Ɛsekeɛl 14
14
Korowii voɡtoroma chɔɡa
1Israel nomonome la bane ba men Ɛsekeɛl be, dɛ ba bɔɔ mɛ waa Korowii aa dɛ nyin. 2Belaa Korowii bol waa n be ŋɔ, 3“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ? 4Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ. 5Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’
6Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.
7Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo. 8N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.
9N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini. 10Naate waa la ɡɛ keame la be la ne keame la bwa di bolchɔɡe, mɛɛ tɛr ba bwa deŋnee. 11Anee dɛ́ ɡel Israel tena berɛ ba n be, dɛ́ ɡel wechɔɡa ta teŋa, dɛ bɛ doŋa kpɔ kah ba te. Baa ɛɛ n nɛraa, ásɛ n ɛ Korowii baa dɛɛ tom mɛ. Men Nemenɛ Korowiirii bola.’ ”
Nomɛlbwa aa Korowii bole pae nyoa le
12Korowii berɔ ŋɔ men Ɛsekeɛl be ŋɔ, 13“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe. 14Hale dɛ Nowa#Mum 6:9 ne Danɛl#14:14 Korowii keame Daneɛl la laa. Danɛl nɔ ɛ saŋ la nomoa bɛl o wa aa toɡra. dɛ Job#Job 1:1 ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.
15Kɛɛ dɛ n kpɔ kpɔɡ bini olchɔɡa ba harɛ la ta, a ba kpoo nɛra baa lɔ o ta o chɔ pɛɛ, a ɡel nɛra ɛɛ ɔmɛ o ta kpɔe yaa, 16hale dɛ ɡɛ baala batoro nɔ lɔ harɛ la ta naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu, kɛ harɛ la te bwa ɛɛ chɔ pɛɛ.
17Kɛɛ dɛ n kpɔ laa tena ba harɛ la ta tena nɛ, ba kpɔ dɔmkwaa ba kpoo nɛra ne kondɛɛra bwa le o ta, 18hale dɛ baala batoro la lɔ o ta kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu.
19Kɛɛ dɛ n kpɔ weechɔɡa ta ba harɛ la ta, dɛ kpɔ bandia kohona kpoo nɛra ne kondɛɛra bwa, 20hale dɛ Nowa ne Daneɛl dɛ Job lɔ bela kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa wona ba dɛ́ lɛ ba bibaala kɛɛ bihaahna. Ba ɡboo dɛ́ won dɔ ba nyu ba wedɛɛɡa wa.”
21Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa. 22Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta. 23Hɛɛ nao kɛŋɔ aŋwɛnɛ taa n ɛɛ ba ɡɛ. Men Nemenɛ Korowiirii bola.”
Currently Selected:
Ɛsekeɛl 14: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 14
14
Korowii voɡtoroma chɔɡa
1Israel nomonome la bane ba men Ɛsekeɛl be, dɛ ba bɔɔ mɛ waa Korowii aa dɛ nyin. 2Belaa Korowii bol waa n be ŋɔ, 3“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ? 4Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ. 5Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’
6Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.
7Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo. 8N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.
9N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini. 10Naate waa la ɡɛ keame la be la ne keame la bwa di bolchɔɡe, mɛɛ tɛr ba bwa deŋnee. 11Anee dɛ́ ɡel Israel tena berɛ ba n be, dɛ́ ɡel wechɔɡa ta teŋa, dɛ bɛ doŋa kpɔ kah ba te. Baa ɛɛ n nɛraa, ásɛ n ɛ Korowii baa dɛɛ tom mɛ. Men Nemenɛ Korowiirii bola.’ ”
Nomɛlbwa aa Korowii bole pae nyoa le
12Korowii berɔ ŋɔ men Ɛsekeɛl be ŋɔ, 13“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe. 14Hale dɛ Nowa#Mum 6:9 ne Danɛl#14:14 Korowii keame Daneɛl la laa. Danɛl nɔ ɛ saŋ la nomoa bɛl o wa aa toɡra. dɛ Job#Job 1:1 ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.
15Kɛɛ dɛ n kpɔ kpɔɡ bini olchɔɡa ba harɛ la ta, a ba kpoo nɛra baa lɔ o ta o chɔ pɛɛ, a ɡel nɛra ɛɛ ɔmɛ o ta kpɔe yaa, 16hale dɛ ɡɛ baala batoro nɔ lɔ harɛ la ta naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu, kɛ harɛ la te bwa ɛɛ chɔ pɛɛ.
17Kɛɛ dɛ n kpɔ laa tena ba harɛ la ta tena nɛ, ba kpɔ dɔmkwaa ba kpoo nɛra ne kondɛɛra bwa le o ta, 18hale dɛ baala batoro la lɔ o ta kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu.
19Kɛɛ dɛ n kpɔ weechɔɡa ta ba harɛ la ta, dɛ kpɔ bandia kohona kpoo nɛra ne kondɛɛra bwa, 20hale dɛ Nowa ne Daneɛl dɛ Job lɔ bela kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa wona ba dɛ́ lɛ ba bibaala kɛɛ bihaahna. Ba ɡboo dɛ́ won dɔ ba nyu ba wedɛɛɡa wa.”
21Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa. 22Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta. 23Hɛɛ nao kɛŋɔ aŋwɛnɛ taa n ɛɛ ba ɡɛ. Men Nemenɛ Korowiirii bola.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.