Mumpar 30
30
1Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”
2Anee Jekɔb baah di o nɛ, o ŋɔ, “Bɛ n nɛɛ nya, n laa Korowii dɛ tɛɛ bii.”
3Belaa Rakɛl ɡe chaŋe ŋɔ, “N tolo Bilhaa la, kpɔɔ ásɛ o lolɛ bie tɛ mɛ, á che o nɛɛ ń ɡe dɔ bii.” 4Anomanta, o lawɔ tɛ Jekɔb o mo. 5Asɛ o kpoŋe tea dɛ lolɛ bibaa tɛ Jekɔb. 6Anee Rakɛl ŋɔ, “Korowii bol n waa tɛ mɛ. O no n wesoŋa dɛ tɛ mɛ bibaa, asɛ dɛ pa o sɔn Dan.” 7Bilha berɔ kpoŋe tea dɛ lolɛ bibaa ja. 8Asɛ Rakɛl ŋɔ, “N ne n nahaah yoo taeh, kɛ n pɔ o nɛ.” Anomanta, o pa bie la sɔn Naftale, o munii yoi.
9Lea ɡe aa baa na kɛŋɔ o lol teŋo la, o lawɛ o tolo Silpa tɛ Jekɔb o mo. 10Asɛ o lolɛ bibaa tɛo. 11Anee o ŋɔ, “N nyu wer,” asɛ dɛ pa bie la sɔn Gad. 12Silpa berɔ lolɛ bibaa tɛ Jekɔb ja, 13asɛ Lea ŋɔ, “N sie lɛo name. Taraken n bala ɛɛ dɛɛ yer mɛɛ nɛn waa na som.” Asɛ dɛ pa bie la sɔn Aasa.
14Rubin aa baa kpeɡ la, o la koo jaaɡe koma saŋ, dɛ ka kpɔ kwaane aa won ɡela baa ne haah ɛɛ nyin dɔŋa dɛ́ dɔ bii ba tɛ o nya Lea. Asɛ Rakɛl ŋɔ o be ŋɔ, “Tɛ mɛ he bie kwaa nɔ ane.”
15Asɛ Lea ŋɔ, “Lɛɛ haa lɛ n jaa nɔ ɡbo ta maɡra aa, he berɔ dɛɛ nyin he lɛ n bie kwaa nɔ o be ja aa?”
Anee Rakɛl ŋɔ, “Dɛ hɛɛ tɛ mɛ he bie kwaa nɔ anee yaa, mɛɛ sɛoh dɛ tɛ he ne Jekɔb kalaŋre jwaana nɔ ne.”
16Belaa Jekɔb aa le koo dɛɛ ba jɔmɔra la, Lea ka chemo dɛ ŋɔ, “N ne henee dɛɛ ba chɔe fini jwaana nɔ ne, dɛkalkɛ n kpɔ n bie kwaa la ane lɛɛ le Rakɛl be.” Asɛ o ne o chɔ jwaana la ne.
17Korowii no o wesoŋa asɛ o kpoŋe tea ja dɛ lolɛ binuete tɛ Jekɔb. 18Anee Lea ŋɔ, “Korowii tɛ mɛ n kembɔr, dɛkalkɛ n lawɛ n tolo tɛ n jaa asɛ o ne o chɔ.” Anomanta, o pa o sɔn Isaaka. 19O berɔ kpoŋe binumɛlte tea, dɛ lolɛ bibaa tɛ Jekɔb. 20Asɛ o ŋɔ, “Korowii kɛ mɛ kondɛɛɡe. Name te n jaa ɛɛ dɛɛ duu mɛɛ, dɛkalkɛ n lolɛ bibaala banumɛl bwa tɛo.” Anomanta, o pa bie la sɔn Sebulon.
21A habɔɔ la, o lolɛ bihaah dɛ pa o sɔn Daena.
22Korowii no Rakɛl wa dɛ no o wesoŋa dɛ tɛo lol. 23Anomanta, o lolɛ bibaa dɛ ŋɔ, “Korowii tɛ mɛ bibaa dɛ laa sihiih kpɔ n sie.” 24O pa bie la sɔn Josef. Dɛ ŋɔ, “Korowii berɔ jaa mɛ bibaa.”
Jekɔb kondɛɛra yae wa
25Josef lola habɔɔ la, Jekɔb ŋɔ Laban be ŋɔ, “Tɛ mɛ ŋwɛnɛ ásɛ n berɛ kaa n bwɛ. 26Gel n kpɔ n haahna ne bii maa ba he be dɛ ba ɛ toma dɔɔ ba la kaa. He ɡbabir na ɡɛ maa tomɛ.”
