Jeremia 51
51
Babelɔn tena deŋnetɛra ja
1Waa Korowii aa dɛ bol laanee nɔ,
“Mɛɛ ɡeloo peuchɔɡe waa
dɛ chɔɡ kwaa ba chɔɡ
Babelɔn harɛ ne o nɛra.
2Mɛɛ tomɛ nɛŋhɔɔhraa ba
ba chɔɡ Babelɔn harɛ
ne o nɛra
kɛŋɔ peu aa ta haahra
dɛɛ kaa la ken.
Awola tɔpere la, baa le baŋ
bɛlbwaa
ba yo o nɛra,
ásɛ harɛ la chɔ pɛɛ.
3He bɛ Babelɔn laa tena
ŋwɛnɛ tɛ ba ta hɛma,
kɛɛ dɛ́ kpɔ ba laa laala do.
He bɛ ba bonɔɔna ɡel,
hé kpoo laa tena la bwa
kwaraa!
4Baa do laa tena la bolaa,
ásɛ ba serewe chɔ
bwɛjena la fɔɡbaahna.
5Men Korowii,
Koranar Bwa Kooro ta
n nɛra Israel
ne Juda tena vɛɛh.
A lole kɛŋɔ ba ɛ wechɔɡa
dɛ jo men Israel Nɛŋɡoroŋ
la nɛ.
6Hé chwa le Babelɔn harɛ!
Hé chwa lɛ he nyuune!
He bɛ Babelɔn tena
wechɔɡa waa koh serewe.
Saŋ telo kɛ men Korowii
bɔ ba kem,
mɛɛ tɛr ba deŋnee
ɡɛ aa chɛa.
7Babelɔn fa do kɛŋɔ
suuɡaswɛm numol,
dɛ do men Korowii nɔn ta,
dɛ ɡel harɛre nɛra bwa
nyɔ o bini sen,
dɛ dɛɛ dɛ bwa ɛɛ we choɡla.
8Babelɔn ɛɛ piɡru paɡre
dɛ́ chɔɡ.
Hé wi dɛɛ tɛ o nɛra!
Hé nyin noo aa ɛ tɛɛɡa do
ba ŋwɛra ta, a ken ɛɛ ɡeloo
bá dɔ bokpeɡa.
9Asɛ nɛŋhɔɔhra
baa soɡe bela ŋɔ,
‘Ya takapɔ ŋɔ ya cha ba,
kɛ a kaa mun ta.
Hé ɡel ya ɡel ba waa tɛɛ ba,
ásɛ bɛlbwa berɛ kaa
o harɛ ta.
Korowii kpɔ o kpeɡri
dɛ tɛr ba deŋne
dɛ chɔɡ ba kwaraa.’ ”
10Korowii bol o nɛra be ŋɔ
bá do lɔŋɔre ŋɔ,
“Korowii ta yaa tɔɔ,
Hé ba, ya la Jerusalam
ka bol waa
Korowii yaa dɛ tomɔ aa ɛa.”
11Laa sitɔɔla ŋɔ,
“Hé sar hɛma nyoo,
dɛ́ kpɔ kwaa haa kpɔ tɔ
he te ɡbemɡbe laa ta!
Korowii di Midia koranar
liire,
dɛkalkɛ o dɛ nyin
ó chɔɡ Babelɔn harɛ.
Korowii koh o Dea la wa
dɛɛ nyin ó bɔ ba
ba wechɔɡa kem.#Aes 13:17; Dan 5:31
12Hé ir fraŋkaa ásɛ laa tena
jemɛ dɛ́ ba kuuɡi
Babelɔn danjwɛɛre.
Hé le laa tena la bane
ba ba ja
dɛɛ daah bwɛɛ la dahare,
bane ɡe chɔ baro.”
Korowii dɔɔ kpɔ liire
ŋɔ wɛɛ chɔɡ Babelɔn tenaa.
13Babelɔn tena, he nɛra
haa soɡe neerare
aa wara nyoo
dɛ dɔ kondɔɔh kohona,
he serewa telo.
14Koranar Bwa Kooro ŋwɛɛ
o ɡbaɡba ŋɔ,
“Mɛɛ kpɔ laa tena
baa wara kɛŋɔ tontombɛɛ
bá yo heya,
ásɛ dɛ pɔ he nɛɛ
dɛɛ moo silɛɛ ne.”
Korowii kpɛɛra yel
15Korowii cheɡɛ o kpeɡri ta
dɛ ta harɛ,
o wejema nee o ta
harɛ nɔ bwa,
dɛ che o liire ta
dɛ paɡri nyundua ɡe.
