Hosia 13
13
Korowii baah di Israel tena nɛ
1Efrem dea tena fa bol wa aa, Israel deene
aa kaa la dɛ ɔmɛ,
banee Israel tena ɛɛ duu.
Kɛ Efrem dea tena tomɛ
voɡ Baal,
anomanta, baa serewoo.
2Ba ta teŋɔ dɛɛ ɛ wechɔɡa
kohona,
ba kpɔ ba suuɡapoŋa
dɛɛ ɛ voɡa,
ba ɛa a do wer kɛrɛdɛ,
a bwa ɛ kwaa nɛra baa
dɔ a wejema aa ɛa.
Ba bol ɡɛ nɛra nɔ waa ŋɔ,
“Ba kpoo nɛra
dɛɛ ɛ saraha,
dɛɛ mo voɡ baa ɛo kɛŋɔ
nabale la lwɛɛma.”
3A ɡɛ nomanta, baa nyoɡroo
warane kɛŋɔ kɔɔla
aa tɔa chɔɔbɔr,
kɛŋɔ mɛn aa wola biɡri
dɛ a leo la,
kɛŋɔ haahra peu aa taa
dɛ kpɔa le pɛla ta kaa la,
dɛ do kɛŋɔ chuu aa kpɔ
tokoro ta dɛɛ le.
4Korowii ŋɔ, “Menee Korowii
haa dɛ tom mɛ
n lawɛ heyaa le
Ijipt harɛ la.
He bɛ voɡ bɛlbwa yarada
ka ja n nɛ.
Lɛɛ bɛlbwa toole
ka ja n nɛ.#Aes 43:11
5N nyiŋi he nɛɛ
pua hɛŋle ɡbo harɛ ta,
harɛ o ta aa do wɔrɔbe
kohona.#Mma 8:11-17
6Maa tɛ heyaa kondikwaa
he di la, he vaɡrɔ,
haa vaɡra la, he ɛ mbarafo
asɛ dɛ soh n wa.
7Anomanta, mɛɛ ba he nɛɛ
kɛŋɔ nyujente ken,
kɛŋɔ noniete
waa pɛl ŋwɛnɛ nyoa
dɛɛ nyin kon dɛ́ lawɛ.
8Mɛɛ ba yo heyaa kɛŋɔ
sisire bii aa nyoɡra
wɛɛ ɛ la,
dɛ́ ba peeɡe he bini.
Dɛ́ di he ola buɡ la ta
kɛŋɔ nyujente ken,
dɛ́ toɡri he bini kɛŋɔ
kpɔɡ bini olchɔɡa
aa dɛ ɛ la.
9Israel tena, he serewɔ,
dɛkalkɛ he ɛ wechɔɡa
dɛ jo n nɛ.
10Hé ŋɔ ń tɛ heyaa kooro ne
nomonome, asɛ n tɛ heya,
kɛ ɛrɛɛ baa ba wona
lɛ heya ɔ?
11Bandia nee n tɛ heyaa kooro,
dɛ berɛ che bandia ta
dɛ le o ne.
12Israel tena ɛ wechɔɡa
dɛ di bolchɔɡe,
ba chwera do tɔn bini
dɛ kwaara cheɡ.
13Ba nyu som kɛ baa dɔ bɔr dɛ́ so,
kɛ dɛ ɡɛn dɛ vɛh waa la.
Ba do kɛ bechala baa
dɛ ba o lola
waa wola bala nyin.
14Mɛɛ lɛɛ ba le lalbɔɔ bini,
dɛ́ lɛɛ ba le seo nyoa.
Seo, leperaa
he weechɔɡa dɔɔ jaɔ?
Lalbɔɔ, leperaa chɔɡa haa
dɛ ba yaa chɔɡa dɔɔ?#1Kɔ 15:55
Maa tedomaa dɔ tɛ
he Israel tena,
15a lole kɛŋɔ he wer
he bala bini.
Mɛɛ ɡeloo peuchɔɡe ta le
wee leebɔr, dɛ́ ta le
pua hɛŋle ɡbo harɛ ta.
Nee aa won palɛ le neerare
nyuune ta, ásɛ buli hweeh.
Mɛɛ pa he kondɛɛɡaa le bela
haa dɛ cheɡa la kaa.
16Samaria tena chɛ kɛŋɔ
ba bolchɔɡe ɡure ba nɛ,
dɛkalkɛ ba ɛ men Korowii
baa dɛ tom mɛ la
deŋnekpeɡ.
Laa taa baa ba ba kpoora,
ásɛ dɛ kpɔ
ba bechale cha harɛ
dɛ́ ya ba tekpoŋra teene.”
