Aesaya 15
15
Korowii bol Moab tena chɔɡa wa
1Waa aa chiɡ Moab harɛ ta Korowii bol baɡle Aesaya chaahna ta laanee nɔ,
Moab harɛ ta bwɛjena Ar
ne Kir chɔɡɔ.
Jwaana beŋkpoŋii ba
chɔɡa.
2Debɔn tena teehnɔ kaa
deŋɡare ta,
bela ba voɡ aa lole
dɛ́ ka wi.
Moab harɛ ta nɛra bwa ɛɛ wi
bwɛjena Nɛbo
ne Medeba waa,
dɛ́ fonɛ ba nyuune
ne tampona bwa ta,
aa baɡle suna dii.
3Ba tɔ lweyale fɔɡbaahna
bwa,
saldor ne bela baa dɛ
cheme bwa,
ba ne siniiree,
ba wio dɛ ba tal.
4Hɛsbɔn tena ne Eleale tena
dɛ wi,
ba lɔŋɔre tel Jahas.
A ɡelɔ ɔmee lawɛ Moab
laa tena bwa
ba lɔŋɔre bɔle,
ba bwara yɔr.
5N bambile dɛ wee mɛ
Moab tena wa.
Nɛra baa soɡe harɛ la ta
chwao kaa Soar,
hale dɛ ka tel
Eɡlat Sɛleseya.
Bane teehnɔ kaa Luhit,
baa dɛ kaa la bwa,
dɛ ba ne wii.
Bane chwao kpɔ Horonaim
ŋwɛnɛ dɛɛ wi
ba chɔɡa wa.
6Nimrim nenabɔɔ nee bwa
hweehrɔ kwaraa,
kpɔɡa aa lɔ o nyoa bwa
holɔ,
papo-lwɛɛ bɛlbwa toole
dɛ ta che bela kpa.
7Ba cheɡɛ ba kondɔɔh
baa dɔa bwa
ɡale Dajaŋa Nenabɔɔ,
dɛɛ ba kpɔe ka sɔh.
8Moab harɛ jwɛhre bobɛlbwaa
baa wi,
ba wii tel bela bwɛɛre
Eɡlaim ne Beɛ Elim.
9Chal ɡboo Demɔn#15:9 Demɔn sɔn bɛl ɡee Debɔn.
neerare bwa,
kɛ Korowii ta dɔ waane
aa ɡwaa ken,
dɛ́ kpɔ ɛ nɛra
baa soɡe bela.
Seo chɔ le dɛɛ kpa Moab tena
baa dɛ chwa,
ne banɔ la
baa ka harɛ la ta.
Currently Selected:
Aesaya 15: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