16O bol wa aa, bwaala dɛ nɛ
dɛɛ kɔɡre nyundujaɡla,
o ɡelɔ baama aa dɛ nɛ
bwaala ir dɛɛ le harɛ jaɡa.
O ɡelɔ bwaala ɛɛ nɛ
dɛɛ nyɛɡle, asɛ dɛ ɡel
peu ta le bela waa lole.
17Nomɛlbwa ta liire dɔe,
ba ɡɛnɔ, sihiih kpo nɛn
waa kpɔ suuɡaswɛm
kwaa o voɡare la.
Kwaa waa ɛa la bwa ɛ
nyosone,
a ta hweera dɔe.
18A waa ta tɔnɔ bɛlbwa dɔe,
dɛ ɛ kwaa a wa aa
dɔ wesoma.
A chɔɡa saŋ telo
Korowii ba naa,
wɛɛ chɔɡ a bwaa.
19Kɛ Korowii Israel tena
aa dɛ tomɔ la ta do kɛ ban,
dɛkalkɛ onee ta komɛlbwa,
dɛ le Israel tena tɛ o te,
dɛ kpɔ ba ɛ o kapɛrɛ nɛra.
Koranar Bwa Kooroo o sɔn.
20Korowii ŋɔ, “Babelɔn,
he do kɛŋɔ n hamba
waa ɛ n dɔmkon mɛɛ la
o ne laa.
Henee n kpɔ yo harɛre nɛra,
dɛ paɡre ba harɛre
ne ba koranar.
21Henee n kpɔ kpoo jaɡre
ne nɛra baa soɡe a ta,
dɛ paɡre kwaa aa do kɛ
torɔɡore
baa vɔwa pɛl jaɡre,
ne nɛra baa soɡe a ta bwa.
22Henee n kpɔ kpoo haahna
ne baala,
ne banjeni dɛ bonɔɔna,
hale bonɔmbie ne toli bwa.
23Henee n kpɔ kpoo peteɡra
ne ba peera, dɛ kpoo paara
ne nae aa dɛ parɛ, ne nɛra
baa dɛ nyiŋi harɛre ta,
ne ba nomonome.
24He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa.
Men Korowiirii bola.
25Babelɔn, he do kɛŋɔ bwejen
haa dɛ chɔɡ harɛ nɔ ta
nɛra.
Kɛ men Korowii ɛɛ dɔm,
mɛɛ ɡeloo hé fuh
dɛ́ berɛ tɔɔ
ásɛ n taɡɛ ta harɛ.
26He bwe bɛlbwa aa werii do
bá kpɔ ma dea,
kɛɛ dɛ́ kpɔ pa dea mun kpa,
dɛkalkɛ he dɛ ba doe kɛŋɔ
pua hɛŋle ɡbo harɛ
saŋ bɛlbwa dɛɛ la.
Men Korowiirii bola.
27Hé ir fraŋkaa harɛ la ta!
Hé hoh bɛla
ásɛ harɛre nɛra jemɛ!
Hé boa harɛre nɛra nyoa
ásɛ ba ka yo Babelɔn tena.
Bol Ararat ne Mini
dɛ Askenas harɛre nɛra be.
Le laa sitɔɔ waa tɔ ba sie,
dɛ́ kpɔ jaɡre aa wara kɛŋɔ
tontombɛ dɛ́ ka yo.
28Boa harɛre nɛra nyoa
bá ba yo Babelɔn tena laa.
Koranar baa le Midia,
harɛ la sitɔɔla
dɛ ba nomonome,
dɛ harɛre baa dɛ nyiŋi
a ta laa tena bwa ba.
29Harɛ la jiɡro,
dɛkalkɛ waa Korowii
aa maɡla bil la telo
kɛŋɔ Babelɔn harɛ chɔ pɛɛ,
ásɛ nomɛlbwa aa won
so bela kpa.
30Babelɔn laa tena ɡel yoi
dɛ ka so ba dekpeɡa bini.
Ba bokpeɡa tonɔ ba do
kɛŋɔ haahna ken.
Ba kuuɡi bune baa kpɔa
dɛɛ kaɡre
ba doonyojena bwa,
dɛ kpaa nii do ba deene ta.
31Nae toroma na teŋɛ
dɛ kaa bol
Babelɔn kooro be ŋɔ,
ba kuuɡi o bwɛjen la
danjwɛjen dɛ jo o bini.
32Dɔma tɔ leebɔɔne dɛ kpaa nii
do ba dekpeɡa ta,
asɛ ɔmee chole Babelɔn
laa tena nɛɛ kohona.”
