Aesaya 26
26
Kpɛɛra yel
1Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta.
Ya dɔ bwɛjen danjwɛkpeɡ aa
baro name,
Korowii ɡbabirii cheɡɛ ya
habɔɔ,
dɛɛ nyiŋi danjwɛɛ waa
baro ta.
2Hé ya bwɛjen la doonyoone,
ásɛ harɛ o nɛra wa aa
toɡra,
ba waa dɔ kasinteŋ tɛ
Korowii bá jo.
3N Naa Korowii, henee
dɛɛ tɛ banɔ la
ba liire aa cheɡɛ
bobeŋkpoŋ
bosɔɔhna tenten,
dawa baa kpɔ ba te dawɛ
he nɛɛ la wa.
4Hé kpɔ he te dawɛ Korowii
nɛɛ saŋ bɛlbwa.
Onee Bwetal
waa dɛ tɔ ya
nɛɛ saŋ bɛlbwa.
5O dɛ ba banɔ la baa dɛ
ɡɔɔ ba te ne harɛ.
O dɛ kuuɡi bwɛjen waa
kpeɡa baa soɡe o ta,
ásɛ o kuuɡi chɔ harɛ.
6Nɛra baa dɛ fiɡ ba,
ne nyaara ɛɛ valɛ o taa,
dɛ́ tiɡru do harɛ.
7N Naa Korowii, he ɡelɔ nɛra
ba wa aa toɡra ŋwɛnɛ ɛɛ
do wer,
he kwaaro baa valɛ o ta.
8Ya sie dawɛ he nɛɛ yaa
teŋɛ he Mmarare ta,
he ɡbosoo ya bambile
lawɛ.
9N sie dɛ che chiŋ jwaana he
wa, chɔɔbɔr ɡe,
n pɛla dɛ lawɛ.
He baa bol harɛ nɔ ta nɛra
waa dɛ pa bole aa,
aa ɡeloo ba hweli
waa aa toɡra.
10A lole kɛŋɔ he ɛ wedɛɛɡa dɛɛ
tɛ wechɔɡ-ɛɛra,
kɛ baa waa aa toɡra hweli.
Hale harɛ o nɛra wa aa toɡra
ta teŋɔ dɛɛ ɛ wechɔɡa,
ba sie aa he kan
haa doa tɔɡɛ.
11N Naa Korowii, he dɔma aa
jemɛ kɛŋɔ he dɛ ba ba
deŋne tɛra.
Gel ba na ɡɛ haa dɛ nyin he
nɛra, ásɛ sihiih kpo ba.
Kpɔ deŋnetɛra haa maɡla bil
ba la chɔɡ ba.
12N Naa Korowii, he dɛ tɛ yaa
deŋnesɔɔhna,
komɛlbwa yaa dɔa la,
henee ɛa tɛ yaa.
13Korowii yaa dɛ tomɛ,
nɛra banee fa dɛ nyiŋi
ya nɛ,
kɛ he ɡboo ya kpɔ jirima
dɛɛ tɛ.
14Taraken, ɡɛ nɛra la serewɔ,
ba toole kpa,
ba lala aa ir kpa.
He tɛr ba deŋne dɛ chɔɡ ba,
nomɛlbwa aa ba waa lii
kpa bwa.
15N Naa Korowii, he ɡelɔ
ya harɛ do kan.
He tuuh o jwɛhre kaa sie
o do kan. He ɛ ɡɛ
dɛ dɔ jirima nɛra be.
16N Naa Korowii, he tɛr he
nɛra deŋne
baa na wahala,
asɛ ba ba he be ba soŋe.
17He ɡelɔ ya bwara ɛɛ nyɛɡ
yaa wi, kɛŋɔ haah loltea
aa lɔɔ ken.
18Weweele yaa nao la ta
wobɛlbwa ne balɛ,
ya ta wone pɔ harɛ nɔ ta
nɛra nɛ,
ya ta wone yo lɛ harɛ la.
19Kɛ he nɛra baa serewa la
ɛɛ iruu,
dɛ́ berɛ dɔ bwadabii ja.
He banɔ la haa lɔ lalbɔɔne
bini,
hé ir, dɛ́ ɡo silɛɛ yela!
Gɛ mɛn yon ta kwaa ta aa
do wer chɔɔbɔr la,
ɡɛɛ Korowii ɛɛ ba banɔ la
baa serewa la mkpa tɛɛ.
20Anomanta, n nɛra, hé ka jo
he deene,
dɛ́ laa ɡbeni tɔ he nɛ.
Hé kpɔ he te sɔh tama ka tel
kɛŋɔ Korowii baah aa
sɔɔhna.
21Hé no! Korowii le o dobɔr
nyundua
dɛɛ ba, dɛ́ ba tɛr nɛra
baa lɔ harɛ ta deŋne
ba wechɔɡa wa.
Harɛ ɛɛ le nɛra baa sɔah
kpoo nɛra laanee tɛ,
waa ban kpɔ sɔh kpa.
