Aesaya 40
40
Korowii nɛra bolarawa wa
1Korowii haa dɛ tomɔ la ŋɔ,
“Hé larawe n nɛra bwara.
2Hé bol bansɔɔh waa baɡle
Jerusalam tena dɛ́ ŋɔ,
ba weweele baa naa kohona
teŋo, ba bɔ
ba wechɔɡa kem tonɛ.
Ba dɔ ba wechɔɡa bwa
deŋnetɛra kohona,
dɛ le men Korowii be.”
3Nomɛl dɛ bol waa takpeɡ ne
pua hɛŋle ɡbo harɛ ta ŋɔ,
“Nɛ́ra ɡel ba we-ɛɛla toɡre,
dɛ́ kpɔ ba te dɛɛ kpa ba
Dɔɔ bala.#Mat 3:3
4Fɛlembɔɔ te bɛlbwa chɛ kɛŋɔ
hé tɔɔ, dɛ́ bur deŋɡare
ne bwe te bɛlbwa.
Bobɛlbwa waa wola were la
chɛ kɛ hé ɡel ó chɔ harɛ,
dɛ́ kwaa ŋwɛnɛ deŋɡarere
dor harɛ waa chɔa
kaa ta ó chɔ kpalantaŋ.
5Ásɛ Korowii ba baɡle o jirima
nɛwɛnyina bwa na.
Korowiirii bola.”
6N no taa bɛl o ŋɔ,
“Bol waa takpeɡ ne!”
Asɛ n ŋɔ, “Ń ŋɔ ɛrɔɔ?”
“Ŋɔ nɛwɛnyina bwa do kɛ
kpɔɡa fee,
ba jirima ɡe do kɛ
kpɔɡa fee
aa wola biɡri la ken.#1Pi 1:24
7Dɛkalkɛ Korowii ta peu dɛɛ
ta a ta, kpɔɡa dɛ sewɛ,
a fee ɡe ɛɛ lee.
Nɛwɛnyini do kɛŋɔ kpɔɡa,
kpela.
8Kpɔɡa dɛ sewɛ,
a fee ɡe ɛɛ chure,
kɛ Korowii
yaa dɛ tomɔ la
te waa lole
saŋ bɛlbwa dɛɛ la.”
9Jerusalam tena,
he teeh kaa bwejena dor,
dɛ́ ka bol amanesoma la!
Hé bola takpeɡ ne, he bɛ ɔmɛ,
hé ŋɔ Juda harɛ bwɛɛre
nɛra be ŋɔ,
“Korowii haa dɛ tomɔ la
dɛ ba.”
10Nemenɛ Korowii dɛ ba
kpeɡri ne, dɛ́ ba di kora.
Hé na, o dɛ ba o kembɔr ne
dɛ́ ba tɛ nɛra.#Wep 22:12
11Wɛɛ nyiŋi o nɛra nɛɛ kɛŋɔ
peteɡre yon dɛɛ nyiŋi
o peera nɛɛ
dɛ́ kpɔ a bii pɛl o bambile,
ásɛ dɛ teɡɛ a nyare aa loɡla
la kaa bɔeeh ken.#Jɔn 10:11-16
12Umee dɛ́ won kpɔ o
nɔŋkola maɡɛ moo,
kɛɛ dɛ won kpɔ nɔn maɡɛ
ɡɛ nyundua aa do kan nɔɔ?
Umee wona kari harɛ nɔ ta
teera, kɛɛ bwejena ne
deŋɡarere tɔɡre kɛrɛdɛ nɔ?
13Nɛn besoo jemɛ
Korowii liire ɔ?
Umee dɛ́ won baɡlo waa
dɛ́ jao wɔ?#Rom 11:34
14Ume bee Korowii la,
naate baɡlo waa ó jemɔɔ?
Umee baɡlo kasinteŋ
ŋwɛnɛ ɔ?
Ume tenee baɡlo wejema,
kɛɛ waa mun noe yɔ?
15Harɛ nɔ ta nɛra do tamaa
kɛŋɔ bokiti bini nee aa
kora le kerabeŋkpoŋ
ken Korowii be.
Ba do kɛŋɔ tutuɡ aa dawɛ
kon baa kpɔa dɛɛ kari
kwaa tɔɡre ta ken.
