Aesaya 3
3
Juda ne Jerusalam waa bola dɛ́ pa bole
1Hé no, Koranar Bwa Kooro
dɛ ba nɛra ne kwaa
Jerusalam
ne Juda tena aa kpɔ ba te
dawɛ a nɛɛ la laa dɛ kpɔ.
Wɛɛ tɔ ba kondikwaa ne nee
ŋwɛnɛɛ,
2dɛ́ chɔɡ ba banyoola
ne laa tena,
ne nɛra baa bol ba waa
dɛɛ pa bole ne ba keamere
ne ba voɡra,
dɛ nomonome,
3ne nomonome baa chɔ laa
tena nyoa ne
bwɛɛ nomonome,
ne nɛra baa dɛ ja ba,
ne nɛra baa dɛ ɛ dobodobo
we-ɛɛla bwa soo siwi.
4Bonɔmbiee mɛɛ ba ɡela
bá chɔ ba nyoa,
nɛra baa wola kpeɡee
dɛɛ ba
ba harɛre la ta nyiŋa.
5Nɛra ɛɛ dɛɛ fiiɡi dɔŋaa,
nɛn pu o dɔŋ dɛɛ yo,
chamenate ne
o chamenate ɛɛ yo.
Bechale aa
ba nomonomee duu,
nɛnsale ɡe aa nɛra baa dɔ
nyanyinii kpɔ ɛ wobɛlbwa.
6Nɛn ɛɛ lawɛ o lole bɛlee
dɛ́ ŋɔ o be ŋɔ,
“Henee dɔ bwara laala.
Ba di ya nomonome,
saŋ waa chɔɡa
dɛ do kpeɡri nɔ ta!”
7Wɛɛ iruu che ɡɛ saŋ dɛ́ ŋɔ,
“Akai!
Maa won ɛ he nomoa
dɛ́ cha heya.
N ta kondikwaa ne bwara
laala bɛlbwa dɔe n dem.
He bɛ men kpɔ ɛ he
nomoa.”
8Jerusalam paɡrɔ,
Juda harɛ ɡe chɔɡ.
Nɛra baa lɔ bela nyoa wobol
ne ba we-ɛɛla dɛ jo
Korowii nɛ.
Ba pili nyoa dɛɛ chɛɡɛ
Korowii waa ɛ jirima te la.
9Ba siebɔra ɡba dɛ baɡle ba
nɛnsoo.
Ba dɛ ɛ wechɔɡa kpelelee
kɛŋɔ Sodom tena,
baa an sɔh. Bá bwɛɛlɛ!
Ba ɡbaɡbaa nyin ba
wahala dɛ dɔ.
10Gel nɛra ba wa aa toɡra
no kɛŋɔ aa do werii tɛɛ ba.
Baa di ba we-ɛɛla tɔnɔɔ.
11Wechɔɡ-ɛɛra bwɛɛlɛ!
Aa do kpeɡrii tɛɛ ba taeh.
Waa ba ɡbaɡba aa ɛa la
kembɔree baa ba dɔe.
12Toli ne bonɔɔna dɛ fiiɡi
n nɛra.
Haahnaa dɛɛ nyiŋi ba nɛ
dɛɛ do ba.
N nɛra, he sitɔɔla ɡelɔ he
nyoɡre.
Ba ɡelɔ he nyoɡre ŋwɛnɛ.
13Korowii soɡo dɛ́ bol nɛra wa.
O kpɔ o te dɛɛ ba o nɛra
waa bola dɛ́ pa bole.
14Korowii dɛ ba o nɛra
nomonome ne ba sitɔɔla
waa bola dɛ́ pa bole.
O ŋɔ, “Heyaa he n daa koo.
Heyaa pa nyaara kwaa le
ba be kɛŋɔ laa ta kwa,
dɛ kpɔ su he be deene.
15Ɛrɛɛ hɛɛ ɛ ɡɛ nɔɔ?
Haa kɛrɛdɛ ɛ ɡɛ
haa dɛ fɔɡɛ n nɛra,
dɛ pa nyaara kwa,
dɛ lawɛ ba sie dɛɛ teɡɛ
harɛ nɔ.
Men Korowii, Koranar Bwa Kooroo ŋɔa.”
16Korowii ŋɔ,
“Saayɔn haahna
dɛ ɡɔɔ ba te,
dɛ valɛ dɛ laa ba baŋa pa,
dɛ kpɔ sie dɛɛ nyin baala.