Currently Selected:
Hosia 13: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Hosia 13
13
Korowii baah di Israel tena nɛ
1Efrem dea tena fa bol wa aa, Israel deene
aa kaa la dɛ ɔmɛ,
banee Israel tena ɛɛ duu.
Kɛ Efrem dea tena tomɛ
voɡ Baal,
anomanta, baa serewoo.
2Ba ta teŋɔ dɛɛ ɛ wechɔɡa
kohona,
ba kpɔ ba suuɡapoŋa
dɛɛ ɛ voɡa,
ba ɛa a do wer kɛrɛdɛ,
a bwa ɛ kwaa nɛra baa
dɔ a wejema aa ɛa.
Ba bol ɡɛ nɛra nɔ waa ŋɔ,
“Ba kpoo nɛra
dɛɛ ɛ saraha,
dɛɛ mo voɡ baa ɛo kɛŋɔ
nabale la lwɛɛma.”
3A ɡɛ nomanta, baa nyoɡroo
warane kɛŋɔ kɔɔla
aa tɔa chɔɔbɔr,
kɛŋɔ mɛn aa wola biɡri
dɛ a leo la,
kɛŋɔ haahra peu aa taa
dɛ kpɔa le pɛla ta kaa la,
dɛ do kɛŋɔ chuu aa kpɔ
tokoro ta dɛɛ le.
4Korowii ŋɔ, “Menee Korowii
haa dɛ tom mɛ
n lawɛ heyaa le
Ijipt harɛ la.
He bɛ voɡ bɛlbwa yarada
ka ja n nɛ.
Lɛɛ bɛlbwa toole
ka ja n nɛ.#Aes 43:11
5N nyiŋi he nɛɛ
pua hɛŋle ɡbo harɛ ta,
harɛ o ta aa do wɔrɔbe
kohona.#Mma 8:11-17
6Maa tɛ heyaa kondikwaa
he di la, he vaɡrɔ,
haa vaɡra la, he ɛ mbarafo
asɛ dɛ soh n wa.
7Anomanta, mɛɛ ba he nɛɛ
kɛŋɔ nyujente ken,
kɛŋɔ noniete
waa pɛl ŋwɛnɛ nyoa
dɛɛ nyin kon dɛ́ lawɛ.
8Mɛɛ ba yo heyaa kɛŋɔ
sisire bii aa nyoɡra
wɛɛ ɛ la,
dɛ́ ba peeɡe he bini.
Dɛ́ di he ola buɡ la ta
kɛŋɔ nyujente ken,
dɛ́ toɡri he bini kɛŋɔ
kpɔɡ bini olchɔɡa
aa dɛ ɛ la.
9Israel tena, he serewɔ,
dɛkalkɛ he ɛ wechɔɡa
dɛ jo n nɛ.
10Hé ŋɔ ń tɛ heyaa kooro ne
nomonome, asɛ n tɛ heya,
kɛ ɛrɛɛ baa ba wona
lɛ heya ɔ?
11Bandia nee n tɛ heyaa kooro,
dɛ berɛ che bandia ta
dɛ le o ne.
12Israel tena ɛ wechɔɡa
dɛ di bolchɔɡe,
ba chwera do tɔn bini
dɛ kwaara cheɡ.
13Ba nyu som kɛ baa dɔ bɔr dɛ́ so,
kɛ dɛ ɡɛn dɛ vɛh waa la.
Ba do kɛ bechala baa
dɛ ba o lola
waa wola bala nyin.
14Mɛɛ lɛɛ ba le lalbɔɔ bini,
dɛ́ lɛɛ ba le seo nyoa.
Seo, leperaa
he weechɔɡa dɔɔ jaɔ?
Lalbɔɔ, leperaa chɔɡa haa
dɛ ba yaa chɔɡa dɔɔ?#1Kɔ 15:55
Maa tedomaa dɔ tɛ
he Israel tena,
15a lole kɛŋɔ he wer
he bala bini.
Mɛɛ ɡeloo peuchɔɡe ta le
wee leebɔr, dɛ́ ta le
pua hɛŋle ɡbo harɛ ta.
Nee aa won palɛ le neerare
nyuune ta, ásɛ buli hweeh.
Mɛɛ pa he kondɛɛɡaa le bela
haa dɛ cheɡa la kaa.
16Samaria tena chɛ kɛŋɔ
ba bolchɔɡe ɡure ba nɛ,
dɛkalkɛ ba ɛ men Korowii
baa dɛ tom mɛ la
deŋnekpeɡ.
Laa taa baa ba ba kpoora,
ásɛ dɛ kpɔ
ba bechale cha harɛ
dɛ́ ya ba tekpoŋra teene.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.