27Anee Laban ŋɔ o be ŋɔ, “Dɛ hɛɛ sɛoh waa, ɡel n ne he so. N nao kɛŋɔ he nomanta, Korowii swee andɛɛɡa tɛ mɛ. 28Gel n jemɛ kembɔr maa chɛ kɛ n kpɔ tɛɛ, ásɛ n nyin tɛɛ.”
29Belaa Jekɔb ŋɔ o be ŋɔ, “He ɡbabir jemɛ ɡɛ maa tomɛ ka tel, ne ɡɛ maa nyiŋi he kondɛɛra ta a do wer nyiŋa maa nyiŋi a ta kɛrɛdɛ la wa. 30A fa lɔ tamaa ken mɔɔ n ba, a berɔ ya kohona, asɛ Korowii tɛɛ hɛɛra bobɛlbwa maa dɛ la. Taraken, tɔpere telo kɛŋɔ n ɡbabir ɡe vɔrɔwe n dem.”
31Anee Laban bɔɔro ŋɔ, “Aŋwɛnɛɛ hɛɛ nyin kɛ n bɔe nɔ?”
Jekɔb ŋɔ, “Maa kembɔr bɛlbwa nyin. Dɛ he fe ɛɛ sɛh ɡɛ maa dɛ ba bola nɔ taa tɛ mɛ tenaa, he kondɛɛra la taa mɛɛ ba nyiŋa. 32Anee kɛŋɔ, ɡel n ka nyiŋi he kondɛɛra la bwa bini fini dɛ́ lawɛ pebie bɛlbwa waa ɛ ombiŋi ne bombiire aa lɛɡra kɛɛ dɛ peeɡe la. Anee ɛ kembɔr maa dɛ nyin. 33A ba ɡɛ naa, kerekere hɛɛ won jemɛ kɛŋɔ n ɛ nɛndɛɛɡe. Tɔpebɛl haa ba ŋɔ he nyiŋi n toma ɛɛ bini la, pebie bɛlbwa waa wola ombiŋi ɛɛ ne bombiire aa wola lɛɡrɛ kɛɛ dɛ peeɡe koo n kwaa ta naa, amɔ jemɛ kɛ dɛ ŋwɛɛ n ŋwɛ.”
34Anee Laban ŋɔ, “N sɛh ɡɛ. Yaa ɛ ɡɛ haa bola nɔɔ.” 35Awola tɔpere la, Laban lawɛ bombala aa lɛɡra ne anloni aa peeɡa kɛɛ anɔ la aa lɛɡre ampoŋa do o bii nɔn ta baa nyiŋi a ta. O lawɛ peera aa bira bwa ɡe jaa ba. 36Asɛ dɛ ɡel tɔpera atoro ŋwɛnɛ ta o ne Jekɔb baah ta, asɛ Jekɔb ɡe ɛɛ nyiŋi kondɛɛra la kar ta.
37Belaa Jekɔb teŋe daa ane kɛŋɔ sɛsɛ ne chɛnchɛne daa kpala, dɛ lɔ a pɛɡa peri ta, asɛ a to dɛ peeɡe. 38O kpɔ daa la paaɡe kon aa dɛ nyɔ nee o bini la sie. Dɛkalkɛŋɔ belaa aa jwee. 39Anomanta, aa ba dɛɛ nyɔ nee la asɛ daa la paaɡe ɡɛ la, aa kpoŋe teene dɛɛ ba loɡla la, a loɡle bii aa peeɡa, anla aa lɛɡra ne anchɛchɛra.
40Jekɔb pere a bii la le anɔ la ta, dɛ ɡel anɔ la aa kaa la sie chaɡɛ Laban kwaa la waa paaɡe daa a sie la ne ambiŋere la be. Asɛ dɛ teɡɛ o ɡbabir kwaa la kaa baŋ bɛl, o ta an kpɔe koo Laban kwaa la ta. 41Jekɔb kpɔ daa la ba pa a sie a nenyɔɔ kwaa la bɔr bela, ásɛ anɔ la a bwara aa kpeɡa dɛ peeɡe la ba dɛ jwee dɔŋa aa, á kpoŋe teene a bii la do kɛŋɔ daa la ken. 42Kɛ anɔ la a bwara aa wola kpeɡe la te, o ta daa la kpɔe paaɡe a sie. Labanee dɔ anɔ la aa wola kpeɡe la, asɛ Jekɔb ɡe dɔ anɔ la aa kpeɡa la. 43A cheɡɛ a ta Jekɔb ba ɛ kondɔɔh dɛ dɔ kondɛɛra ne nɛndɔɔla ne nyoɡmare dɛ keeɡore kohona.