O dɛ kari ekwie harɛre
a do fɛɡre o siwi ta kɛŋɔ
tutuɡ ken.
16Daa aa lɔ Lɛbanɔn kɔr bini
aa kanɛ dɛ won fuh jam
kwaa
Korowii saraha kon ta,
n baa bol ola aa lɔ o ta
ba kpoora dɛ fuh
dɛɛ tɛo wa.
17Harɛre nɛra ta komɛlbwa
ɛɛ Korowii be.
Ba do kɛ kwaane aa wola
siwi su o be ken.#Yel 62:9
18Umee yaa ba wona kpɔ
Korowii maɡɔɔ?
Bɔkwaa yaa ba kpɔe baɡle
o waɔ?
19Voɡ te, loɡree dɛɛ loɡɔ,
asɛ nɛn waa dɔ suuɡaswɛm
kpɔe dɛ ɛ kwaa wejema ɡe
yon kpɔ suuɡaswɛm
ɛ o bwara,
dɛ ɛ suuɡapoŋa jɔɡrɔre doo.
20Nyaa waa wola won dɔ ɡɛ
kwaa nɔ la,
o dɛ nyin
daa waa wola pɔh,
dɛ́ nyin nɛn waa dɔ kwaa
sɛɛh wejema,
ó sɛh dɛ ɛ voɡ ó won che
kɛrɛdɛ, dɛ bɛ chole.
21Haa jemaa? He ta noɛ yaa?
Haa a mun jemaa?
Ba ta he be bolɛ saŋ
Korowii
aa ta harɛ mumpar la kɛɛ?
22Onee di harɛ bwa
kora dɛ so kookara ta
nyundua,
asɛ nɛra baa lɔ harɛ ta
do jeɡre kɛŋɔ vaɡla ken.
Onee paɡri nyundua bɔle
kɛŋɔ yal ken,
dɛ baŋro kɛŋɔ baa baŋre
tɛnte dea dɛ so o bini la.
23Onee won koranar ɛɛ kɛŋɔ
dansaara ken,
ba waa ɛ wepuu.
24Ba do kɛŋɔ kwaa baa dua,
kɛɛ kwaa baa mera,
a pa mun dɛɛ dɔ lune,
asɛ Korowii ɡel peu ta
a ta a hol,
asɛ kawulewule kpɔa
kaa kɛŋɔ haahra ken.
25Korowii Waa Do Goroŋ la
ŋɔ, “Umee hɛɛ ba men
kpɔe maɡɔɔ?
Umee n ne o ɛ kɛrɛdɛ ɔ?”
26Hé ha sie dɛ nyiŋi nyundua
ne kwaa aa lɔ o ta.
Korowiirii ta weweela dɛ ɡel
a le beŋkpoŋa beŋkpoŋa
dɛ warɛ,
asɛ o pa bɛlbwa sɔn.
O kpeɡri waa dɔa kohona
nomanta, beŋkpoŋ
kwaraa ta nyoɡrɛ.
27Israel tena, bɔkwa waa
hɛɛ naɡre waa saŋ
bɛlbwa ŋɔ,
Korowii aa he wehiah
jemɛ, dɛ ŋɔ, o laa sie
kpɔ he wahala ta nɔɔ?
28Haa jemaa?
He ta noɛ yaa?
Korowii lole saŋ bɛlbwa.
Onee ta harɛ nɔ bwa.
Waa koh bwa,
waa ɡwɛɡre ɡe.
Nomɛlbwa aa won jemɛ
o wejema waa dɔa
mun bwa.
29O won banɔ la baa ɡwɛɡra
bokpeɡa tɛɛ,
dɛ won banɔ la baa wola
kpeɡri dɔe
ɡe kpeɡri jae.#Sit 15:19
30Bonɔɔna ne toli kwaraa
won koeh dɛ ɡwɛɡre,
dɛ́ lɔ naa chole.
31Kɛ nɛra baa dɔ hwɛɡa
Korowii nɛɛ la te ɛɛ
dɔ bokpeɡfalaa.
Wɛɛ ɡeloo bá dɔ kena,
dɛ́ ir kɛŋɔ kee ken.
