Jeremia 38
38
Ba lawɛ Jeremia ta kɔlɔŋ bini
1Dɛ Matan bibaa Sɛfatea ne Pasur bibaa Gedalia ne Sɛlɛmia bibaa Jehukal dɛ Malkija bibaa Pasur dɛ no waa men Jeremia yon bol dɛɛ baɡle nɛra dɛɛ ŋɔ, 2“Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.” 3Korowii berɔ bol ŋɔ, “N dɛ ba bwɛjen nɔ nɛra kpɔe do Babelɔn Kooro ne o laa tena nɔn ta, ásɛ ba yoo ba, dɛ́ pɔ ba nɛ.”
4Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”
5Anee Kooro Sedekia chaŋe ŋɔ, “N kpɔɔ do he nɔn ta. Maa won tɔe ŋwɛnɛ.”
6Anomanta, ba lawɛ men Jeremia dɛ kpɔ mɛ ta kooro bibaa Malkija kɔlɔŋ bini. Dɛ o lɔ kooro dembaah bela nɛra la aa dɛ daah la. Ŋwɛɛraa ba kpɔ vɔɡ mɛ dɛ kpɔ mɛ tu kɔlɔŋ la bini. Dɛ nee toole o bini, kpechɛɡre ɡboo, asɛ n ka jo a ta.#Yel 69:14; Wii 3:53#Yel 40:2
7Kɛ Itiopia te Ɛbɛd Mɛlɛk, o ɡe aa ɛ nomoa dɛ do koodem bela noɔ kɛ ba laɡ mɛ ta kɔlɔŋ bini. Gɛ saŋ dɛ kooro soɡe Bɛnjamen Doonyoa la ta, 8anomanta, Ɛbɛd Mɛlɛk iro la o be dɛ ka ŋɔ, 9“N naa kooro, nyubinikpeɡ waa baala nɔ ɛ Korowii keame Jeremia la. Ba lawɔ ka ta kɔlɔŋ bini bela lɔr aa dɛ ba o kpoe ó sewɛ, dɛkalkɛ bwɛjen nɔ kwaraa ta la, kondikwaa toole kpa.”
10Belaa kooro do Ɛbɛd Mɛlɛk ŋɔ ó kpɔ baala fifraatoro ja o nɛ, ásɛ dɛ tɛr mɛ le kɔlɔŋ la bini ásɛ n bɛ sewɛ.
11Anomanta, Ɛbɛd Mɛlɛk lawɛ baala la ja o nɛ, asɛ ba la dea bɛl baa dɛ cheɡ laala a yoɡ aa kpeɡa o bini koodem bela la lɔɡa. O pa yakwane ne laala ane aa kɛɛra le bela asɛ dɛ vɔrɔwa, dɛ ta ŋwɛɛra la do n be kɔlɔŋ la bini. 12Belaa Ɛbɛd Mɛlɛk ŋɔ n be ŋɔ, “Lawɛ yakwane la ne laala aa kɛɛra la do he luɡbɔɔne ásɛ ŋwɛɛra haa kpɔ vɔwɛ a ta la bɛ hen bola ba do.” N ɛ ɡɛ, 13asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.
Kooro Sedekia bɔɔ Jeremia waa ja
14Ate, Kooro Sedekia tomɛ ŋɔ bá ka yerɛ men Jeremia ba doonyotooro te waa lɔ Korowii Dea bela la ta, asɛ dɛ ŋɔ n be ŋɔ, “N dɛ ba hen waane bɔɔra, kɛ na kɛŋɔ haa wobɛlbwaa kpɔ sɔɔh mɛ.”
15Asɛ men Jeremia chaŋe Kooro Sedekia ŋɔ, “N naa kooro, dɛ n bol kasinteŋ la he be naa, hɛɛ kpo mɛɛ. Hale dɛ n ŋɔ mɛɛ jae kwaraa ɡe aa, haa n bee no.”
16Anomanta, Kooro Sedekia sɔɔh dɛ ŋwɛɛ baɡ mɛ ŋɔ, “Korowii waa lole saŋ bɛlbwa dɛɛ tɛ yaa mkpa nɔ, maa hen kpo kɛɛ dɛ́ lawɛ do nɛra baa dɛ nyini dɛ́ kpo nɔn ta.”
17Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu. 18Kɛ dɛ he ta he te kpɔe ka do Babelɔn kooro nomonome lɔɡa aa, bwɛjen nɔ ɛɛ ka do Babelɔn tena nɔn taa ásɛ ba fuuh, he ɡbabir kwara aa he nyuu dɔ.’ ”
19Asɛ Kooro Sedekia ŋɔ men Jeremia be ŋɔ, “N dɛ ɔmɛ Juu tena baa kpɔ ba te ka ja Babelɔn tena bini la, dɛkalkɛ Babelɔn tena la ken ɛɛ lee mɛɛ tɛɛ ba, ásɛ ba fiɡ mɛ.”
20Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu. 21Kɛ dɛ he ta sɛɛh dɛ kpɔ he te do Babelɔn kooro lɔɡa aa, waa Korowii aa pili a bini baɡ mɛ laanee kɛŋɔ, 22haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ,
‘Kooro daamanar tenten neɡro,
ba waa tɔɔɡe o waa ta.
Taraken o nakpale aa morɛ kpechɛɡre ta nɔ,
o daamanar chwao ɡelo.’ ”
23Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”
24Belaa Kooro Sedekia chaŋ mɛ ŋɔ, “Bɛ ɡel nomɛlbwa no waa yaa bola nɔ, ɡɛ la aa, hɛɛ sewɔɔ. 25Nomonome la noɔ kɛŋɔ n ne he bol waane aa, baa bao dɛ ba bɔɔre waa haa bol kooro be, ne waa waa bol he be. Baa baɡɛ nyoa ŋɔ dɛ hɛɛ bol kasinteŋii yaa, baa hen kpo. 26Den ŋɔ ba be ŋɔ dɛ he dɛ soŋ mɛ ŋɔ n bɛ hen lawɛ ka do dea Jonatan dem ásɛ he sewɛ bela.”
27Ate, nomonome la bwa ba n be dɛ ba bɔɔ mɛ wa, asɛ n bol wobɛlbwa kooro aa do mɛ ŋɔ ń bol ba be la. Anomanta, ba ta wone ɛ wobɛlbwa kpa, dɛkalkɛ ba bini bɛlbwa ta waa n ne kooro aa bola la noɛ.
28Anomanta, ba laɡ mɛ do dea n do koodem dembaah bela ka tel tɔpere Babelɔn laa tena aa baa yo Jerusalam tena dɛ pɔ ba nɛ.
Currently Selected:
Jeremia 38: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 38
38
Ba lawɛ Jeremia ta kɔlɔŋ bini
1Dɛ Matan bibaa Sɛfatea ne Pasur bibaa Gedalia ne Sɛlɛmia bibaa Jehukal dɛ Malkija bibaa Pasur dɛ no waa men Jeremia yon bol dɛɛ baɡle nɛra dɛɛ ŋɔ, 2“Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.” 3Korowii berɔ bol ŋɔ, “N dɛ ba bwɛjen nɔ nɛra kpɔe do Babelɔn Kooro ne o laa tena nɔn ta, ásɛ ba yoo ba, dɛ́ pɔ ba nɛ.”
4Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”
5Anee Kooro Sedekia chaŋe ŋɔ, “N kpɔɔ do he nɔn ta. Maa won tɔe ŋwɛnɛ.”
6Anomanta, ba lawɛ men Jeremia dɛ kpɔ mɛ ta kooro bibaa Malkija kɔlɔŋ bini. Dɛ o lɔ kooro dembaah bela nɛra la aa dɛ daah la. Ŋwɛɛraa ba kpɔ vɔɡ mɛ dɛ kpɔ mɛ tu kɔlɔŋ la bini. Dɛ nee toole o bini, kpechɛɡre ɡboo, asɛ n ka jo a ta.#Yel 69:14; Wii 3:53#Yel 40:2
7Kɛ Itiopia te Ɛbɛd Mɛlɛk, o ɡe aa ɛ nomoa dɛ do koodem bela noɔ kɛ ba laɡ mɛ ta kɔlɔŋ bini. Gɛ saŋ dɛ kooro soɡe Bɛnjamen Doonyoa la ta, 8anomanta, Ɛbɛd Mɛlɛk iro la o be dɛ ka ŋɔ, 9“N naa kooro, nyubinikpeɡ waa baala nɔ ɛ Korowii keame Jeremia la. Ba lawɔ ka ta kɔlɔŋ bini bela lɔr aa dɛ ba o kpoe ó sewɛ, dɛkalkɛ bwɛjen nɔ kwaraa ta la, kondikwaa toole kpa.”
