Aesaya 9
9
Ba lolɛ bie tɛ yaa
1Kɛ ane abwa, wenaale bɛlbwa toole dɛ ba nɛra ba bwara aa dɛ nyɛɡ nɛ. Saŋ la, Korowii ɡelɔ Sebulon ne Naftale deene tena harɛre sɔn ba harɛ. Kɛ kerekere wɛɛ ɡeloo Galilia harɛ ta bela hɔɔhra aa wara dɛ koo Juu tena bini la bwa dɔ jirima. Harɛ waa lɔ Jɔɔdan Moo la baŋ, dɛ kpɔ dɛɛ kaa moo la nyoa bela bwa.#Mat 4:15
2Nɛra ba fa aa do kɛŋɔ nɛra
baa soɡe biro ta, berɔ na
nii bɛl o chaah tɛ ba bwa.
Gɛ nɛra nɔ ba wechɔɡa
aa ɡela ba do seo lɔɡa,
kɛ nɛra baa soɡe biro ta la,
ba na nii bɛl o chaah
kohona tɛ ba bwa.
3N Naa Korowii, he ɡelɔ ba
harɛ la nɛra ya,
he tɛɛ ba silɛɛ kohona.
Ba dɛ hɛɡre he sie
kɛŋɔ nɛra koo kondikwaa
yon ɛ kohona baa koma
dɛɛ hɛɡre la.
Ba berɔ dɛɛ hɛɡre
kɛŋɔ nɛra aa kaa yo laa,
dɛ pa ba dɔma laala
dɛɛ bɔne la.
4He pɔ ba dɔma ba fa aa dɛ ha
ba,
kɛŋɔ baa kpɔ daa dawɛ nae
anɛ nɛ aa parɛ,
dɛ kpɔ daŋɡbale
dɛɛ lɔɔra la nɛ.
Gɛ tentenee he kuuɡi daa
aa dawɛ Midian tena nɛ
dɛ lɛɛ ba.
5Laala baa doa dɛɛ yo laa,
ne kon te bɛlbwa chal aa
ɛo la,
baa kpɔa do nii ta a fuh,
baa kpɔa mar nii.
6Ba lolɛ bie tɛ yaa,
bibaalee.#Luk 2:11
Onee dɛɛ ba harɛ nɔ bwa
kooro ɛɛ,#Mat 28:18
baa yerɔ Nyokponɛn,
ne Nomondɛɛɡe Waa Won
Nɛra Jae,
ne Nemenɛ Korowii,
ne Saŋ Te Bɛlbwa Mɛɛ,
dɛ Deŋnesɔɔhna Kooro.
7O kora ɛɛ do kanee
dɛɛ ja saŋ bɛlbwa,
ásɛ deŋnesɔɔhna aa wola
jaɡa dɔe do le
saŋ bɛlbwa dɛɛ la.
Wɛɛ chiɡ Kooro Devid naa
taa, dɛ́ di kora.
O kora ɛɛ che kasinteŋ ne
waa aa toɡra taa
dɛ́ do kpeɡri,
dɛ́ le saŋ nɔ ka tel
waa bwa jaɡa saŋ.
Koranar Bwa Kooro ɛɛ do siee
dɛ́ ɛ anɔ bwa.#Luk 1:32
Korowii ɛɛ tɛr Israel tena deŋnee
8Korowii bol waane Jekɔb
naanar baa ɛ Israel tena
be, aa ba ba pui,
9ásɛ nɛra la bwa jemɛ a wa.
Israel ne Samaria tena la
dɛ ɡɔɔ ba te dɛɛ maŋkura
ba te dɛ ŋɔ,
10“Berekese dea la cholo,
kɛ yaa sɛh bweaa
dɛ́ berɛ kpɔ ma.
Ba teŋni fiɡ daa aa pwɛra
la ta,
kɛ yaa kpɔ peleme daa
aa kpeɡaa chiɡ
a buɡe ta.”
11Korowii ɛɛ ɡeloo Israel tena
dɔma baah di
bá ba yoo ba.
12Siiria tena le wee leebɔr,
ásɛ Filisti tena ɡe le wee
cholibɔr,
dɛ́ ba haah Israel tena pɛ
dɛ́ laɡ ba lile.
Anɔ nɔ bwa habɔɔ Korowii
baah aa sɔɔh,
o nɔn waa ira dɛ́ tɛr
ba deŋne la ɡe ta cheɡɛ ɡɛ.
13Israel tena la ta ba liire
charɛ ba deŋnetɛra la
habɔɔ,
á ba ɛ kɛŋɔ baa nyin
Nemenɛ Korowii bɔree.
14Korowii ɛɛ tɛr Israel tena
nomonome ne ba nɛra
deŋnee.
