Ɛsekeɛl 27
27
Bwɛjen Taaya wiile
1Nemenɛ Korowii ŋɔ men Ɛsekeɛl be ŋɔ, 2“Nɛwɛnyini bie, taa wiile tɛ bwɛjen Taaya, 3ŋɔ bwɛjen waa lɔ mpo nyoa dɛ ɛ bonadibɔr tɛ nɛra baa lɔ mpo nyoa bobɛlbwa be ŋɔ men Nemenɛ Korowii ŋɔ,
‘Bwɛjen Taaya,
he ŋɔ he wer ka tonɛ.’
4Mpo nyoa he do.
Nɛra baa vɔrɔwe
ɡelɔ he do wer kohona
kɛŋɔ stiimae.
5Hɛmɔn Bwejen taa
ba le dakpeɡa ne
dɛ ba kwaare.
Dɛ le peleme daa ne Lɛbanɔn
dɛ ba kwaa dajaŋ yal
waa baŋre he ta la ta.
6Dajenaa ba kpɔ le Basan harɛ
ba ɛ he ŋwandaa,
dɛ kpɔ dakpeɡa ane ɡe le
Saepros, ne bala nyena,
dɛ ba kwaa he bini,
he do wer.
7Ijipt harɛ taa ba kpɔ
ŋwɛndɛɛɡe sɔh yapondɛɛɡe
waa baŋre
he doa dɛɛ kaa he ne la,
dɛ berɛ kpɔ ane ɛ he
fraŋkaa.
Saepros ekwi harɛ taa ba le
yaburum ne oŋkɔl
waa wera ne,
a tɔ he nɛɛ
dɛɛ tɛɛ chunchule.
8Bwɛjena Sidon ne Aavad
baalaa dɛɛ tawɛ.
He ɡbabir nɛra baa dɔ
he wejemaa jaa
dɛɛ nyiŋi he nɛ.
9Nɛmbena baa jemɛ
stiimaere kwaara kɛrɛdɛ
le Beblɔs,#27:9 Beblɔs sɔn bɛl ɡee Gebal. dɛ ja ba nɛ.
Nɛra baa le bobɛlbwa
dɛ kpɔ stiimae dɛɛ kpɔ
mpo ta balɔ
ba ne hɛɛ di bona.
10Pɛɛsea ne Lidia dɛ Put
harɛre baalaa ɛ he
laa tena.
Ba kpɔ kwaa baa kpɔa dɛɛ
tɔ ba te ɡbemɡbe, ne buni
ɡbɛrɛre saɡɛ
he danjwɛɛre ta,
dɛ ɡel he dɔ sɔn ne jirima.
11Bwɛjen Aavad ne Helɛk
harɛ baalaa dɛɛ nyiŋi
he danjwɛɛre ta,
asɛ Gamad baala ɛɛ daah
he dejaŋa ta.
Ba kpɔ kwaa baa kpɔa dɛɛ
tɔ ba te ɡbemɡbe
saɡre he danjwɛɛre ta,
dɛ ɡel he do wer ka tonɛ.
12He kondɔɔh kohona nomanta, bonadiire le Taases dɛ kpɔ suuɡapoŋa ne bune dɛ kpana, dɛ baa charɛ kwaa he be.#1Ko 10:22
13Bonadiire baa le Tubal ne Mɛsɛk dɛ Grik tena harɛre, kpɔ kwaa baa kpɔ ayaawa ɛa ne yoma ba charɛ he laala.
14Bonadiire baa le Bɛt Toɡama kpɔ jaɡre baa dɛ ɛ a ne toma, ne anɔ la baa dɛ la a ne laa, dɛ keeɡo neenanar ba charɛ he laala.
15He ne baala baa le Roods#27:15 Roods sɔn bɛl ɡee Dedan. di bona. He ne nɛra kɛrɛdɛ baa soɡe mpo nyoa ɡe di bona. Ba kpɔ bala nyena ne dadɛɛɡa ba charɛ kwaa he be.
16Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.
17Juda tena ne Israel tena ne he di bona. Ba kpɔ mea ne tohno ne ɔleve no, dɛ konsɔɔhsoma baa dɛ fɔɡla ba charɛ laala he be.
