Aesaya 16
16
1Bwɛjen Sela tena, hé lawɛ pebiiri
dɛ́ kpɔ ka tomɛ Israel tena
kooro.#2Ko 3:4-5
Hé tomɛ nɛra bá kpɔ le
pua hɛŋle ɡbo harɛ
dɛ́ kaa Saayɔn Bwejen ta.
2Moab haahna lɔ Aanɔn Moo
nyoa milimili,
dɛ la dɛɛ ba kɛŋɔ jumbii
baa doŋa le a kɔne ta ken.
3Ba ŋɔ Juda harɛ nɛra be ŋɔ,
“Hé ja yaa,
hé baɡle yaa ɡɛ yaa ɛ.
Hé ɡel ya so he lɔɡa,
hé chunchuli tɔ ya nɛ.
Hé kpɔ yaa sɔh,
he bɛ yaa le tɛ nɛra baa
dɛ yo yaa nɔ.
4Hé ɡel ya Moab tena
baa doŋi yaa
ya ba marɛ nɔ dɔ sobɔr
he harɛ ta.
Hé tɔ yaa ɡbemɡbe, he bɛ
ɡel ya dɔma dɔ yaa.”
Wahala ɛɛ tonɔɔ,
nɛŋkpoa ba a jaɡa,
ásɛ nɛra baa dɛ vuuɡi harɛ
la bwa ɡe le o ta.
5Baa cheɡ kora bɛlee,
Kooro Devid naa
dɛɛ ba o ta soɡa.
Kasinteŋ ne nɛnnyin nee
wɛɛ ba o kara dii,
dɛɛ pa bole aŋwɛnɛ ta.
Waa waa aa toɡra habɔɔ ta.
6Ya no ɡɛ Moab tena aa
dɛ ɛ mbarafo,
ɡɛ baa dɛ ɡɔɔ ba te
dɛɛ baɡle ba te.
Ba dɛ ɛ sikpeɡ dɛɛ maŋkura
ba te, kɛ a ɛ wepuu.
7Moab tena ɛɛ wi ba harɛ
waa, ba bwa ɛɛ wiu.
Ba bwa ɛɛ lii konsoma
ba fa aa dɛ di
bwɛjen Kir Haresɛt la waa,
dɛ́ pɛ dɛɛ wi.
8Kooni aa bɛne Hɛsbɔn bwa
chɔɡɔ,
ɡɛɛ daa kooni aa lɔ Sibma
la ɡe chɔɡ.
A ɡɛ daa kooni la nɔna
senee
harɛre nomonjena fa nyɔ
dɛɛ dɛɛ.
Daa kooni la fa yɛɛrɔ tel
bwɛjen Jasa,
ne pua hɛŋle ɡbo harɛ la ta,
dɛ kpoŋe kaa Yar Mpo ta.
9N dɛ wi dɛɛ tɛ daa kooni
aa lɔ Sibma,
ɡɛ baa dɛ wi a waa Jasa la.
Hɛsbɔn tena ne Eleale tena,
sinii dɛ yɔɔ mɛ he wa.
Moola fe dɛ le daa nɔna
chaara saŋ nɔ,
kɛ nɔna toole a ta, bɔr helɔ.
10Silɛɛ ne hɛɡra toole
daa kooni ta kpa.
Nomɛlbwa aa yela kɛɛ
lɔŋɔree
do daa kooni ta kpa.
Nomɛlbwa ɡe aa a nɔna
ta tiɡri a nee le a ta kpa.
Silɛɛ ɡbɔɡa teŋo.
11N dɛ hime Moab wa,
n tea bini chɔɡ kohona
Kir Haresɛt wa.
12Moab tena teehno kaa
bwe doa ba voɡa la ta naa,
ba dɛ koh pɛɛpɛɛ.
Ba la ba voɡa deene bini
dɛ ka soŋa oo,
aa ban komɛlbwa lee ba.
13Moab harɛ waa Korowii aa bola wubwa laanee la. 14Taraken Korowii berɔ ŋɔ, “Gɛ paa te yon dɛɛ do o tɔpere la, ɡɛɛ Moab tena ɡe tɔpere do. Bonɔ bene atoro Moab kondɔɔh bwa dɛ́ ba chɔɡa ó di ncho. Nɛn damanta baa lɔ o ta bwa, tamaa kenii dɛɛ ba kae, baa ɡwɛɡroo.”
