Hosia 3
3
Hosia ne o haah berɛ pɛɛ wa
1Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”
2Anomanta, suuɡapoŋa fi dɛ anue, dɛ mea a tɔɡre aa ɛ kilore lafa fifraanuee n kpɔ ka lɛo. 3Asɛ n ŋɔ o be ŋɔ, “Gel n ne he so la sie,#3:3 Gel n ne he so la sie munii kɛŋɔ, baa kpa dɔŋaa baa wola baa ne haahnee chɔ. bɛ jwamane bɔ kpa, bɛ baa bɛlbwa nyin kpa.”
4Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa. 5Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.
Currently Selected:
Hosia 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
