Jeremia 31
31
1Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.
2Israel tena baa ka baa wola
sewɛ pua hɛŋle ɡbo ta la,
mɛɛ sune ba nɛɛ.
Mɛɛ ɡeloo
ba bwara sɔɔh ba.”
3Korowii kpɔ o te baɡle Israel tena saŋ la dɛ ŋɔ,
“Nyina aa wola jaɡa dɔe
n nyin heya.
Nyina kohonaa n ta teŋɛ
dɛɛ nyin heya.#Mma 7:8
4Israel tena,
mɛɛ berɔ lawɛ heyaa ir,
ásɛ he berɛ kwaa che
kɛrɛdɛ.
Hɛɛ berɔ kpɔ he janjelaree le,
he ne nɛra ba sie
aa lɛa kaa sa.
5Hɛɛ berɔɔ kwaa du daa kooni
Samaria deŋɡarere ta.
Paa bɛlbwa waa dua la,
wɛɛ di a nɔnaa ó sie lɛ.
6Tɔpere bɛl dɛ ba, ásɛ nɛra
baa dɛ daah Efrem#31:6 Efrem ɛ harɛ waa lɔ Israel weekaŋle nyunduabɔr pera. harɛ
lɔŋɔre ɛɛ le
deŋɡarere dor dɛɛ ŋɔ,
‘He ba ya kaa Saayɔn Bwejen
waa lɔ Jerusalam la doa,
Korowii
yaa dɛ tomɔ la be.’ ”
7Korowii ŋɔ,
“Hé ɡo silɛɛ yela tɛ
Israel tena,
ba harɛɛ kana harɛre
bwa bini.
Hé ɡo kpɛɛra yel ŋɔ,
‘Korowii lɛ o nɛra
banɔ la baa kaa la bwa.’
8Mɛɛ laɡ baa le weekaŋle
nyunduabɔr,
dɛ́ boa ba nyoa le
harɛ jaɡa.
Nyoŋa ne banɔ la ba peri
aa serewa,
hale tekpoŋra, dɛ banɔ la
lol tea aa lɔ ba bwa,
nɛnlaa tentenee
dɛɛ ba bera ba.
9Baa ba wii nee,
dɛɛ soŋe men Korowii,
ɡɛ saŋ maa laɡ ba dɛɛ ba.
Mɛɛ laɡ baa kpɔ
nenabɔɔne nyoo,
harɛ waa chɔa kaa,
baa wola naa lɔ o ta,
dɛkalkɛ n ɛ Israel tena mɛɛ,
Efrem ɡe ɛ n bibanloɡle.”
10Korowii ŋɔ, “Harɛre nɛra, hé no,
hɛ́ɛ bol n waa la mpo nyoa
bojaŋ harɛre ta.
N lɔ n nɛra Israel tena
peɡre,
kɛ mɛɛ berɔ boa ba nyoa,
ásɛ dɛ nyiŋi ba nɛɛ
kɛŋɔ peteɡre
aa dɛ nyiŋi peera la ken.
11N ɡelɔ Israel tena di ba nyu,
dɛ lɛɛ ba le harɛre nɛra baa
kpeɡa kohona nɔn ta.
12Baa bao dɛ ba ɡo silɛɛ yela
Saayɔn Bwejen la ta,
ásɛ ba sie lɛ n koŋkɛɛla,
aa ɛ mea ne sen ne ɔleve no,
dɛ peera ne nae bwa ta.
Baa doo kɛŋɔ bodɛɛɡe
ba du daa,
bwaala nɛ o ta ken,
dɛ́ dɔ kondɛɛɡa
men Korowii
aa kpɔ tɛɛ ba.
Ásɛ ba sunaa di kpa.
13Belaa toli ɛɛ ba sae ba sie lɛ,
ásɛ bonɔɔna ne banjeni
bwa ɛɛ hɛɡre.
Mɛɛ larawe ba bwaraa,
dɛ́ ɡel ba wii ber ba silɛɛ,
ásɛ ba dɔ hɛɡra kohona
le ba suna dii ta.#Jɔn 16:20
14Mɛɛ ɡeloo sɔfore di
kondikondɛɛɡaa,
ásɛ n nɛra bwa ɡe dɔ
ba kwaa baa dɛ nyin.
Men Korowiirii bola.”
15Korowii ŋɔ,
“Ba no taa bɛl le Rama.
Lokua wii naate ɛɛ wi.