Baa chwao,
kɛ baa koh bwa,
dɛ́ valɛ baa ɡwɛɡre
bwa ɡe.#Yel 84:7
Currently Selected:
Aesaya 40: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 40
40
Korowii nɛra bolarawa wa
1Korowii haa dɛ tomɔ la ŋɔ,
“Hé larawe n nɛra bwara.
2Hé bol bansɔɔh waa baɡle
Jerusalam tena dɛ́ ŋɔ,
ba weweele baa naa kohona
teŋo, ba bɔ
ba wechɔɡa kem tonɛ.
Ba dɔ ba wechɔɡa bwa
deŋnetɛra kohona,
dɛ le men Korowii be.”
3Nomɛl dɛ bol waa takpeɡ ne
pua hɛŋle ɡbo harɛ ta ŋɔ,
“Nɛ́ra ɡel ba we-ɛɛla toɡre,
dɛ́ kpɔ ba te dɛɛ kpa ba
Dɔɔ bala.#Mat 3:3
4Fɛlembɔɔ te bɛlbwa chɛ kɛŋɔ
hé tɔɔ, dɛ́ bur deŋɡare
ne bwe te bɛlbwa.
Bobɛlbwa waa wola were la
chɛ kɛ hé ɡel ó chɔ harɛ,
dɛ́ kwaa ŋwɛnɛ deŋɡarere
dor harɛ waa chɔa
kaa ta ó chɔ kpalantaŋ.
5Ásɛ Korowii ba baɡle o jirima
nɛwɛnyina bwa na.
Korowiirii bola.”
6N no taa bɛl o ŋɔ,
“Bol waa takpeɡ ne!”
Asɛ n ŋɔ, “Ń ŋɔ ɛrɔɔ?”
“Ŋɔ nɛwɛnyina bwa do kɛ
kpɔɡa fee,
ba jirima ɡe do kɛ
kpɔɡa fee
aa wola biɡri la ken.#1Pi 1:24
7Dɛkalkɛ Korowii ta peu dɛɛ
ta a ta, kpɔɡa dɛ sewɛ,
a fee ɡe ɛɛ lee.
Nɛwɛnyini do kɛŋɔ kpɔɡa,
kpela.
8Kpɔɡa dɛ sewɛ,
a fee ɡe ɛɛ chure,
kɛ Korowii
yaa dɛ tomɔ la
te waa lole
saŋ bɛlbwa dɛɛ la.”
9Jerusalam tena,
he teeh kaa bwejena dor,
dɛ́ ka bol amanesoma la!
Hé bola takpeɡ ne, he bɛ ɔmɛ,
hé ŋɔ Juda harɛ bwɛɛre
nɛra be ŋɔ,
“Korowii haa dɛ tomɔ la
dɛ ba.”
10Nemenɛ Korowii dɛ ba
kpeɡri ne, dɛ́ ba di kora.
Hé na, o dɛ ba o kembɔr ne
dɛ́ ba tɛ nɛra.#Wep 22:12
11Wɛɛ nyiŋi o nɛra nɛɛ kɛŋɔ
peteɡre yon dɛɛ nyiŋi
o peera nɛɛ
dɛ́ kpɔ a bii pɛl o bambile,
ásɛ dɛ teɡɛ a nyare aa loɡla
la kaa bɔeeh ken.#Jɔn 10:11-16
12Umee dɛ́ won kpɔ o
nɔŋkola maɡɛ moo,
kɛɛ dɛ won kpɔ nɔn maɡɛ
ɡɛ nyundua aa do kan nɔɔ?
Umee wona kari harɛ nɔ ta
teera, kɛɛ bwejena ne
deŋɡarere tɔɡre kɛrɛdɛ nɔ?
13Nɛn besoo jemɛ
Korowii liire ɔ?
Umee dɛ́ won baɡlo waa
dɛ́ jao wɔ?#Rom 11:34
14Ume bee Korowii la,
naate baɡlo waa ó jemɔɔ?
Umee baɡlo kasinteŋ
ŋwɛnɛ ɔ?
Ume tenee baɡlo wejema,
kɛɛ waa mun noe yɔ?
15Harɛ nɔ ta nɛra do tamaa
kɛŋɔ bokiti bini nee aa
kora le kerabeŋkpoŋ
ken Korowii be.
Ba do kɛŋɔ tutuɡ aa dawɛ
kon baa kpɔa dɛɛ kari
kwaa tɔɡre ta ken.
