Lewi Dea Tena 11
11
Ola aa wera ne anɔ la aa wola were ne dii
1Korowii ŋɔ Mosis ne Arɔn be ja ŋɔ, 2bá ŋɔ Israel tena be ŋɔ, “Ola aa chɛ kɛŋɔ hé di laanee nɔ. 3Ola a nafikoko aa pera, a di kwa dɛ berɛ won uɡa dɛ dia la, anee wera ne dii.
4Ane lole dɛ uɡe dɛɛ di, kɛɛ a nafikoko ɡbo pere, ane ɡe lole a nafikoko pere kɛ aa kwaa uɡe dɛɛ di. He bɛ an di. Nyoɡma uɡe o kondikwa dɛ berɛ dɛɛ dia kɛ o nafikoko ta pere, waa were ne dii. 5He bɛ aah di. A lole kɛŋɔ o uɡo dɛ berɛ dɛɛ dia te, kɛ o nafikoko ta anɛ pere. Waa were tɛ heyaa kɛŋɔ he diu. 6Chooma ɡe di kwa aa, o berɔ uɡa dɛɛ di, kɛ o nafikoko ta pere. Waa were tɛ heyaa kɛ he di. 7Parako ɡe aa were tɛ heyaa ne dii. A lole kɛŋɔ o pere nafikoko, kɛ waa won kwaa uɡe dɛɛ di. 8He bɛ nɔn kpɔ leɡe a ola a ba ɛ kɛŋɔ hɛɛ dia. A sewɔ kwaraa naa, he bɛ an leɡe.
9Koŋkwaa aa lɔ nee bini ɡe la, hɛɛ won di anɔ la aa dɔ kena ne pɛɡa. 10Pɛŋa aa lɔ nee bini dɛ ja anɔ la aa dɛ tuuɡi tea ta, ne anɔ la aa dɛ huuh te bɛlbwa aa wola kena ne pɛɡa dɔe la chɛ kɛ hé kia. 11Aa chɛ kɛ he kia nomanta, he bɛ nɔn kpɔ leɡa a ba ɛ kɛŋɔ hɛɛ dia. 12Kwaa aa lɔ nee bini aa wola pɛɡa ne kena dɔe la te bɛlbwa chɛ kɛŋɔ hé kia.
13Jumbii ane lole a chɛ kɛŋɔ hé kia dɛ bɛ an dɛɛ di. A ɡɛ jumbii nɔɔ kɔla ne kɔkɔsaki, 14ne ɛɡre ne a soo siwi bwa, 15ne ɡaahɡaah te bwa soo siwi, 16ne kwiu bwa soo siwi, ne jumbijen waa lɔ mpo ta dɛ kɔla te bwa soo siwi, 17ne kwiujeɡa ne seralɛŋhaah dɛ kwiujen, 18ne kwiu bwa soo siwi, ne anɔ la bwa aa lɔ pua hɛŋle ɡbo harɛ ta dɛ kee, 19ne nyeŋɡboŋ ne bambaŋkɔɡre bwa soo siwi ne lalakpale dɛ jem.
20Koŋɡaahla aa dɔ naa anaarɛ kɛɛ dɛ dawɛ la aa wera tɛ heya. Hé kia. 21Nemenɛ anɔ la aa dɛ jah ɡboo wera tɛ heya kɛ hé di. 22A bini anɔ la haa di laanee, tontombɛ te bwa soo siwi, ne pom kɛɛ hɔɔhre. 23Ate habɔɔ, koŋɡaahla aa dɔ naa anaarɛ dɛ dawɛ la te bɛlbwa chɛ kɛ hé kia.
24Nomɛlbwa dɛ hɛlɛ a ta naa, o kah doŋa. Bɛlbwa leɡe a lala kwaraa naa, o kah doŋa ka tel jɔmɔra. 25Bɛlbwa waa ka kpɔ a bɛlbwa lale la chɛ kɛŋɔ ó chɛɡɛ o laala. O kah doŋa ka tel jɔmɔra.
26Ol bɛlbwa waa ɛ nafeate o nafikoko baah aa wola pere kɛrɛdɛ, kɛɛ waa wola berɛ uɡe kwaa dɛɛ dia la aa were tɛ heya ne dii. Nomɛlbwa waa leɡe a lala la kah doŋa. 27Ola aa wola nafea tena ɛɛ dɛ dɔ nanie la aa were tɛ heya ne dii. Nomɛlbwa waa leɡe a lala la kah doŋa ka tel jɔmɔra.