Rakɛl dɛ wi o bii wa,
ba larawo kahonɛ,
dɛkalkɛ o bii bwa serewɔ.”#Mat 2:18
16Kenii Korowii ɛɛ bol,
“Hé ɡel wii haa dɛ wi la,
dɛ́ fee he siniire.
Anɔ la haa ɛa tɛ he bii
aa pɛɛ ɛɛ ba, hɛɛ dɔ a
kembɔree,
ba bwa ɛɛ berɔɔ le
ba dɔma harɛ taa ba.
17Hwɛɡa lole tɛ heya kerekere,
ásɛ he bii bwa berɛ ba
ba harɛ la ta.
Men Korowiirii bola.
18N no n nɛra Israel tena#31:18 Israel tena nɔ cheɡɔ tɛ Efrem dea tena baa lɔ weekaŋle nyunduabɔr.
suna wii baa dɛ wi,
‘N Naa Korowii, ya do kɛŋɔ
kondɛɛre waa kpaŋa ken,
kɛ he baɡle yaa ŋɔ yaa teŋɛ
he waa ta.
Berɛ lawɛ yaa ba he be,
ya dɛ kpa kɛ he berɛ lawɛ
yaa ba he be,
dɛkalkɛ henee Korowii
yaa dɛ tomɛ.
19Ya berɛ habɔɔ kpoe,
kɛ a ta biɡre ya dɔ liire,
dɛ berɛ ba he be.
Kɛ a habɔɔ
haa tɛr ya deŋne la,
ya baŋa ɡolo
sihiih kpo yaa.
Sihiih kpo yaa kohona,
dɛkalkɛ ya bechale saŋ
bwaa ya le ɛ wechɔɡa.’ ”
20Anee Korowii ŋɔ,
“Israel tena,
he do kɛŋɔ bibaa
maa dɛ nyinu kohona.
Saŋ bɛlbwa maa yerɛ
he sɔn la,
he nyina waa dɛ do
n bini kohona.
N bambile dɛ lawɛ,
n dɔ tedoma tɛ heya.
21Hé kpɔ kwaa paaɡe
á ɛ nso ŋwɛnɛ la ta,
á baɡle heya ŋwɛnɛ
haa kpɔ o ta kaa.
Israel tena, hé berɛ ba,
hé berɛ ba bwɛɛre
haa le a ta kaa la ta.
22Nɛra he wa aa wola
kasinteŋ dɔe,
saŋ besoo hɛɛ ba he ɡaaɡe
bala nɔ ɡela ɔ?
He fa do kɛ bitolo o wa
aa wola kasinteŋ dɔe.
Mɛɛ beɡre wobɛlbwa anfalaa
harɛ nɔ bwa taa,
kɛŋɔ haah aa kpɔ nɔn
dɛɛ tɔ o jaa nɛɛ la ken.”
Korowii nɛra wer doe kerekere
23Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’ 24Nɛra ɛɛ berɔɔ ba so Juda harɛ bwɛɛre bwa ta, paara ne peteɡra baa dɛ teɡɛ ba kondɛɛra bwa. 25Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”
26Belaa men Jeremia n chɔ dɛ ir, asɛ n na kɛ n dom la som n be.
27“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta. 28Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken. 29Tɔpera la telaa, nɛra aa berɛ ŋɔ,
‘Nya ne mɛɛ di ɡrepo
nɔnnyɛɡa,
ásɛ ba bii nyena nyɛɡ.’
30Banɔ la baa di ɡrepo nɔnnyɛɡa la nyenaa dɛɛ ba nyɛɡa, ásɛ dɛ bwa serewe ba ɡbaɡba wechɔɡa baa ɛa wa.”
31Korowii bolɔ ŋɔ,
“Saŋ bɛl ɛɛ bao,
ásɛ n ne Israel
ne Juda tena
bwa fɔwɛ fɔofale bɛl.#Hib 8:8
32O ne fɔo la n ne ba naawa
aa fɔwa a ɡɛ saŋ maa
laɡ ba le Ijipt harɛ ta la,
aa beŋkpoŋ ɛɛ ba,
dɛkalkɛŋɔ ba naawa
fa ta fɔo la ta teŋɛ.
33Fɔo n ne Israel tena
aa fɔwɛ tɔpera
aa lɔ sie la ta laanee nɔ.
