Hosia 5
5
Korowii bol Israel tena chɔɡa wa
1Korowii ŋɔ, “Sɔfore, hé no!
Israel tena, hé cheɡ deŋne!
Koobii ɡe, hé no!
N dɛ ba he waa bola
dɛ́ pa bole.
He do kɛŋɔ baa harɛ bel
Mispa,
dɛ do kɛŋɔ asau
baa taa bɔle
Tabɔ Bwejen ta.
2Deŋnekpeɡ ne nɛŋkpoa tena
kohona,
mɛɛ tɛr he bwa deŋnee.
3Israel, n jemɛ he waa
bwa a chɔ n sie.
He nɛra waa ta kasinteŋ dɔe,
baa men Korowii tomɛ kpa.
4Ba we-ɛɛla ɡelɔ baa won berɛ
ba men Korowii
baa dɛ tom mɛ be.
Jwaman we-ɛɛla ɡboo
su ba liire ta.
Baa men Korowii jemɛ.
5Israel tena mbarafo ɛ
danseɛ kɛ ba di bolchɔɡe.
Ba wechɔɡa ɡelɔ ba lɔ naa
dɛ chole,
Juda tena ɡe ja ba nɛɛ
lɔ naa dɛ chole.
6Ba kpɔ ba peera ne nae
ɛ saraha dɛɛ nyin
men Korowii bɔr aa,
baa men na.
N laa n te kpɔ ba nɛ.#Aes 1:11
7Ba waa ta kasinteŋ dɔe tɛ mɛ,
ba le n habɔɔ,
sɛmbii ɡboo baa loɡle.
Ba Korobifala Tɔpejena dii,
ɛɛ chɔɡ ba ne ba kooni
bwaa.
8Hé hoh laa bɛla Gebea,
dɛ́ hooh Rama ɡe.
Hé do laa lɔŋɔ Bɛt Avɛn.
Bɛnjamen dea tena,
hé ir dɛ́ tɔ sie.
9Israel harɛ ɛɛ chɔ pɛɛ,
awola maa ba tɛr
o nɛra deŋne la.
Israel deene bwa bee
mɛɛ bol waa aa ɛ kasinteŋ
aa dɛ ba bala.
10Juda sitɔɔla do kɛŋɔ
ŋwɛɛra baa dɛ huɡri harɛre
jwɛh bwea.
N baah ɛɛ di ba nɛɛ kohonaa,
kɛŋɔ nee aa sua
dɛɛ chɔɡ kwaa la ken.
11Ba dɛ fiiɡi Israel tena,
ba pa ba bolchɔɡe dɛ tiɡ ba
do harɛ,
hwɛɡa baa dɛ hwɛɡɛ
voɡsale ta la wa.
12Mɛɛ chɔɡ Israel tenaa
kɛ koŋɡaahla aa
dɛ chɔɡ kwaa la,
dɛ́ ɛ Juda tena ɡe kɛŋɔ kon
waa pɔah.
13Israel tena na ba weela,
asɛ Juda tena ɡe na ba
ŋwɛra,
asɛ Israel la Asiiria koojen be
ŋɔ ó ba cha ba.
Kɛ o ta wone chah ba
weela,
o ta wone chah ba ŋwɛra ɡe.
14Mɛɛ ɛo kɛŋɔ nyujente ken
Israel harɛ
ne Juda tena bini.
Mɛɛ toɡri ba olaa,
dɛ́ che ba kaa nomɛlbwa
aa wola won lɛɛ ba.
15Ásɛ n berɛ kaa n buɡ ta bela
maa lole ka tel
kɛŋɔ baa sɛh ba chɔɡre.
Baa dɛɛ nyin n sie dɛ na,
ásɛ a noo ba aa,
bá ɡaaɡe n bɔr sibeɡra ne.”
Currently Selected:
Hosia 5: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