28Nomɛlbwa ɡe waa kpɔ bɛl lale la, a chɛ kɛ ó chɛɡɛ o laala. Dɛ naate kah doŋa ɡe ka tel jɔmɔra. Aa were tɛ heya.
29Ola ane ɡe lole aa wola were tɛ heyaa ne dii. Ola ane kɛŋɔ damɡboŋri te bwa soo siwi, mare ne baah bɛlbwa soo siwi, 30ne ɡer ne taŋɡar ne deabie, ne sɛɡrɛbɛdom dɛ karaŋɡboŋa. 31Anee ɛ ola aa dɛ huuh kɛɛ dɛɛ tuuɡi tea ta aa wola were tɛ heyaa ne dii. Nomɛlbwa bɛl aa sewɛ o ka leɡo la, kah doŋa ka tel jɔmɔra. 32Dɛ a bini bɛl sewɔ dɛ le ba le komɛl waa do wer bɛlbwa ta naa, dɛ a ɡɛ kon la kah doŋa. Dɛ daa ba kpɔ ɛo kɛɛ yal, kɛɛ oltɔn kɛɛ dɛ yakwara taa o le aa, o kah doŋa ka tel jɔmɔra. A chɛ kɛ hé kpɔ do nee ta ásɛ jɔmɔra mɔɔ o berɛ do wer. 33A bini bɛl le vii bini naa, komɛlbwa aa lɔ vii la bini la kah doŋa. A chɛ kɛ hé paɡre vii la ɡe. 34Kondikwaa bɛlbwa baa dia a ɡɛ vii nɔ bini nee bɛlbwa ane aa leɡa la, dɛ a kah doŋa. Asɛ komɛlbwa aa ɛ nee kwaa dɛɛ jo nyoa la ɡe kah doŋa. 35Komɛlbwa sese o ol aa leɡo la kah doŋa. Dɛ kon baa dɛ mar nii o bini kɛɛ vii baa dɛ daa o ne kondikwa kwaraa yoo, a chɛ kɛ bá paɡre a bwa. A ɛ kwaa doŋa aa lɔ a ta dɛ tɛ heya. 36Dɛ nee nyuune ta kɛɛ kɔlɔŋ bini nee yaa, a ɡbo wer. Kɛ nomɛlbwa waa leɡe kon la lale la, o kah doŋa. 37Dɛ kon la lale leɡe kondwee aa, dɛ a ta wer, doŋa bɛlbwa toole a ta. 38Kɛ dɛ ba kpɔ kondwee la senɛ nee ta, asɛ kon la lale la bɛl le a ta naa, dɛ aa were tɛ heyaa kpa.
39Dɛ ol waa wera kɛ he diu la ɡee sewa aa, nomɛlbwa waa leɡe o lale la kah doŋa dɛ ka tel jɔmɔra. 40Nomɛlbwa waa di ɡɛ konlale la ol la, a chɛ kɛ ó chɛɡɛ o laala. Naate kah doŋa ka tel jɔmɔra. Asɛ nomɛlbwa ɡe waa ka kpɔ o lale la chɛ kɛ ó chɛɡɛ o laala, o kah doŋa ka tel jɔmɔra ɡe.
41Koŋkwaa bwa aa dɛ huuh kɛɛ dɛɛ tuuɡi tea ta la chɛ kɛ hé kia. He bɛ an di. 42Anɔ la aa dɛ huuh kɛɛ dɛɛ tuuɡi tea ta kɛɛ dɛ dɔ nakpale anaarɛ kɛɛ nakpale aa wara la bwa, hé kia. 43He bɛ ɡɛ kwaa nɔ bɛlbwa di, dɛ́ ba kah doŋa. He bɛ a nɛɛ che kɛɛ dɛ koh a wa, dɛ́ ba kah doŋa. 44Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.#1Pi 1:15-16 45Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.
46Mmarare aa chɔ le tɛ ola ne koŋkwaa aa lɔ nee ta ne anɔ la aa lɔ harɛ ta dɛɛ huuh, kɛɛ dɛɛ tuuɡi tea ta dɛ jumbii laanee la. 47Hé pere kwaa aa wera ne dii le anɔ la aa wola were ne dii ta. Ola ane lole dɛ do wer ne dii ane ɡe aa were ne dii.”