33Koranar Bwa Kooro, Israel tena aa dɛ tomɔ la ŋɔ,
“Babelɔn harɛ nɛra do kɛŋɔ
baa kuu mea
dɛ kpɔ kaa a lɔ bɔr,
asɛ nɛra ba tiɡra do harɛ,
aa biɡri bá chɔɡ harɛ la.”
34Jerusalam tena ŋɔ,
“Babelɔn kooro chɔɡ ya
Jerusalam tena
dɛ kpoo yaa,
o ɡelɔ ya do kɛŋɔ loŋ
komɛlbwa aa wola toole
o bini ken.
O do kɛ harɛkon
dɛ lawɛ yaa lile ya ola
do o som o tea su,
dɛ berɛ uɡe yaa ta.
35Hɔhɔrɔwa bɛlbwa yaa naa
bwa dawɛ Babelɔn harɛ
nɛra nɛ.
Ya seo kembɔr bwa ɡure
nɛra baa lɔ Babelɔn nyu ta.”
36Anomanta, Korowii bol Jerusalam tena be ŋɔ,
“Hé no, mɛɛ che he habɔɔ
dɛ́ yo, dɛ́ bɔ
he dɔma Babelɔn tena kem
waa baa ɛ heyaa la wa.
Mɛɛ tɔ Babelɔn
neerare nyuunee, a ɡel
ba buli bwa ɡe hweeh.
37Babelɔn dɛ ba paɡra
dɛ́ berɛ dimɡbia
ne kalampoŋare sobɔr,
dɛ́ berɛ kon nɛra aa na
ba bambile teŋe
baa mamɔ,
nomɛlbwa aa won so bela.
38Babelɔn tena dɛ dooɡe lɔŋɔre
dɛɛ ŋoo
kɛŋɔ nyujentena ken.
39Ba dɛ nyin kondikwa
kohona kɛɛ?
Mɛɛ ɛ kondikondɛɛɡaa
cheɡ ba,
ásɛ ba di dɛ́ nyɔ sen dɛɛ
lɛ ba sie,
dɛ́ mamɛ dɛɛ moo.
Baa iruu ka chɔ baa wola
won ir kpa bwa.
Men Korowiirii bola.
40Mɛɛ ɡeloo ba laɡ ba,
kɛŋɔ ba yon lawɛ peloni
kɛɛ boohna kɛɛ pebala,
dɛ́ ka kpoora la ken.”
41Korowii bol Babelɔn waa ŋɔ,
“Na ɡɛ baa yo Babelɔn,
bwɛjen harɛ nɔ nɛra bwa fa
aa dɛ kpɛɛro
dɛɛ tɛo jirima la.
Na ɡɛ waa chɔɡa dɛ kpɔ
bambiteŋa kohona
ba ta harɛre nɛra bwa nɛ.
42Mpo suu tɔ Babelɔn harɛ ta,
o nehɛma tao ba bɔle o ta.
43O bwɛɛre bwa chɔ pɛɛ dɛ hol,
kɛŋɔ pua hɛŋle ɡbo harɛ
ken.
Nomɛlbwa aa harɛ la taa so,
á ba ɛ kɛ nɛn ɛɛ kpɔ o taa.
44Mɛɛ tɛr voɡ Baal#51:44 Voɡ Baal nɔ, Babelɔn tena berɔ dɛɛ yerɔ Bel. waa lɔ
Babelɔn deŋnee,
dɛ́ ɡel o uɡe komɛlbwa
waa dia.
Harɛre nɛra aa berɛ dɛɛ tomɔ
dɛ́ kpɔ kwaa baa tɛo kpa.
Babelɔn danjwɛɛ bwa
dɛ́ ba kuuɡa.
45N nɛra Israel tena,
hé chwa le ba.
Hé chwa dɛ́ dɔ he nyu.
Hé chwa le men Korowii
bandia waa do ɔma la ta.
46He bɛ ɡel he bambile chɔɡ
kɛɛ dɛɛ ɔmɛ,
waa haa dɛ no harɛ la ta wa.
Bena bɛlbwa hɛɛ
dɛɛ no wefalaa,
hɛɛ no yoi waa harɛ taa,
kooro ne o dɔŋ kooro ɛɛ
dɛɛ yoo.
47Anomanta, saŋ bɛl dɛ ba,
ásɛ n chɔɡ voɡa aa lɔ
Babelɔn harɛ ta.
Sihiih ɛɛ kpo harɛ la nɛra bwaa,
ásɛ ba kpoo ba ba serewe
chɔ o ta.
