Aesaya 7
7
Kala aa kaala dɛɛ tɛ Kooro Ahas
1A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.#2Ko 15:37
2A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.
3Belaa Korowii ŋɔ Aesaya be ŋɔ, “Yerɛ he bie Sea Jasub, ásɛ he ne o ka cheme Kooro Ahas bɔɔ baa kwiu feelɔɔ ken le nyundua tam la ta nee palɛ dɛɛ kpɔ o bini la harɛbɔr, ŋwɛnɛ baah ta bela baa dɛ ɛ yale toma la. 4Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia. 5Siiria tena ne Israel tena ne ba kooro nyoa pɛo ba dɔ liichɔɡa dɛ vɔrɔwe kɛŋɔ, 6bá ka jo Juda tena harɛ ta dɛ́ yoo ba, dɛ́ bɔne o bini, ásɛ bɛ́lbwa dɔ o pera, dɛ́ kpɔ Tabeel bibaa so kora ta wɛ́ɛ nyiŋi o bwa ta.” 7Anee Nemenɛ Korowii ŋɔ,
“Aa ɡɛɛ ba. Aa chiɡa ba.
8Damaskɔs laa Siiria harɛ
bwɛjen aa?
Kooro Resin ɡee Damaskɔs
nyu te. Onee umeo?
Bonɔ bene fifraanumɛl dɛ
anue dɛ Israel#7:8 Israel sɔn bɛl ɡee Efrem. harɛ paɡrɔ,
waa bwɛbirii tel kpa.
9Israel harɛ ta bwɛjen laa
Samaria aa?
Kooro Pɛka ɡee bwɛɛ la
nyu te. Onee umeo?
Dɛ he ta yarada dɔe dɛ che
kiŋkiŋ naa,
haa won che kɛrɛdɛ kpa.”
10Korowii tomɔ ba ka ŋɔ Kooro Ahas be ja ŋɔ,#2We 28:26 11“Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”
12Anee Kooro Ahas ŋɔ, “Maa soŋe dɛ́ na wobɛlbwa, maa Korowii daah dɛ́ na.”
13Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa? 14Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.#7:14 Imanoɛl munii Korowii ne ya lole.#Mat 1:23 15O baa kpeɡ dɛ jemɛ wedɛɛɡa ne wechɔɡa aa, waɡasi ne tohnoo ɡboo dɛɛ ba o kondikwaa ɛɛ. 16A ne ɡɛ saŋ tela la, koranar banɛ nɔ baa dɛ aah heyaa nɔ, ba dɔma ɛɛ ba yoo baa dɛ́ pɔ ba nɛ, ba harɛre chɔ pɛɛpɛɛ.” 17Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.
18Gɛ saŋ Korowii ɛɛ fooloo yerɛ Ijipt harɛ ta nɛra baa lɔ nee nyoa bojaŋ bá wur ba kɛ chwɛɛhne ken, ne Asiiria tena ba ɡe warɛ ba kɛŋɔ toohna ken. 19Baa bao dɛ́ ba su fɛlembɔɔne ne bwebɔɔne bini, dɛ́ tɔ sɔɔhne ne kondɛɛra dibɔra bwa ta. 20Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.#7:20 Nɛn ba fonɛ he nyumpona ne he tampona dɛ he bwara pona bwa nɔ munii nɛra baa pɔ ba nɛɛ laa ta la sihiih. 21A ɡɛ saŋ la baa tel dɛ nɛn dɔ nalor ne boohna anɛ kwaraa naa, 22aa wonoo tɛo elnee ɡɛ del waa dɛ nyin. Nɛra baa ba dɔ ba nyu dɛ́ ka harɛ la ta la, waɡasi ne tohnoo ɛɛ bu ba nɛɛ. 23Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo. 24Nɛra ɛɛ kpɔ belaa berɛ kpaah bɔr, dɛ́ kpɔ hɛma jo bela. Harɛ la bwa dɛ ba sɔɔhne ne jabalnadaŋɛre ɡbo lee. 25Deŋɡarere ba fa aa dɛ para la, jabalnadaŋɛre ne sɔɔhnee dɛɛ ba a ta lee, nomɛlbwa aa wola won jo bela. Nae ne peeraa dɛɛ ba bela kpɔe dɛ́ berɛ dibɔr.”
