Mumpar 39
39
Josef ne Pɔtefa haah wa
1Ismael tena la kpɔ Josef kaa Ijipt, dɛ ka yoɡu tɛ Pɔtefa waa ɛ Ijipt kooro nɛra baa dɛ daahno la nomonome la bɛl. 2Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem. 3O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo. 4Anomanta, Pɔtefa sie lɛ o nɛ asɛ dɛ kpɔɔ ɛ o bonɔɔ, dɛ ɡel wɛɛ nyiŋi o dem ne o komɛlbwa waa dɔa ta. 5Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa. 6Pɔtefa kpɔ komɛlbwa do o nɔn ta dɛ laa liire kpɔ a ta. Kwaa waa dɛ lii a waa kondikwa waa di ɡbo.
Dɛ Josef mao kɛrɛdɛ dɛ do wer bonɔɔ ɡe. 7Aa ba dɛ la sie la, Pɔtefa haah pɛla lawɛ Josef dɛ ŋɔ o ne o chɔ.
8Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa. 9Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?” 10Dɛ tɔperee bwaa o swe dɛɛ marɛ Josef nɛɛ ŋɔ o ne o chɔ asɛ o yon vɛh, hale waa o jwɛɛh kwaraa la.
11Awola bɛl, Josef lɔ dem bela dɛɛ ɛ o toma. Dɛ dem bela bonɔɔna la bɛlbwa toole. 12Belaa haah la ta lawɛ o yal kpoŋe dɛ ŋɔ, “Gel n ne he chɔ.” O ta sɛɛh, dɛ yo lɛ o te dɛ chwa le buse, asɛ a ka o yal la do haah la nɔn ta. 13Haah la aa naa kɛŋɔ o ɡel o yal la do o nɔn ta kaa la, 14o yerɛ bonɔɔna baa lɔ dem bela la dɛ ŋɔ, “Hé no waa nɔ. Hibru te nɔ n jaa aa kaa lawɛ ba dem bonɔ nɔ dɛ ɛ yaa sisawa. O baa jo n be dea ŋɔ o fee paɡ mɛ, asɛ n do lɔŋɔ kohona. 15Maa dɛ dooɡe lɔŋɔre ɡɛ la, o chwao le a ka o yal chɔ n jwɛh.”
16Haah la kpɔ yal la cheɡ, dɛ ka tel kɛŋɔ Pɔtefa aa bala. 17Belaa o bol waa la o be dɛ ŋɔ, “Hibru te bonɔɔ haa ba o ne dem bonɔ la ba n be dea dɛ ba ɛɛ mɛ chɔɡa wa. 18Kɛ maa do lɔŋɔ la, o chwao le buse warane dɛ ɡel o yal.”
19Pɔtefa aa no ɡɛ la, o baah diu 20dɛ ɡel ba ka lawɛ Josef ba do dea, bela kooro aa lawɛ nɛra dɛɛ do la, asɛ o chɔ bela. 21Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ. 22Anomanta, o kpɔɔ ɛ o bala baa do ba dea la bwa nomoa, asɛ wɛɛ nyiŋi ba wobɛlbwa baa dɛ ɛa bela ta. 23Korowii aa dɛ nyin Josef waa dɛɛ nyin kɛ o wobɛlbwa do wer tɛo la nomanta, o ɡelɔ nomoa waa dɛ nyiŋi ba nɛɛ la laa o sie kpɔ waa Josef aa chɔ a nyoa la ta.
Currently Selected:
Mumpar 39: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 39
39
Josef ne Pɔtefa haah wa
1Ismael tena la kpɔ Josef kaa Ijipt, dɛ ka yoɡu tɛ Pɔtefa waa ɛ Ijipt kooro nɛra baa dɛ daahno la nomonome la bɛl. 2Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem. 3O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo. 4Anomanta, Pɔtefa sie lɛ o nɛ asɛ dɛ kpɔɔ ɛ o bonɔɔ, dɛ ɡel wɛɛ nyiŋi o dem ne o komɛlbwa waa dɔa ta. 5Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa. 6Pɔtefa kpɔ komɛlbwa do o nɔn ta dɛ laa liire kpɔ a ta. Kwaa waa dɛ lii a waa kondikwa waa di ɡbo.
Dɛ Josef mao kɛrɛdɛ dɛ do wer bonɔɔ ɡe. 7Aa ba dɛ la sie la, Pɔtefa haah pɛla lawɛ Josef dɛ ŋɔ o ne o chɔ.
8Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa. 9Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?” 10Dɛ tɔperee bwaa o swe dɛɛ marɛ Josef nɛɛ ŋɔ o ne o chɔ asɛ o yon vɛh, hale waa o jwɛɛh kwaraa la.
11Awola bɛl, Josef lɔ dem bela dɛɛ ɛ o toma. Dɛ dem bela bonɔɔna la bɛlbwa toole. 12Belaa haah la ta lawɛ o yal kpoŋe dɛ ŋɔ, “Gel n ne he chɔ.” O ta sɛɛh, dɛ yo lɛ o te dɛ chwa le buse, asɛ a ka o yal la do haah la nɔn ta. 13Haah la aa naa kɛŋɔ o ɡel o yal la do o nɔn ta kaa la, 14o yerɛ bonɔɔna baa lɔ dem bela la dɛ ŋɔ, “Hé no waa nɔ. Hibru te nɔ n jaa aa kaa lawɛ ba dem bonɔ nɔ dɛ ɛ yaa sisawa. O baa jo n be dea ŋɔ o fee paɡ mɛ, asɛ n do lɔŋɔ kohona. 15Maa dɛ dooɡe lɔŋɔre ɡɛ la, o chwao le a ka o yal chɔ n jwɛh.”
16Haah la kpɔ yal la cheɡ, dɛ ka tel kɛŋɔ Pɔtefa aa bala. 17Belaa o bol waa la o be dɛ ŋɔ, “Hibru te bonɔɔ haa ba o ne dem bonɔ la ba n be dea dɛ ba ɛɛ mɛ chɔɡa wa. 18Kɛ maa do lɔŋɔ la, o chwao le buse warane dɛ ɡel o yal.”
19Pɔtefa aa no ɡɛ la, o baah diu 20dɛ ɡel ba ka lawɛ Josef ba do dea, bela kooro aa lawɛ nɛra dɛɛ do la, asɛ o chɔ bela. 21Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ. 22Anomanta, o kpɔɔ ɛ o bala baa do ba dea la bwa nomoa, asɛ wɛɛ nyiŋi ba wobɛlbwa baa dɛ ɛa bela ta. 23Korowii aa dɛ nyin Josef waa dɛɛ nyin kɛ o wobɛlbwa do wer tɛo la nomanta, o ɡelɔ nomoa waa dɛ nyiŋi ba nɛɛ la laa o sie kpɔ waa Josef aa chɔ a nyoa la ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.