Currently Selected:
Lewi Dea Tena 11: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Lewi Dea Tena 11
11
Ola aa wera ne anɔ la aa wola were ne dii
1Korowii ŋɔ Mosis ne Arɔn be ja ŋɔ, 2bá ŋɔ Israel tena be ŋɔ, “Ola aa chɛ kɛŋɔ hé di laanee nɔ. 3Ola a nafikoko aa pera, a di kwa dɛ berɛ won uɡa dɛ dia la, anee wera ne dii.
4Ane lole dɛ uɡe dɛɛ di, kɛɛ a nafikoko ɡbo pere, ane ɡe lole a nafikoko pere kɛ aa kwaa uɡe dɛɛ di. He bɛ an di. Nyoɡma uɡe o kondikwa dɛ berɛ dɛɛ dia kɛ o nafikoko ta pere, waa were ne dii. 5He bɛ aah di. A lole kɛŋɔ o uɡo dɛ berɛ dɛɛ dia te, kɛ o nafikoko ta anɛ pere. Waa were tɛ heyaa kɛŋɔ he diu. 6Chooma ɡe di kwa aa, o berɔ uɡa dɛɛ di, kɛ o nafikoko ta pere. Waa were tɛ heyaa kɛ he di. 7Parako ɡe aa were tɛ heyaa ne dii. A lole kɛŋɔ o pere nafikoko, kɛ waa won kwaa uɡe dɛɛ di. 8He bɛ nɔn kpɔ leɡe a ola a ba ɛ kɛŋɔ hɛɛ dia. A sewɔ kwaraa naa, he bɛ an leɡe.
9Koŋkwaa aa lɔ nee bini ɡe la, hɛɛ won di anɔ la aa dɔ kena ne pɛɡa. 10Pɛŋa aa lɔ nee bini dɛ ja anɔ la aa dɛ tuuɡi tea ta, ne anɔ la aa dɛ huuh te bɛlbwa aa wola kena ne pɛɡa dɔe la chɛ kɛ hé kia. 11Aa chɛ kɛ he kia nomanta, he bɛ nɔn kpɔ leɡa a ba ɛ kɛŋɔ hɛɛ dia. 12Kwaa aa lɔ nee bini aa wola pɛɡa ne kena dɔe la te bɛlbwa chɛ kɛŋɔ hé kia.
13Jumbii ane lole a chɛ kɛŋɔ hé kia dɛ bɛ an dɛɛ di. A ɡɛ jumbii nɔɔ kɔla ne kɔkɔsaki, 14ne ɛɡre ne a soo siwi bwa, 15ne ɡaahɡaah te bwa soo siwi, 16ne kwiu bwa soo siwi, ne jumbijen waa lɔ mpo ta dɛ kɔla te bwa soo siwi, 17ne kwiujeɡa ne seralɛŋhaah dɛ kwiujen, 18ne kwiu bwa soo siwi, ne anɔ la bwa aa lɔ pua hɛŋle ɡbo harɛ ta dɛ kee, 19ne nyeŋɡboŋ ne bambaŋkɔɡre bwa soo siwi ne lalakpale dɛ jem.
20Koŋɡaahla aa dɔ naa anaarɛ kɛɛ dɛ dawɛ la aa wera tɛ heya. Hé kia. 21Nemenɛ anɔ la aa dɛ jah ɡboo wera tɛ heya kɛ hé di. 22A bini anɔ la haa di laanee, tontombɛ te bwa soo siwi, ne pom kɛɛ hɔɔhre. 23Ate habɔɔ, koŋɡaahla aa dɔ naa anaarɛ dɛ dawɛ la te bɛlbwa chɛ kɛ hé kia.
24Nomɛlbwa dɛ hɛlɛ a ta naa, o kah doŋa. Bɛlbwa leɡe a lala kwaraa naa, o kah doŋa ka tel jɔmɔra. 25Bɛlbwa waa ka kpɔ a bɛlbwa lale la chɛ kɛŋɔ ó chɛɡɛ o laala. O kah doŋa ka tel jɔmɔra.
26Ol bɛlbwa waa ɛ nafeate o nafikoko baah aa wola pere kɛrɛdɛ, kɛɛ waa wola berɛ uɡe kwaa dɛɛ dia la aa were tɛ heya ne dii. Nomɛlbwa waa leɡe a lala la kah doŋa. 27Ola aa wola nafea tena ɛɛ dɛ dɔ nanie la aa were tɛ heya ne dii. Nomɛlbwa waa leɡe a lala la kah doŋa ka tel jɔmɔra.