Currently Selected:
Aesaya 26: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 26
26
Kpɛɛra yel
1Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta.
Ya dɔ bwɛjen danjwɛkpeɡ aa
baro name,
Korowii ɡbabirii cheɡɛ ya
habɔɔ,
dɛɛ nyiŋi danjwɛɛ waa
baro ta.
2Hé ya bwɛjen la doonyoone,
ásɛ harɛ o nɛra wa aa
toɡra,
ba waa dɔ kasinteŋ tɛ
Korowii bá jo.
3N Naa Korowii, henee
dɛɛ tɛ banɔ la
ba liire aa cheɡɛ
bobeŋkpoŋ
bosɔɔhna tenten,
dawa baa kpɔ ba te dawɛ
he nɛɛ la wa.
4Hé kpɔ he te dawɛ Korowii
nɛɛ saŋ bɛlbwa.
Onee Bwetal
waa dɛ tɔ ya
nɛɛ saŋ bɛlbwa.
5O dɛ ba banɔ la baa dɛ
ɡɔɔ ba te ne harɛ.
O dɛ kuuɡi bwɛjen waa
kpeɡa baa soɡe o ta,
ásɛ o kuuɡi chɔ harɛ.
6Nɛra baa dɛ fiɡ ba,
ne nyaara ɛɛ valɛ o taa,
dɛ́ tiɡru do harɛ.
7N Naa Korowii, he ɡelɔ nɛra
ba wa aa toɡra ŋwɛnɛ ɛɛ
do wer,
he kwaaro baa valɛ o ta.
8Ya sie dawɛ he nɛɛ yaa
teŋɛ he Mmarare ta,
he ɡbosoo ya bambile
lawɛ.
9N sie dɛ che chiŋ jwaana he
wa, chɔɔbɔr ɡe,
n pɛla dɛ lawɛ.
He baa bol harɛ nɔ ta nɛra
waa dɛ pa bole aa,
aa ɡeloo ba hweli
waa aa toɡra.
10A lole kɛŋɔ he ɛ wedɛɛɡa dɛɛ
tɛ wechɔɡ-ɛɛra,
kɛ baa waa aa toɡra hweli.
Hale harɛ o nɛra wa aa toɡra
ta teŋɔ dɛɛ ɛ wechɔɡa,
ba sie aa he kan
haa doa tɔɡɛ.
11N Naa Korowii, he dɔma aa
jemɛ kɛŋɔ he dɛ ba ba
deŋne tɛra.
Gel ba na ɡɛ haa dɛ nyin he
nɛra, ásɛ sihiih kpo ba.
Kpɔ deŋnetɛra haa maɡla bil
ba la chɔɡ ba.
12N Naa Korowii, he dɛ tɛ yaa
deŋnesɔɔhna,
komɛlbwa yaa dɔa la,
henee ɛa tɛ yaa.
13Korowii yaa dɛ tomɛ,
nɛra banee fa dɛ nyiŋi
ya nɛ,
kɛ he ɡboo ya kpɔ jirima
dɛɛ tɛ.
14Taraken, ɡɛ nɛra la serewɔ,
ba toole kpa,
ba lala aa ir kpa.
He tɛr ba deŋne dɛ chɔɡ ba,
nomɛlbwa aa ba waa lii
kpa bwa.
15N Naa Korowii, he ɡelɔ
ya harɛ do kan.
He tuuh o jwɛhre kaa sie
o do kan. He ɛ ɡɛ
dɛ dɔ jirima nɛra be.
16N Naa Korowii, he tɛr he
nɛra deŋne
baa na wahala,
asɛ ba ba he be ba soŋe.
17He ɡelɔ ya bwara ɛɛ nyɛɡ
yaa wi, kɛŋɔ haah loltea
aa lɔɔ ken.
18Weweele yaa nao la ta
wobɛlbwa ne balɛ,
ya ta wone pɔ harɛ nɔ ta
nɛra nɛ,
ya ta wone yo lɛ harɛ la.
19Kɛ he nɛra baa serewa la
ɛɛ iruu,
dɛ́ berɛ dɔ bwadabii ja.
He banɔ la haa lɔ lalbɔɔne
bini,
hé ir, dɛ́ ɡo silɛɛ yela!
Gɛ mɛn yon ta kwaa ta aa
do wer chɔɔbɔr la,
ɡɛɛ Korowii ɛɛ ba banɔ la
baa serewa la mkpa tɛɛ.
20Anomanta, n nɛra, hé ka jo
he deene,
dɛ́ laa ɡbeni tɔ he nɛ.
Hé kpɔ he te sɔh tama ka tel
kɛŋɔ Korowii baah aa
sɔɔhna.
21Hé no! Korowii le o dobɔr
nyundua
dɛɛ ba, dɛ́ ba tɛr nɛra
baa lɔ harɛ ta deŋne
ba wechɔɡa wa.
Harɛ ɛɛ le nɛra baa sɔah
kpoo nɛra laanee tɛ,
waa ban kpɔ sɔh kpa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.