Mumpar 14
14
Abram lɛɛ waa lɛ Lɔt
1A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro. 2Ba nyoa pɛo ba yo koranar banue bane. Banee nɔ. Sodom Kooro Bɛra, ne Gomoora Kooro Birsa ne Adma kooro Sinab ne Seboiim kooro Sɛmɛba dɛ Bɛla kooro. Bɛla nɔ sɔn bɛl ɡee Soar. 3Gɛ nɛmbele banue nɔ baa cheme Sidim Fɛlembɔjen ta. Ba berɔ dɛɛ yerɔ Yar Mpo taraken. 4Bene fi dɛ anɛ bwa dɛ ba lɔ kooro Kedolaoma lɔɡa dɛɛ tomɔ, asɛ bene fi dɛ atoro ta la, ba ɛɔ dɔm ŋɔ baa on tomɛ kpa.
5Asɛ bene fi dɛ anaarɛ ta la, Kedolaoma ne koranar bane baa ja o nɛɛ ka yo Refa tena baa lɔ Astarɔt Kanaim, ne Susi tena baa lɔ Ham, dɛ pɔ ba nɛ. Dɛ berɛ yo Emi tena ba harɛ bɛl waa chɔa dɛ kaa baa yerɛ bela Kiriataim ta dɛ pɔ ba nɛ. 6Ba yo nɛra bane ɡe baa dɛ yer ba Hɔr tena baa lɔ deŋɡarere harɛ Sɛɛ#14:6 Sɛɛ sɔn bɛl ɡee Edom. ta, dɛ kpɔ ka le bwɛɛ Ɛlparan waa bɛne pua hɛŋle ɡbo harɛ bɛl ta, dɛ pɔ ba nɛ. 7Ba berɔ laa berɛ dɛ yo ba Kades, o sɔn bɛl ɡee Ɛn Mispat. Ba yoo dɛ lɛ Amalɛk tena harɛ bwa, asɛ dɛ pɔ Amɔre tena baa soɡe Hasasɔn Taama la ɡe nɛ.
8Belaa Sodom kooro ne Gomoora kooro, ne Adma kooro ne Seboiim kooro, dɛ Bɛla baa bera dɛɛ yerɔ Soar kooro bwa boa ba laa tena nyoa, dɛ kaa Sidim Fɛlembɔjen ta ka yo 9Elam Kooro Kedolaoma ne Goiim Kooro Tidal ne Sina Kooro Amrafɛl dɛ Elasar Kooro Areɔk. Koranar banue ne koranar banaarɛɛ yoa. 10Dɛ Sidim Fɛlembɔjen la ɛ bɔɔne bɔɔne kootal su o bwa nomanta, Sodom kooro ne Gomoora kooro ne ba nɛra aa chwaa dɛɛ kaa la, ba bini bane kaa lee bɔɔne la bini asɛ koranar batoro la ɡe ne ba nɛra la chwa kaa bwejena la dor. 11Belaa koranar banaarɛ la pa Sodom ne Gomoora tena laala bwa ne ba kondikwaare bwa dɛ kpɔ kaa. 12Dɛ Abram nime bie Lɔt soɡe Sodom. Ba lawɔ dɛ pa o laala bwa ɡe ja.
13A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta. 14Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan. 15Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr. 16Abram berɔ lɛ laala la bwa, ne o lole Lɔt ne o laala ne o haahna baa laɡ ba ja o nɛɛ la, dɛ nɛra bwa baa laɡ ba ja la, dɛ ba bane.
Mɛlkesɛdɛk swee andɛɛɡa tɛ Abram
17Waa kaa yo Kooro Kedolaoma ne koranar baa ja o nɛɛ tonɛ la, o berɔ ba. O bala bini la, Sodom kooro kaa chemo fɛlembɔjen Savɛ ta. O sɔn bɛl ɡee Kooro Fɛlembɔjen.
18Belaa Salɛm#14:18 Salɛm sɔn bɛl ɡee Jerusalam. Kooro Mɛlkesɛdɛk, waa ɛ Nemenɛ Korowii sɔfo la kpɔ paanoo ne sen ba tɛo,#Hib 7:1-10; Mum 28:22 19dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ. 20Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.”
Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.
21Belaa Sodom kooro ŋɔ Abram be ŋɔ, “Kpɔ n nɛra tɛ mɛ dɛ́ kpɔ laala la bwa.”
22Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ, 23maa kapɛrɛ kɛɛ yakwara kɛɛ komɛlbwa waa ɛ he konee lɛ he be he ba ŋɔ, ‘Menee ɡela Abram dɔ kwa.’ 24Maa sɛh lɛ komɛlbwa nemenɛ anɔ la bonɔɔna la aa dia la. Baala baa ja n nɛɛ dɛ la laanee chɛ kɛŋɔ he tɛɛ ba ba bɔr. Banee Aner ne Ɛskɔl dɛ Mamre.”
