Lewi Dea Tena 21
21
Mmarare aa chɔ le tɛ sɔfore
1Korowii berɔ ŋɔ Mosis be ŋɔ ó bol Arɔn bibaala sɔfore la be kɛŋɔ dɛ bɛl lole sewaa, o bɛ o te kpɔ dɛɛ jo o lole la lwe we-ɛɛla ta, dɛ́ kah doŋa, 2nemenɛ o lole tenten kɛŋɔ nya ne mɛɛ, ne o bihaah kɛɛ bibaa, dɛ nime bibaa kɛɛ dɔɔ, 3kɛɛ nimambihaah waa wola yalɛ mɔɔ o ne o ta so dembeŋkpoŋ ta wɛɛ nyiŋu. 4A ta chɛ kɛ ó kpɔ o te jo o lolanar baa yala we-ɛɛla ta dɛ́ kah doŋa.
5Sɔfo bɛlbwa bɛ o nyu fonɛ kɛɛ dɛ kuu o tampona dɛ́ mɔne o bwara á baɡle kɛ o dɛ ɛ lwe. 6A chɛ kɛŋɔ ó do ɡoroŋ dɛ́ che tɛ Korowii dɛ bɛ o sɔndɛɛɡe la chɔɡ. Dɛkalkɛ onee kpɔ saraha kwaa baa fuah a ɛ kondikwaa aa do ɡoroŋ dɛ ɛ Korowii kwaa la baa tɛo.#Lew 1:2-17
7A ta chɛ kɛ sɔfo mo haah waa bɔ jwamane dɛ kah doŋa kɛɛ haah o jaa aa vɛoh. Dɛkalkɛ sɔfore ɛ nɛra baa do ɡoroŋ. 8Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.
9Dɛ sɔfo bihaah dɛ bɔ jwamane dɛ kah doŋa aa, dɛ o mɛɛ wɛɛ do sihiih la. A chɛ kɛ bá fuuh.
10Sɔfo baa leo o bala bini dɛ fuɡe noo do o nyu ta, dɛ ɛo Sɔfonomoa dɛ doo laala la ta chɛ kɛŋɔ ó ɡel o nyumpona loromi kɛɛ ó kɛɛ o laala á baɡle kɛ o lɔ lwe ta. 11Sɔfonomoa la bɛ bela nɛn aa sewa dɛ chɔ la jo. O ta ŋwɛnɛ dɔe hale dɛ o mɛɛ kɛɛ o nyaa sewa oo, ó ka jo o be dɛ́ kah doŋa, 12kɛɛ dɛ́ le Korowii waa dɛ tomɔ Dea ta, kɛɛ dɛ́ ɡel o kah doŋa, dɛkalkɛ ba fuɡe noo do o nyu ta dɛ ɛo Sɔfonomoa tɛ Korowii waa dɛ tomɔ. Korowiirii bola.
13Haah waa wola baa jemɛ bwa laanee chɛ kɛ ó mo. 14O bɛ luhaah kɛɛ haah o jaa aa vɛoh, kɛɛ haah waa ɛ jwamane te dɛ kah doŋa mo. O dea waa le o ta haah waa wola baa jemɛ bwa laanee chɛ kɛ ó mo. 15Gɛɛ dɛ ɡel o bɛ doŋa kpɔ kah o bii o nɛra bini. Korowiirii leo o do ɡoroŋ.
16Korowii berɔ ŋɔ Mosis be ŋɔ, 17ó bol Arɔn be kɛŋɔ, o naanar baa ka ba bini bɛlbwa waa di kirihiah la ta chɛ kɛ o kpɔ saraha kondikwaa ba tɛ Korowii waa dɛ tomɔ la saŋ bɛlbwa bwa. 18Baa bɛlbwa waa di kirihiah ta a ɡɛ ŋwɛnɛ dɔe. Nomɛlbwa waa ɛ nyoŋe kɛɛ boobi, kɛɛ o bobɛl aa di kirihiah, 19ne onɔ la o nɔn kɛɛ o nakpala aa sewa, 20ne chacha te kɛɛ kiribi te, ne nɛn waa dɔ siweela te bwa soo siwi kɛɛ bwadabii weela kɛŋɔ ŋwɛra aa dɛ wi ne, kɛɛ o lure aa chɔɡa. 21Arɔn naa te bɛlbwa waa di kirihiah la ta chɛ kɛ ó kpɔ saraha kwaa ba Korowii sie dɛ́ ba fuah. O di kirihiah, anomanta, a ta chɛ kɛ o kpɔ saraha kwaa ba n sie ba tɛ Korowii waa dɛ tomɔ. 22Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa, 23kɛ o kirihiah dii nomanta, a ta chɛ kɛŋɔ ó suuh tel pateesan la á ba ɛ kɛŋɔ wɛɛ bɛne saraha kon laanee, dɛ́ ba kpɔ doŋa kah o bɔr waa do ɡoroŋ la. Korowiirii ɡela a do ɡoroŋ.
24Gɛ waa nɔɔ Mosis bol Arɔn ne o bibaala dɛ Israel tena bwa be.