48Belaa koŋkwaa aa lɔ
nyundua ne harɛ
ɛɛ ba silɛɛ lɔŋɔre doe
Babelɔn wa,
dɛkalkɛ nɛra dɛ ba
weekaŋle nyunduabɔr
lee dɛ́ ba yoo dɛ́ chɔɡo.
49A chɛ kɛ bwɛjen Babelɔn
paɡre,
kpoora baa kpoo
Israel tena dɛ kpoo
harɛ nɔ ta nɛra la ɡe wa.
Men Korowiirii bola.”
50Korowii berɔ bol waa o nɛra
baa lɔ Babelɔn
harɛ ta be ŋɔ,
“He nɛra haa chwaa
dɛ dɔ he nyu la,
hé le warane, he bɛ hɛlɛ.
Hé lɔ bojaŋ harɛ ta te,
kɛ he lii n wa,
dɛɛ lii Jerusalam ɡe wa.”
51He ŋɔ, “Sihiih kpo yaa
ya di ncho,
dɛkalkɛ nɛŋhɔɔhra
dɔ bɔr jo Korowii Dea bɔra
aa do ɡoroŋ bela.”
52Kɛ Korowii ŋɔ, “Tɔpera
ane dɛ ba bala
ásɛ n chɔɡ Babelɔn harɛ
voɡa,
ásɛ nɛra baa do ba bola
bwa ɛɛ pɛmɛ harɛ la ta.
53Hale Babelɔn
wono kaa nyundua,
o dekpeɡa kaa
nyundua kwaraa naa,
mɛɛ ɡeloo nɛra ba chɔɡo.
Men Korowiirii bola.”
54Korowii berɔ ŋɔ,
“Hé no lɔŋɔre
aa dɛ le Babelɔn harɛ,
o nɛra dɛ wi harɛ la
chɔɡa wa.
55Men Korowii dɛ ba
Babelɔn harɛ chɔɡa,
dɛ́ ɡel ɡbɔɡa aa dɛ le
o ta nyoa sɔɔh.
Dɔma ɛɛ ba lɔɔ tɔ ba nɛɛ
kɛŋɔ nehɛma a nyoa
aa kpeɡa ken,
dɛ́ yoo ba dɛɛ do lɔŋɔre.
56Baa bao dɛ́ ba chɔɡ
Babelɔn harɛ,
dɛ́ lawɛ o laa tena bwa,
ásɛ dɛ kuuɡi ba tori.
Menee Korowii maa dɛ tɛr
wechɔɡ-ɛɛra deŋne.
Mɛɛ bɔ Babelɔn tena
kemee ɡɛ aa chɛa.
57Mɛɛ ɡeloo o koranar
ne nomonome,
ne wejerema dɛ laa tena,
nyɔ sen dɛɛ.
Baa chɔ domii baa wola won
ir kpa.
Men Koranar Bwa Kooro
maa ɛ Kooro
laanee bola.”
58Koranar Bwa Kooro bolɔ ŋɔ,
“Babelɔn danjwɛkpeɡ la
dɛ́ ba kuuɡa chɔ harɛ,
ásɛ nii le o doonyojena ta.
O nɛra koeh baa koah ɛ pɛɛ,
ásɛ nii le a bwa ta á fuh.”
59Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta. 60Dɛ men Jeremia chwerɛ wenaale bwa aa dɛ ba Babelɔn harɛ ta bala do tɔn bini. 61N ŋɔ Seraya be ŋɔ, “He tel Babelɔn harɛ ta naa, na kɛŋɔ hɛɛ kure tɔn nɔ bini waa bwaa takpeɡ ne kohonaa ba no. 62Dɛ berɛ ŋɔ, ‘N Naa Korowii, he fa bolɔ ŋɔ hɛɛ chɔɡ bonɔɔ, ásɛ nɛra kɛɛ kondɛɛra aa wola won so o ta, ó berɛ dimɡbia saŋ bɛlbwa dɛɛ la.’ 63Seraya, he kure tɔn nɔ bini waa baɡle nɛra la tonaa, kpɔ ŋwɛn lawɛ bwe vɔwɛ marɛ o ta, dɛ́ kpɔ ka ta Yufretis Moo ta. 64Asɛ dɛ berɛ ŋɔ, ‘Gɛ maa ɡela bwe la morɛ la, ɡɛɛ mɛɛ ba ɡela Babelɔn chɔɡ baa wola won kwaa vɔrɔwo kpa, wenaale Korowii aa kpɔa dɛɛ ba ba ta ba nɛɛ la wa.’ ”
Men Korowii keame Jeremia, n wobol jaɡɛ bonɔ.