O dɛ kari ekwie harɛre
a do fɛɡre o siwi ta kɛŋɔ
tutuɡ ken.
16Daa aa lɔ Lɛbanɔn kɔr bini
aa kanɛ dɛ won fuh jam
kwaa
Korowii saraha kon ta,
n baa bol ola aa lɔ o ta
ba kpoora dɛ fuh
dɛɛ tɛo wa.
17Harɛre nɛra ta komɛlbwa
ɛɛ Korowii be.
Ba do kɛ kwaane aa wola
siwi su o be ken.#Yel 62:9
18Umee yaa ba wona kpɔ
Korowii maɡɔɔ?
Bɔkwaa yaa ba kpɔe baɡle
o waɔ?
19Voɡ te, loɡree dɛɛ loɡɔ,
asɛ nɛn waa dɔ suuɡaswɛm
kpɔe dɛ ɛ kwaa wejema ɡe
yon kpɔ suuɡaswɛm
ɛ o bwara,
dɛ ɛ suuɡapoŋa jɔɡrɔre doo.
20Nyaa waa wola won dɔ ɡɛ
kwaa nɔ la,
o dɛ nyin
daa waa wola pɔh,
dɛ́ nyin nɛn waa dɔ kwaa
sɛɛh wejema,
ó sɛh dɛ ɛ voɡ ó won che
kɛrɛdɛ, dɛ bɛ chole.
21Haa jemaa? He ta noɛ yaa?
Haa a mun jemaa?
Ba ta he be bolɛ saŋ
Korowii
aa ta harɛ mumpar la kɛɛ?
22Onee di harɛ bwa
kora dɛ so kookara ta
nyundua,
asɛ nɛra baa lɔ harɛ ta
do jeɡre kɛŋɔ vaɡla ken.
Onee paɡri nyundua bɔle
kɛŋɔ yal ken,
dɛ baŋro kɛŋɔ baa baŋre
tɛnte dea dɛ so o bini la.
23Onee won koranar ɛɛ kɛŋɔ
dansaara ken,
ba waa ɛ wepuu.
24Ba do kɛŋɔ kwaa baa dua,
kɛɛ kwaa baa mera,
a pa mun dɛɛ dɔ lune,
asɛ Korowii ɡel peu ta
a ta a hol,
asɛ kawulewule kpɔa
kaa kɛŋɔ haahra ken.
25Korowii Waa Do Goroŋ la
ŋɔ, “Umee hɛɛ ba men
kpɔe maɡɔɔ?
Umee n ne o ɛ kɛrɛdɛ ɔ?”
26Hé ha sie dɛ nyiŋi nyundua
ne kwaa aa lɔ o ta.
Korowiirii ta weweela dɛ ɡel
a le beŋkpoŋa beŋkpoŋa
dɛ warɛ,
asɛ o pa bɛlbwa sɔn.
O kpeɡri waa dɔa kohona
nomanta, beŋkpoŋ
kwaraa ta nyoɡrɛ.
27Israel tena, bɔkwa waa
hɛɛ naɡre waa saŋ
bɛlbwa ŋɔ,
Korowii aa he wehiah
jemɛ, dɛ ŋɔ, o laa sie
kpɔ he wahala ta nɔɔ?
28Haa jemaa?
He ta noɛ yaa?
Korowii lole saŋ bɛlbwa.
Onee ta harɛ nɔ bwa.
Waa koh bwa,
waa ɡwɛɡre ɡe.
Nomɛlbwa aa won jemɛ
o wejema waa dɔa
mun bwa.
29O won banɔ la baa ɡwɛɡra
bokpeɡa tɛɛ,
dɛ won banɔ la baa wola
kpeɡri dɔe
ɡe kpeɡri jae.#Sit 15:19
30Bonɔɔna ne toli kwaraa
won koeh dɛ ɡwɛɡre,
dɛ́ lɔ naa chole.
31Kɛ nɛra baa dɔ hwɛɡa
Korowii nɛɛ la te ɛɛ
dɔ bokpeɡfalaa.
Wɛɛ ɡeloo bá dɔ kena,
dɛ́ ir kɛŋɔ kee ken.
Baa chwao,
kɛ baa koh bwa,
dɛ́ valɛ baa ɡwɛɡre
bwa ɡe.#Yel 84:7
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.