Mumpar 12
12
Korowii yera waa yerɛ Abram
1Awola bɛl, Korowii ŋɔ Abram be ŋɔ, “Ir, dɛ́ le harɛ haa soɡe o ta la ta, ásɛ dɛ bɛ he nɛra dawɛ, bɛ he mɛɛ buse nɛra ɡe dawɛ, dɛ́ kaa harɛ maa dɛ ba he baɡla nɔ ta.
2Mɛɛ ɡeloo he mun ya,
dɛ́ warɛ su harɛ ta bwa,
ásɛ dɛ tɛɛ hɛɛra.
Mɛɛ ɡeloo he sɔn le
ásɛ a che he nɛɛ nɛwɛnyina dɔ andɛɛɡa.#Gal 3:9
3Mɛɛ cha nɛra la baa soŋe andɛɛɡa dɛɛ tɛɛ la.
Nomɛlbwa waa taahnee la,
ɡɛɛ mɛɛ ba o ɡe taahna,
ásɛ a che he nɛ nɛwɛnyini bwa dɔ andɛɛɡa.”
4Anomanta, Abram iro dɛ kaa ɡɛ Korowii aa ŋɔ o be la. O lawɛ Lɔt ja o nɛ ba bwa kaa. Waa le Haran ɡɛ saŋ dɛɛ kaa la, dɛ o di bene fifraanuanɛ dɛ anue. 5O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.
6Baa tel Keenan la, Abram ɡaaɡe harɛ la ta dɛ ka tel dajen bɛl mun More, o lɔ bwɛjen Sɛkem, dɛɛ nyin wɛɛ tomɛ Korowii bela. A ɡɛ saŋ baa tel bela la, dɛ Keenan tena soɡe harɛ la ta. 7Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.”#Mum 13:15-16; Mma 34:4 Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa. 8Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii. 9Asɛ Abram berɛ le bela dɛ ir ka so bofale harɛ la tenten ta. Gɛɛ o so dɛɛ ir dɛ kpɔ sie chaɡɛ Nɛɡɛv pua hɛŋle ɡbo harɛ weekaŋle harɛbɔr.
Abram Ijipt harɛ ta ka soɡa wa
10A kaa ba kɛ lɔrchɔɡe bɛl o nyoa aa kpeɡa chole Keenan harɛ la ta. Asɛ o ir bela dɛ kaa Ijipt harɛ ta ka so. 11Baa dɛ kaa a ka tama ba tel Ijipt la, o ŋɔ o haah Sarai be ŋɔ “Gɛ haa wera tolo nɔ, 12dɛ ya jo bwɛɛ nɔ ta ba na n ne hen, dɛ jemɛ kɛŋɔ he jaaree men naa, baa kpo mɛɛ dɛ́ ɡele. 13Anomanta, ba pɛɛre ɡɛ naa, he ŋɔ ba be ŋɔ he dɔɔree men, ásɛ ba ɡel mɛ dɛ́ nyiŋ mɛ kɛrɛdɛ.”
14Abram aa jo Ijipt harɛ ta la, ba na o haah la kɛ o wer kpela. 15A ɡɛ saŋ la, Ijipt kooro#12:15 Ijipt kooro, ba dɛ yerɔ Faaro. nomonome nao kɛŋɔ haah la wer tolo, anomanta, ba kaa taa kooro la be asɛ o ɡel ba ka lawɔ ba o dem. 16Kooro la koh o waa dɛ nyiŋi Abram kɛrɛdɛ, asɛ dɛ lawɛ boohna ne peera ne nae ne nyoɡmare ne yoma dɛ keeɡore tɛo.
17Kɛ Korowii koh Sarai waa dɛ ɡel weechɔɡa ane ba le kooro la ne o dem tena bwa nɛ. 18Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ? 19Ɛrɛɛ he ŋɔ he nimambiee dɛ ɡel n kpɔɔ ɛ n haah nɔɔ? He haahnee la. Ba lawɔ, ásɛ dɛ kpɔɔ le kaa.” 20Kooro la ŋɔ o bonɔɔna be asɛ ba lawɔ le o harɛ la ta. O ne haah la ne komɛlbwa waa dɔa bwa.
