Jeremia 42
42
Nɛra la ŋɔ Jeremia soŋe Korowii tɛɛ ba
1Belaa laa nomonome la bwa, ne Karea bibaa Johanan ne Hosaya bibaa Jesania,#42:1 Jesania sɔn bɛl ɡee Asaria. dɛ nɛra baa kaa bwa, dɛ́ le bechale nɛɛ ba nomonjena bwa nɛ 2ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa. 3Soŋe Korowii yaa dɛ tomɔ la, ó baɡle yaa bela yaa kaa ne ɡɛ yaa ɛ.”
4Anee n chaŋe ŋɔ, “N noɔ, mɛɛ soŋe Korowii yaa dɛ tomɔ ɡɛ haa dɛ soŋe laanee, ásɛ wobɛlbwa waa bol n be la, ń bol he be. Maa wobɛlbwaa kpɔ sɔh heya.”
5Belaa ba ŋɔ n be ja ŋɔ, “Korowii yaa dɛ tomɔ laanee dɛ́ ɛ yaa danseɛ dɛ́ di yaa kasinteŋ, dɛ ya ta waa waa kpɔa tɛɛ ŋɔ he ba bol ya be la ta teŋaa. 6Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”
Korowii no Jeremia wesoŋa
7Tɔpera fi habɔɔ la, Korowii bol waa men Jeremia be ja. 8Anomanta, n yerɛ Karea bibaa Johanan, ne laa nomonome bwa baa ja o nɛɛ la, dɛ nɛra baa jaa bwa, 9dɛ ŋɔ ba be ŋɔ, “Waa Korowii Israel tena aa dɛ tomɔ, asɛ he tom mɛ ŋɔ ń ka soŋe he waa o be tɛ heya la ŋɔ, 10‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona. 11He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta. 12Mɛɛ dɔ tedomaa tɛ heya, ásɛ dɛ ɡel Babelɔn kooro ɡe dɔ tedoma he nɛ, dɛ́ berɛ ba he ne he harɛ ta ja. Men Korowiirii bola.’
13Kɛ dɛ he ŋɔ, ‘Yaa harɛ nɔ taa so,’ dɛ vɛh waa Korowii haa dɛ tomɔ nɔ nɛɛ teŋa,#Jer 41:17-18#Jer 43:5-7 14kɛɛ dɛ ŋɔ, ‘Akai, yaa kaalo ka so Ijipt harɛ ta, bela yaa wola laa ne bɛle sii kɛɛ lɔree na naa,’ 15amɔ hé no waa Koranar Bwa Kooro, Israel tena aa dɛ tomɔ la aa dɛ bol he Juda tena haa kaa la be. ‘Dɛ he siwi beɡre Ijipt harɛ ta kaala dɛ́ ka so bela aa, 16amɔ laa haa dɛ ɔmɛ laanee dɛ́ ba he nɛ, lɔr haa dɛ ɔmɛ kohona la ɡe ɛɛ teŋɛ he nɛɛ kaa Ijipt harɛ ta, ásɛ he serewe bela. 17Kasinteŋ, banɔ la bwa ba siwi aa beɡra kɛ bá kaa Ijipt harɛ ta la, laa ne lɔr dɛ weechɔɡaa dɛ́ kpoo ba. Beŋkpoŋ ɡba aa won chwa le wekpeɡa maa kpɔa dɛɛ ba ba nɛɛ la ta.’ 18Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”
19N berɔ bol ba be ja ŋɔ, “Korowii ŋɔ he Juda tena haa kaa la be ŋɔ he bɛ Ijipt harɛ ta kaa. Anomanta, n dɛ kah heyaa fini ŋɔ, 20he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa. 21Taraken, n bol he be, kɛ he vɛh waa Korowii aa tom mɛ n ba bol he be la bwa. 22Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”
Currently Selected:
Jeremia 42: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 42
42
Nɛra la ŋɔ Jeremia soŋe Korowii tɛɛ ba
1Belaa laa nomonome la bwa, ne Karea bibaa Johanan ne Hosaya bibaa Jesania,#42:1 Jesania sɔn bɛl ɡee Asaria. dɛ nɛra baa kaa bwa, dɛ́ le bechale nɛɛ ba nomonjena bwa nɛ 2ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa. 3Soŋe Korowii yaa dɛ tomɔ la, ó baɡle yaa bela yaa kaa ne ɡɛ yaa ɛ.”
4Anee n chaŋe ŋɔ, “N noɔ, mɛɛ soŋe Korowii yaa dɛ tomɔ ɡɛ haa dɛ soŋe laanee, ásɛ wobɛlbwa waa bol n be la, ń bol he be. Maa wobɛlbwaa kpɔ sɔh heya.”
5Belaa ba ŋɔ n be ja ŋɔ, “Korowii yaa dɛ tomɔ laanee dɛ́ ɛ yaa danseɛ dɛ́ di yaa kasinteŋ, dɛ ya ta waa waa kpɔa tɛɛ ŋɔ he ba bol ya be la ta teŋaa. 6Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”
Korowii no Jeremia wesoŋa
7Tɔpera fi habɔɔ la, Korowii bol waa men Jeremia be ja. 8Anomanta, n yerɛ Karea bibaa Johanan, ne laa nomonome bwa baa ja o nɛɛ la, dɛ nɛra baa jaa bwa, 9dɛ ŋɔ ba be ŋɔ, “Waa Korowii Israel tena aa dɛ tomɔ, asɛ he tom mɛ ŋɔ ń ka soŋe he waa o be tɛ heya la ŋɔ, 10‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona. 11He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta. 12Mɛɛ dɔ tedomaa tɛ heya, ásɛ dɛ ɡel Babelɔn kooro ɡe dɔ tedoma he nɛ, dɛ́ berɛ ba he ne he harɛ ta ja. Men Korowiirii bola.’
13Kɛ dɛ he ŋɔ, ‘Yaa harɛ nɔ taa so,’ dɛ vɛh waa Korowii haa dɛ tomɔ nɔ nɛɛ teŋa,#Jer 41:17-18#Jer 43:5-7 14kɛɛ dɛ ŋɔ, ‘Akai, yaa kaalo ka so Ijipt harɛ ta, bela yaa wola laa ne bɛle sii kɛɛ lɔree na naa,’ 15amɔ hé no waa Koranar Bwa Kooro, Israel tena aa dɛ tomɔ la aa dɛ bol he Juda tena haa kaa la be. ‘Dɛ he siwi beɡre Ijipt harɛ ta kaala dɛ́ ka so bela aa, 16amɔ laa haa dɛ ɔmɛ laanee dɛ́ ba he nɛ, lɔr haa dɛ ɔmɛ kohona la ɡe ɛɛ teŋɛ he nɛɛ kaa Ijipt harɛ ta, ásɛ he serewe bela. 17Kasinteŋ, banɔ la bwa ba siwi aa beɡra kɛ bá kaa Ijipt harɛ ta la, laa ne lɔr dɛ weechɔɡaa dɛ́ kpoo ba. Beŋkpoŋ ɡba aa won chwa le wekpeɡa maa kpɔa dɛɛ ba ba nɛɛ la ta.’ 18Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”
19N berɔ bol ba be ja ŋɔ, “Korowii ŋɔ he Juda tena haa kaa la be ŋɔ he bɛ Ijipt harɛ ta kaa. Anomanta, n dɛ kah heyaa fini ŋɔ, 20he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa. 21Taraken, n bol he be, kɛ he vɛh waa Korowii aa tom mɛ n ba bol he be la bwa. 22Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.