Mumpar 44
44
Suuɡapoŋ numol wa
1Josef ŋɔ bonɔɔ waa dɛ nyiŋi dem bela la be ŋɔ, “Do kondikwaa baala nɔ bɔɡtɔre bini a suuɡi, ásɛ dɛ kpɔ bɛlbwa suuɡa vɔwɛ o bɔɡtɔ nyoa. 2Ásɛ dɛ kpɔ n suuɡapoŋ numol, ne bechala la suuɡa do o bone bini.” Asɛ o ɛ ɡɛ waa ŋɔa la. 3Tɔ aa pera chɔmbibi la, ba ta ba ŋwɛnɛ ba ne ba keeɡore kaa. 4Baa dɛ kaa baa wola bobɛlbwa tele mɔɔ la, Josef ŋɔ bonɔɔ waa dɛ nyiŋi dem bela la be ŋɔ, “Ɛ warane dɛ́ ti baala la. He kaa puu ba aa, hé bɔɔ ba ŋɔ, ‘Ɛrɛɛ he kpɔ wechɔɡa bɔ wedɛɛɡa kem nɔɔ? 5Ɛrɛ waa he ŋwɛ n dɔɔ suuɡapoŋ numol nɔɔ? O nee wɛɛ nyɔ ne, dɛ che o ta dɛɛ jemɛ kerekere wa. Gɛ haa ɛa nɔ ɛ wechɔɡa kohona.’ ”
6Waa ti ba dɛ ka puu ba la, ɡɛ waa laanee o bol ba be. 7Asɛ ba chaŋo ŋɔ, “Nomoa, ɛrɛɛ hɛɛ nyin he chaɡle nɔɔ? Korowii ɛɛ kisi yaa, yaa ɡɛɛ ɛ. 8Ya ta suuɡa yaa naa ya bone bini Keenan harɛ la berɛ ba tɛ heya aa? Ɛrɛɛ yaa ba wona ŋwɛ suuɡapoŋ kɛɛ suuɡaswɛm he nomoa dem ɔ? 9Nomoa, ya bini bɛlbwa haa nao o be la, bá kpoo, ásɛ ya kar ɡe ɛ he yoma.”
10Asɛ o sɛh ɡɛ baa bola la dɛ ŋɔ, “A wer, kɛ naate maa nao o be la ɡboo dɛ́ berɛ n yom, ásɛ he kabora te kaa.” 11Belaa bɛlbwa ɛ warane dɛ choɡ o bone cheɡ, dɛ laa a nyoa pur. 12Ate, Josef bonɔɔ la nyiŋi ba bone la bini. O pa mun le ba bini nomoa be dɛ ba tonɛ bechala la be, asɛ dɛ na numol la Bɛnjamen waa ɛ bechala la be. 13A we ba nɛ, ba laa ba laala kɛɛ, a baɡle kɛ ba tea bini chɔɡɔ, dɛ kwaa vɔwɛ ba bone choɡ keeɡore la, dɛ laa berɛ ba bwɛjen la ta.
14Juda ne o bala aa tel Josef dem la, dɛ o ta lole, asɛ ba ka ɡuŋu harɛ. 15O bɔɔ ba ŋɔ, “Bɔkwa waa he ɛ ken? Haa jemɛ kɛŋɔ n won chaahna nae, dɛ́ jemɛ waa aa dɛ ba chiɡa kerekere kɛɛ?” 16Anee Juda chaŋe ŋɔ, “N dɔɔ, ɛrɛɛ yaa ba he be bola ɔ? Ɛrɛɛ yaa ba wona tɔŋle ŋɔ ya laa ɔ? Ɛrɛɛ yaa ba wona ŋɔ ya waa dɔ kasinteŋ kpa ɔ? Korowii le ya mun ne. Taraken naate baa na numol nɔ o be ɡbo laa dɛ́ ɛ he yom, ya bwa ɛɛ ɛ he yomaa.”
17Anee Josef ŋɔ, “Akai, maa an ɡɛɛ ɛ bwa. Nemenɛ naate baa na numol la o be la ɡboo dɛ́ ɛ n yom. He kabora la te ɛɛ won kaa he mɛɛ be deŋnesɔɔhna ne.”
18Ate, Juda suuh tel Josef, dɛ ŋɔ o be ŋɔ, “Nomoa, bɛ ɡel he baah di n nɛ. He do kɛŋɔ Ijipt kooro ɡbaɡba ken, kɛ n dɛ nyin kɛŋɔ he tɛ mɛ ŋwɛnɛ n ne he won bol wa. 19Nomoa, he fa ta yaa bɔɔrɛ kɛ ya dɔ mɛɛ kɛɛ nime bɛl a? 20Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh. 21He ŋɔ ya be ŋɔ ya la ka kpɔɔ ba he nao, 22asɛ ya ŋɔ bie la aa won le o mɛɛ jwɛh, dɛkalkɛ o le o jwɛh aa, o mɛɛ la ɛɛ sewɔɔ. 23Asɛ he berɛ ŋɔ ya be ŋɔ haa nyin kɛ he na yaa dɛ ya nime la ta jae. 24Nomoa, yaa bera kaa ya mɛɛ be la, ya kaa bol waa bwa haa bola la o be.