Currently Selected:
Jeremia 51: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 51
51
Babelɔn tena deŋnetɛra ja
1Waa Korowii aa dɛ bol laanee nɔ,
“Mɛɛ ɡeloo peuchɔɡe waa
dɛ chɔɡ kwaa ba chɔɡ
Babelɔn harɛ ne o nɛra.
2Mɛɛ tomɛ nɛŋhɔɔhraa ba
ba chɔɡ Babelɔn harɛ
ne o nɛra
kɛŋɔ peu aa ta haahra
dɛɛ kaa la ken.
Awola tɔpere la, baa le baŋ
bɛlbwaa
ba yo o nɛra,
ásɛ harɛ la chɔ pɛɛ.
3He bɛ Babelɔn laa tena
ŋwɛnɛ tɛ ba ta hɛma,
kɛɛ dɛ́ kpɔ ba laa laala do.
He bɛ ba bonɔɔna ɡel,
hé kpoo laa tena la bwa
kwaraa!
4Baa do laa tena la bolaa,
ásɛ ba serewe chɔ
bwɛjena la fɔɡbaahna.
5Men Korowii,
Koranar Bwa Kooro ta
n nɛra Israel
ne Juda tena vɛɛh.
A lole kɛŋɔ ba ɛ wechɔɡa
dɛ jo men Israel Nɛŋɡoroŋ
la nɛ.
6Hé chwa le Babelɔn harɛ!
Hé chwa lɛ he nyuune!
He bɛ Babelɔn tena
wechɔɡa waa koh serewe.
Saŋ telo kɛ men Korowii
bɔ ba kem,
mɛɛ tɛr ba deŋnee
ɡɛ aa chɛa.
7Babelɔn fa do kɛŋɔ
suuɡaswɛm numol,
dɛ do men Korowii nɔn ta,
dɛ ɡel harɛre nɛra bwa
nyɔ o bini sen,
dɛ dɛɛ dɛ bwa ɛɛ we choɡla.
8Babelɔn ɛɛ piɡru paɡre
dɛ́ chɔɡ.
Hé wi dɛɛ tɛ o nɛra!
Hé nyin noo aa ɛ tɛɛɡa do
ba ŋwɛra ta, a ken ɛɛ ɡeloo
bá dɔ bokpeɡa.
9Asɛ nɛŋhɔɔhra
baa soɡe bela ŋɔ,
‘Ya takapɔ ŋɔ ya cha ba,
kɛ a kaa mun ta.
Hé ɡel ya ɡel ba waa tɛɛ ba,
ásɛ bɛlbwa berɛ kaa
o harɛ ta.
Korowii kpɔ o kpeɡri
dɛ tɛr ba deŋne
dɛ chɔɡ ba kwaraa.’ ”
10Korowii bol o nɛra be ŋɔ
bá do lɔŋɔre ŋɔ,
“Korowii ta yaa tɔɔ,
Hé ba, ya la Jerusalam
ka bol waa
Korowii yaa dɛ tomɔ aa ɛa.”
11Laa sitɔɔla ŋɔ,
“Hé sar hɛma nyoo,
dɛ́ kpɔ kwaa haa kpɔ tɔ
he te ɡbemɡbe laa ta!
Korowii di Midia koranar
liire,
dɛkalkɛ o dɛ nyin
ó chɔɡ Babelɔn harɛ.
Korowii koh o Dea la wa
dɛɛ nyin ó bɔ ba
ba wechɔɡa kem.#Aes 13:17; Dan 5:31
12Hé ir fraŋkaa ásɛ laa tena
jemɛ dɛ́ ba kuuɡi
Babelɔn danjwɛɛre.
Hé le laa tena la bane
ba ba ja
dɛɛ daah bwɛɛ la dahare,
bane ɡe chɔ baro.”
Korowii dɔɔ kpɔ liire
ŋɔ wɛɛ chɔɡ Babelɔn tenaa.
13Babelɔn tena, he nɛra
haa soɡe neerare
aa wara nyoo
dɛ dɔ kondɔɔh kohona,
he serewa telo.
14Koranar Bwa Kooro ŋwɛɛ
o ɡbaɡba ŋɔ,
“Mɛɛ kpɔ laa tena
baa wara kɛŋɔ tontombɛɛ
bá yo heya,
ásɛ dɛ pɔ he nɛɛ
dɛɛ moo silɛɛ ne.”
Korowii kpɛɛra yel
15Korowii cheɡɛ o kpeɡri ta
dɛ ta harɛ,
o wejema nee o ta
harɛ nɔ bwa,
dɛ che o liire ta
dɛ paɡri nyundua ɡe.
