Aesaya 4

1Gɛ tɔpere la, haahna

banuanɛɛ ka

lɔɔ tɔ babeŋkpoŋ nɛɛ dɛ́ ŋɔ,

“He te kpɔ he sɔn dawɛ ya

nɛɛ dɛ mo yaa,

dɛ laa sihihsɔn haŋkwii la

kpɔ ya nɛ.

Yaa hen kondikwaa waa pɛɛ,

yaa hen yal waa pɛɛ.”

Baa berɔɔ kwaa vɔrɔwe Jerusalam

2Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ. 3Nɛra báa ba ka Jerusalam Korowii aa ɡela ba dɔ ba nyu la, báa yer baa nɛra baa do ɡoroŋee. 4Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta. 5Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,#Kaa 13:21 6bɔwɔb aa ban kpo webaŋa, hale bá dɔ bɔr dɛ́ chwa sɔh bwaala ne o peu ta.

Currently Selected:

Aesaya 4: mzw

Highlight

Compare

Copy