Mumpar 25
25
Abraham seo wa
1Abraham berɔ kpɔ hanɛɛte baa yerɔ Ketura.#1We 1:32-33 2O ne on lolɛ Simran ne Joksan ne Medan ne Midian ne Esbak dɛ Suwa. 3Joksan ɡe bibaalaa Seeba ne Dedan. Dedan naanaree Assur ne Lɛtos dɛ Leum tena. 4Midian bibaalaa Efa ne Efar ne Hanɔk ne Abida dɛ Ɛldaa. Ketura naanaree banɔ bwa.
5Abraham ɡel o kapɛrɛ waa dɔa bwa tɛ Aesek o di. 6Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.
7Abraham bene waa dia dɛ sewɛ la bwa lɔ lafa fifraanuanɛ dɛ anue. 8Dɛ o hwɛɛhrɔ kɛrɛdɛ, dɛ sewɛ dɛ ka pu o naawa. 9O bie Aesek ne Ismael kaa huɡo Makpɛla bwebɔɔ la bini. Bwebɔɔ la lɔ Hiti te baa dɛ yerɔ Efron o ɛ Soha bie la harɛ bɛl ta dɛ do Mamre wee leebɔr.#Mum 23:7-9 10Gɛ harɛ Abraham aa yawa le Hiti tena be ba huɡe o haah Saara la, belaa ba huɡe o ɡe. 11Abraham seo habɔɔ la, Korowii swee o bie Aesek andɛɛɡa. Asɛ o so Beɛ Lahae Rɔe jwɛh.
Ismael bibaala wa
12Kenii Abraham bie Ismael waa do. Onee Ijipt te Heeɡa waa ɛ Saara tolo lolɛ tɛ Abraham la.#Mum 21:13 13Ismael bii waa lol ba la, kenii ba teŋɛ dɔŋa nɛ, Nɛbayɔt ne Keda ne Adbeel dɛ Mibsam, 14ne Misma ne Duma dɛ Masa, 15ne Hadad ne Tema ne Jetur ne Nafis dɛ Kedema. 16Banɔɔ Ismael bii. Ba sɔna nɔ cheɡɔɔ tɛ deene fi dɛ anɛ nomonome ne a bwɛɛre. 17Ismael di bene lafa fifraatoro dɛ anuanɛ mɔɔ dɛ sewɛ dɛ ka pu o naawa. 18O naanar soɡo dɛ le bwɛɛ Havila, dɛ ka le Suur waa bɛne Ijipt jwɛh ta dɛ kaa Asiiria. Ismael naanar ne Abraham bii baa kaa la naanar aa somɛ.
Jekɔb ne Esɔ wa
19Kenii Abraham bibaa Aesek soɡa bini waa do. 20Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie. 21Dɛ hambaraa.#Mum 16:1; 1Sa 1:2 Asɛ Aesek soŋe Korowii o haah Rebɛka kpoŋe tea.#Luk 1:13 22Kpara teaa o kpoŋe. Baa lɔ o tea bini la, dɛ ba dɛ lɔ dɔŋa. Anee o ŋɔ, “Bɔkwa ɡe waa nɔɔ.” Dɛ kpɔ ka bil Korowii sie dɛ́ jemɛ waa aa bala.
23Anee Korowii ŋɔ o be ŋɔ,
“Harɛre nɛra banɛ nomonomaa
lɔ he tea bini.
Ba baah dɛ́ ba doe kɛŋɔ kolmaala ken.
Beŋkpoŋ ɛɛ dɔ kpeɡrii ɡwaa o dɔŋ,
ásɛ nomoa la ɛɛ tomɛ bechala la.”#Mum 27:29; Rom 9:11-12
24O tɔpere aa tela kɛ o lolɛ la, o lolɛ kpara. 25Waa lolɛ onɔ la aa tɔ sie la, dɛ o swɛɛrɔ, o bwara bwa ɡe ne ponaa. A waa ba pa o sɔn Esɔ. O munii pona te. 26Ba lola bini la, dɛ muŋkaa la lawɛ sitɔte la kpoŋe. A waa ba pa o sɔn Jekɔb. O munii kɛŋɔ nalume kpoŋri. Baa lol ba la, dɛ Aesek dɔ bene fifraanumɛl.
