwa la. Gɛ maa ɡela harɛre na n kpeɡri, dɛ lawɛ n nɛra le Ijipt harɛ ba siwi ta la wa. Men Korowiirii bola.”
46Anɔɔ ɛ Mmarare Korowii aa cheɡɛ Mosis nɛɛ Sinai Bwejen la ta dɛ kpɔ tɛ Israel tena.
Currently Selected:
Lewi Dea Tena 26: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Lewi Dea Tena 26
26
Deŋnepwɛr Kembɔr
1Korowii berɔ ŋɔ, “He bɛ voɡa kɛɛ kon haa sɛoh kɛɛ bwe kpɔ pa dɛɛ tomɔ. Menee Korowii haa dɛ tom mɛ la.
2Hɛ́ɛ di n Ona Tɔpera la, ásɛ dɛ ɡel duure do n Dea bela. Men Korowiirii bola.
3Hé dɛ teŋɛ me Mmarare ne waa maa dɛ do heyaa a ta kɛrɛdɛ naa, 4mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ. 5Kondikwaa bala aa ba kohona nomanta, hɛɛ do mea lɔɔra taa dɛ daa nɔna chaara joɔ, ásɛ haa ba chaa daa nɔna ɡe la, dɛ mea ɡe dui saŋ telo. Hɛɛ dɔ kondikwaa bɛlbwa haa dɛ nyinii dɛ́ di, dɛ́ so deŋnesɔɔhna ta he harɛ ta.
6Mɛɛ ɡeloo hé dɔ deŋnesɔɔhna harɛ la ta, ásɛ dɛ he chɔɔɡɔ kwaraa naa, nomɛlbwa aa won ba aah heya. Mɛɛ le kpɔɡ bini ola aa lɔ harɛ la ta bwa nee. Haa laa ɡbɔɡa ɡee no kpa. 7Mɛɛ ɡeloo hé ti he dɔma dɛ́ pɔ ba nɛ, 8ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.
9Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che. 10Hɛɛ dɔ kondikwaa di a ka anfala baa pua, ásɛ he le ambena la ne ka ta, dɛ́ dɔ bɔr do anfala la. 11Mɛɛ so he be n Tɛnte Dea la binii. Maa habɔɔ berɛ kpo heyaa bwa.#Ɛse 37:27; Wep 21:3 12Mɛɛ ja he nɛɛ, dɛ́ ɛ Korowii haa dɛ tom mɛ, ásɛ he ɡe ɛ n nɛra. 13Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.
Deŋnekpeɡ ɛɛ deŋnetɛra
14Dɛ he ta deŋne cheɡɛ dɛɛ no waa maa dɛ do heyaa a ta nɔ, 15dɛ vɛh me Mmarare ne n waa ta teŋa, dɛ chɔɡ fɔo n ne haa fɔwa la aa, 16mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia. 17N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.
18Hale anɔ bwa habɔɔ dɛ haa n be no aa, mɛɛ berɔ ja he deŋnetɛra ta bele anuanɛ. 19Mɛɛ chɔɡ he deŋnekpeɡ mbarafo we-ɛɛla bwaa, maa ɡel bwaala nɛ, ásɛ harɛ bwa hol dɛ́ do kpeɡri kɛŋɔ buni ken. 20He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.
21He ta teŋɛ he deŋnekpeɡ la ta haa n waa ta teŋaa, mɛɛ berɔɔ ja he deŋnetɛra la ta bele anuanɛ. 22Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.
23Dɛ deŋnetɛra nɔ habɔɔ, haa n waa ta teŋɛ, dɛ taŋ deŋne haa men bu aa, 24n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja. 25Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba. 26Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.
27Anɔ bwa habɔɔ, he ta teŋɔ dɛɛ ɛ deŋnekpeɡ haa n waa ta teŋaa, 28ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la. 29Lɔr la nomanta, hɛɛ chwe he bibaala ne he bihaahna olaa. 30Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya. 31Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa. 32Gɛ maa chɔɡ harɛ la ɛɛ ɡeloo he dɔma baa ba so o ta la bambile chɔɡ kohona.#Dan 9:11 33Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.#2We 36:20-21 34Belaa he harɛre la ɛɛ ba ona dɛ le saŋ haa peɡra dɛ ka soŋni he dɔma harɛre ta la ta. 35Nomɛlbwa aa wola toole dɛ so harɛ la ta nomanta, wɛɛ chɔ pɛɛ ásɛ dɛ ɡe di Ona Tɔpera saŋ haa soɡe o ta he ta ɡelɛ o won onɛ la.
36Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi. 37Hɛɛ ka lɔ dɔŋaa, dɛ́ choɡli dɛ nomɛlbwa ta he nɛɛ teŋɛ. Haa won che he dɔma bɛlbwa sie he ne ba yo. 38Nɛra bane harɛre taa hɛɛ ba serewa, ásɛ ba huɡe heya. 39Hé banɔ la haa ba ka dɛ́ do he dɔma harɛre ta la, he ne he naawa wechɔɡa nomanta, aa hiah heyaa.
40Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,#Jer 3:13 41dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa, 42belaa mɛɛ ba ń lii n fɔo n ne Jekɔb ne Aesek dɛ Abraham aa fɔwa la wa, ásɛ dɛ kpɔ harɛ maa baɡ ba nyoa la tɛɛ ba. 43Kɛ ba bwa ɛɛ chwao le harɛ la ta, ásɛ o chɔ pɛɛ dɛ́ onɛ ɡɛ aa chɛa. Ásɛ dɛ bɔ ba wechɔɡa baa ɛa la bwa kem, dɛkalkɛ ba vɛh me Mmarare ta teŋa. 44Dɛ ba ta lɔ ba dɔma harɛre ta kwaraa naa, maa ban ɡel, mɛɛ chɔɡ baa kɛŋɔ baa chɔɡ n ne ba fɔo yaa fɔwa la. Menee Korowii haa dɛ tom mɛ la. 45Mɛɛ koh ba waa, dɛ́ lii n ne ba naawa fɔo yaa fɔwa la. Gɛ maa ɡela harɛre na n kpeɡri, dɛ lawɛ n nɛra le Ijipt harɛ ba siwi ta la wa. Men Korowiirii bola.”
46Anɔɔ ɛ Mmarare Korowii aa cheɡɛ Mosis nɛɛ Sinai Bwejen la ta dɛ kpɔ tɛ Israel tena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.