18Damaskɔs tena ne he di bona kwaa haa dɔa kohona la wa. Ba kpɔ sen le Hɛlbɔn, dɛ pee pona ɡe le Saha ba charɛ laala he be.
19Dan dea tena ne Grik tena baa le Usal kpɔ bune baa ɡuɡra dɛ choŋra, ne kalamus a sɔɔh a soma dɛ ɡel kondikwa ɛɛ do som, ba charɛ laala he be.
20Dedan tena ɡe kpɔ yale baa kpɔa dɛɛ dawɛ jaɡre nɛɛ dɛɛ so a ta, ba charɛ laala he be.
21Arab tena ne Keda harɛ ta koranar ne he di bona. Ba kpɔ pebiiri ne pebala dɛ boohna ba charɛ laala he be.
22Seeba tena ne Raama tena ne he di bona. Ba kpɔ konsɔɔhsoma bwa soo siwi aa wera kɛrɛdɛ ne bwedɛɛɡa a yoɡ aa kpeɡa, dɛ suuɡaswɛm ba charɛ laala he be.
23Bwɛjena ane baa dɛ yera Haran, ne Kanɛ, ne Eden, ne Seeba, ne Assur dɛ Kelmad ne he di bona. Ba kpɔ laala ba charɛ kwaa he be. 24Ba yoɡ yadɛɛɡa a yoɡ aa kpeɡa tɛɛ, yakɔle ne kwaa baa sɔah, ne kondɛɛɡa baa kpɔa dɛɛ pa harɛ dea, ne jisedɛɛɡa dɛ ɡboɡbie.
25Bwɛjen Taases stiimaeree
dɛɛ kpɔ he laala.
He do kɛŋɔ stiimae waa lɔ
mpo ta dɛɛ che bontɔɡa.
26Dɛ baala baa dɛ tawɛ la,
tawɛ kaa mpo baah ta naa,
peu ɛɛ tao le wee leebɔr
dɛ́ ba paɡre.
27He kondɔɔh ne laala haa
dɛ di a bona bwa,
nɛra baa dɛ ɛ toma
stiimae la bini bwa,
nɛra baa dɛ kwaaro
ne bonadiire,
dɛ laa tena te bwa
baa lɔ o bini
bwa sekwaraa
ɛɛ morɔɔ,
awola tɔpere stiimae la
aa paɡre la.
28Mpo nyoa harɛ ɛɛ jiɡruu,
nɛra baa dɛ nyiŋi stiimae
la ta aa dɛɛ wi la.
29Nɛra baa kpoŋe ŋwandaa la
bwa ɛɛ le
ba stiimaere binii,
ásɛ nɛra baa dɛ nyiŋi a ta
bwa le ba che baŋ.
30Baa dooɡe lɔŋɔree
dɛ́ wi kohona tɛɛ,
dɛ́ kpɔ teera do ba nyuune ta
dɛɛ ɡbili tɔɔ ta.
31Baa koh he waa fonɛ
ba nyuune,
dɛ́ kpɔ lweyale tɔ.
Baa wiu kohona tɛɛ lokua ne.
32Baa wi dɛɛ tɛɛ la,
baa taa wiilee tɛɛ ŋɔ,
‘Umee ya kpɔ bwɛjen Taaya
maɡɔɔ?
Mpo bɔle o ta o hel.’
33Haa kpɔ he laala haa dɛ di
a bona kpɔ mpo ta la,
he ɡelɔ harɛre tena
na som.
He ɡelɔ harɛ nɔ ta koranar
che he kondɔɔh kohona,
ne laala haa dɛ di a bona
ta dɛ dɔ ba te.
34Taraken, he paɡrɔ mpo ta,
dɛ chɔ vil bini.
He laala haa dɛ di a bona
ne he toma tena bwa
ja he nɛɛ mpo bini.
35Nomɛlbwa waa soɡe mpo
nyoa bwara yɔr he wa.
Hale ɔmee chole ba koranar
nɛɛ kohona.
Ba siebɔra nya bena.
36Bonadiire baa lɔ harɛre ta
dɛ chweere,
he paɡrɔ aa wola were,
he waa tonɛ kwaraa.”
