Aesaya 19
19
Korowii bol Ijipt tena chɔɡa wa
1Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ.
Hé na! Korowii cheɡɛ bam ta,
dɛɛ ba Ijipt harɛ ta
wɔrɔbe nɛ.
Voɡare aa lɔ bela bwa jum
jah o sie,
asɛ bela tena bwa
bwara yɔr.
2Korowii ŋɔ, “Mɛɛ kpɔ naɡraa
ta Ijipt tena nɛ
ba ɡbo yo dɔŋa,
dɔɔ ne nime yo, chamena
ne o chamenate yo,
bwɛjen ne o bwɛjen dɔŋ yo,
ásɛ koranar ɡe yo dɔŋa.
3Ijipt tena hwɛɡa bwa ɛɛ
tonɔɔ, ásɛ ba maɡla
baa maɡla bil bwa ɛ pɛɛpɛɛ,
bá kaa bɔɔ voɡa ne lala
ne ba voɡra ne ba bebeela.
4Mɛɛ kpɔ Ijipt tenaa do
kooro nyubinikpeɡ te bɛl
nɔn ta,
o wa do ɔma,
wɛɛ nyiŋi ba nɛ.#Ɛse 29:19
Men Korowii, Koranar Bwa Kooroo bola.”
5Nael Moo waa chɔ bela ɛɛ
hweehroo,
ásɛ o nenabɔɔ bini hol chɔ.
6Bɔra baa kwia nee palɛ
dɛɛ kpɔ a ta bwa ɛɛ
sɔɔhnoo,
ásɛ nenabɔɔne hweeh.
Kpɔɡa aa cheɡɛ nee ta
bwa sewɛ.
7Kwaa aa lɔ Nael Moo nyoa,
ne kwaa baa dua o nyoa la
bwa ɛɛ holoo,
peu kpɔa kaa kwara.
8Nɛra baa dɛ ɛ nee toma
ɛɛ kpɔ nɔɔraa dawɛ nyu
dɛ́ wi,
nɛra baa dɛɛ ta ɡoŋa
Nael Moo ta,
ne banɔ la baa dɛ ta asauri
o ta bwa hwɛɡa ɛɛ tonɔɔ.
9Nɛra baa kpɔ jisere
dɛɛ ɛ yapondɛɛɡa
bwara ɛɛ yɔroo,
ásɛ nɛra baa dɛ sɔah bwara
hwah.
10Nɛra baa dɛ ɛ yale toma
bwara ɛɛ yɔroo,
ásɛ nɛra baa dɛ di a paane
waa do sum.
11Nomonome baa chɔ Ijipt
bwɛjen Soan nyoa la ɛ ɡɛna,
nomonome baa jemɛ waa
dɛɛ ja Ijipt kooro la
aa on liidɛɛɡa tɛ.
Aah, hɛɛ won ŋɔ Ijipt kooro
be ŋɔ,
“N ɛ wejereme kɛŋɔ saŋ la
tena wejerema ne koranar
la bini bɛl aa?”
12Ijipt kooro, namete leperaa
he wejerema la dɔɔ?
Gel ba baɡle he jemɛ
ɡɛ Koranar Bwa Kooro
aa kpaŋre
Ijipt tena waa bil dɛɛ ba
kpɔe ɛɛ ba.
13Nomonome baa chɔ Soan
nyoa berɛ ɡɛna,
Mɛmfes nomonome ɡe
wili.
Banee fe chɛ kɛŋɔ ba tɔ Ijipt
tena sie, dɛ berɛ ɡel
ba nyoɡre.
14Korowii perewi sibir ta ba nɛ,
dɛ ɡel Ijipt tena ɛ sakaa ba
we-ɛɛla ta, kɛŋɔ sennyɔdɛɛ
yon chwɛɛ
dɛɛ ɡbaɡre a ta la.
15Wobɛlbwa toole Ijipt tena
won ɛ kpa,
nomonome kɛɛ dansaara
aa won cha ba,
nɛnjena kɛɛ nɛmpɛɛne
aa won cha ba.
16Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa. 17Juda harɛ sɔn ɛɛ ɡeloo ɔmee kohona lawɛ Ijipt tena. Nomɛlbwa yerɛ Juda harɛ sɔn aa, Ijipt tena bwara ɛɛ yɔroo, kpaŋra Koranar Bwa Kooro aa kpaŋre ba waa bil nomanta.
18Awola tɔpere la, Ijipt harɛ bwɛjena anue tena ɛɛ bol Juda tena wobolee, dɛ́ kpɔ ba te tɛ kɛŋɔ baa tomɛ Koranar Bwa Kooro. Baa pa bwɛjena la bɛl sɔnee ‘Bwɛjen waa dɛ ba Chɔɡa’.
19Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere. 20Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba. 21Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta. 22Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.
23Awola tɔpere la, ŋwɛnɛ ɛɛ chɔɔ le Ijipt harɛ ka ta Asiiria harɛ ta, ásɛ Asiiria tena won Ijipt laŋa, Ijipt tena ɡe won Asiiria bala. Gɛ nɛmbele banɛ nɔ ɛɛ pɛo dɛɛ tomɛ Korowii. 24Awola tɔpere la, Israel tena dɛ ba Ijipt ne Asiiria tena nɛɛ jae, dɛ́ ɡel harɛ nɔ ta nɛra bwa na som. 25Koranar Bwa Kooro ɛɛ swee andɛɛɡaa tɛɛ ba dɛ́ ŋɔ, “Ijipt tena baa ɛ n nɛra, ne Asiiria tena maa ta ba, dɛ Israel tena maa lee ba tɛ n te la, ba na som.”