Wɛɛ teŋ baa ta kɛŋɔ
baa teŋe daa nyundua
ne o harɛbɔr bwa ta ken.
15Nomonome ne nɛra baa dɔ
jirima laanee daa la nyu,
asɛ Korowii keamere baa
dɛ teŋe
nyosone
o waa la ta la,
ɡee daa la harɛbɔr.#Mae 3:5-7
16Nɛra baa tɔ nɛra la sie la,
ɡelɔ baa koni,
dɛ ɡel banɔ la
baa teŋɛ ba nɛɛ la ɡe
nyoɡre kwaraa.
17Anomanta, Korowii sie aa ba
bini bonɔɔna nɛɛ lɛɛ ba,
hale waa bilalbii ne
luhaahna kwaraa sum nae
ba, dɛkalkɛŋɔ ba bini
bɛlbwa aa o waa ta teŋɛ,
dɛ ɛ wechɔɡ-ɛɛra,
ba wobol aa were.
Anɔ bwa habɔɔ,
o baah aa sɔɔh,
o nɔn waa ira
dɛ́ tɛr ba deŋne
la ɡe ta cheɡɛ ɡɛ.
18Ba wechɔɡa do kɛŋɔ nii naa
dɛ lawɛ,
dɛɛ fuh jabalnadaŋɛ
ne sɔɔhne ken.
A dɛ lawɛ kɛŋɔ kɔr aa dɛ fuh,
a chuu ɛɛ kaa
nyundua la ken.
19Koranar Bwa Kooro
bandia nomanta,
o deŋnetɛra do kɛŋɔ nii aa
dɛ fuh harɛ la ta bwa,
dɛɛ fuh nɛra.
Ásɛ nomɛlbwa aa o dɔŋ
sumii na kpa.
20Baa kah kondikwaa nɔndiɡ
ne ɡal bwa nee dɛɛ di,
kɛ baa vaɡɛ, hale
dɛ́ larawe ba biirere chwe.
21Manasɛ dea nɛra ɛɛ yo Efrem
dea nɛraa,
ásɛ Efrem dea nɛra
ɡe yoo ba,
a ɡɛ deene anɛ nɔ ɛɛ pɛo
dɛ́ yo Juda dea nɛra.
Anɔ nɔ bwa habɔɔ,
Korowii baah aa sɔɔh,
o nɔn waa ira dɛ́ tɛr ba
deŋne la ɡe ta cheɡɛ ɡɛ.
Currently Selected:
Aesaya 9: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 9
9
Ba lolɛ bie tɛ yaa
1Kɛ ane abwa, wenaale bɛlbwa toole dɛ ba nɛra ba bwara aa dɛ nyɛɡ nɛ. Saŋ la, Korowii ɡelɔ Sebulon ne Naftale deene tena harɛre sɔn ba harɛ. Kɛ kerekere wɛɛ ɡeloo Galilia harɛ ta bela hɔɔhra aa wara dɛ koo Juu tena bini la bwa dɔ jirima. Harɛ waa lɔ Jɔɔdan Moo la baŋ, dɛ kpɔ dɛɛ kaa moo la nyoa bela bwa.#Mat 4:15
2Nɛra ba fa aa do kɛŋɔ nɛra
baa soɡe biro ta, berɔ na
nii bɛl o chaah tɛ ba bwa.
Gɛ nɛra nɔ ba wechɔɡa
aa ɡela ba do seo lɔɡa,
kɛ nɛra baa soɡe biro ta la,
ba na nii bɛl o chaah
kohona tɛ ba bwa.
3N Naa Korowii, he ɡelɔ ba
harɛ la nɛra ya,
he tɛɛ ba silɛɛ kohona.
Ba dɛ hɛɡre he sie
kɛŋɔ nɛra koo kondikwaa
yon ɛ kohona baa koma
dɛɛ hɛɡre la.
Ba berɔ dɛɛ hɛɡre
kɛŋɔ nɛra aa kaa yo laa,
dɛ pa ba dɔma laala
dɛɛ bɔne la.
4He pɔ ba dɔma ba fa aa dɛ ha
ba,
kɛŋɔ baa kpɔ daa dawɛ nae
anɛ nɛ aa parɛ,
dɛ kpɔ daŋɡbale
dɛɛ lɔɔra la nɛ.
Gɛ tentenee he kuuɡi daa
aa dawɛ Midian tena nɛ
dɛ lɛɛ ba.
5Laala baa doa dɛɛ yo laa,
ne kon te bɛlbwa chal aa
ɛo la,
baa kpɔa do nii ta a fuh,
baa kpɔa mar nii.
6Ba lolɛ bie tɛ yaa,
bibaalee.#Luk 2:11
Onee dɛɛ ba harɛ nɔ bwa
kooro ɛɛ,#Mat 28:18
baa yerɔ Nyokponɛn,
ne Nomondɛɛɡe Waa Won
Nɛra Jae,
ne Nemenɛ Korowii,
ne Saŋ Te Bɛlbwa Mɛɛ,
dɛ Deŋnesɔɔhna Kooro.