Mɛɛ kpɔ me Mmaraa do
ba bambili bini,
dɛ́ chwerɔ do
ba nyuune bini,
ásɛ n ɛ Korowii
baa dɛɛ tom mɛ,
ásɛ ba ɡe ɛ n nɛra.
34Aa berɛ hiah kɛŋɔ
nomɛlbwa baɡle o dɔŋ
kɛɛ o nime ŋɔ,
‘Jemɛ Korowii kɛ onee
he Dɔɔ’ kpa,
dɛkalkɛŋɔ ba bechale
ne nomonome bwa
ɛɛ jem mɛ kɛ
ba Dɔɔree men.
Mɛɛ sune ba nɛɛ,
dɛ́ kpɔ ba
waa aa wola toɡrɛ kɛ ba,
maa ba wechɔɡa
waa lii kpa bwa.
Men Korowiirii bola.”
35Korowii ŋɔ,
“Menee ta wee asɛ wɛɛ
chaah webaŋa,
dɛ ɡel korobie ne weweela
ɡe ɛɛ chaah jwaana.
Menee ɡela mpo ir
dɛɛ lɔ nehɛma,
Koranar Bwa Kooroo n sɔn.
36A ɡɛ kwaa aa lɔ nyundua nɔ
ɛɛ ɡel toma ɛɛ yaa,
amɔ dɛ ɡɛɛ Israel harɛ
nɛra ɡe aa wola lee do.
37Dɛ tɔpebɛl ba fe ɛɛ won maɡɛ ɡɛ nyundua aa doa,
dɛ́ jemɛ kwaa harɛ nɔ
aa chɔŋɛ a ta naa,
anee n fe vɛh n nɛra
Israel tena
waa bwa baa ɛa la wa.
Men Korowiirii bola.
38Tɔpera ane dɛ́ ba ásɛ ba berɛ kwaa ma bwɛjen Jerusalam n sɔn ta, dɛ́ le Hananɛl Dejaŋ wee cholibɔr, dɛ́ kaa Loŋkora Doonyoa la ta.#Neh 3:1-32 39Ásɛ ba jwɛh le bela kaa wee cholibɔr dɛ́ kaa Gareb deŋɡare ta, dɛ́ bar kaa Goa. 40Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”
Currently Selected:
Jeremia 31: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 31
31
1Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.
2Israel tena baa ka baa wola
sewɛ pua hɛŋle ɡbo ta la,
mɛɛ sune ba nɛɛ.
Mɛɛ ɡeloo
ba bwara sɔɔh ba.”
3Korowii kpɔ o te baɡle Israel tena saŋ la dɛ ŋɔ,
“Nyina aa wola jaɡa dɔe
n nyin heya.
Nyina kohonaa n ta teŋɛ
dɛɛ nyin heya.#Mma 7:8
4Israel tena,
mɛɛ berɔ lawɛ heyaa ir,
ásɛ he berɛ kwaa che
kɛrɛdɛ.
Hɛɛ berɔ kpɔ he janjelaree le,
he ne nɛra ba sie
aa lɛa kaa sa.
5Hɛɛ berɔɔ kwaa du daa kooni
Samaria deŋɡarere ta.
Paa bɛlbwa waa dua la,
wɛɛ di a nɔnaa ó sie lɛ.
6Tɔpere bɛl dɛ ba, ásɛ nɛra
baa dɛ daah Efrem#31:6 Efrem ɛ harɛ waa lɔ Israel weekaŋle nyunduabɔr pera. harɛ
lɔŋɔre ɛɛ le
deŋɡarere dor dɛɛ ŋɔ,
‘He ba ya kaa Saayɔn Bwejen
waa lɔ Jerusalam la doa,
Korowii
yaa dɛ tomɔ la be.’ ”
7Korowii ŋɔ,
“Hé ɡo silɛɛ yela tɛ
Israel tena,
ba harɛɛ kana harɛre
bwa bini.
Hé ɡo kpɛɛra yel ŋɔ,
‘Korowii lɛ o nɛra
banɔ la baa kaa la bwa.’
8Mɛɛ laɡ baa le weekaŋle
nyunduabɔr,
dɛ́ boa ba nyoa le
harɛ jaɡa.
Nyoŋa ne banɔ la ba peri
aa serewa,
hale tekpoŋra, dɛ banɔ la
lol tea aa lɔ ba bwa,
nɛnlaa tentenee
dɛɛ ba bera ba.