Currently Selected:
Aesaya 19: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 19
19
Korowii bol Ijipt tena chɔɡa wa
1Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ.
Hé na! Korowii cheɡɛ bam ta,
dɛɛ ba Ijipt harɛ ta
wɔrɔbe nɛ.
Voɡare aa lɔ bela bwa jum
jah o sie,
asɛ bela tena bwa
bwara yɔr.
2Korowii ŋɔ, “Mɛɛ kpɔ naɡraa
ta Ijipt tena nɛ
ba ɡbo yo dɔŋa,
dɔɔ ne nime yo, chamena
ne o chamenate yo,
bwɛjen ne o bwɛjen dɔŋ yo,
ásɛ koranar ɡe yo dɔŋa.
3Ijipt tena hwɛɡa bwa ɛɛ
tonɔɔ, ásɛ ba maɡla
baa maɡla bil bwa ɛ pɛɛpɛɛ,
bá kaa bɔɔ voɡa ne lala
ne ba voɡra ne ba bebeela.
4Mɛɛ kpɔ Ijipt tenaa do
kooro nyubinikpeɡ te bɛl
nɔn ta,
o wa do ɔma,
wɛɛ nyiŋi ba nɛ.#Ɛse 29:19
Men Korowii, Koranar Bwa Kooroo bola.”
5Nael Moo waa chɔ bela ɛɛ
hweehroo,
ásɛ o nenabɔɔ bini hol chɔ.
6Bɔra baa kwia nee palɛ
dɛɛ kpɔ a ta bwa ɛɛ
sɔɔhnoo,
ásɛ nenabɔɔne hweeh.
Kpɔɡa aa cheɡɛ nee ta
bwa sewɛ.
7Kwaa aa lɔ Nael Moo nyoa,
ne kwaa baa dua o nyoa la
bwa ɛɛ holoo,
peu kpɔa kaa kwara.
8Nɛra baa dɛ ɛ nee toma
ɛɛ kpɔ nɔɔraa dawɛ nyu
dɛ́ wi,
nɛra baa dɛɛ ta ɡoŋa
Nael Moo ta,
ne banɔ la baa dɛ ta asauri
o ta bwa hwɛɡa ɛɛ tonɔɔ.
9Nɛra baa kpɔ jisere
dɛɛ ɛ yapondɛɛɡa
bwara ɛɛ yɔroo,
ásɛ nɛra baa dɛ sɔah bwara
hwah.
10Nɛra baa dɛ ɛ yale toma
bwara ɛɛ yɔroo,
ásɛ nɛra baa dɛ di a paane
waa do sum.
11Nomonome baa chɔ Ijipt
bwɛjen Soan nyoa la ɛ ɡɛna,
nomonome baa jemɛ waa
dɛɛ ja Ijipt kooro la
aa on liidɛɛɡa tɛ.
Aah, hɛɛ won ŋɔ Ijipt kooro
be ŋɔ,
“N ɛ wejereme kɛŋɔ saŋ la
tena wejerema ne koranar
la bini bɛl aa?”
12Ijipt kooro, namete leperaa
he wejerema la dɔɔ?
Gel ba baɡle he jemɛ
ɡɛ Koranar Bwa Kooro
aa kpaŋre
Ijipt tena waa bil dɛɛ ba
kpɔe ɛɛ ba.
13Nomonome baa chɔ Soan
nyoa berɛ ɡɛna,
Mɛmfes nomonome ɡe
wili.
Banee fe chɛ kɛŋɔ ba tɔ Ijipt
tena sie, dɛ berɛ ɡel
ba nyoɡre.
14Korowii perewi sibir ta ba nɛ,
dɛ ɡel Ijipt tena ɛ sakaa ba
we-ɛɛla ta, kɛŋɔ sennyɔdɛɛ
yon chwɛɛ
dɛɛ ɡbaɡre a ta la.
15Wobɛlbwa toole Ijipt tena
won ɛ kpa,
nomonome kɛɛ dansaara
aa won cha ba,
nɛnjena kɛɛ nɛmpɛɛne
aa won cha ba.
16Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa. 17Juda harɛ sɔn ɛɛ ɡeloo ɔmee kohona lawɛ Ijipt tena. Nomɛlbwa yerɛ Juda harɛ sɔn aa, Ijipt tena bwara ɛɛ yɔroo, kpaŋra Koranar Bwa Kooro aa kpaŋre ba waa bil nomanta.
18Awola tɔpere la, Ijipt harɛ bwɛjena anue tena ɛɛ bol Juda tena wobolee, dɛ́ kpɔ ba te tɛ kɛŋɔ baa tomɛ Koranar Bwa Kooro. Baa pa bwɛjena la bɛl sɔnee ‘Bwɛjen waa dɛ ba Chɔɡa’.
19Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere. 20Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba. 21Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta. 22Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.
23Awola tɔpere la, ŋwɛnɛ ɛɛ chɔɔ le Ijipt harɛ ka ta Asiiria harɛ ta, ásɛ Asiiria tena won Ijipt laŋa, Ijipt tena ɡe won Asiiria bala. Gɛ nɛmbele banɛ nɔ ɛɛ pɛo dɛɛ tomɛ Korowii. 24Awola tɔpere la, Israel tena dɛ ba Ijipt ne Asiiria tena nɛɛ jae, dɛ́ ɡel harɛ nɔ ta nɛra bwa na som. 25Koranar Bwa Kooro ɛɛ swee andɛɛɡaa tɛɛ ba dɛ́ ŋɔ, “Ijipt tena baa ɛ n nɛra, ne Asiiria tena maa ta ba, dɛ Israel tena maa lee ba tɛ n te la, ba na som.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.