Currently Selected:
Aesaya 16: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 16
16
1Bwɛjen Sela tena, hé lawɛ pebiiri
dɛ́ kpɔ ka tomɛ Israel tena
kooro.#2Ko 3:4-5
Hé tomɛ nɛra bá kpɔ le
pua hɛŋle ɡbo harɛ
dɛ́ kaa Saayɔn Bwejen ta.
2Moab haahna lɔ Aanɔn Moo
nyoa milimili,
dɛ la dɛɛ ba kɛŋɔ jumbii
baa doŋa le a kɔne ta ken.
3Ba ŋɔ Juda harɛ nɛra be ŋɔ,
“Hé ja yaa,
hé baɡle yaa ɡɛ yaa ɛ.
Hé ɡel ya so he lɔɡa,
hé chunchuli tɔ ya nɛ.
Hé kpɔ yaa sɔh,
he bɛ yaa le tɛ nɛra baa
dɛ yo yaa nɔ.
4Hé ɡel ya Moab tena
baa doŋi yaa
ya ba marɛ nɔ dɔ sobɔr
he harɛ ta.
Hé tɔ yaa ɡbemɡbe, he bɛ
ɡel ya dɔma dɔ yaa.”
Wahala ɛɛ tonɔɔ,
nɛŋkpoa ba a jaɡa,
ásɛ nɛra baa dɛ vuuɡi harɛ
la bwa ɡe le o ta.
5Baa cheɡ kora bɛlee,
Kooro Devid naa
dɛɛ ba o ta soɡa.
Kasinteŋ ne nɛnnyin nee
wɛɛ ba o kara dii,
dɛɛ pa bole aŋwɛnɛ ta.
Waa waa aa toɡra habɔɔ ta.
6Ya no ɡɛ Moab tena aa
dɛ ɛ mbarafo,
ɡɛ baa dɛ ɡɔɔ ba te
dɛɛ baɡle ba te.
Ba dɛ ɛ sikpeɡ dɛɛ maŋkura
ba te, kɛ a ɛ wepuu.
7Moab tena ɛɛ wi ba harɛ
waa, ba bwa ɛɛ wiu.
Ba bwa ɛɛ lii konsoma
ba fa aa dɛ di
bwɛjen Kir Haresɛt la waa,
dɛ́ pɛ dɛɛ wi.
8Kooni aa bɛne Hɛsbɔn bwa
chɔɡɔ,
ɡɛɛ daa kooni aa lɔ Sibma
la ɡe chɔɡ.
A ɡɛ daa kooni la nɔna
senee
harɛre nomonjena fa nyɔ
dɛɛ dɛɛ.
Daa kooni la fa yɛɛrɔ tel
bwɛjen Jasa,
ne pua hɛŋle ɡbo harɛ la ta,
dɛ kpoŋe kaa Yar Mpo ta.
9N dɛ wi dɛɛ tɛ daa kooni
aa lɔ Sibma,
ɡɛ baa dɛ wi a waa Jasa la.
Hɛsbɔn tena ne Eleale tena,
sinii dɛ yɔɔ mɛ he wa.
Moola fe dɛ le daa nɔna
chaara saŋ nɔ,
kɛ nɔna toole a ta, bɔr helɔ.
10Silɛɛ ne hɛɡra toole
daa kooni ta kpa.
Nomɛlbwa aa yela kɛɛ
lɔŋɔree
do daa kooni ta kpa.
Nomɛlbwa ɡe aa a nɔna
ta tiɡri a nee le a ta kpa.
Silɛɛ ɡbɔɡa teŋo.
11N dɛ hime Moab wa,
n tea bini chɔɡ kohona
Kir Haresɛt wa.
12Moab tena teehno kaa
bwe doa ba voɡa la ta naa,
ba dɛ koh pɛɛpɛɛ.
Ba la ba voɡa deene bini
dɛ ka soŋa oo,
aa ban komɛlbwa lee ba.
13Moab harɛ waa Korowii aa bola wubwa laanee la. 14Taraken Korowii berɔ ŋɔ, “Gɛ paa te yon dɛɛ do o tɔpere la, ɡɛɛ Moab tena ɡe tɔpere do. Bonɔ bene atoro Moab kondɔɔh bwa dɛ́ ba chɔɡa ó di ncho. Nɛn damanta baa lɔ o ta bwa, tamaa kenii dɛɛ ba kae, baa ɡwɛɡroo.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.