Ba dɛ valɛ tolvala naɡale
bori ne,
asɛ naloɡa baa kpɔa do
ba nakpale la ɛɛ do ɡbɔɡa.”
17Anomanta, Korowii ɛɛ ɡeloo
Saayɔn haahna nyubaahna
chuɡri ŋwɛra,
ásɛ ba nyuune ɡba.
18Gɛ tɔpere la telaa, Korowii ɛɛ laa ba tolkwaa laanee kpɔ. Wɛɛ laa ba naloɡa ne kwaa baa kpɔa dɛɛ saɡre ba nyumpona ta, dɛ ba baŋa kwaa aa do kɛŋɔ korobie dɛ le loɡla la, 19ne deŋna kwa, ne nɔnloɡa, ne kwaa baa kpɔa dɛɛ bɔle nyuune ta laanee kpɔ. 20Wɛɛ laa ba botidɛɛɡa ne ba naloɡa ne ba kirisore ne konsɔɔhsoma loŋa dɛ sɛbɛre aa lɔ ba chararee kpɔ, 21ne noniseɡa, ne noniseɡa baa kpɔa dɛɛ do ba mee ta, 22ne ba laaladɛɛɡa, anɔ la baa doa a baa chiɡ harɛ, ne anɔ la baa doa dɛɛ dawɛ ba laala baa dɛ doa ta, dɛ ba purjeɡre, 23ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.
24Konsɔɔhsoma a fe aa
ɡel ba bwaraa sɔɔh
do som la,
sɔɔhraa ba bwara ɛɛ ba
sɔɔhra,
ásɛ ɡboɡbie ber ba
kirisore,
ásɛ ba nyumpona ba yon ɛa
a do wer la bwa chure,
ba nyuune ɡba,
ba laaladɛɛɡa bwa berɛ
yakwane, ásɛ ba wer tu,
ba berɛ di sihiih.
25Kere nee baa ba he bini
baala kpoora a wola
tɔpere,
he kpeɡnɛra
baa won yoi bwa
ɡe ka laa ta.
26Bwɛjen Saayɔn doonyoo ɛɛ
chɔ pɛɛ,
ásɛ bwɛjen la do kɛŋɔ
haah tea bini aa chɔɡa,
o so harɛ dɛɛ wi la.
Currently Selected:
Aesaya 3: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 3
3
Juda ne Jerusalam waa bola dɛ́ pa bole
1Hé no, Koranar Bwa Kooro
dɛ ba nɛra ne kwaa
Jerusalam
ne Juda tena aa kpɔ ba te
dawɛ a nɛɛ la laa dɛ kpɔ.
Wɛɛ tɔ ba kondikwaa ne nee
ŋwɛnɛɛ,
2dɛ́ chɔɡ ba banyoola
ne laa tena,
ne nɛra baa bol ba waa
dɛɛ pa bole ne ba keamere
ne ba voɡra,
dɛ nomonome,
3ne nomonome baa chɔ laa
tena nyoa ne
bwɛɛ nomonome,
ne nɛra baa dɛ ja ba,
ne nɛra baa dɛ ɛ dobodobo
we-ɛɛla bwa soo siwi.
4Bonɔmbiee mɛɛ ba ɡela
bá chɔ ba nyoa,
nɛra baa wola kpeɡee
dɛɛ ba
ba harɛre la ta nyiŋa.
5Nɛra ɛɛ dɛɛ fiiɡi dɔŋaa,
nɛn pu o dɔŋ dɛɛ yo,
chamenate ne
o chamenate ɛɛ yo.
Bechale aa
ba nomonomee duu,
nɛnsale ɡe aa nɛra baa dɔ
nyanyinii kpɔ ɛ wobɛlbwa.
6Nɛn ɛɛ lawɛ o lole bɛlee
dɛ́ ŋɔ o be ŋɔ,
“Henee dɔ bwara laala.
Ba di ya nomonome,
saŋ waa chɔɡa
dɛ do kpeɡri nɔ ta!”
7Wɛɛ iruu che ɡɛ saŋ dɛ́ ŋɔ,
“Akai!
Maa won ɛ he nomoa
dɛ́ cha heya.
N ta kondikwaa ne bwara
laala bɛlbwa dɔe n dem.
He bɛ men kpɔ ɛ he
nomoa.”
8Jerusalam paɡrɔ,
Juda harɛ ɡe chɔɡ.
Nɛra baa lɔ bela nyoa wobol
ne ba we-ɛɛla dɛ jo
Korowii nɛ.
