Hibru 12
12
Korowii waa ɛ ya Mɛɛ
1Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa. 2Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta. 3Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.
4He ne wechɔɡa aa dɛ yo nɔ, he ta yoi chal le he nɛɛ mɔɔ. 5He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ,
“N bie, dɛ Korowii dɛ tɛr he deŋne aa,
bɛ an wesale lii. Dɛ o dɛ toɡre naa,
bɛ ɡel a hwah he bwara,#Job 5:17; Sɛɡ 3:11-12
6dɛkalkɛŋɔ nɛn Korowii aa dɛ nyin la,
o deŋnee wɛɛ tɛr, dɛɛ toɡre nɛn waa lɛo kɛ o bie.”#Mma 8:5
7Hé lawɛ bambile wahala haa dɛ na ta, dɛ nyiŋa kɛŋɔ he Mɛɛɛ dɛɛ tɛr he deŋne. He deŋnetɛra la chaɡlɔ kɛŋɔ Korowii kpɔ heyaa ɛ o bii, dɛkalkɛŋɔ bie bɛlbwa toole o mɛɛ aa wola o deŋnee tɛr bwa. 8Dɛ o ta he deŋne tɛrɛ kɛŋɔ waa dɛ tɛr o bii bwa deŋne la aa, amɔ dɛ o bii ɡbaɡba laa heya, dɛ kataborerii heya. 9Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa? 10Ya mɛɛnanar baa lolɛ yaa la, tɔpera anɛ bɛlee ba tɛr ya deŋne ɡɛ ba ɡe aa naa kɛ aŋwɛnɛ taa la. Kɛ Korowii te aa dɛ tɛr ya deŋne la, ya ɡbaɡba kɛrɛdɛ waa wɛɛ ɛ ɡɛ ásɛ ya do ɡoroŋ kɛŋɔ ɡɛ waa doa la. 11Ba dɛ tɛr nɛn deŋne aa, buɡ la ta la, o tea bini dɛ chɔɡ, o sie aa lɛ. Kɛ dɛ o hweli waa name o deŋnetɛra la ta naa, o waa dɛ toɡre, asɛ o bwara ɛɛ sɔɔhno.
12Anomanta, hé do banɔ la ba bwara aa yɔra ɡbemba, ba won che kiŋkiŋ.#Aes 35:3 13Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.
Korowii habɔɔ lee jae wa
14Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba. 15Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.#Mma 29:18; Wep 3:19 16He bini bɛlbwa bɛ jwamane ba bɔ, dɛ bɛ vɛh kɛ hɛɛ kpɔ duure tɛ Korowii, kɛŋɔ Esɔ aa koh kerabeŋkpoŋ kondikwaa dii waa charɛ o nomonome tɛ o nime la.#Mum 25:33 17He nao kɛŋɔ waa bera baa nyin kɛŋɔ o mɛɛ swee tɛo ɡɛ baa sweera dɛɛ tɛ binomoa la, o ta ɡɛ dɔe kpa. O siwi swɛɛrɔ wɛɛ nyin o dɔ ɡɛ a fe aa chɛa kɛ o dɔ, hale dɛ wi. Kɛ waa o ɡbaɡba aa ɛa la, o ta wone bera a do ɡɛ a fa aa doa kpa.
18Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.#Kaa 19:16 19Dɛ bɛla bɛl dɛ si, asɛ nomɛl taa ɛɛ le. Nɛra la aa no taa la, ba soŋɔ ŋɔ anɔ la baa noa la maɡre ɡɛ, 20dɛkalkɛŋɔ dɛ waa naate aa dɛ bol la kpeɡri tɛɛ ba. O bolɔ ŋɔ, “Dɛ kondɛɛre kwaraa leɡe bwejen la aa, a chɛ kɛ bá foɡro bwea kpo.” 21Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”
22He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba. 23O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba. 24Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.#Mum 4:10
25Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ? 26Waa bol waa ɡɛ saŋ la, harɛ jiɡro. Kɛ taraken te, o baɡɛ nyoa ŋɔ, “Mɛɛ ba jiɡri harɛɛ kerabeŋkpoŋ ja. Harɛ ɡbo laa mɛɛ ba jiɡra. Mɛɛ jiɡri nyundua ɡee ja.”#Haɡ 2:6 27A ɡɛ waa waa bola dɛ ŋɔ “kerabeŋkpoŋ ja” nɔ dɛ baɡle kɛŋɔ o baa jiɡri nyundua ne harɛ naa, Korowii kontaala aa lɔ a ta dɛ́ won jiɡri la ɛɛ chɔɡoo, ásɛ kwaa la aa wola won jiɡri la do le dɛɛ la.
28Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ, 29dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.
