Mumpar 35
35
Jekɔb bera dɛ ba Bɛtel
1Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”#Mum 28:11-17
2Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala. 3Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.” 4Anomanta, ba pa ba voɡa aa lɔ ba be la bwa ne deŋna kwaa baa doa la tɛ Jekɔb. Asɛ o huɡe a ɡɛ laala la bwa dajen bɛl waa cheɡa bɛne bwɛjen Sɛkem la mun.
5Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa. 6O ne o nɛra bwa ba Keenan harɛ ta bwɛɛ bɛl baa dɛ yerɔ Lus, baa bera dɛɛ yerɔ Bɛtel taraken la. 7Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.
8Dɛbora waa dɛɛ Rebɛka o bechale saŋ sewɔ, asɛ ba huɡo dajen bɛl mun Bɛtel. Anomanta, o pa bela sɔn Alɔn Bakut.#35:8 Alɔn Bakut munii daamun bela baa dɛ wi.
9Jekɔb aa le Mɛsopoteemea ba la, Korowii berɔ kpɔ o te baɡlo dɛ swee andɛɛɡa tɛo. 10Belaa Korowii ŋɔ o be ŋɔ, “He sɔne Jekɔb, kɛ le fini dɛɛ kaa baa hen ɡɛɛ yerɛ kpa, baa berɔ dɛɛ yerɛ Israel.”#Mum 32:28 11Dɛ berɛ ŋɔ, “Menee Korowii Maa Ɛ Kpeɡri Bwa Dɔɔ la. Hɛɛ yao dɛ́ warɛ kohona. He luɡe taa harɛre nɛra ɛɛ ba lee, ásɛ koranar le ba bini. 12Harɛ maa kpɔa baɡɛ he nabaa Abraham ne he mɛɛ Aesek nyoa la, he ne he naanar baa ka ba habɔɔ laanee mɛɛ ba kpɔe tɛ.” 13Asɛ Korowii ɡelo bela dɛ kaa. 14Jekɔb kpɔ bwe bɛl pa bela dɛ kpɔ lii o ne Korowii waa baa ɛa, dɛ fuɡe sen ɛ saraha bwe la ta, dɛ berɛ fuɡe noo ɛ o ta tɛ Korowii. 15Dɛ pa bela sɔn Bɛtel.
Rakɛl ne Aesek seo wa
16Asɛ ba ir Bɛtel dɛ kaa. Baa dɛ kaa a ka tama ba tel bobɛl baa dɛ yerɛ bela Efrat la, loltea lɔ Rakɛl. Asɛ a do kpeɡri. 17O lola bini aa dɛ do kpeɡri la, haah waa dɛ lɛo lol la ŋɔ o be ŋɔ, “Bɛ ɔmɛ, bibaalee hɛɛ ba lola ja.” 18Dɛ Rakɛl dɛ ba sewa, anomanta, o pa bie la sɔn Bɛn Oni. Bɛn Oni munii n wenaale bie. Asɛ o mɛɛ ɡe pa o sɔn Bɛnjamen. Bɛnjamen munii n nɔndiɡ bie.
19Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham. 20Jekɔb kpɔ bwe bɛl pa Rakɛl ŋwam la ta o ta do le ba le fini.
21Jekɔb berɔ ir dɛ ka baŋre o tɛnte dea bobɛl baa dɛ yerɛ bela Ida Dejaŋ bɛl baŋ.
22Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no.
Bii fi dɛ banɛɛ Jekɔb lolɛ.
23Lea bii waa lol ba laanee nɔ.
Rubin, onee binomoa,
dɛ Simeon ne Lewi ne Juda
ne Isaaka dɛ Sebulon.
24Rakɛl ɡe bibaalaa nɔ,
Josef ne Bɛnjamen.
25Rakɛl tolo Bilha bibaalaa nɔ,
Dan ne Naftale.
26Lea ɡe tolo Silpa bibaalaa nɔ,
Gad ne Aasa.
Mɛsopoteemea harɛ taa ba lolɛ Jekɔb bibaala fi dɛ beŋkpoŋ nɔ bwa.
27Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la. 28Aesek di bene lafa fifraanuatoro 29mɔɔ dɛ sewɛ. Asɛ o bii Esɔ ne Jekɔb huɡo.