9Baa ba wii nee,
dɛɛ soŋe men Korowii,
ɡɛ saŋ maa laɡ ba dɛɛ ba.
Mɛɛ laɡ baa kpɔ
nenabɔɔne nyoo,
harɛ waa chɔa kaa,
baa wola naa lɔ o ta,
dɛkalkɛ n ɛ Israel tena mɛɛ,
Efrem ɡe ɛ n bibanloɡle.”
10Korowii ŋɔ, “Harɛre nɛra, hé no,
hɛ́ɛ bol n waa la mpo nyoa
bojaŋ harɛre ta.
N lɔ n nɛra Israel tena
peɡre,
kɛ mɛɛ berɔ boa ba nyoa,
ásɛ dɛ nyiŋi ba nɛɛ
kɛŋɔ peteɡre
aa dɛ nyiŋi peera la ken.
11N ɡelɔ Israel tena di ba nyu,
dɛ lɛɛ ba le harɛre nɛra baa
kpeɡa kohona nɔn ta.
12Baa bao dɛ ba ɡo silɛɛ yela
Saayɔn Bwejen la ta,
ásɛ ba sie lɛ n koŋkɛɛla,
aa ɛ mea ne sen ne ɔleve no,
dɛ peera ne nae bwa ta.
Baa doo kɛŋɔ bodɛɛɡe
ba du daa,
bwaala nɛ o ta ken,
dɛ́ dɔ kondɛɛɡa
men Korowii
aa kpɔ tɛɛ ba.
Ásɛ ba sunaa di kpa.
13Belaa toli ɛɛ ba sae ba sie lɛ,
ásɛ bonɔɔna ne banjeni
bwa ɛɛ hɛɡre.
Mɛɛ larawe ba bwaraa,
dɛ́ ɡel ba wii ber ba silɛɛ,
ásɛ ba dɔ hɛɡra kohona
le ba suna dii ta.#Jɔn 16:20
14Mɛɛ ɡeloo sɔfore di
kondikondɛɛɡaa,
ásɛ n nɛra bwa ɡe dɔ
ba kwaa baa dɛ nyin.
Men Korowiirii bola.”
15Korowii ŋɔ,
“Ba no taa bɛl le Rama.
Lokua wii naate ɛɛ wi.
Rakɛl dɛ wi o bii wa,
ba larawo kahonɛ,
dɛkalkɛ o bii bwa serewɔ.”#Mat 2:18
16Kenii Korowii ɛɛ bol,
“Hé ɡel wii haa dɛ wi la,
dɛ́ fee he siniire.
Anɔ la haa ɛa tɛ he bii
aa pɛɛ ɛɛ ba, hɛɛ dɔ a
kembɔree,
ba bwa ɛɛ berɔɔ le
ba dɔma harɛ taa ba.
17Hwɛɡa lole tɛ heya kerekere,
ásɛ he bii bwa berɛ ba
ba harɛ la ta.
Men Korowiirii bola.
18N no n nɛra Israel tena#31:18 Israel tena nɔ cheɡɔ tɛ Efrem dea tena baa lɔ weekaŋle nyunduabɔr.
suna wii baa dɛ wi,
‘N Naa Korowii, ya do kɛŋɔ
kondɛɛre waa kpaŋa ken,
kɛ he baɡle yaa ŋɔ yaa teŋɛ
he waa ta.
Berɛ lawɛ yaa ba he be,
ya dɛ kpa kɛ he berɛ lawɛ
yaa ba he be,
dɛkalkɛ henee Korowii
yaa dɛ tomɛ.
19Ya berɛ habɔɔ kpoe,
kɛ a ta biɡre ya dɔ liire,
dɛ berɛ ba he be.
Kɛ a habɔɔ
haa tɛr ya deŋne la,
ya baŋa ɡolo
sihiih kpo yaa.
Sihiih kpo yaa kohona,
dɛkalkɛ ya bechale saŋ
bwaa ya le ɛ wechɔɡa.’ ”
20Anee Korowii ŋɔ,
“Israel tena,
he do kɛŋɔ bibaa
maa dɛ nyinu kohona.
Saŋ bɛlbwa maa yerɛ
he sɔn la,
he nyina waa dɛ do
n bini kohona.
N bambile dɛ lawɛ,
n dɔ tedoma tɛ heya.
21Hé kpɔ kwaa paaɡe
á ɛ nso ŋwɛnɛ la ta,
á baɡle heya ŋwɛnɛ
haa kpɔ o ta kaa.
