Joel 1
1
1Waa aa le Korowii be dɛ ba Pɛtoɛl bibaa Joel be laanee nɔ.
Tontombɛ ane wa
2Nomonome,
hé cheɡ deŋne no,
hé no,
he nɛra haa lɔ harɛ ta bwa.
Waa nɔ dɔŋa chiɡ
he bere saŋ
kɛɛ he naawa
bere saŋ ta ka aa?
3Hé bola he bii be,
ásɛ ba bola ba ɡe bii be,
ba bii la ɡe bola
ba naanar baa ka ba be.
4Dɛ tontombɛ ane balɔ,
dɛ ba di kwaa kaa laa,
anɔ la aa wara yon teŋɛ
dɛ́ ba di.
Anɔ la aa wara baa
di kaa laa,
anjeɡre ane ɡe ba di dɛ́ kaa,
ásɛ ane kapa ɡe yon
ba di a kabora.
5Sennyɔdɛɛra, hé ɡel he sie
chɔ harɛ hɛɛ wi,
hɛɛ wi senfala wa,
dɛkalkɛ ɡrepo nɔna
baa harama
dɛɛ ɛ sen la bwa chɔɡɔ.
6Tontombɛ la do kɛ laa tena
dɛ ba yo n nɛra,
a kpeɡri dɛ warɛ,
aa wola nyoa dɔe,
a nyena do kɛŋɔ
nyujente nyena ken.
7A chɔɡ n ɡrepo daa
maa kpɔa dɛɛ ɛ sen,
dɛ chɔɡ n fiɡ daa kooni.
A nyee a pɛɡa bwa,
asɛ a kpala bwa to.
8Hɛ́ɛ wi kohona kɛŋɔ bitolo
aa liɡe lweyal dɛɛ wi
o bechajaa
waa sewa la ken.
9Mea ne sen sarahare
toole Korowii Dea kpa.
Sɔfore baa dɛ ɛ toma
Korowii Dea la bwa
dɛ wi a wa.
10Kooni bwa chɔ pɛɛ,
asɛ harɛre bwa hol,
mea ɡe bwa chɔɡ,
ɡrepo nɔna bwa ɡe hol,
ɔleve daa bwa chɔɡɔ.
11Paara, hɛ́ɛ di suna,
hé nɛra haa dɔ ɡrepo daa
kooni ɡe ɛɛ wi,
mea bwa soo siwi chɔɡɔ,
kondikwaa bwa chɔɡɔ
kwaraa.
12Grepo ne fiɡ daa bwa holɔ,
ɡɛɛ daa bɛlbwa
waa dɛ nɔnɛ sewɛ.
Kasinteŋ, nomɛlbwa
ta silɛɛ dɔe kpa.#Hab 3:17-18
Liire chara wa
13Sɔfore, hé kpɔ lweyale tɔ
dɛɛ wi,
heyaa dɛɛ ɛ toma
saraha kon la ta.
Hé la Korowii Dea ka so
jwaana bwa dɛɛ wi,
dɛkalkɛ mea
kɛɛ sen sarahare
aa Korowii Dea ba kpa.
14Hé yerɛ nɛra bwa ba cheme,
bá vɔwɛ nyoa.
Hé yerɛ harɛ la
nomonome bwa ba Korowii
haa dɛ tomɔ Dea,
dɛ́ ba wi noo bela.#2We 20:3
15Tɔpere Korowii
aa lea cheɡ la telo,
saŋ On Kpeɡri Bwa Dɔɔ la
aa ba chɔɡa ne la.
Wɛɛ ba ɔmee kohona nee
ba ta nɛra nɛ.#Aes 13:6
16Ya kondikwaare dɛ chɔɡ
yaa wola won ɛ wobɛlbwa,
silɛɛ bɛlbwa toole
Korowii Dea kpa.
17Harɛ holɔ anomanta,
kondwee bwa pɔɔh.
Deene baa dɛ cheɡ
kondikwaa a bini
bwa kuuɡo,
dɛkalkɛ mea toole
bá kpɔ do a bini.
18Ya nae bwa dɛ wi dɛɛ di suna,
a ta bɔr dɔe dɛ́ ɡaaɡe ka di,
hale peera bwa bwara
dɛ nyɛɡ.
19N Naa Korowii,
henee n wi dɛɛ no,
nii fuh kondɛɛra dibɔra,
dɛ fuh kpɔɡ bini daa bwa.
20Hale kpɔɡ bini ola wio
dɛɛ noe,
dɛkalkɛ nenabɔɔne
hweehrɔ,
asɛ nii fuh kondɛɛra dibɔra.