16O bol wa aa, bwaala dɛ nɛ
dɛɛ kɔɡre nyundujaɡla,
o ɡelɔ baama aa dɛ nɛ
bwaala ir dɛɛ le harɛ jaɡa.
O ɡelɔ bwaala ɛɛ nɛ
dɛɛ nyɛɡle, asɛ dɛ ɡel
peu ta le bela waa lole.
17Nomɛlbwa ta liire dɔe,
ba ɡɛnɔ, sihiih kpo nɛn
waa kpɔ suuɡaswɛm
kwaa o voɡare la.
Kwaa waa ɛa la bwa ɛ
nyosone,
a ta hweera dɔe.
18A waa ta tɔnɔ bɛlbwa dɔe,
dɛ ɛ kwaa a wa aa
dɔ wesoma.
A chɔɡa saŋ telo
Korowii ba naa,
wɛɛ chɔɡ a bwaa.
19Kɛ Korowii Israel tena
aa dɛ tomɔ la ta do kɛ ban,
dɛkalkɛ onee ta komɛlbwa,
dɛ le Israel tena tɛ o te,
dɛ kpɔ ba ɛ o kapɛrɛ nɛra.
Koranar Bwa Kooroo o sɔn.
20Korowii ŋɔ, “Babelɔn,
he do kɛŋɔ n hamba
waa ɛ n dɔmkon mɛɛ la
o ne laa.
Henee n kpɔ yo harɛre nɛra,
dɛ paɡre ba harɛre
ne ba koranar.
21Henee n kpɔ kpoo jaɡre
ne nɛra baa soɡe a ta,
dɛ paɡre kwaa aa do kɛ
torɔɡore
baa vɔwa pɛl jaɡre,
ne nɛra baa soɡe a ta bwa.
22Henee n kpɔ kpoo haahna
ne baala,
ne banjeni dɛ bonɔɔna,
hale bonɔmbie ne toli bwa.
23Henee n kpɔ kpoo peteɡra
ne ba peera, dɛ kpoo paara
ne nae aa dɛ parɛ, ne nɛra
baa dɛ nyiŋi harɛre ta,
ne ba nomonome.
24He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa.
Men Korowiirii bola.
25Babelɔn, he do kɛŋɔ bwejen
haa dɛ chɔɡ harɛ nɔ ta
nɛra.
Kɛ men Korowii ɛɛ dɔm,
mɛɛ ɡeloo hé fuh
dɛ́ berɛ tɔɔ
ásɛ n taɡɛ ta harɛ.
26He bwe bɛlbwa aa werii do
bá kpɔ ma dea,
kɛɛ dɛ́ kpɔ pa dea mun kpa,
dɛkalkɛ he dɛ ba doe kɛŋɔ
pua hɛŋle ɡbo harɛ
saŋ bɛlbwa dɛɛ la.
Men Korowiirii bola.
27Hé ir fraŋkaa harɛ la ta!
Hé hoh bɛla
ásɛ harɛre nɛra jemɛ!
Hé boa harɛre nɛra nyoa
ásɛ ba ka yo Babelɔn tena.
Bol Ararat ne Mini
dɛ Askenas harɛre nɛra be.
Le laa sitɔɔ waa tɔ ba sie,
dɛ́ kpɔ jaɡre aa wara kɛŋɔ
tontombɛ dɛ́ ka yo.
28Boa harɛre nɛra nyoa
bá ba yo Babelɔn tena laa.
Koranar baa le Midia,
harɛ la sitɔɔla
dɛ ba nomonome,
dɛ harɛre baa dɛ nyiŋi
a ta laa tena bwa ba.
29Harɛ la jiɡro,
dɛkalkɛ waa Korowii
aa maɡla bil la telo
kɛŋɔ Babelɔn harɛ chɔ pɛɛ,
ásɛ nomɛlbwa aa won
so bela kpa.
30Babelɔn laa tena ɡel yoi
dɛ ka so ba dekpeɡa bini.
Ba bokpeɡa tonɔ ba do
kɛŋɔ haahna ken.
Ba kuuɡi bune baa kpɔa
dɛɛ kaɡre
ba doonyojena bwa,
dɛ kpaa nii do ba deene ta.
31Nae toroma na teŋɛ
dɛ kaa bol
Babelɔn kooro be ŋɔ,
ba kuuɡi o bwɛjen la
danjwɛjen dɛ jo o bini.
32Dɔma tɔ leebɔɔne dɛ kpaa nii
do ba dekpeɡa ta,
asɛ ɔmee chole Babelɔn
laa tena nɛɛ kohona.”
