Jeremia 25
25
Dɔma baa le weekaŋle nyunduabɔr wa
1Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be nɛra bwa baa lɔ Juda harɛ ta wa. Dɛ Babelɔn Kooro Nebukadnesa ɡe di benanyoa beŋkpoŋ o kora ta. 2Anomanta, men Korowii keame Jeremia bol Juda tena la bwa ne nɛra baa lɔ Jerusalam be ŋɔ, 3“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.
4Keraŋwɛnɛ bwaa Korowii tomɛ o bonɔɔna baa ɛ o keamere he Juda ne Jerusalam tena be, kɛ he ta deŋne cheɡɛ, a ba ɛ kɛŋɔ hɛɛ noo. 5Ba yon ŋɔ, ‘Hé charɛ he liire le he wechɔɡa ne he we-ɛɛla aa wola were ta, ásɛ he won so harɛ Korowii aa kpɔa tɛ he ne he naawa la ta, saŋ bɛlbwa dɛɛ la. 6He bɛ voɡare nɛɛ dɛɛ teŋɛ, ásɛ dɛɛ toma. He bɛ kwaa he ɡbabir aa kpɔ nɔɔra kwaara kpɔ ir Korowii bwaawee. He ɛ ɡɛ tenaa, waa heyaa chɔɡ.’
7Kɛ Korowii ŋɔ he ta o be noɛ, dɛ kpɔ kwaa he ɡbabir aa kpɔ nɔɔra kwaara ir o bwaawee, a ba wenaale ne ba ta he nɛ.
8Anomanta, Koranar Bwa Kooro bolɔ kɛŋɔ, haa wola o be noɛ nomanta, 9wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la. 10Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna. 11He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.#2We 36:21; Aes 55:8; Jer 29:10; Dan 9:2
12Kɛ bene fifraanuanɛ la baa kaa laa, wɛɛ tɛr Babelɔn kooro ne o harɛ nɛra deŋnee ba wechɔɡa la wa, ásɛ dɛ chɔɡ harɛ la o berɛ dimɡbia saŋ bɛlbwa dɛɛ la. 13Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ. 14Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”
Korowii bandia danana nee nyɔe wa
15Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ. 16Ba nyɔɔ tonaa, baa dɛɛroo dɛɛ yɛɛɡe, asɛ choɡla chole ba nɛ, laa maa kpɔa dɛɛ ba ba nɛɛ la wa.”
17Anomanta, n lɛ numol la, dɛ ɡel harɛre nɛra waa tom mɛ ba be la nyɔ o bini sen la. Banee, 18Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini. 19Ijipt kooro ne o bonɔɔna ne o nomonome dɛ o nɛra bwa, 20ne nɛŋhɔɔhra bwa baa lɔ bela, ne Us harɛ koranar ne Filisti koranar bwa, banɔ la baa le Askɛlɔn ne Gasa ne Ekron dɛ nɛra baa kaa dɛ do Asdɔd, 21ne Edom ne Moab dɛ Amɔn harɛre ta, 22ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa, 23ne Dedan ne Tema ne Bus, dɛ banɔ la baa lɔ bojaŋ harɛre ta bwa, 24ne Arab koranar bwa ne harɛfala koranar baa soɡe pua hɛŋle ɡbo harɛre ta, 25ne Simri ne Elam dɛ Midia koranar bwa, 26dɛ weekaŋle nyunduabɔr koranar baa lɔ bojaŋa ne ambori bwa ta, ásɛ harɛre nɛra bwa teŋɛ dɔŋa nɛɛ dɛɛ nyɔ. Ba bwa habɔɔ la, mɔɔ Babelɔn kooro ɡe ba nyɔ danana nee la.
27Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa. 28Kɛ dɛ ba vɛh numol la lɛɛ dɛ nyɔ aa, hé ŋɔ ba be ŋɔ men Koranar Bwa Kooroo ŋɔ a chɛ kɛŋɔ bá nyɔ. 29Mɛɛ kpɔ wenaalee ba ta bwɛjen n ɡbabir sɔn aa dawɛ o ta. Ba dɛ lii kɛŋɔ ba tenee wola deŋnetɛraa dɔ aa? Akai, baa won le a nyoa, dɛkalkɛ n dɛ ba laa ne ba ta harɛ nɔ nɛra bwa nɛ. Men Koranar Bwa Kooroo bola.
30Hen Jeremia, bol n waa la ba be ŋɔ,
‘Korowii dɛ kɔɡre
kɛŋɔ nyujente
dɛ le nyundua dɛɛ ba.