Currently Selected:
Ɛsekeɛl 27: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 27
27
Bwɛjen Taaya wiile
1Nemenɛ Korowii ŋɔ men Ɛsekeɛl be ŋɔ, 2“Nɛwɛnyini bie, taa wiile tɛ bwɛjen Taaya, 3ŋɔ bwɛjen waa lɔ mpo nyoa dɛ ɛ bonadibɔr tɛ nɛra baa lɔ mpo nyoa bobɛlbwa be ŋɔ men Nemenɛ Korowii ŋɔ,
‘Bwɛjen Taaya,
he ŋɔ he wer ka tonɛ.’
4Mpo nyoa he do.
Nɛra baa vɔrɔwe
ɡelɔ he do wer kohona
kɛŋɔ stiimae.
5Hɛmɔn Bwejen taa
ba le dakpeɡa ne
dɛ ba kwaare.
Dɛ le peleme daa ne Lɛbanɔn
dɛ ba kwaa dajaŋ yal
waa baŋre he ta la ta.
6Dajenaa ba kpɔ le Basan harɛ
ba ɛ he ŋwandaa,
dɛ kpɔ dakpeɡa ane ɡe le
Saepros, ne bala nyena,
dɛ ba kwaa he bini,
he do wer.
7Ijipt harɛ taa ba kpɔ
ŋwɛndɛɛɡe sɔh yapondɛɛɡe
waa baŋre
he doa dɛɛ kaa he ne la,
dɛ berɛ kpɔ ane ɛ he
fraŋkaa.
Saepros ekwi harɛ taa ba le
yaburum ne oŋkɔl
waa wera ne,
a tɔ he nɛɛ
dɛɛ tɛɛ chunchule.
8Bwɛjena Sidon ne Aavad
baalaa dɛɛ tawɛ.
He ɡbabir nɛra baa dɔ
he wejemaa jaa
dɛɛ nyiŋi he nɛ.
9Nɛmbena baa jemɛ
stiimaere kwaara kɛrɛdɛ
le Beblɔs,#27:9 Beblɔs sɔn bɛl ɡee Gebal. dɛ ja ba nɛ.
Nɛra baa le bobɛlbwa
dɛ kpɔ stiimae dɛɛ kpɔ
mpo ta balɔ
ba ne hɛɛ di bona.
10Pɛɛsea ne Lidia dɛ Put
harɛre baalaa ɛ he
laa tena.
Ba kpɔ kwaa baa kpɔa dɛɛ
tɔ ba te ɡbemɡbe, ne buni
ɡbɛrɛre saɡɛ
he danjwɛɛre ta,
dɛ ɡel he dɔ sɔn ne jirima.
11Bwɛjen Aavad ne Helɛk
harɛ baalaa dɛɛ nyiŋi
he danjwɛɛre ta,
asɛ Gamad baala ɛɛ daah
he dejaŋa ta.
Ba kpɔ kwaa baa kpɔa dɛɛ
tɔ ba te ɡbemɡbe
saɡre he danjwɛɛre ta,
dɛ ɡel he do wer ka tonɛ.
12He kondɔɔh kohona nomanta, bonadiire le Taases dɛ kpɔ suuɡapoŋa ne bune dɛ kpana, dɛ baa charɛ kwaa he be.#1Ko 10:22
13Bonadiire baa le Tubal ne Mɛsɛk dɛ Grik tena harɛre, kpɔ kwaa baa kpɔ ayaawa ɛa ne yoma ba charɛ he laala.
14Bonadiire baa le Bɛt Toɡama kpɔ jaɡre baa dɛ ɛ a ne toma, ne anɔ la baa dɛ la a ne laa, dɛ keeɡo neenanar ba charɛ he laala.
15He ne baala baa le Roods#27:15 Roods sɔn bɛl ɡee Dedan. di bona. He ne nɛra kɛrɛdɛ baa soɡe mpo nyoa ɡe di bona. Ba kpɔ bala nyena ne dadɛɛɡa ba charɛ kwaa he be.
16Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.
17Juda tena ne Israel tena ne he di bona. Ba kpɔ mea ne tohno ne ɔleve no, dɛ konsɔɔhsoma baa dɛ fɔɡla ba charɛ laala he be.