Currently Selected:
Hibru 12: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Hibru 12
12
Korowii waa ɛ ya Mɛɛ
1Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa. 2Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta. 3Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.
4He ne wechɔɡa aa dɛ yo nɔ, he ta yoi chal le he nɛɛ mɔɔ. 5He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ,
“N bie, dɛ Korowii dɛ tɛr he deŋne aa,
bɛ an wesale lii. Dɛ o dɛ toɡre naa,
bɛ ɡel a hwah he bwara,#Job 5:17; Sɛɡ 3:11-12
6dɛkalkɛŋɔ nɛn Korowii aa dɛ nyin la,
o deŋnee wɛɛ tɛr, dɛɛ toɡre nɛn waa lɛo kɛ o bie.”#Mma 8:5
7Hé lawɛ bambile wahala haa dɛ na ta, dɛ nyiŋa kɛŋɔ he Mɛɛɛ dɛɛ tɛr he deŋne. He deŋnetɛra la chaɡlɔ kɛŋɔ Korowii kpɔ heyaa ɛ o bii, dɛkalkɛŋɔ bie bɛlbwa toole o mɛɛ aa wola o deŋnee tɛr bwa. 8Dɛ o ta he deŋne tɛrɛ kɛŋɔ waa dɛ tɛr o bii bwa deŋne la aa, amɔ dɛ o bii ɡbaɡba laa heya, dɛ kataborerii heya. 9Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa? 10Ya mɛɛnanar baa lolɛ yaa la, tɔpera anɛ bɛlee ba tɛr ya deŋne ɡɛ ba ɡe aa naa kɛ aŋwɛnɛ taa la. Kɛ Korowii te aa dɛ tɛr ya deŋne la, ya ɡbaɡba kɛrɛdɛ waa wɛɛ ɛ ɡɛ ásɛ ya do ɡoroŋ kɛŋɔ ɡɛ waa doa la. 11Ba dɛ tɛr nɛn deŋne aa, buɡ la ta la, o tea bini dɛ chɔɡ, o sie aa lɛ. Kɛ dɛ o hweli waa name o deŋnetɛra la ta naa, o waa dɛ toɡre, asɛ o bwara ɛɛ sɔɔhno.
12Anomanta, hé do banɔ la ba bwara aa yɔra ɡbemba, ba won che kiŋkiŋ.#Aes 35:3 13Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.
Korowii habɔɔ lee jae wa
14Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba. 15Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.#Mma 29:18; Wep 3:19 16He bini bɛlbwa bɛ jwamane ba bɔ, dɛ bɛ vɛh kɛ hɛɛ kpɔ duure tɛ Korowii, kɛŋɔ Esɔ aa koh kerabeŋkpoŋ kondikwaa dii waa charɛ o nomonome tɛ o nime la.#Mum 25:33 17He nao kɛŋɔ waa bera baa nyin kɛŋɔ o mɛɛ swee tɛo ɡɛ baa sweera dɛɛ tɛ binomoa la, o ta ɡɛ dɔe kpa. O siwi swɛɛrɔ wɛɛ nyin o dɔ ɡɛ a fe aa chɛa kɛ o dɔ, hale dɛ wi. Kɛ waa o ɡbaɡba aa ɛa la, o ta wone bera a do ɡɛ a fa aa doa kpa.
18Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.#Kaa 19:16 19Dɛ bɛla bɛl dɛ si, asɛ nomɛl taa ɛɛ le. Nɛra la aa no taa la, ba soŋɔ ŋɔ anɔ la baa noa la maɡre ɡɛ, 20dɛkalkɛŋɔ dɛ waa naate aa dɛ bol la kpeɡri tɛɛ ba. O bolɔ ŋɔ, “Dɛ kondɛɛre kwaraa leɡe bwejen la aa, a chɛ kɛ bá foɡro bwea kpo.” 21Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”
22He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba. 23O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba. 24Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.#Mum 4:10
25Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ? 26Waa bol waa ɡɛ saŋ la, harɛ jiɡro. Kɛ taraken te, o baɡɛ nyoa ŋɔ, “Mɛɛ ba jiɡri harɛɛ kerabeŋkpoŋ ja. Harɛ ɡbo laa mɛɛ ba jiɡra. Mɛɛ jiɡri nyundua ɡee ja.”#Haɡ 2:6 27A ɡɛ waa waa bola dɛ ŋɔ “kerabeŋkpoŋ ja” nɔ dɛ baɡle kɛŋɔ o baa jiɡri nyundua ne harɛ naa, Korowii kontaala aa lɔ a ta dɛ́ won jiɡri la ɛɛ chɔɡoo, ásɛ kwaa la aa wola won jiɡri la do le dɛɛ la.
28Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ, 29dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.