Currently Selected:
Aesaya 7: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 7
7
Kala aa kaala dɛɛ tɛ Kooro Ahas
1A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.#2Ko 15:37
2A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.
3Belaa Korowii ŋɔ Aesaya be ŋɔ, “Yerɛ he bie Sea Jasub, ásɛ he ne o ka cheme Kooro Ahas bɔɔ baa kwiu feelɔɔ ken le nyundua tam la ta nee palɛ dɛɛ kpɔ o bini la harɛbɔr, ŋwɛnɛ baah ta bela baa dɛ ɛ yale toma la. 4Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia. 5Siiria tena ne Israel tena ne ba kooro nyoa pɛo ba dɔ liichɔɡa dɛ vɔrɔwe kɛŋɔ, 6bá ka jo Juda tena harɛ ta dɛ́ yoo ba, dɛ́ bɔne o bini, ásɛ bɛ́lbwa dɔ o pera, dɛ́ kpɔ Tabeel bibaa so kora ta wɛ́ɛ nyiŋi o bwa ta.” 7Anee Nemenɛ Korowii ŋɔ,
“Aa ɡɛɛ ba. Aa chiɡa ba.
8Damaskɔs laa Siiria harɛ
bwɛjen aa?
Kooro Resin ɡee Damaskɔs
nyu te. Onee umeo?
Bonɔ bene fifraanumɛl dɛ
anue dɛ Israel#7:8 Israel sɔn bɛl ɡee Efrem. harɛ paɡrɔ,
waa bwɛbirii tel kpa.
9Israel harɛ ta bwɛjen laa
Samaria aa?
Kooro Pɛka ɡee bwɛɛ la
nyu te. Onee umeo?
Dɛ he ta yarada dɔe dɛ che
kiŋkiŋ naa,
haa won che kɛrɛdɛ kpa.”
10Korowii tomɔ ba ka ŋɔ Kooro Ahas be ja ŋɔ,#2We 28:26 11“Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”
12Anee Kooro Ahas ŋɔ, “Maa soŋe dɛ́ na wobɛlbwa, maa Korowii daah dɛ́ na.”
13Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa? 14Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.#7:14 Imanoɛl munii Korowii ne ya lole.#Mat 1:23 15O baa kpeɡ dɛ jemɛ wedɛɛɡa ne wechɔɡa aa, waɡasi ne tohnoo ɡboo dɛɛ ba o kondikwaa ɛɛ. 16A ne ɡɛ saŋ tela la, koranar banɛ nɔ baa dɛ aah heyaa nɔ, ba dɔma ɛɛ ba yoo baa dɛ́ pɔ ba nɛ, ba harɛre chɔ pɛɛpɛɛ.” 17Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.
18Gɛ saŋ Korowii ɛɛ fooloo yerɛ Ijipt harɛ ta nɛra baa lɔ nee nyoa bojaŋ bá wur ba kɛ chwɛɛhne ken, ne Asiiria tena ba ɡe warɛ ba kɛŋɔ toohna ken. 19Baa bao dɛ́ ba su fɛlembɔɔne ne bwebɔɔne bini, dɛ́ tɔ sɔɔhne ne kondɛɛra dibɔra bwa ta. 20Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.#7:20 Nɛn ba fonɛ he nyumpona ne he tampona dɛ he bwara pona bwa nɔ munii nɛra baa pɔ ba nɛɛ laa ta la sihiih. 21A ɡɛ saŋ la baa tel dɛ nɛn dɔ nalor ne boohna anɛ kwaraa naa, 22aa wonoo tɛo elnee ɡɛ del waa dɛ nyin. Nɛra baa ba dɔ ba nyu dɛ́ ka harɛ la ta la, waɡasi ne tohnoo ɛɛ bu ba nɛɛ. 23Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo. 24Nɛra ɛɛ kpɔ belaa berɛ kpaah bɔr, dɛ́ kpɔ hɛma jo bela. Harɛ la bwa dɛ ba sɔɔhne ne jabalnadaŋɛre ɡbo lee. 25Deŋɡarere ba fa aa dɛ para la, jabalnadaŋɛre ne sɔɔhnee dɛɛ ba a ta lee, nomɛlbwa aa wola won jo bela. Nae ne peeraa dɛɛ ba bela kpɔe dɛ́ berɛ dibɔr.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.