18Damaskɔs tena ne he di bona kwaa haa dɔa kohona la wa. Ba kpɔ sen le Hɛlbɔn, dɛ pee pona ɡe le Saha ba charɛ laala he be.
19Dan dea tena ne Grik tena baa le Usal kpɔ bune baa ɡuɡra dɛ choŋra, ne kalamus a sɔɔh a soma dɛ ɡel kondikwa ɛɛ do som, ba charɛ laala he be.
20Dedan tena ɡe kpɔ yale baa kpɔa dɛɛ dawɛ jaɡre nɛɛ dɛɛ so a ta, ba charɛ laala he be.
21Arab tena ne Keda harɛ ta koranar ne he di bona. Ba kpɔ pebiiri ne pebala dɛ boohna ba charɛ laala he be.
22Seeba tena ne Raama tena ne he di bona. Ba kpɔ konsɔɔhsoma bwa soo siwi aa wera kɛrɛdɛ ne bwedɛɛɡa a yoɡ aa kpeɡa, dɛ suuɡaswɛm ba charɛ laala he be.
23Bwɛjena ane baa dɛ yera Haran, ne Kanɛ, ne Eden, ne Seeba, ne Assur dɛ Kelmad ne he di bona. Ba kpɔ laala ba charɛ kwaa he be. 24Ba yoɡ yadɛɛɡa a yoɡ aa kpeɡa tɛɛ, yakɔle ne kwaa baa sɔah, ne kondɛɛɡa baa kpɔa dɛɛ pa harɛ dea, ne jisedɛɛɡa dɛ ɡboɡbie.
25Bwɛjen Taases stiimaeree
dɛɛ kpɔ he laala.
He do kɛŋɔ stiimae waa lɔ
mpo ta dɛɛ che bontɔɡa.
26Dɛ baala baa dɛ tawɛ la,
tawɛ kaa mpo baah ta naa,
peu ɛɛ tao le wee leebɔr
dɛ́ ba paɡre.
27He kondɔɔh ne laala haa
dɛ di a bona bwa,
nɛra baa dɛ ɛ toma
stiimae la bini bwa,
nɛra baa dɛ kwaaro
ne bonadiire,
dɛ laa tena te bwa
baa lɔ o bini
bwa sekwaraa
ɛɛ morɔɔ,
awola tɔpere stiimae la
aa paɡre la.
28Mpo nyoa harɛ ɛɛ jiɡruu,
nɛra baa dɛ nyiŋi stiimae
la ta aa dɛɛ wi la.
29Nɛra baa kpoŋe ŋwandaa la
bwa ɛɛ le
ba stiimaere binii,
ásɛ nɛra baa dɛ nyiŋi a ta
bwa le ba che baŋ.
30Baa dooɡe lɔŋɔree
dɛ́ wi kohona tɛɛ,
dɛ́ kpɔ teera do ba nyuune ta
dɛɛ ɡbili tɔɔ ta.
31Baa koh he waa fonɛ
ba nyuune,
dɛ́ kpɔ lweyale tɔ.
Baa wiu kohona tɛɛ lokua ne.
32Baa wi dɛɛ tɛɛ la,
baa taa wiilee tɛɛ ŋɔ,
‘Umee ya kpɔ bwɛjen Taaya
maɡɔɔ?
Mpo bɔle o ta o hel.’
33Haa kpɔ he laala haa dɛ di
a bona kpɔ mpo ta la,
he ɡelɔ harɛre tena
na som.
He ɡelɔ harɛ nɔ ta koranar
che he kondɔɔh kohona,
ne laala haa dɛ di a bona
ta dɛ dɔ ba te.
34Taraken, he paɡrɔ mpo ta,
dɛ chɔ vil bini.
He laala haa dɛ di a bona
ne he toma tena bwa
ja he nɛɛ mpo bini.
35Nomɛlbwa waa soɡe mpo
nyoa bwara yɔr he wa.
Hale ɔmee chole ba koranar
nɛɛ kohona.
Ba siebɔra nya bena.
36Bonadiire baa lɔ harɛre ta
dɛ chweere,
he paɡrɔ aa wola were,
he waa tonɛ kwaraa.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.