Israel tena, hé berɛ ba,
hé berɛ ba bwɛɛre
haa le a ta kaa la ta.
22Nɛra he wa aa wola
kasinteŋ dɔe,
saŋ besoo hɛɛ ba he ɡaaɡe
bala nɔ ɡela ɔ?
He fa do kɛ bitolo o wa
aa wola kasinteŋ dɔe.
Mɛɛ beɡre wobɛlbwa anfalaa
harɛ nɔ bwa taa,
kɛŋɔ haah aa kpɔ nɔn
dɛɛ tɔ o jaa nɛɛ la ken.”
Korowii nɛra wer doe kerekere
23Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’ 24Nɛra ɛɛ berɔɔ ba so Juda harɛ bwɛɛre bwa ta, paara ne peteɡra baa dɛ teɡɛ ba kondɛɛra bwa. 25Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”
26Belaa men Jeremia n chɔ dɛ ir, asɛ n na kɛ n dom la som n be.
27“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta. 28Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken. 29Tɔpera la telaa, nɛra aa berɛ ŋɔ,
‘Nya ne mɛɛ di ɡrepo
nɔnnyɛɡa,
ásɛ ba bii nyena nyɛɡ.’
30Banɔ la baa di ɡrepo nɔnnyɛɡa la nyenaa dɛɛ ba nyɛɡa, ásɛ dɛ bwa serewe ba ɡbaɡba wechɔɡa baa ɛa wa.”
31Korowii bolɔ ŋɔ,
“Saŋ bɛl ɛɛ bao,
ásɛ n ne Israel
ne Juda tena
bwa fɔwɛ fɔofale bɛl.#Hib 8:8
32O ne fɔo la n ne ba naawa
aa fɔwa a ɡɛ saŋ maa
laɡ ba le Ijipt harɛ ta la,
aa beŋkpoŋ ɛɛ ba,
dɛkalkɛŋɔ ba naawa
fa ta fɔo la ta teŋɛ.
33Fɔo n ne Israel tena
aa fɔwɛ tɔpera
aa lɔ sie la ta laanee nɔ.
Mɛɛ kpɔ me Mmaraa do
ba bambili bini,
dɛ́ chwerɔ do
ba nyuune bini,
ásɛ n ɛ Korowii
baa dɛɛ tom mɛ,
ásɛ ba ɡe ɛ n nɛra.
34Aa berɛ hiah kɛŋɔ
nomɛlbwa baɡle o dɔŋ
kɛɛ o nime ŋɔ,
‘Jemɛ Korowii kɛ onee
he Dɔɔ’ kpa,
dɛkalkɛŋɔ ba bechale
ne nomonome bwa
ɛɛ jem mɛ kɛ
ba Dɔɔree men.
Mɛɛ sune ba nɛɛ,
dɛ́ kpɔ ba
waa aa wola toɡrɛ kɛ ba,
maa ba wechɔɡa
waa lii kpa bwa.
Men Korowiirii bola.”
35Korowii ŋɔ,
“Menee ta wee asɛ wɛɛ
chaah webaŋa,
dɛ ɡel korobie ne weweela
ɡe ɛɛ chaah jwaana.
Menee ɡela mpo ir
dɛɛ lɔ nehɛma,
Koranar Bwa Kooroo n sɔn.
36A ɡɛ kwaa aa lɔ nyundua nɔ
ɛɛ ɡel toma ɛɛ yaa,
amɔ dɛ ɡɛɛ Israel harɛ
nɛra ɡe aa wola lee do.
37Dɛ tɔpebɛl ba fe ɛɛ won maɡɛ ɡɛ nyundua aa doa,
dɛ́ jemɛ kwaa harɛ nɔ
aa chɔŋɛ a ta naa,
anee n fe vɛh n nɛra
Israel tena
waa bwa baa ɛa la wa.
Men Korowiirii bola.
38Tɔpera ane dɛ́ ba ásɛ ba berɛ kwaa ma bwɛjen Jerusalam n sɔn ta, dɛ́ le Hananɛl Dejaŋ wee cholibɔr, dɛ́ kaa Loŋkora Doonyoa la ta.#Neh 3:1-32 39Ásɛ ba jwɛh le bela kaa wee cholibɔr dɛ́ kaa Gareb deŋɡare ta, dɛ́ bar kaa Goa. 40Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.