Currently Selected:
Mumpar 30: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 30
30
1Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”
2Anee Jekɔb baah di o nɛ, o ŋɔ, “Bɛ n nɛɛ nya, n laa Korowii dɛ tɛɛ bii.”
3Belaa Rakɛl ɡe chaŋe ŋɔ, “N tolo Bilhaa la, kpɔɔ ásɛ o lolɛ bie tɛ mɛ, á che o nɛɛ ń ɡe dɔ bii.” 4Anomanta, o lawɔ tɛ Jekɔb o mo. 5Asɛ o kpoŋe tea dɛ lolɛ bibaa tɛ Jekɔb. 6Anee Rakɛl ŋɔ, “Korowii bol n waa tɛ mɛ. O no n wesoŋa dɛ tɛ mɛ bibaa, asɛ dɛ pa o sɔn Dan.” 7Bilha berɔ kpoŋe tea dɛ lolɛ bibaa ja. 8Asɛ Rakɛl ŋɔ, “N ne n nahaah yoo taeh, kɛ n pɔ o nɛ.” Anomanta, o pa bie la sɔn Naftale, o munii yoi.
9Lea ɡe aa baa na kɛŋɔ o lol teŋo la, o lawɛ o tolo Silpa tɛ Jekɔb o mo. 10Asɛ o lolɛ bibaa tɛo. 11Anee o ŋɔ, “N nyu wer,” asɛ dɛ pa bie la sɔn Gad. 12Silpa berɔ lolɛ bibaa tɛ Jekɔb ja, 13asɛ Lea ŋɔ, “N sie lɛo name. Taraken n bala ɛɛ dɛɛ yer mɛɛ nɛn waa na som.” Asɛ dɛ pa bie la sɔn Aasa.
14Rubin aa baa kpeɡ la, o la koo jaaɡe koma saŋ, dɛ ka kpɔ kwaane aa won ɡela baa ne haah ɛɛ nyin dɔŋa dɛ́ dɔ bii ba tɛ o nya Lea. Asɛ Rakɛl ŋɔ o be ŋɔ, “Tɛ mɛ he bie kwaa nɔ ane.”
15Asɛ Lea ŋɔ, “Lɛɛ haa lɛ n jaa nɔ ɡbo ta maɡra aa, he berɔ dɛɛ nyin he lɛ n bie kwaa nɔ o be ja aa?”
Anee Rakɛl ŋɔ, “Dɛ hɛɛ tɛ mɛ he bie kwaa nɔ anee yaa, mɛɛ sɛoh dɛ tɛ he ne Jekɔb kalaŋre jwaana nɔ ne.”
16Belaa Jekɔb aa le koo dɛɛ ba jɔmɔra la, Lea ka chemo dɛ ŋɔ, “N ne henee dɛɛ ba chɔe fini jwaana nɔ ne, dɛkalkɛ n kpɔ n bie kwaa la ane lɛɛ le Rakɛl be.” Asɛ o ne o chɔ jwaana la ne.
17Korowii no o wesoŋa asɛ o kpoŋe tea ja dɛ lolɛ binuete tɛ Jekɔb. 18Anee Lea ŋɔ, “Korowii tɛ mɛ n kembɔr, dɛkalkɛ n lawɛ n tolo tɛ n jaa asɛ o ne o chɔ.” Anomanta, o pa o sɔn Isaaka. 19O berɔ kpoŋe binumɛlte tea, dɛ lolɛ bibaa tɛ Jekɔb. 20Asɛ o ŋɔ, “Korowii kɛ mɛ kondɛɛɡe. Name te n jaa ɛɛ dɛɛ duu mɛɛ, dɛkalkɛ n lolɛ bibaala banumɛl bwa tɛo.” Anomanta, o pa bie la sɔn Sebulon.
21A habɔɔ la, o lolɛ bihaah dɛ pa o sɔn Daena.
22Korowii no Rakɛl wa dɛ no o wesoŋa dɛ tɛo lol. 23Anomanta, o lolɛ bibaa dɛ ŋɔ, “Korowii tɛ mɛ bibaa dɛ laa sihiih kpɔ n sie.” 24O pa bie la sɔn Josef. Dɛ ŋɔ, “Korowii berɔ jaa mɛ bibaa.”
Jekɔb kondɛɛra yae wa
25Josef lola habɔɔ la, Jekɔb ŋɔ Laban be ŋɔ, “Tɛ mɛ ŋwɛnɛ ásɛ n berɛ kaa n bwɛ. 26Gel n kpɔ n haahna ne bii maa ba he be dɛ ba ɛ toma dɔɔ ba la kaa. He ɡbabir na ɡɛ maa tomɛ.”