27Bii la bwa baa kpeɡ. Asɛ Esɔ kpɔ o te ɛ kpɔɡ bini nɛn dɛɛ kpaah kɛrɛdɛ. Dɛ Jekɔb te dɛ so dem. 28Dɛ Aesek dɛ nyin Esɔ dɛkalkɛ dɛ o kpaahnɔ baa tɛo wɛɛ di. Asɛ Rebɛka ɡe sie ɛɛ lɛ Jekɔb nɛ.
29Awola bɛl, Jekɔb dɛ daa kondikwaa ane, dɛ lɔr lawɛ Esɔ taeh o le kpɔɡ bini ba. 30Belaa o ŋɔ Jekɔb be ŋɔ, “Ɛ warane dɛ́ tɛ mɛ he kondikonswɛɛma nɔ ane. Dɛkalkɛ lɔr dɛ kpo mɛ taeh. Anomanta, ba kpɔɔ dɛɛ yerɛ Edom. O munii kɛŋɔ konswɛm.”
31Anee Jekɔb ŋɔ o be ŋɔ, “Hɛɛ kpɔ he nomonomee charɛ tenaa, mɛɛ tɛɛ.”
32Anee Esɔ chaŋe ŋɔ, “Sewaa mɛɛ ba sewa la, bɔkwaa nomonome dii ɡe ɛɛ ba wona ɛɛ mɛ nɔ?”
33Asɛ o nime la ŋɔ, “Ŋwɛɛ kɛŋɔ hɛɛ kpɔ he nomonomee tɛ mɛ fini.” O ŋwɛɛ dɛ kpɔ tɛo.#Hib 12:16 34Ate, Jekɔb tɛ Esɔ paanoo ne kwaa waa daala la o di, dɛ nyɔ nee dawɛ dɛ ir chiɡ ŋwɛnɛ ta kaa o bɔr. Kenii Esɔ koh kondikwaa wa, dɛ kpɔ o nomonome ta.
Currently Selected:
Mumpar 25: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 25
25
Abraham seo wa
1Abraham berɔ kpɔ hanɛɛte baa yerɔ Ketura.#1We 1:32-33 2O ne on lolɛ Simran ne Joksan ne Medan ne Midian ne Esbak dɛ Suwa. 3Joksan ɡe bibaalaa Seeba ne Dedan. Dedan naanaree Assur ne Lɛtos dɛ Leum tena. 4Midian bibaalaa Efa ne Efar ne Hanɔk ne Abida dɛ Ɛldaa. Ketura naanaree banɔ bwa.
5Abraham ɡel o kapɛrɛ waa dɔa bwa tɛ Aesek o di. 6Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.
7Abraham bene waa dia dɛ sewɛ la bwa lɔ lafa fifraanuanɛ dɛ anue. 8Dɛ o hwɛɛhrɔ kɛrɛdɛ, dɛ sewɛ dɛ ka pu o naawa. 9O bie Aesek ne Ismael kaa huɡo Makpɛla bwebɔɔ la bini. Bwebɔɔ la lɔ Hiti te baa dɛ yerɔ Efron o ɛ Soha bie la harɛ bɛl ta dɛ do Mamre wee leebɔr.#Mum 23:7-9 10Gɛ harɛ Abraham aa yawa le Hiti tena be ba huɡe o haah Saara la, belaa ba huɡe o ɡe. 11Abraham seo habɔɔ la, Korowii swee o bie Aesek andɛɛɡa. Asɛ o so Beɛ Lahae Rɔe jwɛh.