O taa do kɛŋɔ bwaala kɔra,
dɛ le o soŋnibɔr
waa do ɡoroŋ bela,
dɛɛ nyɛɡ o nɛra baa lɔ
o harɛ nɔ ta nɛ.
Wɛɛ tiɡri ba nɛɛ kɛŋɔ
ba yon dɛɛ tiɡri ɡrepo
daa nɔna la ken.
31Nɛra baa lɔ harɛ jaɡa bwa
ɛɛ no o nyɛɡa laanee.
Korowii ne harɛre nɛra dɔɔ,
wɛɛ bol nɛwɛnyina bwa
waa dɛ́ pa bole,
ásɛ dɛ kpoo
nyubinikpeɡ tena.’ ”
Korowiirii bola.
32Waa Koranar Bwa Kooro aa dɛ bol laanee nɔ.
“Hé na, wenaale dɛ ba,
o le harɛ bɛl nɛra be
dɛ kaa bane ɡe be.
O do kɛŋɔ peukpeɡ
aa taa le harɛ jaɡa ken.”
33Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.
34He nomonome haa do
kɛŋɔ peteɡra
dɛɛ nyiŋi n nɛra nɛɛ la,
hé do lɔŋɔre dɛɛ wi
kohona!
Hé chɔ harɛ dɛɛ ɡbili,
dɛkalkɛ saŋ telo kɛ
bá kpoo heya.
Hɛɛ doo kɛŋɔ vii
yon le harɛ dɛ paɡre
la ken.
35Nomonome haa do kɛŋɔ
peteɡra la aa bɔree dɔ
chwa kaa bobɛlbwa.
36Hɛ́ɛ no nomonome baa
do kɛ peteɡra la lɔŋɔre
ne wii baa dɛ wi,
dɛkalkɛ Korowii chɔɡ
ba peera dibɔra.
37Haa deŋnesɔɔhnaa dɔ
harɛ la ta,
Korowii bandia kohona
la wa.
38Korowii vɛh o nɛra
kɛŋɔ nyujente
yon chwa le
o sɔɔhbɔr la ken.
Harɛ la berɛ
pua hɛŋle ɡbo harɛ,
dɛkalkɛ Korowii cheɡɛ
o bandia kohona ta
ɡel ba dɔma
ba chɔɡ ba harɛ.
Currently Selected:
Jeremia 25: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 25
25
Dɔma baa le weekaŋle nyunduabɔr wa
1Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be nɛra bwa baa lɔ Juda harɛ ta wa. Dɛ Babelɔn Kooro Nebukadnesa ɡe di benanyoa beŋkpoŋ o kora ta. 2Anomanta, men Korowii keame Jeremia bol Juda tena la bwa ne nɛra baa lɔ Jerusalam be ŋɔ, 3“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.
4Keraŋwɛnɛ bwaa Korowii tomɛ o bonɔɔna baa ɛ o keamere he Juda ne Jerusalam tena be, kɛ he ta deŋne cheɡɛ, a ba ɛ kɛŋɔ hɛɛ noo. 5Ba yon ŋɔ, ‘Hé charɛ he liire le he wechɔɡa ne he we-ɛɛla aa wola were ta, ásɛ he won so harɛ Korowii aa kpɔa tɛ he ne he naawa la ta, saŋ bɛlbwa dɛɛ la. 6He bɛ voɡare nɛɛ dɛɛ teŋɛ, ásɛ dɛɛ toma. He bɛ kwaa he ɡbabir aa kpɔ nɔɔra kwaara kpɔ ir Korowii bwaawee. He ɛ ɡɛ tenaa, waa heyaa chɔɡ.’
7Kɛ Korowii ŋɔ he ta o be noɛ, dɛ kpɔ kwaa he ɡbabir aa kpɔ nɔɔra kwaara ir o bwaawee, a ba wenaale ne ba ta he nɛ.
8Anomanta, Koranar Bwa Kooro bolɔ kɛŋɔ, haa wola o be noɛ nomanta, 9wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la. 10Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna. 11He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.#2We 36:21; Aes 55:8; Jer 29:10; Dan 9:2
12Kɛ bene fifraanuanɛ la baa kaa laa, wɛɛ tɛr Babelɔn kooro ne o harɛ nɛra deŋnee ba wechɔɡa la wa, ásɛ dɛ chɔɡ harɛ la o berɛ dimɡbia saŋ bɛlbwa dɛɛ la. 13Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ. 14Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”
Korowii bandia danana nee nyɔe wa
15Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ. 16Ba nyɔɔ tonaa, baa dɛɛroo dɛɛ yɛɛɡe, asɛ choɡla chole ba nɛ, laa maa kpɔa dɛɛ ba ba nɛɛ la wa.”