27Anee Laban ŋɔ o be ŋɔ, “Dɛ hɛɛ sɛoh waa, ɡel n ne he so. N nao kɛŋɔ he nomanta, Korowii swee andɛɛɡa tɛ mɛ. 28Gel n jemɛ kembɔr maa chɛ kɛ n kpɔ tɛɛ, ásɛ n nyin tɛɛ.”
29Belaa Jekɔb ŋɔ o be ŋɔ, “He ɡbabir jemɛ ɡɛ maa tomɛ ka tel, ne ɡɛ maa nyiŋi he kondɛɛra ta a do wer nyiŋa maa nyiŋi a ta kɛrɛdɛ la wa. 30A fa lɔ tamaa ken mɔɔ n ba, a berɔ ya kohona, asɛ Korowii tɛɛ hɛɛra bobɛlbwa maa dɛ la. Taraken, tɔpere telo kɛŋɔ n ɡbabir ɡe vɔrɔwe n dem.”
31Anee Laban bɔɔro ŋɔ, “Aŋwɛnɛɛ hɛɛ nyin kɛ n bɔe nɔ?”
Jekɔb ŋɔ, “Maa kembɔr bɛlbwa nyin. Dɛ he fe ɛɛ sɛh ɡɛ maa dɛ ba bola nɔ taa tɛ mɛ tenaa, he kondɛɛra la taa mɛɛ ba nyiŋa. 32Anee kɛŋɔ, ɡel n ka nyiŋi he kondɛɛra la bwa bini fini dɛ́ lawɛ pebie bɛlbwa waa ɛ ombiŋi ne bombiire aa lɛɡra kɛɛ dɛ peeɡe la. Anee ɛ kembɔr maa dɛ nyin. 33A ba ɡɛ naa, kerekere hɛɛ won jemɛ kɛŋɔ n ɛ nɛndɛɛɡe. Tɔpebɛl haa ba ŋɔ he nyiŋi n toma ɛɛ bini la, pebie bɛlbwa waa wola ombiŋi ɛɛ ne bombiire aa wola lɛɡrɛ kɛɛ dɛ peeɡe koo n kwaa ta naa, amɔ jemɛ kɛ dɛ ŋwɛɛ n ŋwɛ.”
34Anee Laban ŋɔ, “N sɛh ɡɛ. Yaa ɛ ɡɛ haa bola nɔɔ.” 35Awola tɔpere la, Laban lawɛ bombala aa lɛɡra ne anloni aa peeɡa kɛɛ anɔ la aa lɛɡre ampoŋa do o bii nɔn ta baa nyiŋi a ta. O lawɛ peera aa bira bwa ɡe jaa ba. 36Asɛ dɛ ɡel tɔpera atoro ŋwɛnɛ ta o ne Jekɔb baah ta, asɛ Jekɔb ɡe ɛɛ nyiŋi kondɛɛra la kar ta.
37Belaa Jekɔb teŋe daa ane kɛŋɔ sɛsɛ ne chɛnchɛne daa kpala, dɛ lɔ a pɛɡa peri ta, asɛ a to dɛ peeɡe. 38O kpɔ daa la paaɡe kon aa dɛ nyɔ nee o bini la sie. Dɛkalkɛŋɔ belaa aa jwee. 39Anomanta, aa ba dɛɛ nyɔ nee la asɛ daa la paaɡe ɡɛ la, aa kpoŋe teene dɛɛ ba loɡla la, a loɡle bii aa peeɡa, anla aa lɛɡra ne anchɛchɛra.
40Jekɔb pere a bii la le anɔ la ta, dɛ ɡel anɔ la aa kaa la sie chaɡɛ Laban kwaa la waa paaɡe daa a sie la ne ambiŋere la be. Asɛ dɛ teɡɛ o ɡbabir kwaa la kaa baŋ bɛl, o ta an kpɔe koo Laban kwaa la ta. 41Jekɔb kpɔ daa la ba pa a sie a nenyɔɔ kwaa la bɔr bela, ásɛ anɔ la a bwara aa kpeɡa dɛ peeɡe la ba dɛ jwee dɔŋa aa, á kpoŋe teene a bii la do kɛŋɔ daa la ken. 42Kɛ anɔ la a bwara aa wola kpeɡe la te, o ta daa la kpɔe paaɡe a sie. Labanee dɔ anɔ la aa wola kpeɡe la, asɛ Jekɔb ɡe dɔ anɔ la aa kpeɡa la. 43A cheɡɛ a ta Jekɔb ba ɛ kondɔɔh dɛ dɔ kondɛɛra ne nɛndɔɔla ne nyoɡmare dɛ keeɡore kohona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.