10Belaa kooro do Ɛbɛd Mɛlɛk ŋɔ ó kpɔ baala fifraatoro ja o nɛ, ásɛ dɛ tɛr mɛ le kɔlɔŋ la bini ásɛ n bɛ sewɛ.
11Anomanta, Ɛbɛd Mɛlɛk lawɛ baala la ja o nɛ, asɛ ba la dea bɛl baa dɛ cheɡ laala a yoɡ aa kpeɡa o bini koodem bela la lɔɡa. O pa yakwane ne laala ane aa kɛɛra le bela asɛ dɛ vɔrɔwa, dɛ ta ŋwɛɛra la do n be kɔlɔŋ la bini. 12Belaa Ɛbɛd Mɛlɛk ŋɔ n be ŋɔ, “Lawɛ yakwane la ne laala aa kɛɛra la do he luɡbɔɔne ásɛ ŋwɛɛra haa kpɔ vɔwɛ a ta la bɛ hen bola ba do.” N ɛ ɡɛ, 13asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.
Kooro Sedekia bɔɔ Jeremia waa ja
14Ate, Kooro Sedekia tomɛ ŋɔ bá ka yerɛ men Jeremia ba doonyotooro te waa lɔ Korowii Dea bela la ta, asɛ dɛ ŋɔ n be ŋɔ, “N dɛ ba hen waane bɔɔra, kɛ na kɛŋɔ haa wobɛlbwaa kpɔ sɔɔh mɛ.”
15Asɛ men Jeremia chaŋe Kooro Sedekia ŋɔ, “N naa kooro, dɛ n bol kasinteŋ la he be naa, hɛɛ kpo mɛɛ. Hale dɛ n ŋɔ mɛɛ jae kwaraa ɡe aa, haa n bee no.”
16Anomanta, Kooro Sedekia sɔɔh dɛ ŋwɛɛ baɡ mɛ ŋɔ, “Korowii waa lole saŋ bɛlbwa dɛɛ tɛ yaa mkpa nɔ, maa hen kpo kɛɛ dɛ́ lawɛ do nɛra baa dɛ nyini dɛ́ kpo nɔn ta.”
17Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu. 18Kɛ dɛ he ta he te kpɔe ka do Babelɔn kooro nomonome lɔɡa aa, bwɛjen nɔ ɛɛ ka do Babelɔn tena nɔn taa ásɛ ba fuuh, he ɡbabir kwara aa he nyuu dɔ.’ ”
19Asɛ Kooro Sedekia ŋɔ men Jeremia be ŋɔ, “N dɛ ɔmɛ Juu tena baa kpɔ ba te ka ja Babelɔn tena bini la, dɛkalkɛ Babelɔn tena la ken ɛɛ lee mɛɛ tɛɛ ba, ásɛ ba fiɡ mɛ.”
20Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu. 21Kɛ dɛ he ta sɛɛh dɛ kpɔ he te do Babelɔn kooro lɔɡa aa, waa Korowii aa pili a bini baɡ mɛ laanee kɛŋɔ, 22haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ,
‘Kooro daamanar tenten neɡro,
ba waa tɔɔɡe o waa ta.
Taraken o nakpale aa morɛ kpechɛɡre ta nɔ,
o daamanar chwao ɡelo.’ ”
23Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”
24Belaa Kooro Sedekia chaŋ mɛ ŋɔ, “Bɛ ɡel nomɛlbwa no waa yaa bola nɔ, ɡɛ la aa, hɛɛ sewɔɔ. 25Nomonome la noɔ kɛŋɔ n ne he bol waane aa, baa bao dɛ ba bɔɔre waa haa bol kooro be, ne waa waa bol he be. Baa baɡɛ nyoa ŋɔ dɛ hɛɛ bol kasinteŋii yaa, baa hen kpo. 26Den ŋɔ ba be ŋɔ dɛ he dɛ soŋ mɛ ŋɔ n bɛ hen lawɛ ka do dea Jonatan dem ásɛ he sewɛ bela.”
27Ate, nomonome la bwa ba n be dɛ ba bɔɔ mɛ wa, asɛ n bol wobɛlbwa kooro aa do mɛ ŋɔ ń bol ba be la. Anomanta, ba ta wone ɛ wobɛlbwa kpa, dɛkalkɛ ba bini bɛlbwa ta waa n ne kooro aa bola la noɛ.
28Anomanta, ba laɡ mɛ do dea n do koodem dembaah bela ka tel tɔpere Babelɔn laa tena aa baa yo Jerusalam tena dɛ pɔ ba nɛ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.