Currently Selected:
Mumpar 35: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 35
35
Jekɔb bera dɛ ba Bɛtel
1Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”#Mum 28:11-17
2Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala. 3Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.” 4Anomanta, ba pa ba voɡa aa lɔ ba be la bwa ne deŋna kwaa baa doa la tɛ Jekɔb. Asɛ o huɡe a ɡɛ laala la bwa dajen bɛl waa cheɡa bɛne bwɛjen Sɛkem la mun.
5Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa. 6O ne o nɛra bwa ba Keenan harɛ ta bwɛɛ bɛl baa dɛ yerɔ Lus, baa bera dɛɛ yerɔ Bɛtel taraken la. 7Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.
8Dɛbora waa dɛɛ Rebɛka o bechale saŋ sewɔ, asɛ ba huɡo dajen bɛl mun Bɛtel. Anomanta, o pa bela sɔn Alɔn Bakut.#35:8 Alɔn Bakut munii daamun bela baa dɛ wi.
9Jekɔb aa le Mɛsopoteemea ba la, Korowii berɔ kpɔ o te baɡlo dɛ swee andɛɛɡa tɛo. 10Belaa Korowii ŋɔ o be ŋɔ, “He sɔne Jekɔb, kɛ le fini dɛɛ kaa baa hen ɡɛɛ yerɛ kpa, baa berɔ dɛɛ yerɛ Israel.”#Mum 32:28 11Dɛ berɛ ŋɔ, “Menee Korowii Maa Ɛ Kpeɡri Bwa Dɔɔ la. Hɛɛ yao dɛ́ warɛ kohona. He luɡe taa harɛre nɛra ɛɛ ba lee, ásɛ koranar le ba bini. 12Harɛ maa kpɔa baɡɛ he nabaa Abraham ne he mɛɛ Aesek nyoa la, he ne he naanar baa ka ba habɔɔ laanee mɛɛ ba kpɔe tɛ.” 13Asɛ Korowii ɡelo bela dɛ kaa. 14Jekɔb kpɔ bwe bɛl pa bela dɛ kpɔ lii o ne Korowii waa baa ɛa, dɛ fuɡe sen ɛ saraha bwe la ta, dɛ berɛ fuɡe noo ɛ o ta tɛ Korowii. 15Dɛ pa bela sɔn Bɛtel.
Rakɛl ne Aesek seo wa
16Asɛ ba ir Bɛtel dɛ kaa. Baa dɛ kaa a ka tama ba tel bobɛl baa dɛ yerɛ bela Efrat la, loltea lɔ Rakɛl. Asɛ a do kpeɡri. 17O lola bini aa dɛ do kpeɡri la, haah waa dɛ lɛo lol la ŋɔ o be ŋɔ, “Bɛ ɔmɛ, bibaalee hɛɛ ba lola ja.” 18Dɛ Rakɛl dɛ ba sewa, anomanta, o pa bie la sɔn Bɛn Oni. Bɛn Oni munii n wenaale bie. Asɛ o mɛɛ ɡe pa o sɔn Bɛnjamen. Bɛnjamen munii n nɔndiɡ bie.
19Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham. 20Jekɔb kpɔ bwe bɛl pa Rakɛl ŋwam la ta o ta do le ba le fini.
21Jekɔb berɔ ir dɛ ka baŋre o tɛnte dea bobɛl baa dɛ yerɛ bela Ida Dejaŋ bɛl baŋ.
22Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no.
Bii fi dɛ banɛɛ Jekɔb lolɛ.
23Lea bii waa lol ba laanee nɔ.
Rubin, onee binomoa,
dɛ Simeon ne Lewi ne Juda
ne Isaaka dɛ Sebulon.
24Rakɛl ɡe bibaalaa nɔ,
Josef ne Bɛnjamen.
25Rakɛl tolo Bilha bibaalaa nɔ,
Dan ne Naftale.
26Lea ɡe tolo Silpa bibaalaa nɔ,
Gad ne Aasa.
Mɛsopoteemea harɛ taa ba lolɛ Jekɔb bibaala fi dɛ beŋkpoŋ nɔ bwa.
27Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la. 28Aesek di bene lafa fifraanuatoro 29mɔɔ dɛ sewɛ. Asɛ o bii Esɔ ne Jekɔb huɡo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.