25O berɔ ŋɔ ya be ŋɔ ya berɛ ba dɛ́ ba yawɛ kondikwaa tama. 26Asɛ ya chaŋo ŋɔ yaa won la. Ya ɡbo laŋɔ dɛ ya nime nɔ ta ya nɛɛ jae yaa, yaa won la o sie. Dɛ ya nime la ɛɛ lao tenaa, ya ɡee lao. 27Anee ya mɛɛ ŋɔ ya be ŋɔ ya ɡbabir jemɔ ŋɔ bibaala banɛ ɡboo Rakɛl lolɛ tɛo. 28Beŋkpoŋ te le o nɔn ta. O jemɔ kɛŋɔ kpɔɡ bini ola ka toɡri o bini, o ta on nae kpa ba le fini. 29Ya berɔ kpɔ onɔ le o nɔn ta taraken asɛ waane ka ɛɔ waa, waa hwɛɛhra tonɛ nɔ, tebinichɔɡ ɡboo dɛɛ ba o kpoe.”
30“Nomoa, taraken n berɔ kaa n mɛɛ be dɛ ya nime nɔ ta jae yaa, wɛɛ sewɔɔ. O dɛ nyinu kohona, 31ɡɛ waa hwɛɛhra la, dɛ o ta ya nɛɛ jae yaa, sum ɡbo ɛɛ kpoo. 32Anɔ la aa jaa laanee kɛŋɔ, n lɛ bie nɔ waa dawɛ n nɛ. N baɡɛ n mɛɛ nyoa kɛŋɔ dɛ n ta o ne balaa, menee waa dawɛ n nɛ n soɡa bini bwa. 33Anomanta, nomoa, n dɛ́ soŋe, mɛɛ chiɡ bie nɔ naa taa, dɛ́ so dɛ́ ɛ he yom, ásɛ o pu o dɔɔranar kaa. 34Dɛ bie nɔ ta n nɛɛ teŋaa, ɛrɛɛ mɛɛ ba ɛɛ dɛ́ won la n mɛɛ be nɔ? Maa won ka na wechɔɡa aa dɛ ba n mɛɛ nɛɛ bala.”
Currently Selected:
Mumpar 44: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 44
44
Suuɡapoŋ numol wa
1Josef ŋɔ bonɔɔ waa dɛ nyiŋi dem bela la be ŋɔ, “Do kondikwaa baala nɔ bɔɡtɔre bini a suuɡi, ásɛ dɛ kpɔ bɛlbwa suuɡa vɔwɛ o bɔɡtɔ nyoa. 2Ásɛ dɛ kpɔ n suuɡapoŋ numol, ne bechala la suuɡa do o bone bini.” Asɛ o ɛ ɡɛ waa ŋɔa la. 3Tɔ aa pera chɔmbibi la, ba ta ba ŋwɛnɛ ba ne ba keeɡore kaa. 4Baa dɛ kaa baa wola bobɛlbwa tele mɔɔ la, Josef ŋɔ bonɔɔ waa dɛ nyiŋi dem bela la be ŋɔ, “Ɛ warane dɛ́ ti baala la. He kaa puu ba aa, hé bɔɔ ba ŋɔ, ‘Ɛrɛɛ he kpɔ wechɔɡa bɔ wedɛɛɡa kem nɔɔ? 5Ɛrɛ waa he ŋwɛ n dɔɔ suuɡapoŋ numol nɔɔ? O nee wɛɛ nyɔ ne, dɛ che o ta dɛɛ jemɛ kerekere wa. Gɛ haa ɛa nɔ ɛ wechɔɡa kohona.’ ”
6Waa ti ba dɛ ka puu ba la, ɡɛ waa laanee o bol ba be. 7Asɛ ba chaŋo ŋɔ, “Nomoa, ɛrɛɛ hɛɛ nyin he chaɡle nɔɔ? Korowii ɛɛ kisi yaa, yaa ɡɛɛ ɛ. 8Ya ta suuɡa yaa naa ya bone bini Keenan harɛ la berɛ ba tɛ heya aa? Ɛrɛɛ yaa ba wona ŋwɛ suuɡapoŋ kɛɛ suuɡaswɛm he nomoa dem ɔ? 9Nomoa, ya bini bɛlbwa haa nao o be la, bá kpoo, ásɛ ya kar ɡe ɛ he yoma.”