Currently Selected:
Joel 1: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Joel 1
1
1Waa aa le Korowii be dɛ ba Pɛtoɛl bibaa Joel be laanee nɔ.
Tontombɛ ane wa
2Nomonome,
hé cheɡ deŋne no,
hé no,
he nɛra haa lɔ harɛ ta bwa.
Waa nɔ dɔŋa chiɡ
he bere saŋ
kɛɛ he naawa
bere saŋ ta ka aa?
3Hé bola he bii be,
ásɛ ba bola ba ɡe bii be,
ba bii la ɡe bola
ba naanar baa ka ba be.
4Dɛ tontombɛ ane balɔ,
dɛ ba di kwaa kaa laa,
anɔ la aa wara yon teŋɛ
dɛ́ ba di.
Anɔ la aa wara baa
di kaa laa,
anjeɡre ane ɡe ba di dɛ́ kaa,
ásɛ ane kapa ɡe yon
ba di a kabora.
5Sennyɔdɛɛra, hé ɡel he sie
chɔ harɛ hɛɛ wi,
hɛɛ wi senfala wa,
dɛkalkɛ ɡrepo nɔna
baa harama
dɛɛ ɛ sen la bwa chɔɡɔ.
6Tontombɛ la do kɛ laa tena
dɛ ba yo n nɛra,
a kpeɡri dɛ warɛ,
aa wola nyoa dɔe,
a nyena do kɛŋɔ
nyujente nyena ken.
7A chɔɡ n ɡrepo daa
maa kpɔa dɛɛ ɛ sen,
dɛ chɔɡ n fiɡ daa kooni.
A nyee a pɛɡa bwa,
asɛ a kpala bwa to.
8Hɛ́ɛ wi kohona kɛŋɔ bitolo
aa liɡe lweyal dɛɛ wi
o bechajaa
waa sewa la ken.
9Mea ne sen sarahare
toole Korowii Dea kpa.
Sɔfore baa dɛ ɛ toma
Korowii Dea la bwa
dɛ wi a wa.
10Kooni bwa chɔ pɛɛ,
asɛ harɛre bwa hol,
mea ɡe bwa chɔɡ,
ɡrepo nɔna bwa ɡe hol,
ɔleve daa bwa chɔɡɔ.
11Paara, hɛ́ɛ di suna,
hé nɛra haa dɔ ɡrepo daa
kooni ɡe ɛɛ wi,
mea bwa soo siwi chɔɡɔ,
kondikwaa bwa chɔɡɔ
kwaraa.
12Grepo ne fiɡ daa bwa holɔ,
ɡɛɛ daa bɛlbwa
waa dɛ nɔnɛ sewɛ.
Kasinteŋ, nomɛlbwa
ta silɛɛ dɔe kpa.#Hab 3:17-18
Liire chara wa
13Sɔfore, hé kpɔ lweyale tɔ
dɛɛ wi,
heyaa dɛɛ ɛ toma
saraha kon la ta.
Hé la Korowii Dea ka so
jwaana bwa dɛɛ wi,
dɛkalkɛ mea
kɛɛ sen sarahare
aa Korowii Dea ba kpa.
14Hé yerɛ nɛra bwa ba cheme,
bá vɔwɛ nyoa.
Hé yerɛ harɛ la
nomonome bwa ba Korowii
haa dɛ tomɔ Dea,
dɛ́ ba wi noo bela.#2We 20:3
15Tɔpere Korowii
aa lea cheɡ la telo,
saŋ On Kpeɡri Bwa Dɔɔ la
aa ba chɔɡa ne la.
Wɛɛ ba ɔmee kohona nee
ba ta nɛra nɛ.#Aes 13:6
16Ya kondikwaare dɛ chɔɡ
yaa wola won ɛ wobɛlbwa,
silɛɛ bɛlbwa toole
Korowii Dea kpa.
17Harɛ holɔ anomanta,
kondwee bwa pɔɔh.
Deene baa dɛ cheɡ
kondikwaa a bini
bwa kuuɡo,
dɛkalkɛ mea toole
bá kpɔ do a bini.
18Ya nae bwa dɛ wi dɛɛ di suna,
a ta bɔr dɔe dɛ́ ɡaaɡe ka di,
hale peera bwa bwara
dɛ nyɛɡ.
19N Naa Korowii,
henee n wi dɛɛ no,
nii fuh kondɛɛra dibɔra,
dɛ fuh kpɔɡ bini daa bwa.
20Hale kpɔɡ bini ola wio
dɛɛ noe,
dɛkalkɛ nenabɔɔne
hweehrɔ,
asɛ nii fuh kondɛɛra dibɔra.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.