33Koranar Bwa Kooro, Israel tena aa dɛ tomɔ la ŋɔ,
“Babelɔn harɛ nɛra do kɛŋɔ
baa kuu mea
dɛ kpɔ kaa a lɔ bɔr,
asɛ nɛra ba tiɡra do harɛ,
aa biɡri bá chɔɡ harɛ la.”
34Jerusalam tena ŋɔ,
“Babelɔn kooro chɔɡ ya
Jerusalam tena
dɛ kpoo yaa,
o ɡelɔ ya do kɛŋɔ loŋ
komɛlbwa aa wola toole
o bini ken.
O do kɛ harɛkon
dɛ lawɛ yaa lile ya ola
do o som o tea su,
dɛ berɛ uɡe yaa ta.
35Hɔhɔrɔwa bɛlbwa yaa naa
bwa dawɛ Babelɔn harɛ
nɛra nɛ.
Ya seo kembɔr bwa ɡure
nɛra baa lɔ Babelɔn nyu ta.”
36Anomanta, Korowii bol Jerusalam tena be ŋɔ,
“Hé no, mɛɛ che he habɔɔ
dɛ́ yo, dɛ́ bɔ
he dɔma Babelɔn tena kem
waa baa ɛ heyaa la wa.
Mɛɛ tɔ Babelɔn
neerare nyuunee, a ɡel
ba buli bwa ɡe hweeh.
37Babelɔn dɛ ba paɡra
dɛ́ berɛ dimɡbia
ne kalampoŋare sobɔr,
dɛ́ berɛ kon nɛra aa na
ba bambile teŋe
baa mamɔ,
nomɛlbwa aa won so bela.
38Babelɔn tena dɛ dooɡe lɔŋɔre
dɛɛ ŋoo
kɛŋɔ nyujentena ken.
39Ba dɛ nyin kondikwa
kohona kɛɛ?
Mɛɛ ɛ kondikondɛɛɡaa
cheɡ ba,
ásɛ ba di dɛ́ nyɔ sen dɛɛ
lɛ ba sie,
dɛ́ mamɛ dɛɛ moo.
Baa iruu ka chɔ baa wola
won ir kpa bwa.
Men Korowiirii bola.
40Mɛɛ ɡeloo ba laɡ ba,
kɛŋɔ ba yon lawɛ peloni
kɛɛ boohna kɛɛ pebala,
dɛ́ ka kpoora la ken.”
41Korowii bol Babelɔn waa ŋɔ,
“Na ɡɛ baa yo Babelɔn,
bwɛjen harɛ nɔ nɛra bwa fa
aa dɛ kpɛɛro
dɛɛ tɛo jirima la.
Na ɡɛ waa chɔɡa dɛ kpɔ
bambiteŋa kohona
ba ta harɛre nɛra bwa nɛ.
42Mpo suu tɔ Babelɔn harɛ ta,
o nehɛma tao ba bɔle o ta.
43O bwɛɛre bwa chɔ pɛɛ dɛ hol,
kɛŋɔ pua hɛŋle ɡbo harɛ
ken.
Nomɛlbwa aa harɛ la taa so,
á ba ɛ kɛ nɛn ɛɛ kpɔ o taa.
44Mɛɛ tɛr voɡ Baal#51:44 Voɡ Baal nɔ, Babelɔn tena berɔ dɛɛ yerɔ Bel. waa lɔ
Babelɔn deŋnee,
dɛ́ ɡel o uɡe komɛlbwa
waa dia.
Harɛre nɛra aa berɛ dɛɛ tomɔ
dɛ́ kpɔ kwaa baa tɛo kpa.
Babelɔn danjwɛɛ bwa
dɛ́ ba kuuɡa.
45N nɛra Israel tena,
hé chwa le ba.
Hé chwa dɛ́ dɔ he nyu.
Hé chwa le men Korowii
bandia waa do ɔma la ta.
46He bɛ ɡel he bambile chɔɡ
kɛɛ dɛɛ ɔmɛ,
waa haa dɛ no harɛ la ta wa.
Bena bɛlbwa hɛɛ
dɛɛ no wefalaa,
hɛɛ no yoi waa harɛ taa,
kooro ne o dɔŋ kooro ɛɛ
dɛɛ yoo.
47Anomanta, saŋ bɛl dɛ ba,
ásɛ n chɔɡ voɡa aa lɔ
Babelɔn harɛ ta.
Sihiih ɛɛ kpo harɛ la nɛra bwaa,
ásɛ ba kpoo ba ba serewe
chɔ o ta.