10Asɛ o sɛh ɡɛ baa bola la dɛ ŋɔ, “A wer, kɛ naate maa nao o be la ɡboo dɛ́ berɛ n yom, ásɛ he kabora te kaa.” 11Belaa bɛlbwa ɛ warane dɛ choɡ o bone cheɡ, dɛ laa a nyoa pur. 12Ate, Josef bonɔɔ la nyiŋi ba bone la bini. O pa mun le ba bini nomoa be dɛ ba tonɛ bechala la be, asɛ dɛ na numol la Bɛnjamen waa ɛ bechala la be. 13A we ba nɛ, ba laa ba laala kɛɛ, a baɡle kɛ ba tea bini chɔɡɔ, dɛ kwaa vɔwɛ ba bone choɡ keeɡore la, dɛ laa berɛ ba bwɛjen la ta.
14Juda ne o bala aa tel Josef dem la, dɛ o ta lole, asɛ ba ka ɡuŋu harɛ. 15O bɔɔ ba ŋɔ, “Bɔkwa waa he ɛ ken? Haa jemɛ kɛŋɔ n won chaahna nae, dɛ́ jemɛ waa aa dɛ ba chiɡa kerekere kɛɛ?” 16Anee Juda chaŋe ŋɔ, “N dɔɔ, ɛrɛɛ yaa ba he be bola ɔ? Ɛrɛɛ yaa ba wona tɔŋle ŋɔ ya laa ɔ? Ɛrɛɛ yaa ba wona ŋɔ ya waa dɔ kasinteŋ kpa ɔ? Korowii le ya mun ne. Taraken naate baa na numol nɔ o be ɡbo laa dɛ́ ɛ he yom, ya bwa ɛɛ ɛ he yomaa.”
17Anee Josef ŋɔ, “Akai, maa an ɡɛɛ ɛ bwa. Nemenɛ naate baa na numol la o be la ɡboo dɛ́ ɛ n yom. He kabora la te ɛɛ won kaa he mɛɛ be deŋnesɔɔhna ne.”
18Ate, Juda suuh tel Josef, dɛ ŋɔ o be ŋɔ, “Nomoa, bɛ ɡel he baah di n nɛ. He do kɛŋɔ Ijipt kooro ɡbaɡba ken, kɛ n dɛ nyin kɛŋɔ he tɛ mɛ ŋwɛnɛ n ne he won bol wa. 19Nomoa, he fa ta yaa bɔɔrɛ kɛ ya dɔ mɛɛ kɛɛ nime bɛl a? 20Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh. 21He ŋɔ ya be ŋɔ ya la ka kpɔɔ ba he nao, 22asɛ ya ŋɔ bie la aa won le o mɛɛ jwɛh, dɛkalkɛ o le o jwɛh aa, o mɛɛ la ɛɛ sewɔɔ. 23Asɛ he berɛ ŋɔ ya be ŋɔ haa nyin kɛ he na yaa dɛ ya nime la ta jae. 24Nomoa, yaa bera kaa ya mɛɛ be la, ya kaa bol waa bwa haa bola la o be.
25O berɔ ŋɔ ya be ŋɔ ya berɛ ba dɛ́ ba yawɛ kondikwaa tama. 26Asɛ ya chaŋo ŋɔ yaa won la. Ya ɡbo laŋɔ dɛ ya nime nɔ ta ya nɛɛ jae yaa, yaa won la o sie. Dɛ ya nime la ɛɛ lao tenaa, ya ɡee lao. 27Anee ya mɛɛ ŋɔ ya be ŋɔ ya ɡbabir jemɔ ŋɔ bibaala banɛ ɡboo Rakɛl lolɛ tɛo. 28Beŋkpoŋ te le o nɔn ta. O jemɔ kɛŋɔ kpɔɡ bini ola ka toɡri o bini, o ta on nae kpa ba le fini. 29Ya berɔ kpɔ onɔ le o nɔn ta taraken asɛ waane ka ɛɔ waa, waa hwɛɛhra tonɛ nɔ, tebinichɔɡ ɡboo dɛɛ ba o kpoe.”
30“Nomoa, taraken n berɔ kaa n mɛɛ be dɛ ya nime nɔ ta jae yaa, wɛɛ sewɔɔ. O dɛ nyinu kohona, 31ɡɛ waa hwɛɛhra la, dɛ o ta ya nɛɛ jae yaa, sum ɡbo ɛɛ kpoo. 32Anɔ la aa jaa laanee kɛŋɔ, n lɛ bie nɔ waa dawɛ n nɛ. N baɡɛ n mɛɛ nyoa kɛŋɔ dɛ n ta o ne balaa, menee waa dawɛ n nɛ n soɡa bini bwa. 33Anomanta, nomoa, n dɛ́ soŋe, mɛɛ chiɡ bie nɔ naa taa, dɛ́ so dɛ́ ɛ he yom, ásɛ o pu o dɔɔranar kaa. 34Dɛ bie nɔ ta n nɛɛ teŋaa, ɛrɛɛ mɛɛ ba ɛɛ dɛ́ won la n mɛɛ be nɔ? Maa won ka na wechɔɡa aa dɛ ba n mɛɛ nɛɛ bala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.