Jeremia 35
35
Jeremia ne Rekab tena wa
1Gɛ saŋ Juda Kooro Josia bibaa Jehoiakim aa di kora Juda harɛ la, Korowii bol waa men Jeremia be ŋɔ, 2“Ir la Rekab dea luɡe nɛra be ka bol waa ba be. Ásɛ dɛ laɡ ba ba deene aa lɔ Korowii Dea keŋkeŋ la bɛl bini, ásɛ dɛ tɛɛ ba sen bá nyɔ.”
3Anomanta, n laŋɔ dɛ ka lawɛ Jeremia nɛɛte ɡe bibaa Jaasania. A ɡɛ Jeremia nɔ mɛɛ Habasiinia. Jaasania nimanar ne o dɔɔranar dɛ o bibaala bwa n lawɛ, 4dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ. 5Ate, n kpɔ sen aa su loŋa dɛ numoli cheɡ Rekab tena la sie, dɛ ŋɔ, “Hé lɛ sen nyɔ.”
6Belaa ba chaŋe ŋɔ, “Yaa sen nyɔ, ya nabaa Jonadab#35:6 Jonadab sɔn bɛl ɡee Jɛhɔnadab. waa ɛ Rekab bibaa do yaa ŋɔ, ya ne ya naanar bɛlbwa ta chɛ kɛ ya nyɔ sen bwa. 7O berɔ ŋɔ a ta chɛ kɛ yá do deene, kɛɛ dɛ́ parɛ kɛɛ dɛ́ yawɛ daa kooni. O do yaa ŋɔ yáa so tɛnte deene ɡbo bini, ásɛ dɛ won so harɛ yaa soɡe o ta kɛŋɔ nɛŋhɔɔhra nɔ ta. 8Ya teŋɛ wobɛlbwa ya nabaa Jonadab aa do yaa la ta. Ya ne ya haahna kɛɛ bibaala ne bihaahna bɛlbwa ta sen nyɔe bwa, 9kɛɛ dɛ do deene so a bini kɛɛ dɛ dɔ daa kooni, kɛɛ koo kondikwa. 10Ya soɡe tɛnte deene bini dɛ teŋɛ wobɛlbwa ya nabaa Jonadab aa do yaa a ta bwa. 11Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”
12Belaa Korowii bol waa men Jeremia be ja ŋɔ, 13“Ir la ka ŋɔ baala baa lɔ Juda ne Jerusalam be ŋɔ, ‘Amɔ haa waa hweli ásɛ dɛɛ teŋɛ men Koranar Bwa Kooro, Israel tena aa dɛ tom mɛ waa ta naa? 14Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ. 15N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be. 16Jonadab naanar teŋɛ waa ba nabaa aa bol ba be la ta, kɛ he ta n waa ta teŋɛ.’
17Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”
18Ate, men Jeremia ŋɔ Rekab dea luɡe nɛra la be ŋɔ, Koranar Bwa Kooro, Israel tena aa dɛ tomɔ la bolɔ ŋɔ, “He no waa he nabaa Jonadab aa bol he be la, dɛ teŋɛ waa waa baɡle heya, ne anɔ la bwa waa do heyaa ta. 19Anomanta, men Koranar Bwa Kooro, Israel tena aa dɛ tom mɛ ŋɔ, ‘Rekab bibaa Jonadab luɡe taa nɛra ɛɛ ba lee dɛɛ tom mɛ.’ ”
Currently Selected:
Jeremia 35: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 35
35
Jeremia ne Rekab tena wa
1Gɛ saŋ Juda Kooro Josia bibaa Jehoiakim aa di kora Juda harɛ la, Korowii bol waa men Jeremia be ŋɔ, 2“Ir la Rekab dea luɡe nɛra be ka bol waa ba be. Ásɛ dɛ laɡ ba ba deene aa lɔ Korowii Dea keŋkeŋ la bɛl bini, ásɛ dɛ tɛɛ ba sen bá nyɔ.”
3Anomanta, n laŋɔ dɛ ka lawɛ Jeremia nɛɛte ɡe bibaa Jaasania. A ɡɛ Jeremia nɔ mɛɛ Habasiinia. Jaasania nimanar ne o dɔɔranar dɛ o bibaala bwa n lawɛ, 4dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ. 5Ate, n kpɔ sen aa su loŋa dɛ numoli cheɡ Rekab tena la sie, dɛ ŋɔ, “Hé lɛ sen nyɔ.”
6Belaa ba chaŋe ŋɔ, “Yaa sen nyɔ, ya nabaa Jonadab#35:6 Jonadab sɔn bɛl ɡee Jɛhɔnadab. waa ɛ Rekab bibaa do yaa ŋɔ, ya ne ya naanar bɛlbwa ta chɛ kɛ ya nyɔ sen bwa. 7O berɔ ŋɔ a ta chɛ kɛ yá do deene, kɛɛ dɛ́ parɛ kɛɛ dɛ́ yawɛ daa kooni. O do yaa ŋɔ yáa so tɛnte deene ɡbo bini, ásɛ dɛ won so harɛ yaa soɡe o ta kɛŋɔ nɛŋhɔɔhra nɔ ta. 8Ya teŋɛ wobɛlbwa ya nabaa Jonadab aa do yaa la ta. Ya ne ya haahna kɛɛ bibaala ne bihaahna bɛlbwa ta sen nyɔe bwa, 9kɛɛ dɛ do deene so a bini kɛɛ dɛ dɔ daa kooni, kɛɛ koo kondikwa. 10Ya soɡe tɛnte deene bini dɛ teŋɛ wobɛlbwa ya nabaa Jonadab aa do yaa a ta bwa. 11Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”
12Belaa Korowii bol waa men Jeremia be ja ŋɔ, 13“Ir la ka ŋɔ baala baa lɔ Juda ne Jerusalam be ŋɔ, ‘Amɔ haa waa hweli ásɛ dɛɛ teŋɛ men Koranar Bwa Kooro, Israel tena aa dɛ tom mɛ waa ta naa? 14Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ. 15N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be. 16Jonadab naanar teŋɛ waa ba nabaa aa bol ba be la ta, kɛ he ta n waa ta teŋɛ.’
17Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”
18Ate, men Jeremia ŋɔ Rekab dea luɡe nɛra la be ŋɔ, Koranar Bwa Kooro, Israel tena aa dɛ tomɔ la bolɔ ŋɔ, “He no waa he nabaa Jonadab aa bol he be la, dɛ teŋɛ waa waa baɡle heya, ne anɔ la bwa waa do heyaa ta. 19Anomanta, men Koranar Bwa Kooro, Israel tena aa dɛ tom mɛ ŋɔ, ‘Rekab bibaa Jonadab luɡe taa nɛra ɛɛ ba lee dɛɛ tom mɛ.’ ”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.