Currently Selected:
Lewi Dea Tena 21: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Lewi Dea Tena 21
21
Mmarare aa chɔ le tɛ sɔfore
1Korowii berɔ ŋɔ Mosis be ŋɔ ó bol Arɔn bibaala sɔfore la be kɛŋɔ dɛ bɛl lole sewaa, o bɛ o te kpɔ dɛɛ jo o lole la lwe we-ɛɛla ta, dɛ́ kah doŋa, 2nemenɛ o lole tenten kɛŋɔ nya ne mɛɛ, ne o bihaah kɛɛ bibaa, dɛ nime bibaa kɛɛ dɔɔ, 3kɛɛ nimambihaah waa wola yalɛ mɔɔ o ne o ta so dembeŋkpoŋ ta wɛɛ nyiŋu. 4A ta chɛ kɛ ó kpɔ o te jo o lolanar baa yala we-ɛɛla ta dɛ́ kah doŋa.
5Sɔfo bɛlbwa bɛ o nyu fonɛ kɛɛ dɛ kuu o tampona dɛ́ mɔne o bwara á baɡle kɛ o dɛ ɛ lwe. 6A chɛ kɛŋɔ ó do ɡoroŋ dɛ́ che tɛ Korowii dɛ bɛ o sɔndɛɛɡe la chɔɡ. Dɛkalkɛ onee kpɔ saraha kwaa baa fuah a ɛ kondikwaa aa do ɡoroŋ dɛ ɛ Korowii kwaa la baa tɛo.#Lew 1:2-17
7A ta chɛ kɛ sɔfo mo haah waa bɔ jwamane dɛ kah doŋa kɛɛ haah o jaa aa vɛoh. Dɛkalkɛ sɔfore ɛ nɛra baa do ɡoroŋ. 8Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.
9Dɛ sɔfo bihaah dɛ bɔ jwamane dɛ kah doŋa aa, dɛ o mɛɛ wɛɛ do sihiih la. A chɛ kɛ bá fuuh.
10Sɔfo baa leo o bala bini dɛ fuɡe noo do o nyu ta, dɛ ɛo Sɔfonomoa dɛ doo laala la ta chɛ kɛŋɔ ó ɡel o nyumpona loromi kɛɛ ó kɛɛ o laala á baɡle kɛ o lɔ lwe ta. 11Sɔfonomoa la bɛ bela nɛn aa sewa dɛ chɔ la jo. O ta ŋwɛnɛ dɔe hale dɛ o mɛɛ kɛɛ o nyaa sewa oo, ó ka jo o be dɛ́ kah doŋa, 12kɛɛ dɛ́ le Korowii waa dɛ tomɔ Dea ta, kɛɛ dɛ́ ɡel o kah doŋa, dɛkalkɛ ba fuɡe noo do o nyu ta dɛ ɛo Sɔfonomoa tɛ Korowii waa dɛ tomɔ. Korowiirii bola.
13Haah waa wola baa jemɛ bwa laanee chɛ kɛ ó mo. 14O bɛ luhaah kɛɛ haah o jaa aa vɛoh, kɛɛ haah waa ɛ jwamane te dɛ kah doŋa mo. O dea waa le o ta haah waa wola baa jemɛ bwa laanee chɛ kɛ ó mo. 15Gɛɛ dɛ ɡel o bɛ doŋa kpɔ kah o bii o nɛra bini. Korowiirii leo o do ɡoroŋ.
16Korowii berɔ ŋɔ Mosis be ŋɔ, 17ó bol Arɔn be kɛŋɔ, o naanar baa ka ba bini bɛlbwa waa di kirihiah la ta chɛ kɛ o kpɔ saraha kondikwaa ba tɛ Korowii waa dɛ tomɔ la saŋ bɛlbwa bwa. 18Baa bɛlbwa waa di kirihiah ta a ɡɛ ŋwɛnɛ dɔe. Nomɛlbwa waa ɛ nyoŋe kɛɛ boobi, kɛɛ o bobɛl aa di kirihiah, 19ne onɔ la o nɔn kɛɛ o nakpala aa sewa, 20ne chacha te kɛɛ kiribi te, ne nɛn waa dɔ siweela te bwa soo siwi kɛɛ bwadabii weela kɛŋɔ ŋwɛra aa dɛ wi ne, kɛɛ o lure aa chɔɡa. 21Arɔn naa te bɛlbwa waa di kirihiah la ta chɛ kɛ ó kpɔ saraha kwaa ba Korowii sie dɛ́ ba fuah. O di kirihiah, anomanta, a ta chɛ kɛ o kpɔ saraha kwaa ba n sie ba tɛ Korowii waa dɛ tomɔ. 22Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa, 23kɛ o kirihiah dii nomanta, a ta chɛ kɛŋɔ ó suuh tel pateesan la á ba ɛ kɛŋɔ wɛɛ bɛne saraha kon laanee, dɛ́ ba kpɔ doŋa kah o bɔr waa do ɡoroŋ la. Korowiirii ɡela a do ɡoroŋ.
24Gɛ waa nɔɔ Mosis bol Arɔn ne o bibaala dɛ Israel tena bwa be.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.