Currently Selected:
Mumpar 12: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 12
12
Korowii yera waa yerɛ Abram
1Awola bɛl, Korowii ŋɔ Abram be ŋɔ, “Ir, dɛ́ le harɛ haa soɡe o ta la ta, ásɛ dɛ bɛ he nɛra dawɛ, bɛ he mɛɛ buse nɛra ɡe dawɛ, dɛ́ kaa harɛ maa dɛ ba he baɡla nɔ ta.
2Mɛɛ ɡeloo he mun ya,
dɛ́ warɛ su harɛ ta bwa,
ásɛ dɛ tɛɛ hɛɛra.
Mɛɛ ɡeloo he sɔn le
ásɛ a che he nɛɛ nɛwɛnyina dɔ andɛɛɡa.#Gal 3:9
3Mɛɛ cha nɛra la baa soŋe andɛɛɡa dɛɛ tɛɛ la.
Nomɛlbwa waa taahnee la,
ɡɛɛ mɛɛ ba o ɡe taahna,
ásɛ a che he nɛ nɛwɛnyini bwa dɔ andɛɛɡa.”
4Anomanta, Abram iro dɛ kaa ɡɛ Korowii aa ŋɔ o be la. O lawɛ Lɔt ja o nɛ ba bwa kaa. Waa le Haran ɡɛ saŋ dɛɛ kaa la, dɛ o di bene fifraanuanɛ dɛ anue. 5O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.
6Baa tel Keenan la, Abram ɡaaɡe harɛ la ta dɛ ka tel dajen bɛl mun More, o lɔ bwɛjen Sɛkem, dɛɛ nyin wɛɛ tomɛ Korowii bela. A ɡɛ saŋ baa tel bela la, dɛ Keenan tena soɡe harɛ la ta. 7Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.”#Mum 13:15-16; Mma 34:4 Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa. 8Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii. 9Asɛ Abram berɛ le bela dɛ ir ka so bofale harɛ la tenten ta. Gɛɛ o so dɛɛ ir dɛ kpɔ sie chaɡɛ Nɛɡɛv pua hɛŋle ɡbo harɛ weekaŋle harɛbɔr.
Abram Ijipt harɛ ta ka soɡa wa
10A kaa ba kɛ lɔrchɔɡe bɛl o nyoa aa kpeɡa chole Keenan harɛ la ta. Asɛ o ir bela dɛ kaa Ijipt harɛ ta ka so. 11Baa dɛ kaa a ka tama ba tel Ijipt la, o ŋɔ o haah Sarai be ŋɔ “Gɛ haa wera tolo nɔ, 12dɛ ya jo bwɛɛ nɔ ta ba na n ne hen, dɛ jemɛ kɛŋɔ he jaaree men naa, baa kpo mɛɛ dɛ́ ɡele. 13Anomanta, ba pɛɛre ɡɛ naa, he ŋɔ ba be ŋɔ he dɔɔree men, ásɛ ba ɡel mɛ dɛ́ nyiŋ mɛ kɛrɛdɛ.”
14Abram aa jo Ijipt harɛ ta la, ba na o haah la kɛ o wer kpela. 15A ɡɛ saŋ la, Ijipt kooro#12:15 Ijipt kooro, ba dɛ yerɔ Faaro. nomonome nao kɛŋɔ haah la wer tolo, anomanta, ba kaa taa kooro la be asɛ o ɡel ba ka lawɔ ba o dem. 16Kooro la koh o waa dɛ nyiŋi Abram kɛrɛdɛ, asɛ dɛ lawɛ boohna ne peera ne nae ne nyoɡmare ne yoma dɛ keeɡore tɛo.
17Kɛ Korowii koh Sarai waa dɛ ɡel weechɔɡa ane ba le kooro la ne o dem tena bwa nɛ. 18Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ? 19Ɛrɛɛ he ŋɔ he nimambiee dɛ ɡel n kpɔɔ ɛ n haah nɔɔ? He haahnee la. Ba lawɔ, ásɛ dɛ kpɔɔ le kaa.” 20Kooro la ŋɔ o bonɔɔna be asɛ ba lawɔ le o harɛ la ta. O ne haah la ne komɛlbwa waa dɔa bwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.