17Anomanta, n lɛ numol la, dɛ ɡel harɛre nɛra waa tom mɛ ba be la nyɔ o bini sen la. Banee, 18Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini. 19Ijipt kooro ne o bonɔɔna ne o nomonome dɛ o nɛra bwa, 20ne nɛŋhɔɔhra bwa baa lɔ bela, ne Us harɛ koranar ne Filisti koranar bwa, banɔ la baa le Askɛlɔn ne Gasa ne Ekron dɛ nɛra baa kaa dɛ do Asdɔd, 21ne Edom ne Moab dɛ Amɔn harɛre ta, 22ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa, 23ne Dedan ne Tema ne Bus, dɛ banɔ la baa lɔ bojaŋ harɛre ta bwa, 24ne Arab koranar bwa ne harɛfala koranar baa soɡe pua hɛŋle ɡbo harɛre ta, 25ne Simri ne Elam dɛ Midia koranar bwa, 26dɛ weekaŋle nyunduabɔr koranar baa lɔ bojaŋa ne ambori bwa ta, ásɛ harɛre nɛra bwa teŋɛ dɔŋa nɛɛ dɛɛ nyɔ. Ba bwa habɔɔ la, mɔɔ Babelɔn kooro ɡe ba nyɔ danana nee la.
27Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa. 28Kɛ dɛ ba vɛh numol la lɛɛ dɛ nyɔ aa, hé ŋɔ ba be ŋɔ men Koranar Bwa Kooroo ŋɔ a chɛ kɛŋɔ bá nyɔ. 29Mɛɛ kpɔ wenaalee ba ta bwɛjen n ɡbabir sɔn aa dawɛ o ta. Ba dɛ lii kɛŋɔ ba tenee wola deŋnetɛraa dɔ aa? Akai, baa won le a nyoa, dɛkalkɛ n dɛ ba laa ne ba ta harɛ nɔ nɛra bwa nɛ. Men Koranar Bwa Kooroo bola.
30Hen Jeremia, bol n waa la ba be ŋɔ,
‘Korowii dɛ kɔɡre
kɛŋɔ nyujente
dɛ le nyundua dɛɛ ba.
O taa do kɛŋɔ bwaala kɔra,
dɛ le o soŋnibɔr
waa do ɡoroŋ bela,
dɛɛ nyɛɡ o nɛra baa lɔ
o harɛ nɔ ta nɛ.
Wɛɛ tiɡri ba nɛɛ kɛŋɔ
ba yon dɛɛ tiɡri ɡrepo
daa nɔna la ken.
31Nɛra baa lɔ harɛ jaɡa bwa
ɛɛ no o nyɛɡa laanee.
Korowii ne harɛre nɛra dɔɔ,
wɛɛ bol nɛwɛnyina bwa
waa dɛ́ pa bole,
ásɛ dɛ kpoo
nyubinikpeɡ tena.’ ”
Korowiirii bola.
32Waa Koranar Bwa Kooro aa dɛ bol laanee nɔ.
“Hé na, wenaale dɛ ba,
o le harɛ bɛl nɛra be
dɛ kaa bane ɡe be.
O do kɛŋɔ peukpeɡ
aa taa le harɛ jaɡa ken.”
33Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.
34He nomonome haa do
kɛŋɔ peteɡra
dɛɛ nyiŋi n nɛra nɛɛ la,
hé do lɔŋɔre dɛɛ wi
kohona!
Hé chɔ harɛ dɛɛ ɡbili,
dɛkalkɛ saŋ telo kɛ
bá kpoo heya.
Hɛɛ doo kɛŋɔ vii
yon le harɛ dɛ paɡre
la ken.
35Nomonome haa do kɛŋɔ
peteɡra la aa bɔree dɔ
chwa kaa bobɛlbwa.
36Hɛ́ɛ no nomonome baa
do kɛ peteɡra la lɔŋɔre
ne wii baa dɛ wi,
dɛkalkɛ Korowii chɔɡ
ba peera dibɔra.
37Haa deŋnesɔɔhnaa dɔ
harɛ la ta,
Korowii bandia kohona
la wa.
38Korowii vɛh o nɛra
kɛŋɔ nyujente
yon chwa le
o sɔɔhbɔr la ken.
Harɛ la berɛ
pua hɛŋle ɡbo harɛ,
dɛkalkɛ Korowii cheɡɛ
o bandia kohona ta
ɡel ba dɔma
ba chɔɡ ba harɛ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.