48Belaa koŋkwaa aa lɔ
nyundua ne harɛ
ɛɛ ba silɛɛ lɔŋɔre doe
Babelɔn wa,
dɛkalkɛ nɛra dɛ ba
weekaŋle nyunduabɔr
lee dɛ́ ba yoo dɛ́ chɔɡo.
49A chɛ kɛ bwɛjen Babelɔn
paɡre,
kpoora baa kpoo
Israel tena dɛ kpoo
harɛ nɔ ta nɛra la ɡe wa.
Men Korowiirii bola.”
50Korowii berɔ bol waa o nɛra
baa lɔ Babelɔn
harɛ ta be ŋɔ,
“He nɛra haa chwaa
dɛ dɔ he nyu la,
hé le warane, he bɛ hɛlɛ.
Hé lɔ bojaŋ harɛ ta te,
kɛ he lii n wa,
dɛɛ lii Jerusalam ɡe wa.”
51He ŋɔ, “Sihiih kpo yaa
ya di ncho,
dɛkalkɛ nɛŋhɔɔhra
dɔ bɔr jo Korowii Dea bɔra
aa do ɡoroŋ bela.”
52Kɛ Korowii ŋɔ, “Tɔpera
ane dɛ ba bala
ásɛ n chɔɡ Babelɔn harɛ
voɡa,
ásɛ nɛra baa do ba bola
bwa ɛɛ pɛmɛ harɛ la ta.
53Hale Babelɔn
wono kaa nyundua,
o dekpeɡa kaa
nyundua kwaraa naa,
mɛɛ ɡeloo nɛra ba chɔɡo.
Men Korowiirii bola.”
54Korowii berɔ ŋɔ,
“Hé no lɔŋɔre
aa dɛ le Babelɔn harɛ,
o nɛra dɛ wi harɛ la
chɔɡa wa.
55Men Korowii dɛ ba
Babelɔn harɛ chɔɡa,
dɛ́ ɡel ɡbɔɡa aa dɛ le
o ta nyoa sɔɔh.
Dɔma ɛɛ ba lɔɔ tɔ ba nɛɛ
kɛŋɔ nehɛma a nyoa
aa kpeɡa ken,
dɛ́ yoo ba dɛɛ do lɔŋɔre.
56Baa bao dɛ́ ba chɔɡ
Babelɔn harɛ,
dɛ́ lawɛ o laa tena bwa,
ásɛ dɛ kuuɡi ba tori.
Menee Korowii maa dɛ tɛr
wechɔɡ-ɛɛra deŋne.
Mɛɛ bɔ Babelɔn tena
kemee ɡɛ aa chɛa.
57Mɛɛ ɡeloo o koranar
ne nomonome,
ne wejerema dɛ laa tena,
nyɔ sen dɛɛ.
Baa chɔ domii baa wola won
ir kpa.
Men Koranar Bwa Kooro
maa ɛ Kooro
laanee bola.”
58Koranar Bwa Kooro bolɔ ŋɔ,
“Babelɔn danjwɛkpeɡ la
dɛ́ ba kuuɡa chɔ harɛ,
ásɛ nii le o doonyojena ta.
O nɛra koeh baa koah ɛ pɛɛ,
ásɛ nii le a bwa ta á fuh.”
59Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta. 60Dɛ men Jeremia chwerɛ wenaale bwa aa dɛ ba Babelɔn harɛ ta bala do tɔn bini. 61N ŋɔ Seraya be ŋɔ, “He tel Babelɔn harɛ ta naa, na kɛŋɔ hɛɛ kure tɔn nɔ bini waa bwaa takpeɡ ne kohonaa ba no. 62Dɛ berɛ ŋɔ, ‘N Naa Korowii, he fa bolɔ ŋɔ hɛɛ chɔɡ bonɔɔ, ásɛ nɛra kɛɛ kondɛɛra aa wola won so o ta, ó berɛ dimɡbia saŋ bɛlbwa dɛɛ la.’ 63Seraya, he kure tɔn nɔ bini waa baɡle nɛra la tonaa, kpɔ ŋwɛn lawɛ bwe vɔwɛ marɛ o ta, dɛ́ kpɔ ka ta Yufretis Moo ta. 64Asɛ dɛ berɛ ŋɔ, ‘Gɛ maa ɡela bwe la morɛ la, ɡɛɛ mɛɛ ba ɡela Babelɔn chɔɡ baa wola won kwaa vɔrɔwo kpa, wenaale Korowii aa kpɔa dɛɛ ba ba ta ba nɛɛ la wa.’ ”
Men Korowii keame Jeremia, n wobol jaɡɛ bonɔ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.