Ba pili nyoa dɛɛ chɛɡɛ
Korowii waa ɛ jirima te la.
9Ba siebɔra ɡba dɛ baɡle ba
nɛnsoo.
Ba dɛ ɛ wechɔɡa kpelelee
kɛŋɔ Sodom tena,
baa an sɔh. Bá bwɛɛlɛ!
Ba ɡbaɡbaa nyin ba
wahala dɛ dɔ.
10Gel nɛra ba wa aa toɡra
no kɛŋɔ aa do werii tɛɛ ba.
Baa di ba we-ɛɛla tɔnɔɔ.
11Wechɔɡ-ɛɛra bwɛɛlɛ!
Aa do kpeɡrii tɛɛ ba taeh.
Waa ba ɡbaɡba aa ɛa la
kembɔree baa ba dɔe.
12Toli ne bonɔɔna dɛ fiiɡi
n nɛra.
Haahnaa dɛɛ nyiŋi ba nɛ
dɛɛ do ba.
N nɛra, he sitɔɔla ɡelɔ he
nyoɡre.
Ba ɡelɔ he nyoɡre ŋwɛnɛ.
13Korowii soɡo dɛ́ bol nɛra wa.
O kpɔ o te dɛɛ ba o nɛra
waa bola dɛ́ pa bole.
14Korowii dɛ ba o nɛra
nomonome ne ba sitɔɔla
waa bola dɛ́ pa bole.
O ŋɔ, “Heyaa he n daa koo.
Heyaa pa nyaara kwaa le
ba be kɛŋɔ laa ta kwa,
dɛ kpɔ su he be deene.
15Ɛrɛɛ hɛɛ ɛ ɡɛ nɔɔ?
Haa kɛrɛdɛ ɛ ɡɛ
haa dɛ fɔɡɛ n nɛra,
dɛ pa nyaara kwa,
dɛ lawɛ ba sie dɛɛ teɡɛ
harɛ nɔ.
Men Korowii, Koranar Bwa Kooroo ŋɔa.”
16Korowii ŋɔ,
“Saayɔn haahna
dɛ ɡɔɔ ba te,
dɛ valɛ dɛ laa ba baŋa pa,
dɛ kpɔ sie dɛɛ nyin baala.
Ba dɛ valɛ tolvala naɡale
bori ne,
asɛ naloɡa baa kpɔa do
ba nakpale la ɛɛ do ɡbɔɡa.”
17Anomanta, Korowii ɛɛ ɡeloo
Saayɔn haahna nyubaahna
chuɡri ŋwɛra,
ásɛ ba nyuune ɡba.
18Gɛ tɔpere la telaa, Korowii ɛɛ laa ba tolkwaa laanee kpɔ. Wɛɛ laa ba naloɡa ne kwaa baa kpɔa dɛɛ saɡre ba nyumpona ta, dɛ ba baŋa kwaa aa do kɛŋɔ korobie dɛ le loɡla la, 19ne deŋna kwa, ne nɔnloɡa, ne kwaa baa kpɔa dɛɛ bɔle nyuune ta laanee kpɔ. 20Wɛɛ laa ba botidɛɛɡa ne ba naloɡa ne ba kirisore ne konsɔɔhsoma loŋa dɛ sɛbɛre aa lɔ ba chararee kpɔ, 21ne noniseɡa, ne noniseɡa baa kpɔa dɛɛ do ba mee ta, 22ne ba laaladɛɛɡa, anɔ la baa doa a baa chiɡ harɛ, ne anɔ la baa doa dɛɛ dawɛ ba laala baa dɛ doa ta, dɛ ba purjeɡre, 23ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.
24Konsɔɔhsoma a fe aa
ɡel ba bwaraa sɔɔh
do som la,
sɔɔhraa ba bwara ɛɛ ba
sɔɔhra,
ásɛ ɡboɡbie ber ba
kirisore,
ásɛ ba nyumpona ba yon ɛa
a do wer la bwa chure,
ba nyuune ɡba,
ba laaladɛɛɡa bwa berɛ
yakwane, ásɛ ba wer tu,
ba berɛ di sihiih.
25Kere nee baa ba he bini
baala kpoora a wola
tɔpere,
he kpeɡnɛra
baa won yoi bwa
ɡe ka laa ta.
26Bwɛjen Saayɔn doonyoo ɛɛ
chɔ pɛɛ,
ásɛ bwɛjen la do kɛŋɔ
haah tea bini aa chɔɡa,
o so harɛ dɛɛ wi la.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.