Ɛsekeɛl 2
2
Korowii yera waa yerɛ Ɛsekeɛl
1Korowii ŋɔ n be ŋɔ, “Nɛwɛnyini bie, ir che ásɛ n bol waa he be.” 2Waa dɛ bol waa la, o Doma baa so n nɛ dɛ ɡɔɔ mɛ ir che, asɛ mɛɛ no o wobol la.
3Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini. 4Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol. 5Ba no he be kɛɛ ba ta he be noɛ yoo, ba ɛ deŋnekpeɡ tena wubwa, kɛ baa jemɔɔ kɛŋɔ Korowii keame ba ba be. 6Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.#Jer 1:8 7Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa. 8Kɛ hen nɛwɛnyini bie, dɛɛ no waa maa dɛ bol he be nɔ. Bɛ deŋnekpeɡ ɛ kɛ ban. Hah nyoa dɛ́ lɛ kwaa maa kpɔa dɛɛ tɛɛ nɔ di.”
9Belaa n nyiŋi dɛ na nɔn bɛl aa tɛra ba n be asɛ dɛ kpoŋe tɔn, 10dɛ paɡru n sie. Dɛ ba chwerɛ wiile, wii ne wenaale waa do o sie ne o habɔɔ.
Currently Selected:
Ɛsekeɛl 2: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 2
2
Korowii yera waa yerɛ Ɛsekeɛl
1Korowii ŋɔ n be ŋɔ, “Nɛwɛnyini bie, ir che ásɛ n bol waa he be.” 2Waa dɛ bol waa la, o Doma baa so n nɛ dɛ ɡɔɔ mɛ ir che, asɛ mɛɛ no o wobol la.
3Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini. 4Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol. 5Ba no he be kɛɛ ba ta he be noɛ yoo, ba ɛ deŋnekpeɡ tena wubwa, kɛ baa jemɔɔ kɛŋɔ Korowii keame ba ba be. 6Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.#Jer 1:8 7Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa. 8Kɛ hen nɛwɛnyini bie, dɛɛ no waa maa dɛ bol he be nɔ. Bɛ deŋnekpeɡ ɛ kɛ ban. Hah nyoa dɛ́ lɛ kwaa maa kpɔa dɛɛ tɛɛ nɔ di.”
9Belaa n nyiŋi dɛ na nɔn bɛl aa tɛra ba n be asɛ dɛ kpoŋe tɔn, 10dɛ paɡru n sie. Dɛ ba chwerɛ wiile, wii ne wenaale waa do o sie ne o habɔɔ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.