Currently Selected:
Mumpar 14: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 14
14
Abram lɛɛ waa lɛ Lɔt
1A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro. 2Ba nyoa pɛo ba yo koranar banue bane. Banee nɔ. Sodom Kooro Bɛra, ne Gomoora Kooro Birsa ne Adma kooro Sinab ne Seboiim kooro Sɛmɛba dɛ Bɛla kooro. Bɛla nɔ sɔn bɛl ɡee Soar. 3Gɛ nɛmbele banue nɔ baa cheme Sidim Fɛlembɔjen ta. Ba berɔ dɛɛ yerɔ Yar Mpo taraken. 4Bene fi dɛ anɛ bwa dɛ ba lɔ kooro Kedolaoma lɔɡa dɛɛ tomɔ, asɛ bene fi dɛ atoro ta la, ba ɛɔ dɔm ŋɔ baa on tomɛ kpa.
5Asɛ bene fi dɛ anaarɛ ta la, Kedolaoma ne koranar bane baa ja o nɛɛ ka yo Refa tena baa lɔ Astarɔt Kanaim, ne Susi tena baa lɔ Ham, dɛ pɔ ba nɛ. Dɛ berɛ yo Emi tena ba harɛ bɛl waa chɔa dɛ kaa baa yerɛ bela Kiriataim ta dɛ pɔ ba nɛ. 6Ba yo nɛra bane ɡe baa dɛ yer ba Hɔr tena baa lɔ deŋɡarere harɛ Sɛɛ#14:6 Sɛɛ sɔn bɛl ɡee Edom. ta, dɛ kpɔ ka le bwɛɛ Ɛlparan waa bɛne pua hɛŋle ɡbo harɛ bɛl ta, dɛ pɔ ba nɛ. 7Ba berɔ laa berɛ dɛ yo ba Kades, o sɔn bɛl ɡee Ɛn Mispat. Ba yoo dɛ lɛ Amalɛk tena harɛ bwa, asɛ dɛ pɔ Amɔre tena baa soɡe Hasasɔn Taama la ɡe nɛ.
8Belaa Sodom kooro ne Gomoora kooro, ne Adma kooro ne Seboiim kooro, dɛ Bɛla baa bera dɛɛ yerɔ Soar kooro bwa boa ba laa tena nyoa, dɛ kaa Sidim Fɛlembɔjen ta ka yo 9Elam Kooro Kedolaoma ne Goiim Kooro Tidal ne Sina Kooro Amrafɛl dɛ Elasar Kooro Areɔk. Koranar banue ne koranar banaarɛɛ yoa. 10Dɛ Sidim Fɛlembɔjen la ɛ bɔɔne bɔɔne kootal su o bwa nomanta, Sodom kooro ne Gomoora kooro ne ba nɛra aa chwaa dɛɛ kaa la, ba bini bane kaa lee bɔɔne la bini asɛ koranar batoro la ɡe ne ba nɛra la chwa kaa bwejena la dor. 11Belaa koranar banaarɛ la pa Sodom ne Gomoora tena laala bwa ne ba kondikwaare bwa dɛ kpɔ kaa. 12Dɛ Abram nime bie Lɔt soɡe Sodom. Ba lawɔ dɛ pa o laala bwa ɡe ja.
13A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta. 14Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan. 15Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr. 16Abram berɔ lɛ laala la bwa, ne o lole Lɔt ne o laala ne o haahna baa laɡ ba ja o nɛɛ la, dɛ nɛra bwa baa laɡ ba ja la, dɛ ba bane.
Mɛlkesɛdɛk swee andɛɛɡa tɛ Abram
17Waa kaa yo Kooro Kedolaoma ne koranar baa ja o nɛɛ tonɛ la, o berɔ ba. O bala bini la, Sodom kooro kaa chemo fɛlembɔjen Savɛ ta. O sɔn bɛl ɡee Kooro Fɛlembɔjen.
18Belaa Salɛm#14:18 Salɛm sɔn bɛl ɡee Jerusalam. Kooro Mɛlkesɛdɛk, waa ɛ Nemenɛ Korowii sɔfo la kpɔ paanoo ne sen ba tɛo,#Hib 7:1-10; Mum 28:22 19dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ. 20Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.”
Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.
21Belaa Sodom kooro ŋɔ Abram be ŋɔ, “Kpɔ n nɛra tɛ mɛ dɛ́ kpɔ laala la bwa.”
22Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ, 23maa kapɛrɛ kɛɛ yakwara kɛɛ komɛlbwa waa ɛ he konee lɛ he be he ba ŋɔ, ‘Menee ɡela Abram dɔ kwa.’ 24Maa sɛh lɛ komɛlbwa nemenɛ anɔ la bonɔɔna la aa dia la. Baala baa ja n nɛɛ dɛ la laanee chɛ kɛŋɔ he tɛɛ ba ba bɔr. Banee Aner ne Ɛskɔl dɛ Mamre.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.