7O kora ɛɛ do kanee
dɛɛ ja saŋ bɛlbwa,
ásɛ deŋnesɔɔhna aa wola
jaɡa dɔe do le
saŋ bɛlbwa dɛɛ la.
Wɛɛ chiɡ Kooro Devid naa
taa, dɛ́ di kora.
O kora ɛɛ che kasinteŋ ne
waa aa toɡra taa
dɛ́ do kpeɡri,
dɛ́ le saŋ nɔ ka tel
waa bwa jaɡa saŋ.
Koranar Bwa Kooro ɛɛ do siee
dɛ́ ɛ anɔ bwa.#Luk 1:32
Korowii ɛɛ tɛr Israel tena deŋnee
8Korowii bol waane Jekɔb
naanar baa ɛ Israel tena
be, aa ba ba pui,
9ásɛ nɛra la bwa jemɛ a wa.
Israel ne Samaria tena la
dɛ ɡɔɔ ba te dɛɛ maŋkura
ba te dɛ ŋɔ,
10“Berekese dea la cholo,
kɛ yaa sɛh bweaa
dɛ́ berɛ kpɔ ma.
Ba teŋni fiɡ daa aa pwɛra
la ta,
kɛ yaa kpɔ peleme daa
aa kpeɡaa chiɡ
a buɡe ta.”
11Korowii ɛɛ ɡeloo Israel tena
dɔma baah di
bá ba yoo ba.
12Siiria tena le wee leebɔr,
ásɛ Filisti tena ɡe le wee
cholibɔr,
dɛ́ ba haah Israel tena pɛ
dɛ́ laɡ ba lile.
Anɔ nɔ bwa habɔɔ Korowii
baah aa sɔɔh,
o nɔn waa ira dɛ́ tɛr
ba deŋne la ɡe ta cheɡɛ ɡɛ.
13Israel tena la ta ba liire
charɛ ba deŋnetɛra la
habɔɔ,
á ba ɛ kɛŋɔ baa nyin
Nemenɛ Korowii bɔree.
14Korowii ɛɛ tɛr Israel tena
nomonome ne ba nɛra
deŋnee.
Wɛɛ teŋ baa ta kɛŋɔ
baa teŋe daa nyundua
ne o harɛbɔr bwa ta ken.
15Nomonome ne nɛra baa dɔ
jirima laanee daa la nyu,
asɛ Korowii keamere baa
dɛ teŋe
nyosone
o waa la ta la,
ɡee daa la harɛbɔr.#Mae 3:5-7
16Nɛra baa tɔ nɛra la sie la,
ɡelɔ baa koni,
dɛ ɡel banɔ la
baa teŋɛ ba nɛɛ la ɡe
nyoɡre kwaraa.
17Anomanta, Korowii sie aa ba
bini bonɔɔna nɛɛ lɛɛ ba,
hale waa bilalbii ne
luhaahna kwaraa sum nae
ba, dɛkalkɛŋɔ ba bini
bɛlbwa aa o waa ta teŋɛ,
dɛ ɛ wechɔɡ-ɛɛra,
ba wobol aa were.
Anɔ bwa habɔɔ,
o baah aa sɔɔh,
o nɔn waa ira
dɛ́ tɛr ba deŋne
la ɡe ta cheɡɛ ɡɛ.
18Ba wechɔɡa do kɛŋɔ nii naa
dɛ lawɛ,
dɛɛ fuh jabalnadaŋɛ
ne sɔɔhne ken.
A dɛ lawɛ kɛŋɔ kɔr aa dɛ fuh,
a chuu ɛɛ kaa
nyundua la ken.
19Koranar Bwa Kooro
bandia nomanta,
o deŋnetɛra do kɛŋɔ nii aa
dɛ fuh harɛ la ta bwa,
dɛɛ fuh nɛra.
Ásɛ nomɛlbwa aa o dɔŋ
sumii na kpa.
20Baa kah kondikwaa nɔndiɡ
ne ɡal bwa nee dɛɛ di,
kɛ baa vaɡɛ, hale
dɛ́ larawe ba biirere chwe.
21Manasɛ dea nɛra ɛɛ yo Efrem
dea nɛraa,
ásɛ Efrem dea nɛra
ɡe yoo ba,
a ɡɛ deene anɛ nɔ ɛɛ pɛo
dɛ́ yo Juda dea nɛra.
Anɔ nɔ bwa habɔɔ,
Korowii baah aa sɔɔh,
o nɔn waa ira dɛ́ tɛr ba
deŋne la ɡe ta cheɡɛ ɡɛ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.