Ismael bibaala wa
12Kenii Abraham bie Ismael waa do. Onee Ijipt te Heeɡa waa ɛ Saara tolo lolɛ tɛ Abraham la.#Mum 21:13 13Ismael bii waa lol ba la, kenii ba teŋɛ dɔŋa nɛ, Nɛbayɔt ne Keda ne Adbeel dɛ Mibsam, 14ne Misma ne Duma dɛ Masa, 15ne Hadad ne Tema ne Jetur ne Nafis dɛ Kedema. 16Banɔɔ Ismael bii. Ba sɔna nɔ cheɡɔɔ tɛ deene fi dɛ anɛ nomonome ne a bwɛɛre. 17Ismael di bene lafa fifraatoro dɛ anuanɛ mɔɔ dɛ sewɛ dɛ ka pu o naawa. 18O naanar soɡo dɛ le bwɛɛ Havila, dɛ ka le Suur waa bɛne Ijipt jwɛh ta dɛ kaa Asiiria. Ismael naanar ne Abraham bii baa kaa la naanar aa somɛ.
Jekɔb ne Esɔ wa
19Kenii Abraham bibaa Aesek soɡa bini waa do. 20Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie. 21Dɛ hambaraa.#Mum 16:1; 1Sa 1:2 Asɛ Aesek soŋe Korowii o haah Rebɛka kpoŋe tea.#Luk 1:13 22Kpara teaa o kpoŋe. Baa lɔ o tea bini la, dɛ ba dɛ lɔ dɔŋa. Anee o ŋɔ, “Bɔkwa ɡe waa nɔɔ.” Dɛ kpɔ ka bil Korowii sie dɛ́ jemɛ waa aa bala.
23Anee Korowii ŋɔ o be ŋɔ,
“Harɛre nɛra banɛ nomonomaa
lɔ he tea bini.
Ba baah dɛ́ ba doe kɛŋɔ kolmaala ken.
Beŋkpoŋ ɛɛ dɔ kpeɡrii ɡwaa o dɔŋ,
ásɛ nomoa la ɛɛ tomɛ bechala la.”#Mum 27:29; Rom 9:11-12
24O tɔpere aa tela kɛ o lolɛ la, o lolɛ kpara. 25Waa lolɛ onɔ la aa tɔ sie la, dɛ o swɛɛrɔ, o bwara bwa ɡe ne ponaa. A waa ba pa o sɔn Esɔ. O munii pona te. 26Ba lola bini la, dɛ muŋkaa la lawɛ sitɔte la kpoŋe. A waa ba pa o sɔn Jekɔb. O munii kɛŋɔ nalume kpoŋri. Baa lol ba la, dɛ Aesek dɔ bene fifraanumɛl.
27Bii la bwa baa kpeɡ. Asɛ Esɔ kpɔ o te ɛ kpɔɡ bini nɛn dɛɛ kpaah kɛrɛdɛ. Dɛ Jekɔb te dɛ so dem. 28Dɛ Aesek dɛ nyin Esɔ dɛkalkɛ dɛ o kpaahnɔ baa tɛo wɛɛ di. Asɛ Rebɛka ɡe sie ɛɛ lɛ Jekɔb nɛ.
29Awola bɛl, Jekɔb dɛ daa kondikwaa ane, dɛ lɔr lawɛ Esɔ taeh o le kpɔɡ bini ba. 30Belaa o ŋɔ Jekɔb be ŋɔ, “Ɛ warane dɛ́ tɛ mɛ he kondikonswɛɛma nɔ ane. Dɛkalkɛ lɔr dɛ kpo mɛ taeh. Anomanta, ba kpɔɔ dɛɛ yerɛ Edom. O munii kɛŋɔ konswɛm.”
31Anee Jekɔb ŋɔ o be ŋɔ, “Hɛɛ kpɔ he nomonomee charɛ tenaa, mɛɛ tɛɛ.”
32Anee Esɔ chaŋe ŋɔ, “Sewaa mɛɛ ba sewa la, bɔkwaa nomonome dii ɡe ɛɛ ba wona ɛɛ mɛ nɔ?”
33Asɛ o nime la ŋɔ, “Ŋwɛɛ kɛŋɔ hɛɛ kpɔ he nomonomee tɛ mɛ fini.” O ŋwɛɛ dɛ kpɔ tɛo.#Hib 12:16 34Ate, Jekɔb tɛ Esɔ paanoo ne kwaa waa daala la o di, dɛ nyɔ nee dawɛ dɛ ir chiɡ ŋwɛnɛ ta kaa o bɔr. Kenii Esɔ koh kondikwaa wa, dɛ kpɔ o nomonome ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.