28Nomɛlbwa ɡe waa kpɔ bɛl lale la, a chɛ kɛ ó chɛɡɛ o laala. Dɛ naate kah doŋa ɡe ka tel jɔmɔra. Aa were tɛ heya.
29Ola ane ɡe lole aa wola were tɛ heyaa ne dii. Ola ane kɛŋɔ damɡboŋri te bwa soo siwi, mare ne baah bɛlbwa soo siwi, 30ne ɡer ne taŋɡar ne deabie, ne sɛɡrɛbɛdom dɛ karaŋɡboŋa. 31Anee ɛ ola aa dɛ huuh kɛɛ dɛɛ tuuɡi tea ta aa wola were tɛ heyaa ne dii. Nomɛlbwa bɛl aa sewɛ o ka leɡo la, kah doŋa ka tel jɔmɔra. 32Dɛ a bini bɛl sewɔ dɛ le ba le komɛl waa do wer bɛlbwa ta naa, dɛ a ɡɛ kon la kah doŋa. Dɛ daa ba kpɔ ɛo kɛɛ yal, kɛɛ oltɔn kɛɛ dɛ yakwara taa o le aa, o kah doŋa ka tel jɔmɔra. A chɛ kɛ hé kpɔ do nee ta ásɛ jɔmɔra mɔɔ o berɛ do wer. 33A bini bɛl le vii bini naa, komɛlbwa aa lɔ vii la bini la kah doŋa. A chɛ kɛ hé paɡre vii la ɡe. 34Kondikwaa bɛlbwa baa dia a ɡɛ vii nɔ bini nee bɛlbwa ane aa leɡa la, dɛ a kah doŋa. Asɛ komɛlbwa aa ɛ nee kwaa dɛɛ jo nyoa la ɡe kah doŋa. 35Komɛlbwa sese o ol aa leɡo la kah doŋa. Dɛ kon baa dɛ mar nii o bini kɛɛ vii baa dɛ daa o ne kondikwa kwaraa yoo, a chɛ kɛ bá paɡre a bwa. A ɛ kwaa doŋa aa lɔ a ta dɛ tɛ heya. 36Dɛ nee nyuune ta kɛɛ kɔlɔŋ bini nee yaa, a ɡbo wer. Kɛ nomɛlbwa waa leɡe kon la lale la, o kah doŋa. 37Dɛ kon la lale leɡe kondwee aa, dɛ a ta wer, doŋa bɛlbwa toole a ta. 38Kɛ dɛ ba kpɔ kondwee la senɛ nee ta, asɛ kon la lale la bɛl le a ta naa, dɛ aa were tɛ heyaa kpa.
39Dɛ ol waa wera kɛ he diu la ɡee sewa aa, nomɛlbwa waa leɡe o lale la kah doŋa dɛ ka tel jɔmɔra. 40Nomɛlbwa waa di ɡɛ konlale la ol la, a chɛ kɛ ó chɛɡɛ o laala. Naate kah doŋa ka tel jɔmɔra. Asɛ nomɛlbwa ɡe waa ka kpɔ o lale la chɛ kɛ ó chɛɡɛ o laala, o kah doŋa ka tel jɔmɔra ɡe.
41Koŋkwaa bwa aa dɛ huuh kɛɛ dɛɛ tuuɡi tea ta la chɛ kɛ hé kia. He bɛ an di. 42Anɔ la aa dɛ huuh kɛɛ dɛɛ tuuɡi tea ta kɛɛ dɛ dɔ nakpale anaarɛ kɛɛ nakpale aa wara la bwa, hé kia. 43He bɛ ɡɛ kwaa nɔ bɛlbwa di, dɛ́ ba kah doŋa. He bɛ a nɛɛ che kɛɛ dɛ koh a wa, dɛ́ ba kah doŋa. 44Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.#1Pi 1:15-16 45Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.
46Mmarare aa chɔ le tɛ ola ne koŋkwaa aa lɔ nee ta ne anɔ la aa lɔ harɛ ta dɛɛ huuh, kɛɛ dɛɛ tuuɡi tea ta dɛ jumbii laanee la. 47Hé pere kwaa aa wera ne dii le anɔ la aa wola were ne dii ta. Ola ane lole dɛ do wer ne dii ane ɡe aa were ne dii.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.